(لبيك يا رسول الله )

يا من على مولد المختار يتحجج
ويحرم الحفل بسم الفقر واعذاره

وهو عمل حفل صاخب عندما اتخرج
حتى درى كل من هو ساكن الحاره

اما اذا خال خالة خاله اتزوج
للفجر يرقص على طبله ومزماره

بس النبي حرقت اعصابه وقلبه ضج
لا شاهد اللون الأخضر طلعت امراره

صفّر وحمّر وجاله ضغط واتشنج
في داخله عاد ابو يهود بزناره

عاده رجع بعدما سافر وبسم الحج
وهو ولا شاف بيت الله ولا زاره

عند اوليا نعمته للشغل يتبرمج
ورشة عمل في فنون الكذب واسراره

واليوم قد هو من اصحاب السمو محرج
من فرحة الشعب بالميلاد وآثاره

كل اليمن خضّرت من علب حتى لحج
وللعوالم مع احمد بانوا أنصاره

لبيك يا سيدي والمنهج المنهج
من شعب الايمان والغاره ورا الغاره

لبيك جاتك بكيل وحاشد ومذحج
ما ردها قصف حلف ابليس وحصاره

لبيك وجموعنا من كل حد وفج
لو يسقفوا الجو طياره بطياره

لبيك والنصر فجره في الحدود ابلج
في كل ليله خبر بالنصر وبشاره

لبيك والمعتدي بالعجز يتلجلج
وحشودهم داخل الميدان منهاره

لبيك وابنك يرج ارض الاعادي رج
عبدالملك مرعب اسرائيل بشعاره

ما للمريكي معاه الا صميل اعوج
والشعب جنبه ويشّر بس باشاره

كم حاول الحلف يثنينا وكم روج
خابت مساعيه ضد الشعب واحراره

ولا زال سلمان يبحث له عن المخرج
من ورطته في اليمن واحتارت افكاره

ضيّع فلوسه وزلّج ما معه زلّج
وعادنا الا بدينا الحرب يا جاره

عاد اليمن للمسيّر طوّر المنتج
والقادم اعظم وبايوصل له اخباره

في بنك الاهداف كشف القائمه مدرج
ولا بد نحرق حقول النفط وآباره

نخلص مع الله وضيق الوقت بايفرج
سبحان من هو يمد النصر لانصاره


#بقلم_الشاعر_محمد_أحمد_مفلح
#لبيك_يا_رسول_الله
#المولد_النبوي_الشريف

🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

(لبيك يا رسول الله)

يا قرن وعوع يا نقم يا النجد يا الصمع
يا حيد الاقشع يا المقاطع يا قمم بُرع
هيلان والحفا
هنّي يمن الإيمان في يوم اثنعش ربيع

طه لنا المرجع ومنجا من له اتّبع
واجب نشيّع مولده دولة ومجتمع
ونبادل الوفا
نفرح بفضل الله عنده الاجر ما يضيع

الاصوات تصدع والمنافق يسمع الوجع
يطلع لصهيون الصمرقع كيف ما طلع
ف الوجه والقفا
بانحتفل بالمصطفى والعين للبقيع

حبل المطبّع ما نفع وان مده انقطع
فيهم يسارع والمخادع يتقن الخدع
والمكر ف الخفا
وقّع لبيع القدس ما له حق ف المبيع

حب الطمع ضيّع على الطمّاع ما جمع
حتى المطوّع بالتطوّع طوّع البدع
وترامب ما اكتفى
يرقص مع الراعي وسكينه على القطيع

#بقلم_الشاعر_محمد_أحمد_مفلح
#المولد_النبوي_الشريف
#لبيك_يا_رسول_الله
#امريكا_تقتل_الشعب_اليمني
#اليمن_مقبرة_الغزاة #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

(لبيك يا رسول الله )

يا يمن عيّدي واسعدي في مولد المصطفى وابدي
للفرح واستعدّي نشيع للنبي عيد ميلاده

للولا جددي يا بلادي عهد الأنصار واشتدي
للشموخ اصعدي واحشدي للمصطفى خيرة اجناده

بالوفا جسدّي ما يكنّ القلب من صادق الودي
حبنا سرمدي للنبي من عهد عمار وجهاده

جاهدي جاهدي واصرخي بشعار الإيمان واتصدي
زلزلي المعتدي وارعدي يوم الشهاده لنا عاده

