🙂Сенатор Нұрлан Бекназаров 16-18 ақпан аралығында Жамбыл, Түркістан облыстары мен Шымкент қаласында жаңа Конституция жобасын түсіндіру бойынша өңірлік кездесулер өткізді. Жұмыс сапары барысында тұрғындар, жұртшылық, ғылыми және мәдени қауымдастық өкілдері, еңбек ұжымдары мен студент жастармен диалог ұйымдастырылды.

Сенатор жаңа Конституция жобасының негізгі ережелерін, оның ішінде сөз бостандығын, зияткерлік меншікті қорғау, отбасы институтын нығайту және мемлекеттің институционалдық негіздерін жетілдіру бағыттарын түсіндірді. Сонымен қатар азаматтарды алдағы референдумға белсенді қатысуға шақырды.

Толығырақ

🚀@senate_kz

Сенаттың Әлеуметтік-мәдени даму және ғылым комитеті «Жастардың психикалық саулығы: алдын алу және қолдау» тақырыбында дөңгелек үстел өткізді. Қатысушылар психологиялық көмек жүйесін дамыту, жасөспірімдер мен жастар арасындағы дағдарыстың алдын алу және мекемеаралық өзара іс-қимылды жетілдіру мәселелерін талқылады.

🙂Комитет төрағасы Нұртөре Жүсіп жастардың психикалық саулығы ұлттық дамудың маңызды факторы екенін атап өтті. Ол психологиялық қолдаудың қолжетімді әрі жүйелі болуы, дабыл белгілерін уақытында анықтау және профилактика шараларын күшейту қажеттігін айтты. Кездесуде мектеп психологтарының рөлі, отбасы мен қоғамның қолдауы, сондай-ақ ақпараттық кеңістіктегі қауіпті контентті шектеу мәселелері көтерілді.

Толығырақ

🚀@senate_kz

🙂Сенатор Руслан Рүстемов өңірге жұмыс сапары аясында Исатай Әбдікәрімов атындағы жоғары политехникалық колледж ұжымымен кездесті.

Кездесуде жаңа Конституция жобасының негізгі ережелері мен алдағы республикалық референдумның маңызы түсіндіріліп, конституциялық өзгерістер азаматтардың құқықтары мен бостандықтарының кепілдігін күшейтуге және мемлекет пен қоғам арасындағы сенімді нығайтуға бағытталғаны айтылды.

Сондай-ақ техникалық және кәсіптік білім берудің экономиканы дамытудағы рөлі мен білікті кадр даярлаудың маңыздылығына назар аударылды.

Толығырақ

🚀@senate_kz

«Талдау» жобасы аясында ҚР Президентінің көмекшісі, Конституциялық комиссияның мүшесі Қуанышбек Есекеевтің конституциялық реформаға және азаматтардың цифрлық құқықтарын қорғаудың жаңа үлгісін қалыптастыруға арналған дәрісі өтті. Байланыс құқығына кепілдік беру, ақпаратқа қол жеткізу және жаңартылған құқық келбетінің ажырамас бөлшегі ретінде дербес деректерді қорғау кездесудің басты тақырыбы болды.

Қуанышбек Есекеевтің айтуынша, қазіргі заманғы Конституция цифрлық дәуірдің шындығын ескеруі тиіс. Ол адамның байланыс құқығын, ақпаратқа қол жеткізу құқығын және дербес деректердің сақталу құқығын негізгі құқықтардың қатарына жатқызды. ХХІ ғасырдың негізгі ресурсына айналатын және нақты құқықтық реттеуді қажет ететін деректер екендігіне ерекше назар аударылды.

Толығырақ

🚀@senate_kz