🙂 Сенат Төрағасы Мәулен Әшімбаев Шығыс Қазақстан облысына жұмыс сапары барысында мәслихат депутаттары, жергілікті тұрғындар және этномәдени бірлестіктер өкілдерімен кездесті. Барлық кездесу «Жаңа Конституция – ұзақмерзімді дамудың берік негізі» тақырыбына арналды.

Кездесу барысында Сенат Төрағасы жаңа Конституция реформалардың нақты нәтижесі екенін, саяси институттарды жаңғыртып, Қазақстанның тиімді әрі заманауи басқару үлгісіне кезең-кезеңімен өтуін қамтамасыз ететінін атап өтті. Сондай-ақ экологиялық нормалар өңірдің дамуы мен халық денсаулығын қорғауда стратегиялық маңызға ие екені және олар инновациялық технологияларды енгізуге мүмкіндік беретіні айтылды.

🚀@senate_kz

🙂 Сенат Төрағасы Мәулен Әшімбаев Шығыс Қазақстан облысының белсенді жастарымен және этномәдени бірлестіктер өкілдерімен кездесіп, жаңа Конституциядағы өзгерістер елдің ұзақмерзімді дамуы мен қауіпсіздігіне қалай әсер ететінін талқылады. Кездесуде жастардың қоғамдық-саяси үдерістерге белсенді қатысуы, бастамашылдығы және кәсіби қабілеті реформалардың табысты жүзеге асуына тікелей ықпал ететіні айтылды.

Сенат Төрағасы сондай-ақ, жас мамандардың талдау қабілетін жетілдіруге бағытталған Сарапшылар клубы мен Талдау мектебінің қызметіне тоқталды.

🚀@senate_kz