بالنبي نقتدي في جهاد الكفر والباطل الكيدي
موقف الحق يهدي وف القرآن توضيح وافاده

لا ابن سلمان يجدي لواشنطن ولا زال يستجدي
عادها باتعدّي ونصر الله قادم لميعاده

يالنجوم اشهدي يا سما يا أرض ردي معي ردي
بندقي في يدي للنقا والثأر ما أفلّت زناده

والعلم قايدي لامر أبو جبريل ثابت على عهدي
طاعتك سيدي فخر للجندي بمثلك من القاده

فوق نجم الجدي هامتي شامخ مع الله ومتحدي
قوة المعنويه مع الله تكفي العمر وزياده

يا الرصاص ارعدي واجلدي من ساند المارق النجدي
والصمود أحمدي يا سعودي بعدك القوم طراده

#بقلم_الشاعر_محمد_أحمد_مفلح
#المولد_النبوي_الشريف
#لبيك_يا_رسول_الله
لمتابعتنا على التيلجرام
https://t.me/joinchat/AAAAADwjYtLdOZZL04uGDA

#قصيدة / #مضامين_الرسالة
#الشاعر / #محمد_أحمد_مفلح
#لبيك_يا_رسول_الله
#المولد_النبوي_الشريف

🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

(لبيــــــــــــــك يا رسول الله)

في يوم ميلاد الرسول الأعظم
بشرى عظيمة خلدت ذكراها

الكون مشرق والزمان اتبسم
والأرض تزهو في جميع ارجاها

لاعظم فعالية ولاكبر وأقدم
حلت علينا والفرح حياها

والمصطفى رحمه لكل العالم
يهدي النفوس المسلمه تقواها

لبيك يا اعظم من خلق من آدم
صلى الله عليك في علياها

يا من بذكره للخلايق مغنم
يا نور مهجتها وعين رضاها

زلزلت عرش الطاغية واتحطم
بالسيف وأركان الغوى وقواها

مسيرك الطاهر ونهجك الاقوم
بالعدل عن كل الأمم يتباهى

يا سيدي واحنا على ما تعلم
نموت نحيا في محبة طه

لك في اليمن أمه وشعب اتحزم
عمار بن ياسر يقود الواها

ضد العدو صوت الرصاص اتكلم
والموت لامريكا يعم انحاها

علمتنا للظلم ما نستسلم
مهما بلغ طغيانهم واتناهى

واحنا تعاهدنا على ما يلزم
وافلح وفاز اليوم من زكاها

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاه
#لبيك_يا_رسول_الله
لمتابعتنا على التيلجرام اضغط على الرابط التالي
https://t.me/shaerm

(القصيدة التي القيتها في الاحتفال الجماهيري الكبير بمولد النبي صلى الله عليه وعلى آله وسلم بمحافظة صعده)

