ْ مركز ابو حاتـم
للانتاج والتوزيع الفني
http://telegram.me/abboo

شبّي لظى الصاروخ شبّي يا منصات الشموخ
يوصل دبي ويصوخ حاكمها ويشوي شيخها

والبرج يرجع كوخ لا يبقى ملوك ولا شيوخ
خل الجمال تنوخ وتعوّد على تاريخها

سلطانه المنسوخ ما يغني لتجميل المسوخ
بالغطرسه منفوخ والكيه حمينا صيخها

يتعب معي ويدوخ وانا من رسوخ إلى رسوخ
يا راسي المطنوخ عانق ف السما مريخها

من جا اليمن مصفوخ نخلس جلد من جاها سلوخ
والخوخه احنا خوخها مخ المخا ومخيخها

#بقلم_الشاعر_محمد_أحمد_مفلح #اليمن_مقبرة_الغزاة لمتابعتنا على التيلجرام
https://t.me/shaerm

لاحت بروق النصر الأكبر لاحت
وبقوة الله ف القريب العاجل

كل العوايق والصعاب انزاحت
حان انتزاع الانتصار الكامل

سلمان ولّى والممالك طاحت
والحق يزهق كل ما هو باطل

راحت سنينك يا سعودي راحت
فاشل ويا ما أسهل سقوط الفاشل

لا شفت بقعا فوق رأسه ناحت
فأقل كلمه باتقل يستاهل

ما بايفيد اصياحها لا صاحت
لا حان تسديد العقاب الآجل

كم يا دول من شرها ما ارتاحت
دايم وهي بالشر طالع نازل

ريح الخيانة والعمالة فاحت
ولا توقز الحبه سوى من داخل

لاحت بروق النصر الأكبر لاحت
من رملة العطفين حتى الساحل


#بقلم_الشاعر_محمد_أحمد_مفلح #اليمن_مقبرة_الغزاة لمتابعتنا على التيلجرام
https://t.me/shaerm

شعب وافي لليمن شعب وافي
ما تغيّر في جميع الظروف

ينفروا لله ثقال وخفافي
في سبيل الله شم الانوف

شعب واحد ما عليهم خلافي
في مقام العز هبوا وقوف

بيّنت الأحداث ما كان خافي
واليماني فاق كل الوصوف

كل واحد جيد لا هي عوافي
والمراجل ما حوتها كشوف

ف الشدايد بايبين السنافي
ساعة الفزعه يقود الصفوف

بالعطاء والبذل وافي وكافي
مد كفه عند قبض الكفوف

قوة إيمانه ثبات وتلافي
ف المعارك ما يهاب الحتوف

عن هوى الدنيا يزيد التجافي
ما على دنيا المذله حسوف

والله ان الذل ما له مشافي
لا الذليل يهاب حر السيوف

اسعفيني يا هجوس القوافي
قبل نستنفذ بريق الحروف

وصف يصفو من صفا الوصف صافي
ما اتصف باوصاف وصفه وصوف

صفصف اصفاف الصخور الصلافي
واصطفى صفه بوجه الصروف

للنصايف في الصلف والتصافي
عصف قاصف بالعواصف عصوف

لليمن عشرين مليون وافي
في رحاب القدس لازم تطوف
#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #السعوديه_داعش_الكبرى
لمتابعتنا على التيلجرام اضغط على الرابط التالى https://t.me/shaerm

هجوم فوق الاعادي يا رجال هجوم
تطهير تطهير والقادم عليه أعظم

والمعركه بإذن ربي وامرها محسوم
كتايب الحسم في الميدان تتقدم

ما عاد به عذر للعدوان بعد اليوم
من خان شعبه حرام اليوم ما يسلم

ما دام والله تكفل ينصر المظلوم
قولوا لسلمان باتبكي عيونه دم

صبر الرجاجيل جاوز حده المعلوم
لا بد ما نجزي المجرم على ما اجرم

وأرض اليمن مقبره وارمالها يحموم
ما تقبل الغزو واللي ما علم يعلم

صنعاء عصيه ولا نقبل عليها لوم
من دونها للغزاه المر والعلقم

قولوا لمن هو يعيش الوهم صح النوم
ثالث سنه في دخول العاصمة تحلم

باتدخل العاصمه مربوط لا البدروم
اما عدا ذاك لا تحلم وتتوهم

جيش اليمن في المعارك دام ابتكم دوم
ومن سلم من زحوفه خاف واستسلم

هجوم فوق الاعادي يا رجال هجوم
تطهير تطهير ليل الخاينين أظلم
#بقلم_الشاعر_محمد_أحمد_مفلح #امريكا_تقتل_الشعب_اليمني
#اليمن_مقبرة_الغزاه
لمتابعتنا على التيلجرام
https://t.me/shaerm

