🙂 Сенат Спикері Мәулен Әшімбаевтың төрағалығымен Палата отырысы өтті. Сенаторлар күн тәртібіндегі бірқатар заңды қарап, депутаттық сауалдарын жолдады.

Сенаторлар Қазақстан мен Оман арасындағы қосарланған салық салуды болдырмау туралы келісімді ратификациялады. Құжат екі ел арасындағы экономикалық ынтымақтастықты нығайтып, инвестициялық тартымдылықты арттыруға бағытталған.

Сондай-ақ ЕАЭО мен үшінші елдер арасындағы кедендік транзиттің бірыңғай жүйесі туралы келісім мақұлданды. Бұл қадам Қазақстанның транзиттік хаб ретіндегі әлеуетін күшейтуге мүмкіндік береді.

Палатада сыбайлас жемқорлыққа қарсы іс-қимыл мәселелері бойынша заңдар да қаралды. Түзетулер мүдделер қақтығысының алдын алу, кадрлық процестерді цифрландыру және ішкі бақылауды күшейтуге бағытталған.

Бұдан бөлек, педагог мәртебесі, білім беру, денсаулық сақтау және бала құқықтарын қорғау мәселелеріне қатысты заңдар екі оқылымда мақұлданды. Заңдар педагогтердің құқықтарын қорғауды күшейтіп, білім беру мен денсаулық сақтау саласындағы тетіктерді жетілдіруді көздейді.

🚀@senate_kz

Сенатта Халықаралық қатынастар, қорғаныс және қауіпсіздік комитетінің кеңейтілген отырысы өтті. Онда арнаулы мемлекеттік органдардың қызметін жетілдіруге қатысты заңдар қаралды.

Түзетулер дағдарыс және төтенше жағдайларға жедел әрекет ету тетіктерін күшейтуге, терроризм мен экстремизмге қарсы іс-қимылды жетілдіруге бағытталған.

Сондай-ақ мемлекеттік құпияларды қорғау, мекемеаралық өзара іс-қимылды дамыту және ішкі процестерді цифрландыру мәселелері қамтылды.

Бұдан бөлек, арнаулы мемлекеттік органдар қызметкерлері мен олардың отбасы мүшелерінің әлеуметтік және құқықтық қорғалуын күшейтуге қатысты нормалар талқыланды.

🚀@senate_kz

Токиода Азия елдері қазақтарының шағын құрылтайы өтті. Іс-шараға Сенат депутаты Бибигүл Жексенбай қатысып, Сенат Төрағасы Мәулен Әшімбаевтың құттықтауын жеткізді.

Кездесу барысында шетелдегі отандастармен байланысты нығайту, қазақ тілін, ұлттық мәдениет пен дәстүрді сақтау мәселелері талқыланды.

🙂Бибигүл Жексенбай шетелдегі қазақтар тарихи Отанмен рухани байланысты сақтауда маңызды рөл атқаратынын атап өтті.

Сондай-ақ құрылтайда Азия елдері қазақтарының кеңесін құру бастамасы көтеріліп, мәдени-гуманитарлық ынтымақтастықты дамыту мәселелері сөз болды.

🚀@senate_kz

Астанада Сенат пен Ұлттық банктің ақша-кредит саясатына арналған бірлескен білім беру курсы басталды. Семинардың ашылуында тыңдаушыларға Сенат Төрағасы Мәулен Әшімбаев пен Ұлттық банк Төрағасы Тимур Сүлейменов дәріс оқыды.

Курс аясында қатысушылар макроэкономика, инфляция, ақша-кредит және фискалдық саясаттың өзара байланысы, сондай-ақ экономикалық модельдеу мәселелерін зерделейді.

🙂Мәулен Әшімбаев Президент Қасым-Жомарт Тоқаевтың макроэкономикалық тұрақтылық пен тиімді ақша-кредит саясатына ерекше мән беретінін атап өтті.

Биыл семинарға 80 адам қатысып отыр. Бағдарлама алғаш рет экономикалық талдауда жасанды интеллектіні қолдану тақырыбымен толықтырылды.

🚀@senate_kz