من عمق الإيمان الانصاري وعبر العصور
محبة المصطفى باهل اليمن ثابته

من عهد عمار بن ياسر تعود الجذور
ما هو مجرد خبر مكتوب في لافته

حب النبي ف الدما يجري وجوف الصدور
والانتماء والولا الصادق على عادته

في حب من حبه المنجاه يوم النشور
شعب اليمن جدد البيعه على طاعته

في مولده عمت الفرحه وحل السرور
واتزينت الارض بقدومه وباطلالته

لبيك يا من ظهر للكون رحمه ونور
يا منقذ الناس بامر الله وهدايته

لبيك مهما تطاول مدمنين السفور
يخسا الفرنسي وتعما عينه الشامته

لبيك نبذل جماجمنا لها والنحور
ماهمنا ابليس لو حلق بطيارته

لبيك وإحنا معك في كل موقف حضور
ولا بارك الله جموع الأمه الصامته

لبيك من شعب يتصدى لحلف الفجور
يمشي على منهجك ورايتك رايته

لبيك والحرب قارح والبنادق تثور
وابن اليمن ما توطت للعدا هامته

لبيك والدائرة فوق المنافق تدور
من نهم للجوف يتحسر على حالته

لبيك نصرٌ من الله العزيز الغفور
والفتح لدخول مارب فك بوابته

بنيان مرصوص حطم كل حاجز وسور
وامكن الله منهم في بيان آيته

لبيك والأمن قايم والصقور الصقور
تسري على من نوى بالغدر وتباغته

لبيك من خلف قايد للشدايد جسور
عبدالملك والرجال المؤمنه لابته

عبدالملك كلمته كلمه بكل الأمور
يا ويل من هو عليه اشر بسبابته

ما بعدها الا يجهز برقعه للعبور
يخرج مشرشف ويتموه بنظارته

دبور يا قدرة الرحمن وش من دبور
يستبدل المرتزق العز باهانته

قولوا لسلمان والباطل وكيده يبور
لو يجمع الكون جنبه ما بلغ غايته

من هو يحارب من اجل المال عزمه يخور
ذي ما قدر ينفع امه ما نفع خالته

ما ون زرعنا الذره لا احنا نهم الطيور
والمعركه ميزت كلن وتربايته

فينا من العزم ما ذابت عليه الصخور
من هو غزانا كره الايام ذي جابته

تاريخ ما احتاج له تلميع وشهود زور
عاد السعودي يهيجن من على ناقته

مع النبي وال بيته حاميين الظهور
الانصار في نصر دين الله ورسالته


ثارت دما اطفالنا في كل مؤمن غيور
وانتو اخبر الناس بالمؤمن وولاعته

في كل ميدان لاقيتوا هرور الهرور
من حظه اغبر عيون ابن اليمن شافته

يا من طمع في عنب صعده وجا له غرور
يبشر بعنقود من قاصف على فاقته

وانه يبا بن خولاني فما به قصور
بركان من قهوته بايملي بيالته

والبدر بايوصل الرمان لا جا يزور
من قابله بالفنا يديه رمانته

من عز نفسه ملك بالعز موقف وشور
ومن باعها بالرخيصه بالردى باعته

تحت الخزا عاش عبد المال ميت شعور
ما هو على ابوه من يرضى بدناقته

ما يدري ان الكرامه في دمانا تفور
يفنى الشلي ما لغير الله طلب حاجته

ميعادنا القدس والتطبيع باطل وجور
وكل من خانها نجزيه بخيانته

من صرخة الموت لإسرائيل جسر العبور
في يوم تحقيق وعد الله وإرادته

#بقلم_الشاعر_محمد_أحمد_مفلح
#لبيك_يا_رسول_الله
#المولد_النبوي_الشريف
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

🔈 زامل ((أنصار النبي))
☆ أداء/ #حمزه_المنصور
☆ كلمات/ #محمد_احمد_مفلح

#المولد_النبوي_الشريف 1442هـ
#لبيك_يا_رسول_الله
‏.................
قف يا زمن وقفة مهابه وتبجيل
في حضرة أنصار النبي والهداية
للمصطفى هبّوا جميع الرجاجيل
مُحمديون الولاء والهواية
في يوم ميلادك نزف المراسيل
متمسكين بمنهجك والولاية
صرخاتنا هزت عروش الاباطيل
وصمودنا زلزل ملوك الجباية
لبيك واسمك تاج للراس واكليل
لبيك تعلو كل بيت وبنايه
لبيك تحملها جناحين جبريل
وتمدنا بألطافها والرعاية
لبيك والهامات للجدي وسهيل
لبيك قول وفعل موقف وغايه
لبيك للجبهات نستأنف الحيل
واحنا لدين الله درع وحمايه
لبيك والتنكيل ف الصبح والليل
بالحلف الأمريكي شديد النكاية
لبيك من قاصف طيور الابابيل
والله يسدد قصفها والرماية
لبيك نحو القدس من مربط الخيل
بإعدادنا من كل سوره وآيه
لبيك لو ينزف لها الدم ويسيل
للتضحية منهج وللنصر رايه
لبيك والصماد واقع وتمثيل
للشعب يكشف زيف كذب الدعاية
من يقبل أمريكا يوالي إسرائيل
ما له قرار ولا يشارك برأيه
والحق بعد اليوم ما فيه تأويل
واضح وضوح الشمس منذ البداية
ثار اليمن ما فيه مهله وتأجيل
ولا وصلنا فيه حد الكفاية
✳️ t.me/MawlidYE

(عشية المولد النبوي الشريف )

