Marjonani A sertifikatdan 0,02 ball ajratib turibdi. Lekin 2-3 oy tayyorgarlik uchun zoʻr natija. Alhamdulillah. Alloh hayrli va davomli qilsin . Bizda natijalar gapiradi.
Ustoz: Sarvinoz Nazarova

Shahobiddin Familiyasiga mos qahramonlik koʻrsatdi. Biz ushbu yuksak natija bilan tabriklab, davomli qilishini tilaymiz. Alhamdulillah. Alloh hayrli va davomli qilsin. Bizda natijalar gapiradi
Ustoz: Sarvinoz Nazarova

Sentyabr oyidan oʻqishni boshlaganlar uchun yomon emasa

Bu sahnada men ham meni o’quvchim ham hozircha yo’q , lekin InShaa’Alloh bo’ladi , avval o’zim zo’r ustoz , mentor va kuchli Xalqaro trener bo’lsam , keyin o’quvchilarim ham nasib !

@abdullaxatovs

Ha albatta bu niyat beriladigan pullar uchun emas , niyat pulda bo’lsa ham bu natijalarga erishish mumkin , lekin nimasi yaxshi ?

Niyat shunday o’quvchi , shogird tayyorlay olish , O’zbekiston sharafini men va o’quvchim bilan himoya qilish ,bu natija va yutuq keyinchalik menga ham, o’quvchimga ham katta imkoniyatlar beradi.

Ilm muhim , status muhim , pul ham albatta , lekin u oxirida o’zi keladi va u dastlabki emas , so’ngi ruhlantiruvchi ko’mak bo’lishi kerak!

Boshqa ishlarda ham shunday , niyatni to’g’rilab oling , agar kengroq niyat qilsangiz ko’prog’iga erishasiz. Zero, amallar niyatlarga bog’liqdir!

@abdullaxatovs

Shogirdim bilan suhbat.

— Nega ko‘pincha xomush yurasan?

— Ko‘p xatolar qilganman.
Shularni eslasam, xafa bo‘laman.

— Masalan?

— Ota-onamni ko‘p xafa qilganman.
Ustozimni yig‘latganman.
O‘g‘irlik qilganman.

— Tushunarli.
Senga savol.
Mashinalarda orqa oynalar nima uchun qo‘yilgan?

— Orqadagi mashinalarni ko‘rib turish uchun.

— Nega orqadagi mashinalarni ko‘rib turish kerak?

— Avariya qilmaslik uchun.

— Agar haydovchi uzoq vaqt faqat orqa oynaga qarab yursa, nima bo‘ladi?

— Avariya bo‘ladi.

— Demak, tushunding.
Orqaga ba’zan qaraladi.
Ibrat olish uchun.
Xatoni takrorlamaslik uchun.

Lekin kim doim orqaga qarab yashasa, yo‘ldan chiqadi.

Sen xato qilmaslikka buyurilmagansan.
Sen tavba qilishga buyurilgansan.

Sen to‘xtab qolishga emas, to‘g‘rilanib yurishga buyurilgansan.

Agar bugun oldinga qaramasang,
ertaga afsus seni butun umr quvib yuradi.

O‘tmish seni sindirish uchun emas, uyg‘otish uchun berilgan.

Oldinga qaramagan odam gunohda emas, umidsizlikda halok bo‘ladi.

Najot — xatosiz bo‘lishda emas, xatodan keyin to‘g‘ri yo‘lga chiqishda.

Bugun qayerga qarayapsan — orqagami yoki yo‘lgami?

#motivation

⚡️ Seven plus academy — biz bilan natijaga erish ⚡️

‼️Juda jiddiy video‼️

Dilshod Xolmurodov 2024 yilda IELTS sertifikati olgan edi. Hozirda akademiyamizda SAT kursida o'qiyapti. U yaqinda 'Cincinnati' universitetidan grant yutganligi haqida xat qabul qilib oldi. Shu munosabat bilan sizga universitet jo'natgan videoni taqdim etamiz!

O’zimni ham o’ylantirib qo’ygan post

Tasavvur qiling.
Qarshingizda siz muvaffaqiyatli deb biladigan bir inson turibdi.

Undan muvaffaqiyatining sirini faqat bitta so‘z — bitta sifat bilan ifodalashini so‘raysiz.
Yoki undan vafotidan keyin odamlar uni qaysi bitta sifati bilan eslashini so‘raysiz.

Tabiiyki, u bir zum o‘ylanadi.
Va javob beradi.

Bu postni yozar ekanman, o‘zim ham chuqur o‘ylab qoldim. Bevosita saodat asridagilarni esladim. Bo‘lib ham yulduzlar ichidagi eng yorqinlarini — roshidlarni:
1. Abu Bakr — sodiq edi.
2. Hazrat Umar — adolatli edi.
3. Hazrat Usmon — hayoli edi.
4. Hazrat Ali — ilmli edi.

