🙂Сенат Төрағасы Мәулен Әшімбаев Қырғыз Республикасы Жогорку Кенешінің Төрағасы Марлен Маматалиевпен кездесті. Тараптар Қазақстан мен Қырғызстан арасындағы парламентаралық ынтымақтастықты одан әрі дамыту мәселелерін талқылады.

Кездесу барысында Мәулен Әшімбаев Мемлекет басшысы Қасым-Жомарт Тоқаевтың бастамасымен жүзеге асырылып жатқан реформаларға тоқталып, жаңа Конституцияның қабылдануы мемлекеттілікті нығайтуға, азаматтардың құқықтарын қорғауға және елдің орнықты дамуына негіз болғанын атап өтті.

Сонымен қатар тараптар жоғары деңгейде қол жеткізілген келісімдерді заңнамалық тұрғыдан қамтамасыз ету, сауда-экономикалық байланыстарды кеңейту, цифрландыру және өңіраралық ынтымақтастықты дамыту мәселелерін талқылады.

🚀@senate_kz

🙂Сенат Төрағасы Мәулен Әшімбаев NU университетінің түлектеріне диплом тапсыру рәсіміне қатысып, жас мамандарды оқуын аяқтауымен құттықтады.

Палата Спикері Мемлекет басшысы Қасым-Жомарт Тоқаевтың бастамасымен елімізде ауқымды реформалар жүзеге асырылып жатқанын атап өтіп, Әділетті және Прогрессивті Қазақстанды құру жолында білімді, білікті әрі жауапты жастардың рөлі ерекше екенін айтты.

Сондай-ақ Мәулен Әшімбаев NU университетінің ғылым мен инновацияны дамытудағы үлесіне тоқталып, кәсіби біліктілік, дұрыс құндылықтар мен үздіксіз өзін-өзі дамыту табысты мансаптың негізі екенін атап өтті.

🚀@senate_kz

Сенатта радиоактивті қалдықтармен жұмыс істеу, атом саласын дамыту және жер қойнауын пайдалану мәселелеріне қатысты заңдардың таныстырылымы өтті.

Талқылау барысында радиоактивті қалдықтармен жұмыс істеудің кешенді жүйесін қалыптастыру, ядролық және радиациялық қауіпсіздікті қамтамасыз ету, сондай-ақ қоршаған орта мен халық денсаулығын қорғау мәселелері қаралды.

Сонымен қатар радиоактивті қалдықтарды есепке алу мен бақылаудың бірыңғай мемлекеттік жүйесін енгізу және оларды жинау, тасымалдау, қайта өңдеу, сақтау мен көму жұмыстарын жүзеге асыратын Ұлттық оператор институтын құру мәселелеріне назар аударылды.

🚀@senate_kz