اعيدت واهتزت الارض فرحه واشتياق
بانتظار الصبح يظهر وتطفي شوقها

كل ذره من ثراها ترقّب الانطلاق
تحتفي وتقبّل اقدام تمشي فوقها

ف انتظار البدر ينزل على ظهر البراق
والبشاير من جبينه تلوح بروقها

موت لإسرائيل ف الارض والسبع الطباق
والمهالك من جميع الجهات تحوقها

اعيدت وقلوب الانصار في وصل وعناق
حب طه في دماها جرى وعروقها

أبرقت صنعاء لمأرب تباشير التلاق
والحديدة عانق افراحها زرنوقها

زفت البيضاء نباها على روس الشهاق
والفدا القيفي يحث الخطى ويسوقها

أعيدت والحزم محزوم ضد الاختراق
من رجال الجوف وسلومها وطروقها

نهم تتباهى وصرواح تحفظ الاتفاق
ما تدنسها يد اتلطخت بعقوقها

اليمن في مولد النور عاشت في سباق
والوفا يجمع ولاها وصدق اوثوقها

كلما لبت محمد عوى الطاغي وضاق
واستعر حقد النواصب بنار فسوقها

مولد المختار ذكرى تغيض أهل النفاق
كلما اقمناه قامت قيامة سوقها

بين تزوير الحقايق وتعميق الشقاق
في غوى حمى الإشاعات تنفخ بوقها

أعيدت والشعب واحد وفي ظل الوفاق
واليمن لا زال معشوقها معشوقها

اكتست باللون الاخضر مهابه وانعتاق
وامتطت في حب طه حنين يتوقها

يا رسول الله لبيك ودمانا تراق
والبلاد محاصره من جميع شقوقها

لا غذاء ولا دوا واغلب العالم يساق
بإتباع المصلحه ما خرج عن طوقها

حاصر الشعب اليماني وعايش ف انغلاق
عن أنين أطفال جوعى يبيح حقوقها

بين صرخات الثكالى ودمعات الفراق
عجز الامه عن وفاها يغص حلوقها

روجوا بحقوق الإنسان سوق الارتزاق
في رضا امريكا وما ترغبه ويروقها

حرب ست سنين واجرام شيطاني وعاق
فوقنا تنفث الأفاعي سموم شدوقها

ما دروا بان قوة الله وبطشه لا يطاق
وش هي أمريكا وصهيون ويش فروقها

في سبيل الله مهما تحملنا المشاق
ما شكيناها ولا نلتفت لمحوقها

حاق بأس الله باذناب الأمريكان حاق
والله إن نقلع مماليكهم بعروقها

حلف واشنطن حشرناه في داخل زقاق
كلما رقّع هزيمه تزيد خزوقها

باذن ربي نثخن الجرح ونشد الوثاق
فوقهم من مغرب الشمس لين شروقها

ملكهم حلت عليه النهايه والطلاق
منتهي وتعود الأعراب ترعى نوقها

نصرنا بايقهر الخصم ويسر الرفاق
قوة الله مستحيل الضلال يعوقها

اللحاق اليوم في شاص الأنصار اللحاق
من ركبها فاز لو هو على صندوقها

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #المولد_النبوي_الشريف #لبيك_يا_رسول_الله #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

عز الله انك كبير وما سوى الله كبير
يا شعب الإيمان والحكمه عليك السلام

ضدك ثلاثين دوله معلنين النفير
ولا دخل في حسابك كل هذا الكلام

رغم المعاناه لا تخضع ولا تستجير
من بين الأنقاض تنهض والمقام المقام

في كل ميدان تثبت فعلا انك جدير
الأول على الكون تتصدر ورأس السنام

في يوم مولد رسول آلله تحث المسير
ما تعرف إلا الأمام ودائماً للأمام

في خط عمار بن ياسر عشقت النفير
للمصطفى تحمل اعظم حب وأصدق غرام

وخروجنا داخل الساحات فالناس غير
لإظهار عمق العلاقه وأبلغ الانسجام

الانصار الانصار يا خير البشر والبشير
والعهد لا زال والموقف على ما يرام

لبيك يا عز الأمه والسراج المنير
يا قدوة المؤمنين وعروة الاعتصام

علمت وانقذت الأمه من عذاب السعير
واهديت وابلغت دين الله لكل الانام

أتيت بالحق للعالم بشير ونذير
بينت فيها حلال أعمالهم والحرام

عذرا إذا الوضع مؤسف بالمواجع كسير
الإسلام يا سيدي ف تفرقه وانقسام

عاثوا به أذناب واشنطن ولا من مجير
حتى أصبح الحكم لإسرائيل فوق النظام

تطبيع الأعراب عبر عن نوايا الكثير
بخيانة القدس واتحدد مسار اللئام

ومن اليمن سيدي للحق ما نستخير
لا زلت فينا ولك معنا مواقف عظام

لو ضدنا الكون يتحالف والأول الأخير
عاد الله اقوى وبطشه فوق كل انتقام

سادس سنه والمنافق للهزيمة يسير
وانصار ربي تسوقه كل يوم اقتحام

نصر من الله شافتها عيون الضرير
وزاح بنيانها المرصوص عصر الظلام

وامكن الله منهم والهرير الهرير
وخيمة معاويه ما عادها في سلام

في خير عشنا ولا زلنا من الله بخير
قل للعدو لو يحاصرنا إلى مية عام

ما دام والله مولانا ونعم النصير
خابت حشود العماله في جميع المهام

معك معك يا إبن بدرالدين في ما تشير
لبيك وابشر بما تطلب وشد الحزام

حرام ما نختلف عنك ولا نستدير
عز الرجال المواقف والمذله ملام

ما تطلبه جاك منا والعدو لو يطير
ما له من الثار منجأ والنقا ما ينام

يا ورع سلمان تخسا عادك إلا صغير
لو باتقوم القيامة ما بلغت المرام

واللي نريده يصير بقوة الله يصير
والواقع أصدق من احلام العدو والهيام

فينا من العزم ما يقطع عليه المصير
نمشي على الأرض والهامات فوق الغمام

وأرض اليمن والله إنها يا عبيد السفير
صارت عليكم من السبع المحارم حرام

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #أنفروا_خفافا_وثقالا #ثبات_وانتصار #لبيك_يا_رسول_الله
#المولد_النبوي_الشريف
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