Oxir-oqibat insondan qoladigan narsa
uning lavozimi ham emas,
erishgan boyligi ham emas,
hatto shov-shuvli muvaffaqiyati ham emas.

Odam ketadi.
Ammo bitta sifat qoladi.

Shu sifat odamlarning xotirasida seni tirik saqlaydi.

Shuning uchun bugun o‘zingdan so‘ra:
men nimada kuchliman emas, men nimada sodiqman,
nimada adolatliman,
nimada hayoliman,
nimada ilmga suyanaman?

Chunki qabrga yutuqlar emas, amal kiradi.

Qo‘lingizdagi siniq kompasga qarab yo‘l izlamang.
Yo‘lingizni yo‘lchi yulduzlar bilan toping.

Savol esa ochiq:
Sizni bir kun kelib qaysi bitta sifat bilan eslashadi?

'SEVEN PLUS ACADEMY' jamoasi SIZ qadrli o'quvchilarimizni kirib kelayotgan 2026 - yangi yil bilan chin dildan qutlaydi! Ushbu yilda barchangizga foydali ilmingiz va halol rizqingiz ziyoda bo'lishini tilaydi!

🎄Yangi yil munosabati bilan oʻquv markazimizda 3 kunlik (31- dekabr va 1-, 2- yanvar) ta'til e'lon qilinadi!

✅ 3-yanvar sanasidan boshlab barcha darslar oʻz vaqtida oʻtiladi.

#bye2025hi2026

2026-yilga rejalarim…

1. Kamroq xato qilish
2. Eski xatolarni takrorlamaslik
3. Yangi xatolarni qilish…

Bizdagi ta’lim:

Kuchli tomoni
- Mehnatga o‘rgatadi.
- Xotirani kuchaytiradi.
- Test va imtihonlar uchun bilimni jamlashni o‘rgatadi.
- Bosim ostida ishlashga, natija chiqarishga moslaydi.
- Intizom va sabrni shakllantiradi.

Bu — hayotda kerak bo‘ladigan ko’nikmalar.

Zaif tomoni
- Erkinlik kam.
- Turli yo‘nalishlarni sinab ko‘rishga imkon bermaydi.
- Tajriba qilish va xato orqali o‘rganish rag‘batlantirilmaydi.
- O‘rganish jarayoni ko‘pincha majburiyatga aylanadi.
- Qiziqish emas, baho markazga chiqadi.

Natijada:
bilimli va bardoshli,
ammo ko‘pincha yo‘nalishini kech topadigan yoshlar yetishadi. Bizga o’xshab…

Shogirdim bilan suhbatdan…

— Qanday qilib bitta narsa kimlargadir ne’mat, kimlargadir sinov bo‘lishi mumkin?
— Bitta hodisa ikki xil ta’sir ko‘rsatadimi?

Men so‘radim:
— Tuxumni suvda qaynatib ko‘rganmisan?
— Ha.
— Kartoshkani-chi?
— Ha.

— Javob shu yerda.

U tushunmay qoldi.

— Qaynoq suv tuxumni qattiqlashtiradi, kartoshkani esa yumshatadi.
Suv bir xil. Harorat bir xil. Sharoit o‘zgarmagan.
O‘zgargan narsa — ichki holat.

Hayot ham xuddi shunday ishlaydi.

Bir xil ne’mat:
— kimnidir kibrga olib boradi,
— boshqasini shukrga.

Bir xil sinov:
— kimnidir sindiradi,
— boshqasini pishitadi.

Bir xil sharoit.
Bir xil imkoniyat.
Farq — ichkarida.

Demak, masala hodisaning o‘zida emas.
Masala — qalb holatida.

Hazrat Ali bu masalaga aniq mezon berganlar:
Agar kelgan narsa seni Allohga yaqin qilsa — ne’mat.
Agar Undan uzoqlashtirsa — sinov.

Hayot senga nima berayotgani muhim emas.
Sen ularni qanday maqsadga sarflayotganing hal qiladi…

Matematikadan milliy sertifikat natijalari chiqibdi. Natijalarni tez orada tashlaymiz😊😊

Namozova Xurshida ajoyib o'quvchimiz. Matematikani majburiy fan sifatida o'qidi va o'zining 189 balini hal qildi. Alloh hayrli va davomli qilsin.
Ustozi: Jasur Abdullahatov.

Ozodaxon endigina 15 yosh. Lekin bilim darajasi judayam yuqori. Shahar va viloyat olimpiadalarida shohsupani begona qilmaydi. Alloh hayrli va davomli qilsin. Keyingisi A+ inshaalloh.
Ustozlari: Jasur Abdullahatov, Umid Murodov.

