SHAKA - Yulduzim (matni)

O'sha yulduz - o'sha yulduz, so'nmadi hali xanuz,
Lek yuzin zab berkitdiyu, sayyoramga keldi kuz.
Uzluksiz u zulfi bilan ob-havoyim boshqarar,
Qarorgohim u yulduzga umidsizlarcha mahbus.

Tuzdek qotgan ko'zlarimga shu'lasi yetgaymikin,
Muzdek qalbim ashullasidan erib ketgaymikin,
Men ne yo'ldoshdirmanki, u yulduzga hamxona,
To'qnashsammikin yo, gravitatsiya bahona.

Goho kimlar ozib-yozib, yonidagi qizlariga
Yulduzlarni uzarman der, go'yo ular izmlarida
Koinot, lek afsus yo'q bunday tizim,
Zimiston bo'lardi ko'k, yulduzlarni uzganimizda.

Kezi kelib quyoshni ham uzib olsak gar,
Saharimni qaytar deb jo'sh urardi shaharlar.
Men yaxshi repper, lek sariq chaqa qaro ko'nglim,
Sen bir tiyinlik repper, lek taratgan nuring so'lim.

Yulduzimsan
Samolardan nur sochgan
Gulyuzim
Yulduzimsan

O'sha Shaka - o'sha Shaka, uchar raketadaka,
Bir yuz ellik million kilometr bir o'zi falakda yakka,
Butun umri uvolmasdir manziliga yetmakka, lek
Ne yuzqarolik turtkiladi uni uchib ketmakka?

Koinotda musofir u, goh sohta goh haqiqiy u,
Yurtdan ayro kimsa vayron, xoh muslim xoh yahudiy u

Kamina Toxirdir, u Yulduz Zuhro bo'lsa gar,
Aylanib o'rgilib ohir talpinaman ul qadar.

Yulduzimsan
Samolardan nur sochgan gulyuzim
Yulduzimsan

Yulduzimsan
Somon yo'lidan qochgan gulyuzim
Yulduzimsan

Yulduzimsan
Gulyuzimsan

Hayronman (matni)

Gar internet havodir, nafas olish zarardir.
Gar yangi bir navodir, tanqidlar muqarrardir.
Ming komment har soniya, ig‘volar nechun kerak?
Shukr qiling boriga, rep deya urar yurak!

Ey ilhom bilmaganlar! Rep kuylab ko‘rmaganlar!
O‘zingni bil! yetar bas! tanqidlaring kerakmas!!!
Ey ilhom bilmaganlar! Rep tinglab ko‘rmaganlar!
O‘zingni bil! yetar bas! Tanqidlaring kerakmas!!!

Barmog‘ingni ko‘rsatsang internet tarmog'ida,
Nechun nafrat toshlari yog‘iladi gohida?
Yoqmasa tingla maqom, g‘ijjak karnay surnayni,
Ahir rep olamidan nokas ko‘ngling to‘lmaydi!

Men hayronman, men hayronman, o‘grilardan vayronman...
Replarimni tinch qo‘y, bas! shou biznesing kerakmas!!!
Man hayronman, Men hayronman, tanqidlardan vayronman,
Haddingni bil ey nokas! Sening fikring qiziqmas!

Rep neligin bilmagan, eshitib ham ko'rmagan
Ohangini tuymagan, manmanlikni qo'ymagan.
Men ahli g'iybatchiga parvo qilmasman aslo
Repni hurmat qilganlar, do'stlarim ham bir dunyo.

Og'zingni yop, tovushing chiqarma!
O'tirgan joyingdan qimirlama,
Ey nafratgo'y! manga qarama,
Hamma gapirsa ham san gapirma.

Kritikang be'mani, g'irrom, nopok!
Ko'zlaringda biron bir jon yo'q.
So'zlaringga qurbon butun olomon,
Boshingga ketmon bilan bir solaman!

Agar kommenting bilan asabimga tegsang,
Iningda berkinib, san, internetda beksan
Kulganga yig'lab, yig'laganga kulasan...


Sening behosiyat izohlaring tinimsiz bitilar,
Lek uzilgan qizil gul tikonidek bulbulga ham oshiyon bo'lmay unutilar.

