🙂Бүгін Сенат Спикері Мәулен Әшімбаевтың төрағалығымен Палата отырысы өтті. Күн тәртібінде заңдар қаралып, депутаттық сауалдар жолданды.

Сенаторлар Қазақстан Үкіметі мен OPEC Халықаралық даму қоры арасындағы келісімді ратификациялау туралы заңды мақұлдады. Құжат жеке сектор жобаларын қаржыландыру мен инвестициялық ынтымақтастықты дамытуға бағытталған.

Сондай-ақ күзет қызметі, қару айналымы және құқық қорғау органдары қызметіне қатысты заң қаралды. Оның нормалары мемлекеттік бақылауды күшейтуге және тұрғын үй төлемдері тетіктерін жетілдіруге арналған.

Толығырақ

🚀@senate_kz

Бүгін Сенатта «Ұлттық мүдде» диалог алаңының «Саяси жаңғыру: Әділетті Қазақстанның конституциялық моделі» тақырыбына арналған отырысы өтті.

🙂Сенат Төрағасы Мәулен Әшімбаев отырысқа қатысушыларға ілтипат білдіріп, Мемлекет басшысының бастамасымен қолға алынған ауқымды конституциялық өзгерістер мемлекеттілікті дамытудың жаңа кезеңіне өту үшін жасалған қадам және қоғамның саяси жүйені жаңартуға қатысты сұранысына берілген жауап екенін атап өтті. Сондай-ақ ол бұл белгілі бір салалардағы өзгерістер емес, мемлекеттік модельдің мазмұны мен жұмыс істеу қағидаттарын түбегейлі қайта қарау екенін тілге тиек етті.

«Президентіміз Қасым-Жомарт Кемелұлы Тоқаев Ұлттық құрылтайдың жуырда өткен отырысында ауқымды конституциялық реформалар туралы айтты. Мемлекет басшысы Қазақстанның мемлекеттік құрылысының жаңа кезеңі басталатынын жеткізді. Бұл саяси жүйемізге тек түзетулер мен толықтырулар енгізу деген сөз емес. Шын мәнінде, бұл әлемдегі қазіргі сын-қатерлерге бейімделу арқылы түбегейлі жаңғыруға қадам басу екені анық. Сондықтан, осындай маңызды сәтте бірлігімізді бекемдеп, Мемлекет басшысы ұсынған өзгерістерді жүзеге асыруда жұдырықтай жұмылу айрықша мәнге ие»,

– деді Мәулен Әшімбаев.

Толығырақ

🚀@senate_kz