كليب قصيدة /#المقلب
الشاعر/#محمد_مفلح
إنتاج اتحاد الشعراء والمنشدين
جودة عالية

كليب قصيدة /#المقلب
الشاعر/#محمد_مفلح
إنتاج اتحاد الشعراء والمنشدين
جودة منخفضة

(المقلب)

بشاير النصر لاحت نحمدك يارب
والفتح قرّب بعون الواحد الوهّاب

كم جمّع الكفر لاجرامه وكم ألب
وكم حشد من عبيد المال والاذناب

خطط وموّل أعد أعطى بذل رتّب
جنّد تسلّح وساق اعلامه الكذاب

دفع من المال ما خلا الخزينه يب
قد نصف شعبه مع كثر الجرع طلّاب

وترامب قايم على الأبقار في المحلب
ولا عاد بضروعها ما يقنع الحلّاب

واظنها اليوم للسكين تتأهب
والمجزره تنتظرها من ورا المزراب

سلمان ما كان ظنه يأكل المقلب
في حربنا ضاعت احلامه وظنه خاب

واصبح خروجه يمثل غاية المكسب
مثل الذي باع حبه واشترى دبّاب

لا هو حفظ سمعته ولا بلغ مطلب
وأتعطّل الباص ما قد حاسب الركّاب

قالوا له الناس جنّب بس ما جنّب
والنار تحته وعاده يفتل الاشناب

مغرور ما بايفيده غير يتأدب
لا قد جنود المسيره عند باب الباب

لنهايته يحسب ايامه ويترقّب
لا عاد يطنن ويتّوهم ولا يرتّاب

من ثأرنا ما معه منجأ ولا مهرب
لو يختبي جوف سابع أرض في سردّاب

لو طار للجو من كوكب إلى كوكب
وراهيا شعب حميّر نعنبو من عاب

من هو يماني وهو بالحد يتقطّب
يسرح مع القوم وإلا يلبس الجلبّاب

في البيت يجلس مع النسوان يتخضّب
ما رجله إلا ومنها المعتدين تهاب

وإلا فلا فرق بين الشال والمعصب
والعز ما جابه القاعد مع من جاب

ما عاد به عذر والميدان يتلهّب
وعاد بعض البنادق مثلما المشعاب

في معلقه والف يا حما لابوثعّلب
ما شاف له من يزوعه من على الارتاب

قال المثل من يهين النفس يتعذّب
والذل للخزي واعمال الردى جلّاب

من غاب وقت الحظا لا تدخله محسب
ما هو يمثل رقم انه حضر او غاب

لا تعنز الا على رجّال ما يحنّب
يبذل جهوده مع اصحابه بدون حساب

مقدام عزّام لا اتراجع ولا اتعقّب
مؤمن مجاهد مع الله يبذل الاسباب

الايام كم غربلت والوقت كم غيّب
هذا منافق وذا خاين وذا نصّاب

راحوا مع المال لا غيره ولا مذهب
من هو رضي بالخيانه برقعه والكاب

يرحل ولا رده الله من حمار اجرب
باع اليمن واليمن باعه بحفن تراب

يا حلف صهيون لا تكثر ولا تتعب
هزيمتك في اليمن عبره لأولي الألباب

جبريل منها وعزرائيل يتعجّب
هي قوة الله لا داعي للأستغراب

لو باتصب القنابل من سمانا صب
تبقى الثعالب ثعالب والذياب ذياب

ابعد من الشمس حكمك والنجوم اقرب
والردع قادم والاصبع داخل الضرّاب

اشرب من الكاس لي منه سقيت اشرب
قاصف وصماد جاتك للرياض اسراب

قواعدك من صواريخ اليمن تشتب
ومدرعاتك نحولها الى سكراب

من هو مع الله نجا والحق ما يغلب
ولا خابت أمه مسيرتها علم وكتاب

شعب اليمن بعد ابو جبريل كله هب
متحزمين الفنا والخارق الشبّاب

عشرين مليون بعده لا غضب تغضب
واذا تبسم يرد الكهل فيهم شاب

من جا اليمن يا المنايا جهزي المرحب
وفي مداخل جهنم كب يا قلاب

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

لك الحمد يا ناصر جنودك على الطاغوت
ويا ذل من يطلب مع غيرك الرفعه

تلامس معسكر ماس بالخاين الهلفوت
ورغوان راغت بالمنافق على الجزعه

قلوا للعراده لا يراهن على الشفلوت
يغطي الفضايح بعدما طاحت السمعه

لعيناك ابو جبريل جينا نلب الصوت
نسوق الفنا قدامنا ساعة الفزعه

نسابق خطاوينا ونتعطر الباروت
جنود ابن بدرالدين ما تعرف الرجعه

ولا شي علينا سيدي ف الزمان يفوت
يموت العدو ما قد وصلناه بالفجعه

الا يا شويقا والمجاهد على الفاغوت
يشغّل حشود الغزو في المعركه قرعه

ولحن المعدل يسلي الخاطر المكبوت
وتبري الجروح انغام الاربعتش سبعه

نشامى تهاجم تقتحم للعدا وتشوت
كرام النفوس وكل نشمي على طبعه

