🙂Сенат Төрағасы Мәулен Әшімбаевтың төрағалығымен өткен Палата отырысында сенаторлар жаңа Конституцияның нормаларын іске асыруға бағытталған бірқатар заңдарды мақұлдап, халықаралық келісімдерді ратификациялады.

Атап айтқанда, жаңа Конституцияның қабылдануына байланысты рақымшылық жасау туралы заң, сондай-ақ газбен жабдықтау, электр энергетикасы, әскери қызметшілердің құқықтық жағдайын жетілдіру, машина жасау, цифрландыру, телекоммуникациялар, атқарушылық іс жүргізу, аңшылық және ара шаруашылығы салаларына қатысты заңдар қолдау тапты.

Сонымен қатар отырыста Қазақстан – Өзбекстан мемлекеттік шекарасының режимі туралы келісім және БҰҰ-ның Орталық Азия мен Ауғанстан үшін Орнықты даму мақсаттары жөніндегі өңірлік орталығын құруға қатысты халықаралық құжаттар ратификацияланды. Бұл шешімдер еліміздің заңнамасын жетілдіруге және халықаралық ынтымақтастықты нығайтуға бағытталған.

🚀@senate_kz