May (matni)

Bir qo'lda Qur'onu bittasida jom,
Ba'zida halolmiz, ba'zida harom,
Feruza gumbazli osmon ostida
Na chin musulmonmiz, na kofir tamom.

Men keldimu, dunyo ko'rdimi foyda?
Ketsam martabasi osharmi? Qayda!
Hech kim tushuntirib bera olmadi:
Kelishim - ketishim sababi qayda.

Dedim, endi mayi gulgun ichmayman,
May tok qoni, men xun ichmayman,
Keksa aqlim aytdi: Shu gaping rostmi?
Dedim: hazillashdim, nechun ichmayman!

Sen bo'lsang-u, men bo'lsam-u, may bo'lsa,
O'rtada bir qizil gul ham nay bo'lsa,
Nayni chalib navo qilsang nozanin
Jon bermoqqa yurakkinam shay bo'lsa.

O'ylama pulsizu nochor ichmayman,
Rasvolikdin qilib yo or ichmayman,
Men mayni dilxushlik uchun ichardim
Bu kun-chi, qalbim-da sen bor ichmayman!

May ichsang, oqilu dono bilan ich,
Yoki bir gul yuzli zebo bilan ich.
Oz-oz ich, goh-goh ich ham yashirin ich,
Ezma, rasvo bo'lma, hayo bilan ich.

Tong chog'ida turgil, nozanin go'zal,
Maydalab ichaylik, rubbobingni chal,
Dunyoda bor odam uzoq turmaydi,
Ketganlari qaytib kelmas hech mahal.

Mastni ta'na qilma, ichmasang sog'ar,
G'iybat - doston qilma, bo'lma hiylagar
Kekkaya ko'rma hech may ichmayman deb,
Sening qilmishlaring bundan beshbattar.

May ichsa gado ham sulton bo'ladi,
Tulki ichsa, sheri g'oron bo'ladi,
Yosh ichsa keksalik sharafin quchar,
Keksa ichsa yoshu chaqqon bo'ladi.

Ichkilik kekkaygan boshni qilur xam
Maydan yechilmagan biror tugun kam.
Bir qultum may ichgan bo'lsaydi shayton,
Ming sajda qilardi odamga ul ham.

Umar Hayyom

@Shaka

Ijtimoiy Tarmoqlar (matni)

Telefondan boshni ko'tar, miyyanga tushmasdan qurt,
Youtub-u Facebook uzra bo'lib qolmagin Manqurt.
Tur o'rningdan, qadam bos, yur, tiril, uyg’on, yugur,
Badantarbiya bu koni foydadur.

Qarmog'ining ilmog'iga ilmoqda ul mug'ombir,
Barmog'ingdan tirnog'ingni tilganday huddi ombir,
Internet bu fohisha, oshiq qilar o'ziga,
Mushtoq bo'lgan ko'zingga
Ishqalaydi qalampir.

Ijtimoiy tarmoqlar
Kasallikdir, o'rtoqlar.
Zarari bo'lsa borkim,
Afzalligi hech yo'qdir.
Ijtimoiy tarmoqlar bu
Ixtiyoriy qamoqdir.
Mubtalo bo'lgan bo'lgan o'lar,
Tubsiz jarlik, so'qmoqdir!

Ijtimoiy tarmoqlar,
Kasallikdir, o'rtoqlar.
U shunday bir dardkim,
Aning tabibi yo'qdir.
Internetda o'tirganlar aslida ko'r, so'qoqdir!
Kommentlarda botir-u hayotida qo'rqoqdir!

Internet bu narkotik.
Internet bu nasha.
Bo'lma o'jar xo'tik,
Nasha chekishni tasha!

Qilma harhasha,
Bu mashmasha,
Undan ko'ra Shaka akani ko'rganda besh tasha

Ul muloyim qotilga sen o'lja bo'lma asrdosh,
U senga na do'st, na birodar va na sirdosh.
Bulbuloyim kimsalarni youtubda qilma ta'na,
Past ketib qo'yma yana ojizliging qilma fosh.

Ijtimoiy tarmoqlar
Kasallikdir, o'rtoqlar.
Zarari bo'lsa borkim, afzalligi hech yo'qdir.
Ijtimoiy tarmoqlar bu
Ixtiyoriy qamoqdir
Mubtalo bo'lgan bo'lgan o'lar,
tubsiz jarlik, so'qmoqdir.