ودون الكرامات الحياه استوت والموت
وذكر الشلي ون مات في الناس له وقعه

حياة المذله والمهانه خراب بيوت
وما للشجاعه يا مدور لها جرعه

ورب السما ما احط راسي لعدم القوت
على الهون يا حلف الغوى هدي السرعه

اذا كانت امريكا تمشيك بالريموت
قلعناك بالعزم اليماني مية قلعه

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

حلقت فوق رأس المرتزق
ليلة الجن من كل الجهات

تحت ضغط الهزايم والقلق
يسمع الموت لامريكا ومات

حشدهم والجحافل والفرق
ما بقي منها الا الذكريات

الهمر والمدرع تحترق
ما حماها حنين الطايرات

كل من يعرف أن الله حق
يتعض بالعبر والمعجزات

مأرب اليوم بكره في عتق
راقبوا ف الشهور المقبلات

ما بقي شك والحسم انطلق
قامت الزلزله والنازعات

رتل المائدة واقرأ العلق
والله إن نسفعن بالناصيات

من هدى الصف وآيات الفلق
دارت الحاقه والصافات

تسحق الغزو حشده والفرق
صاعقة تحرق اهل المنكرات

حلف فرعون في حكم الغرق
كل ما يجمع الباطل شتات

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

يا طقم الإمداد سرحني مع الأول
عز الرجاجيل للميدان ناداها

من فيه رجله يبينها ويترجل
والا فيسكه من الرجله وينساها

من يشتحط للنقا لا عاد يتبهطل
ما عزه إلا مع الابطال تلقاها

اليوم يامن يبا العزه ويتجمل
يلحق بها قبل يندم لا تعداها

دقت طبول المعارك لا بقي محتل
بسم الله اليوم مجراها ومرساها

يا مأرب العز عزش بالرجال اقبل
حاشا اليمن تقبل الغازين حاشاها

دايم على البال مأرب كيف بانغفل
عنها ومن خانها مآ هو من ابناها

الليله الليل مسرى القوم من مدغل
ومن النضود النشامى حي مسراها

من ماهليه ونجد المجمعه ترسل
بشاير النصر ما تتوقف انباها

والقادمه من ورا صافر ومن كوفل
ويزف هيلان فرحتها وبشراها

صرواح شبت على العدوان موت ازول
يسحق جحافل عبيد المال وقواها

العزم فوق الميه والمعنويه فل
ما هيبتني قوى امريكا ولا اخشاها

بانت معاني الثقه بالله عز وجل
بانصار دينه وطاحت قوة اعداها

قوم النقا والوفا يا خير من مثل
للشعب وايمانها بالله يرعاها

كمن بطل ما انثنى عزمه ولا اتململ
صد الجحافل بعون الله وافناها

صامد صمود الرواسي من وصل يوصل
حمر المعابر ترحب بالذي جاها

بسم الله اضرب ودق الخصم ف المقتل
ضربه تجيب الهدف وتصيب مرماها

شرد بهم يا ولي نكل بهم نكل
ولا تخلي لهم فرصه وتتلاهى

من هو مع الله بايصبر ويتحمل
وأهل الزلط ما تشوف الا مقفاها

وأنت القوي بإذن ربي كيفما يحصل
يكفيك بأنك مسلم بعد إبن طه

قايد علم نفتخر به من زعل يزعل
عبدالملك خير من هو يحمل الواها

أنعم علينا به الرحمن واتفضل
بعيوننا نعمة الباري حفظناها

عبدالملك قادها والموقف أتحول
من موقف الذل للعزه ومعناها

يوم الخليجي إلى أحضان العدا هرول
في صفقة العار بالتطبيع يتباهى

من هو تهدد نتنياهو أمام الكل
حيدر زمانه تحداها تحداها

بقيادة البدر غادرنا زمان الذل
وأهل الغوى ذلها الرحمن واخزاها

باعوا فلسطين عاد المرتزق مقبل
يحرر ارض اليمن من حامي حماها

صحيح لا يستحي وجهه ولا يخجل
مثل الذي جا يكحلها وأعماها

قالوا روافض وهو ما صدق اتعنقل
في ظهر سلمان يتبختر ويتماهى

غادر سفينة الأمان وركبه سيكل
وإلى جهنم يدولل في زواياها

لن تجني اللوز يا اللي تزرع الفجل
ما لك وما لليمن يا بايع اسراها

لا طاح الأعراب قلي ويش باتفعل
وترمب لاما تغداها تعشاها

لا تركيا شد عفشك يا لردي وارحل
وانسى بقر شلة امريكا ومعزاها

على يدينا حدود الكون تتشكل
والأرض تصرخ من أقصاها إلى أقصاها

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

الى روح الشهيد البطل زيد المراني (ابوهمدان برط )