⭕️عاجل⭕️
تؤكد قناة المسيرة أن قناتها الرسمية على التيلغرام هي
ⓣ.me/almasirah2
وكل ما عداها قنوات مزورة

🔉 #زامـــل🔉
《 ابشر بعزك سيدي》
‏ ‏➖➖➖➖➖
☆ أداء| #عيسى_الليث
‏ ‏➖➖➖➖➖
☆ كلمات الشاعر| #أمين_الجوفي
‏ ‏➖➖➖➖➖
ــــــــــــــــــــــــــــــــــــــــــــــــــــــ
https://t.me/shaerm

بدري عليكم يا صعاليك بدري
تفنوا ولا تحتلوا أرض الحضارات

والعز والتاريخ والمجد حصري
بسم اليمن محصور في كل الأوقات

وانا اليماني لا سرى الليل يسري
شامخ مقاوم من غزا موطنه مات

عداوة أمريكا شرف فوق صدري
وانا افتخر بأني عدو الولايات

يعني من الآخر وبعد التحري
واشنطن الحاكم لنجد والامارات

لو وضعنا الحالي للاطماع مغري
يبقى مجرد وهم والواقع إثبات

ندعس على الأوجاع والدم يجري
وخضوعنا من سابع المستحيلات

ذي ما درى خلّوه الأبطال يدري
واصبح على الهدنه يقود الوساطات

ثالث سنه والقصف جوي وبحري
يعجز لكسر اصمود شعب البطولات

واحنا نرد الصاع صاعين بري
من نهم لا جيزان لا رأس لبنات

تنكيل نعلم به وتنكيل سري
ف الخصم من تنكيل رب السماوات

سبحانه الجبار سلمته أمري
وبقوته نجتاز كل الصعوبات

واجهت حشد الكون بايمان فطري
بالبندق اتحديت فخر الصناعات

بدري عليكم يا صعاليك بدري
يبقى اليمن وتروح نجد والامارات
#بقلم_الشاعر_محمد_أحمد_مفلح #اليمن_مقبرة_الغزاة #اليمن #امريكا_تقتل_الشعب_اليمني
لمتابعتنا على التيلجرام https://t.me/shaerm

للوراء يا علوج المملكة للوراء
والمنايا بوادي الضيق والمخدره

حايم الموت من كل النواحي سرى
والعدو في تخبّط فاقد السيطرة

حلقوا به جنود الله أُسود الكرى
ردوا الميمنة لا داخل الميسره
سحق في الميمنه تنكيل في الميسره

من تجند مع الله باع والله شرى
مستحيل اي قوه ف الزمن تقهره

ناد صرواح تحكي لك عن اللي جرى
وأسأل العز عن خولان واتخبره

كل نشمي على ساح الجهاد انبرى
ما قرح غير في روس العدا معبره

ليث مقدام جاهز لأي طاري طرى
كل وقته مع القرآن يتدبره

يلتحف بالسما ويبيت وسط العرا
صبر وإيمان وأعظم كل جهد اصبره

تحت قصف الطواير ما رجع واحترى
عزم من ينصر الله دائماً ينصره

من يشوف المجازر في المدن والقرى
ما بقي له أمام الله ما يعذره

لو يدي ف الثريا وارتجم للثرى
ما اتبع الحلف الأمريكي وما قرره

كم تآمر على شعب اليمن وافترى
واندحر كيد قرن ابليس في منحره

عاد الأبطال في الميدان إن لم ترى
دلك الخارق الشباب للمقبره

ارجعي يا الزحوف الخايبه للوراء
جند ربي حماة الضيق والمخدره
#بقلم_الشاعر_محمد_أحمد_مفلح #اليمن_مقبرة_الغزاة #اليمن #امريكا_تقتل_الشعب_اليمني
لمتابعتنا على التيلجرام اضغط على الرابط التالي https://t.me/shaerm

ساعة الحسم دقت وأشر القايد
والخيارات للتصعيد مفتوحه

حان وقت النقا يا شعبنا الصامد
قل لسلمان يتشهد على روحه

شاهد الشعب في ساح الفدا شاهد
بالصمود اليماني يكمل اللوحه

شعب واحد موحّد والهدف واحد
خاب مسعى المنافق وانطفى ضوحه

لا ورب السماء يا الخاين الحاقد
ما تزلزل ثبات الشعب وطموحه
#بقلم_الشاعر_محمد_أحمد_مفلح #اليمن_مقبرة_الغزاة #اليمن #امريكا_تقتل_الشعب_اليمني
لمتابعتنا على التيلجرام https://t.me/shaerm

