🙂Сенат Спикері Мәулен Әшімбаевтың төрағалығымен Палата Бюросының отырысы өтті. Онда депутаттар 6 ақпанда өтетін Сенат отырысының күн тәртібін белгіледі.

Бюро отырысын ашқан Мәулен Әшімбаев Қазақстан қазір елді одан әрі үдемелі дамытуға бағытталған ауқымды өзгерістердің алдында тұрғанын атап өтті.

«Қазіргі таңда Президентіміз Қасым-Жомарт Кемелұлы Тоқаевтың бастамасымен елімізде конституциялық реформалар жүргізіліп жатыр. Олар «Күшті Президент – ықпалды Парламент – есеп беретін Үкімет» тұжырымдамасын жүзеге асыруды көздейтін ауқымды жаңғырту стратегиясының маңызды бөлігі. Нәтижесінде елдің бүкіл саяси жүйесінің тиімділігі, ашықтығы мен белсенділігі артады. Сондай-ақ саяси ықпал мен жоғары өкілді органның рөлі күшейтіледі. Осыған байланысты елдің жаңа Конституциясының мәтіні дайындалып, жарияланды. Жаңа Ата Заң азаматтардың, қоғамдық институттардың, саяси партиялар мен заңгерлердің ұсыныстары негізінде әзірленді. Комиссия отырыстарында ашық әрі мазмұнды талқылаулар болды. Жаңа Конституция еліміздің ұзақ мерзімді дамуының негізін қалайды»,

– деді Мәулен Әшімбаев.

Толығырақ

🚀@senate_kz

🇰🇿🇦🇪Сенат Төрағасы Мәулен Әшімбаев БАӘ Федералды Ұлттық Кеңесінің Төрағасы Сакр Әл-Гобашпен кездесті. Тараптар стратегиялық серіктестікті кеңейту, парламентаралық ынтымақтастықты дамыту және цифрландыру саласындағы өзара іс-қимыл мәселелерін талқылады. Екі елдің бейбітшілік пен тұрақтылыққа қатысты ұстанымдары үндес.

🙂Мәулен Әшімбаев Қазақстан Президенті Қасым-Жомарт Тоқаевтың БАӘ-мен қарым-қатынасты нығайтуға ерекше мән беретінін жеткізді. Президент Әмірліктерді сенімді серіктес деп санайды. Қазақстан мен БАӘ дәстүр мен мәдениетті сақтай отырып, инновация мен ашықтыққа негізделген ортақ даму жолын ұстанады.

🚀@senate_kz

🙂Мәулен Әшімбаев шейх Заид атындағы «Адамзат бауырластығы» сыйлығы аясында өткен «Болашақ ұрпақ алдындағы уәде» дөңгелек үстеліне қатысты. Ол Қазақстанның бейбітшілік пен конфессияаралық диалог құндылықтарын ілгерілету тәжірибесіне тоқталды.

Сондай-ақ, Әлемдік және дәстүрлі діндер көшбасшылары съезінің қызметі мен «Астана бейбітшілік декларациясы – 2025» құжатының маңыздылығын атап өтті. Мәулен Әшімбаев Қазақстанның жаһандық бейбітшілік қозғалысын қолдайтынын және өзара түсіністік пен ынтымақтастықты нығайтуға дайын екенін білдірді.

🚀@senate_kz