Сенатта радиоактивті қалдықтармен жұмыс істеу, атом саласын дамыту және жер қойнауын пайдалану мәселелеріне қатысты заңдардың таныстырылымы өтті.

Талқылау барысында радиоактивті қалдықтармен жұмыс істеудің кешенді жүйесін қалыптастыру, ядролық және радиациялық қауіпсіздікті қамтамасыз ету, сондай-ақ қоршаған орта мен халық денсаулығын қорғау мәселелері қаралды.

Сонымен қатар радиоактивті қалдықтарды есепке алу мен бақылаудың бірыңғай мемлекеттік жүйесін енгізу және оларды жинау, тасымалдау, қайта өңдеу, сақтау мен көму жұмыстарын жүзеге асыратын Ұлттық оператор институтын құру мәселелеріне назар аударылды.

🚀@senate_kz

🙂Сенатта Аграрлық мәселелер, табиғатты пайдалану және ауылдық аумақтарды дамыту комитетінің мүшелері Әли Бектаевтың төрағалығымен әлеуметтік-кәсіпкерлік корпорациялардың азық-түлік қауіпсіздігін қамтамасыз ету және агроөнеркәсіп кешенін дамытудағы рөлі талқыланды.

Кездесуде ӘКК-лерді өңірлік даму институты ретінде дамыту, ауыл шаруашылығы жобаларын қаржыландыру, инвестиция тарту және әлеуметтік маңызы бар азық-түлік тауарлары бағасының тұрақтылығын қамтамасыз ету мәселелері қаралды.

Сенаторлар ӘКК қызметінің ашықтығын арттыру, корпоративтік басқаруды жетілдіру және агроөнеркәсіп кешенін тұрақты дамытуға бағытталған тиімді тетіктерді одан әрі жетілдіру қажеттігін атап өтті.

🚀@senate_kz

🙂Сенаттың Әлеуметтік-мәдени даму және ғылым комитетінде Нұртөре Жүсіптің төрағалығымен «Психологиялық қызмет туралы» заң қаралды.

Құжат психологиялық көмектің сапасы мен қолжетімділігін арттыруға, азаматтардың құқықтарын қорғауға және сала қызметін құқықтық тұрғыдан реттеуге бағытталған. Заңда психологтардың кәсіби даярлығы мен біліктілігіне қойылатын талаптар айқындалған.

Сонымен қатар кәсіби стандарт пен Әдеп кодексін енгізу, мемлекеттік психологтар тізілімін құру және психологиялық қызмет көрсету сапасын арттыру тетіктері қарастырылған.

🚀@senate_kz