رأسي فدا رأسك وروحي لك فدا
يا خير من لا قال في قوله فعل

وابشر بنا جندك ملبين الندا
معك معك يا ابن النبي مهما حصل

ذي ما اهتدى للحق عمره لا اهتدى
يحسب حسابه ما معاه الا الفشل

لا خير في صاحب مع صف العدا
يشتي يدس السم ما بين العسل

كلن على مبداه والخافي بدا
والحق يزهق كل باطل محتمل

من هو تستر بالعماله والردى
لازم يكف ايديه عن نشر الخلل

والشعب كل الشعب لو طال المدى
هيهات يستسلم ويقبل من خذل

#بقلم_الشاعر_محمد_أحمد_مفلح #اليمن_مقبرة_الغزاة #اليمن #امريكا_تقتل_الشعب_اليمني
لمتابعتنا على التيلجرام https://t.me/shaerm

(للأستاذ محمد عبدالسلام)

يا ابو صلاح أبشر وشد احزامك
وافرض شروطك فرض لا تطلبها

والشعب خلفك والوفاء قدامك
والمعجزه بإصرارنا نجلبها

ما بين قبضة معصمك وإبهامك
رهن الإشارة كيف ما ترغبها

حاور وشعبك ملتزم بإلزامك
للصلح صلح وللردود انسبها

والمملكة لو عارضت لاحكامك
في ساحة الميدان بانغصبها

قل للسعودي ما نسينا إجرامك
ونهاية الطغيان يا ما أقربها

وشروط عدوانك وفرض احكامك
في أرض اليماني بلها واشربها

وإحنا نكسنا هيبتك وأعلامك
والمعركة في حكم من يكسبها

شعب اليمن بدد هيام أحلامك
وبقوة الله قوتك نغلبها

سلمان خابت لعبتك واوهامك
دور على غير اليمن تلعبها

لابد تتجرع بكأس آلامك
واعهودنا بدماءنا نكتبها

يا ابو يمن يا نعنبو من لامك
ضدك قوى العالم ولا تحسبها

طغيانهم بالخزي تحت أقدامك
وجموعهم باطلالتك ترعبها

بالفخر لا زلنا نعيش أيامك
والمقبلات من السنين اطيبها
#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة لمتابعتنا على التيلجرام اضغط على الرابط https://t.me/shaerm

#ترقبوا
#زامل《 رأسي فدا رأسك 》
‏ •••••••••••••••
☆ أداء المنشد | #عيسى_الليث
☆ كلمات الشاعر | #محمد_مفلح
‏ •••••••••••••••
#ياسيدي
رأسي فدا رأسك وروحي لك فدا
يا خير من لا قال في قوله فعل

لا خير في صاحب مع صف العدا
همه يدس السم ما بين العسل
‏ •••••••••••••••
على زوامل الليث
http://t.me/ZawamlAllaith

زامل
《 رأسي فداء رأسك 》

رابط الزامل على يوتيوب :
https://youtu.be/3RY6zL2UGFg
‏ •••••••••••••••
☆ أداء | عيسى الليث
☆ كلمات الشاعر| #محمد_مفلح
‏ •••••••••••••••
وحدة الإنتاج الفني
الإعلام الحربي 1438 هـ
‏ •••••••••••••••
☆ يمكنكم متابعة كل جديد المنشد عيسى الليث عبر حساباتنا الرسمية:
Youtube.com/ZawamlAllaith
t.me/ZawamlAllaith
fb.com/ZawamlAllaith2
twitter.com/ZawamlAllaith

الإعلام الحربي | 1438 هـ
القناة الرسمية ل_ #عيسى_الليث
T.me/ZawamlAllaith

ترقبوووووووووا زامـــــــل قووووووووة القوووووووووه #أشر_القائد
كلمات الشاعر #محمد_أحمد_مفلح
أداء
المنشد المبدع #أيمن_قاطه
والمنشد #حسن_البنوس
https://t.me/shaerm

🔉 #زامـــــل 🔉
《 أشر القائد 》
‏➖➖➖➖➖
أداء والحان | #أيمن_قاطه
#حسين_البنوس
‏ ‏➖➖➖➖➖
كلمات الشاعر| #محمد_أحمد_مفلح
‏ ‏➖➖➖➖➖
ــــــــــــــــــــــــــــــــــــــــــــــــــــــ
https://t.me/shaerm