قف يا زمن عند اسم أبو همدان
وقفة مهابه والكلام يطول

واسترجع الذكرى من الميدان
من ملحمة سيف الله المسلول

مهما يكون القول مهما كان
ما اوفاك يا زيد المراني قول

تاريخ يتعب بعدك الفرسان
لا زال علمه ساري المفعول

في كل جبهه للفدا عنوان
هيبه تصول المعركه وتجول

في الجوف في مارب شهود اعيان
تثبت فعوله والعدو مذهول

عزمه يرجّح كفة الميزان
وكل شدة في لقاه تزول

شامخ شموخ الحيد في عطان
ما يعترف بالمعجزه والهول

بالله متمسك وبالقرآن
ولا يحيله عن جهاده حول

في طاعة ابن البدر عز الشان
قدام والريوس معه مفصول

في داخله من قوة الإيمان
همه تحدا الكون عرض وطول

ايلا هجم يجتاحهم بركان
واسأل مجازه وش وقع للزول

من فزعته بسم الله الرحمن
ما كنه إلا النار في البترول

زلزل بوقفاته قوى العدوان
والمرتزق يرحل الى المجهول

في جنة الفردوس ابو همدان
يهناه فوزه والعمل مقبول

بانتبعه والصف كالبنيان
والكل منا بالوفا مسؤول

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

من هو المليشيا؟ ومن هو الدوله؟
يا من يغش المجتمع ويخادع

يعطي اجابه مقنعه معقوله
مضمونها ما يصطدم بالواقع

الأحداث تكشف كل شي من حوله
فيها الحقايق والجواب القاطع

ينظر عدن والسلطه المجهوله
لو باتمنى عسكري ف الشارع

والتصفيات بكل ركن وجوله
ولا سلم حتى خطيب الجامع

وشلة الدنبوع في قيلوله
وابطى على الجوعان فت الشابع

واطلق شنب منهم تصق رجوله
لاصغر سعودي لو يشوفه جازع

ما يمشي الا حسب ما قالوا له
والعبد يتبع سيّده ويطاوع

يا نعنبا الشرعية المغلوله
ورموزها كمن ذليل وخانع

ارجع لصنعا رجعتك محموله
راجع حسابك في سماها راجع

واعرف رجال الدوله المسؤوله
والفرق ما بين المناطق شاسع

صنعا الامان ابوابها مقفوله
عن كل خاين للبلاد وطامع

سكانها وحقوقهم مكفوله
ورحابها في كل ضيقه واسع

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

(الشهيد ١)
على ذكر الشهيد الحرف هايج والهجوس تثور
والافكار امتطت من شوقها لوعة مشاعرها