Nurmuhammad garchi o'z darajasini ko'rsata olmagan bo'lsada Matematika blokni deyarli 100% qildi. Keyingisi A+ bo'ladi inshaalloh. Alloh hayrli va davomli qilsin.
Ustozi: Jasur Abdullahatov

Farangizga A daraja uchun atiga 0,24 ball yetmay qoldi. Lekin u bu bilan to'xtamaydi inshaalloh. Keyingisi A+ bo'ladi nasib qilsa. Biz bunga ishonamiz. Alloh hayrli va davomli qilsin.
Ustozi: Jasur Abdullahatov

Qaror va oqibat

Hech kim kelajakni aniq bilmaydi. Ba’zi qarorlarimiz baribir xato chiqadi.
Bu normal holat.

Qaror qabul qilayotganda “to‘g‘ri chiqadimi?” deb o‘ylashdan ko‘ra, “agar xato bo‘lsa, men bunga chiday olamanmi?” deb o‘ylash to'g'ri bo'ladi.

Agar reja kutilgandek bo‘lmasa ham, hayoting izdan chiqib ketmaydimi?
Eng muhim savol shu.

Hammasini to‘g‘ri qilish shart emas. Buni imkoni ham yo'q.
Xato bilan ham yashab ketish mumkin bo‘lsa - qaror to‘g‘ri qilingan bo‘ladi.
Albatta bu yersa barcha sabalari qilinganidan keyingi qaror nazarda tutilmoqda.

Misol:
Yangi ishga o‘tishni o‘ylayapsan.
Ish haqi yaxshiroq, imkoniyatlar chiroyli ko‘rinadi.
Lekin kafolat yo‘q.
Qaror qabul qilishdan avval, quyidagilarni o'zingdan so'ra:
- Bir necha oy ishsiz qolishga chiday olamanmi?
- Moliyaviy zaxiram bormi?
- Orqaga qaytish yo‘lim bormi?

Agar javob “ha” bo‘lsa - qaror qilish mumkin.
Agar “yo‘q” bo‘lsa - ehtiyot bo‘lish kerak.

Shuning uchun ehtimollarga emas, oqibatlarga qarab qaror qil.

Men ko'p kuzatgan holatlardan misollar:

1. “Milliarderlar o‘qishni tashlab ketgan” degan motivatsiya
Bir nechta mashhur odam universitetni tashlab, boy bo‘lgan.
Shuni ko‘rib, kimdir o‘qishni tashlamoqchi bo‘ladi.

Lekin ko‘rilmaydigan taraf bor:
- Ularning minglab tengdoshlari ham o‘qishni tashlab ketgan
- Lekin boy bo‘lmagan
- Ismi ham, hikoyasi ham yo‘q

Natijada nima bo'ladi:
Diplomsiz, kasbsiz, rejasiz qolgan, tengqurlaridan orqada qolgan sen

Muammo o‘qishni tashlashda emas.
Muammo - oqibatni ko‘tara olmasdan tashlashda.


2. Instagramdagi “muvaffaqiyatli ayollar” va trend ortidan yugurish
Ijtimoiy tarmoqlarda ko'rinaadi:
- Sayohat
- Brend kiyim
- Go‘zal hayot

Shuni ko‘rib, kimdir:
- O‘qishni ikkinchi o‘ringa qo‘yadi
- Kasbni kechiktiradi
- oilasida noshukrlikni boshlaydi

Ko‘rinmaydigan taraf:
- Kredit
- Orqa fon
- Yolg‘izlik
- Beqaror daromad

Natijada:
30 yoshga kelib, charchoq, hayotidan norozilik.Xissiy inqiroz.


3. “Biznes qilaman” deb ishni tashlab yuborish
Reja yo‘q. Zaxira yo‘q. Tajriba yo‘q. Duo yo'q

Faqat gap bor: “Biznes qilaman”.

3–6 oy o‘tadi.
Pul tugaydi. Stress boshlanadi. Oila bosimi boshlanadi.

Biznes yomon emas.
Lekin oqibatni ko‘tarishga tayyor bo‘lmasdan boshlangan biznes - xato.

4. “Motivatsiya” bilan tez qaror chiqarish
Bitta video. Bitta post. Bitta gap.

Keyin keskin qaror:
- O‘qishni tashlash
- Ajralish
- Ishni tashlash
- Ko‘chib ketish

Motivatsiya kuchli bo‘ladi.
Lekin uni umri qisqa.
Oqibat esa uzoq.

Muammo xohishda emas.
Muammo - oqibatni hisoblamaslikda.

Muammo shunchaki savolni to'g'ri qo'ymaslikda.

“Agar bu o'ylaganimdek bo'lmasa, men bunga chiday olamanmi? Chiday olsam, qanday?”

Agar narxni to‘lashga tayyor bo‘lmasang, trend ham, motivatsiya ham seni yarim yo'lda qoldiradi

Qarorni ilhom bilan emas, oqibat bilan o‘lcha.