قصيدة من دمي خطيتها باصدق وفا وشعور
وانا ما اوهبتها الا لاعظم الامه واطهرها

رجال (ن) صدقوا ما عاهدوا لعصور بعد اعصور
وفي دار الخلود ارواحهم حلت سرايرها

نجوم وبدرها قدامها يملا الليالي نور
عجزت احصي نجوم الارض وعيوني تسامرها

وما خلّصت من طابور دارت بي على طابور
بدأ مرّان ف اولها ولا اتبين لي آخرها

هنا امجاد الحياه وفخرها واعزازها المغمور
تحلق في سما الهيبه وتتعلى منابرها

شموخ المجد يتخطى معاهم كل حد وسور
مواقف والزمن يفرض على العالم تذكرها

ملاحم صاغها الصماد واطلقها بكل سرور
وسطرها المداني واحمد العزي يسطرّها

وشاجع والعياني والجرادي علمهم مشهور
وابو غزه وابوطه وابوسلطان مسعرها

وروح الله وابو صالح عقيل ارحب ثبات الدور
وابو رعد السحاري درع والديدي يحاضرها

وابو عمار والحمران خاضوا برها وبحور
وابو ثابت وابو عدنان تتعلى مصادرها

وبن قرصان والملصي وحنظل والجميع حضور
يقود حسين هبره والخراشي كل اوامرها

ولا غاب ابن وازع والكريدي والزمان يدوى
وعلم القوبري والسالمي نوّر بصايرها

وللغيلي وبن نايل وابوعمره خطوط مرور
لصنع النصر ومعوّض وابو قاصف بشايرها

ومن عبدالقوي الجبري تعانق فخرها المأثور
يحق إلها مع ابطال اليمن تكثر تفاخرها

وكم باقي من ابطال اليمن تاريخهم مذكور
ميادين البطوله خلدتهم في محاضرها

مقصّر واعتذر منهم ولا منهم عليّ اقصور
على راسي منازلهم وف العين ونواظرها

رجال رجال واشمخ يا يمن والمعتدي مقهور
جمع كل الدول حوله ولا غطت خسايرها

يحاول قدر ما حاول وكيد الظالمين يبور
افا يا عبد واشنطن يمن تبع تحاصرها

ورب العرش لا تندم وتندب حظك المعثور
وتتمنى بان الارض تخسف بك وتشكرها

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #أنفروا_خفافا_وثقالا #ثبات_وانتصار
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

(افحم هجوس القصيد)

هل يوصف الوصف من وصفه تعدا الوصوف
لو بانصف القصايد فوق قاع الصعيد

لا شاعر أوفى مكانتهم ولا فيلسوف
زد ما تشا... عاد واقعهم يزيد ويزيد

كل العبارات تخجل والجمل والحروف
كن المهابه غشتها من مقام الشهيد

يا من على ذكرهم هبوا الخلايق وقوف
والفخر يختال والعزه تزف النشيد

يا فخر الإسلام يا درع اليمن والسيوف
والعز والمجد والهيبه عليكم تشيد

كنتوا رجال الوفاء مهما تكون الظروف
ما لانت اعزومكم لو لان بأس الحديد

سلام ربي عليكم كل لحظه يطوف
يا أشرف الخلق يا تاج الشموخ المجيد

بعتوا من الله يهناكم بقربه ضيوف
في جنة الخلد في ظل العزيز الحميد

الشخص منكم يعادل في مقامه ألوف
سطر ملاحم بميدان الصمود الفريد

صفوف تذهب وتأتي من وراها صفوف
واحنا على العهد نمضي بالوفا ما نحيد

للتضحية في سبيل الله شم الانوف
قادوا بطولات يتحطم لها كل قيد

ضرباتهم تسقي العدوان كأس الحتوف
واعزومهم بالفدا يقرب عليها البعيد

اسود عند اللقاء وصقور عند الزحوف
قدامهم ينكسر حشد الضلال العنيد

عهد الوفا نكمل المشوار من دون خوف
وابن النبي والله انا له على ما يريد

تخسا حياة المذله ما عليها حسوف
يا نعنبا من رضي يحيا حياة العبيد

نفنا ولا يدخل المحتل واحنا نشوف
والظلم ما يقبله ف الناس رجّال جيد

لو السما تنطبق علارض يا كل عوف
حرام يا من تسعّود ما تشوفه سعيد

ونهاية أذناب واشنطن عليهم تحوف
يا ويش هو ينتظرهم بالعذاب الشديد

يا الله عليك اتكلنا والجعب ف الكتوف
والوعد ف القدس يا صهيون ما شي جديد

عفوا فلا الوصف يوصف من تعدا الوصوف
والمعذره فالشهيد افحم هجوس القصيد

#بقلم_الشاعر_محمد_أحمد_مفلح #امريكا_تقتل_الشعب_اليمني
#أنفروا_خفافا_وثقالا
#شهداؤنا_عظماؤنا
🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA

إحنا العرب وانت يا ضاحي مجرد لقيط
ما لك سوى الإسم والباقي غلط في غلط

ضاحي تطاول على اسياده وزاد النخيط
ما يدري انه سقط من حيث غيره سقط

لو تفحص الدم في جسمه تشوفه سليط
بين النفايات يتكاثر مواء القطط

هل قد نسي ما حصل له من شويط الشويط
في وسط صافر وفي المندب تضيع الخطط

يوم ارسلوا الجيش والتشكا يقص الشريط
ما حسوا إلا وقد هو بينهم ف الوسط

خلفان خايف ومتخفي يجر المخيط
في خدمة البيت الأبيض بالغوى والشطط

ولا مثل ضاحي سوى قطره بعرض المحيط
منحط غاوي دعايه لو تلقّى السخط

وابن اليمن للعروبة الأصل وانت اللقيط
والعز والمجد حصري لليماني فقط

#بقلم_الشاعر_محمد_أحمد_مفلح #امريكا_تقتل_الشعب_اليمني #شهداؤنا_عظماؤنا #شكرا_سيد_العرب #خلي_السلاح_صاحي لمتابعتنا على التلغرام من خلال الرابط التالي
ⓣelegram.me/shaerm