Ijtimoiy tarmoqlar,
Kasallikdir, o'rto'qlar
U shunday bir dardkim,
Aning tabibi yo'qdir
Internetda o'tirganlar aslida ko'r, so'qoqdir!
Kommentlarda botiru hayotida qo'rqoqdir!

Uyalma (matni)

Harakat, harakat, harakatda barakat
Uyalma, uyalma, tortinishga ne hojat?

Kim nima deyishidan farqli o'laro uyalish aqldan ayro,
U shunday bir balokim, kimlarni qilmas hayron,
Uyalmasman g‘animdan, na bir do'stdan, na kamimdan,
Voz kechmam vatanimdan 4 okean aro


Uyalmasman aksentdaman
Xorazmda, Piskentda ham,
Ohangaron, Toshkentda ham,
Moskva-yu Chimkentda ham.

Men reperman! Tamom vassalom.
Reperlarning piridirman menga Pushkin bir jahon!

Uyalmagin shevangdan, shahar, qishloq tepangdan,
Uyalmagin boringdan,
tili zabon, koringdan.
Qay yurtlarga borsang ham mag‘rur tutgin boshingni,
O‘z tilingni berma hech, unutma qaroshingni

G'ulg'ula va xavotir tahdid tug'dirayotir,
Bir kulib bir yig'lab odamzod kun kechirayotir,
Lekin menga baribir yengilmasman hech bir on,
Menga Bayron bir jahonu, menga Pushkin bir jahon,

Uyalma, uyalma, asosiysi uyalma
Harakat, harakat harakatda barakat.
Uyalma, uyalma, tortinishga ne hojat?

Ne bo’lishidan qat’iy nazar, sen tortinma, birodar!
Oqilona qadam bos, sandiroqlama darbadar.
Yoz baytlar, hamma paytlar,
Baytlaringni haytlarda hamma aytar.

O'zbek repi eng zo'r repdir dunyoda, unga yo'q chek,
Qolganlari hijolat chetda popiris chekar, lek,
Rus repiga nadomat yo'q, bildiraman hamdardlik,
O'zbek repi barbir zo'r, tan olish ham bir mardlik.

Kindik qon to‘kilgan yer - mo'tabar, muqaddas,
Sheva, lahjangni asra, niqoblar kerakmas.
So'kina ko'rmagin hech, manman tutma o'zingni,
Uzur so'ra qani tez! Qaytarib ol so'zingni.


Tinch qo'ymaydi tushkunlik,
Tinch qo'ymaydi araz
Ba'zi do'stlar uch kunlik
Dushmanlarim molfaraz

Lek bu oddiy jarayondir,
Aslo bo'lmasman hayron.
Menga Bayron bir jahonu
Menga Pushkin bir jahon.

Tun (matni)

Tashqarida yomg’ir shivirlaydi jim,
Ko’rinmas na chiroq, na bir ziyo.
Go’yo derazamni chertar alla kim
Bosib kela boshlar qandaydir ro’yo.

O’zinmi to’shakka otaman shu on,
O’ranib olaman vahima ichra.
Qorong’u yo’lakda shitirlar hazon,
Kimdir derazamdam ketmaydi sira

Chiroqni yoqaman betoqat borib,
Go'yo vahimalar bo'ladi abas.
Yomg'ir yaltiraydi nurda oqarib,
Tasalli cho'lg'aydi dilni bir nafas.

Lipillab so'nadi chiroq ham ohir,
Qandaydir shovullab egiladi tol.
Kimdir tashqarida entikar og'ir,
Birdan derazamni qoplaydi hayol.

Kimsan ey tunlari meni poylagan,
Makriga boylagan yovuz darbador,
Kimsan ey ruhimni mag'lub aylagan,
Mag'rur yuragimga tashlagan nazar!

Yolvora boshlayman kimgadir yonib,
Bir zum irodamni etaman bekor.
Bir zum o'zligimdan qolaman tonib,
Bir zum ojizlikka bo'laman iqror

Gunohkor bandaday titrab, qaltirab,
Kimdandir so'rayman so'nggi himoya.
Shamol ham uvillar nimadir tilab,
Birdan kela boshlar ul mash'ul soya.

To'lg'onib ketadi nogoh yuragim,
Nimani istaysan? so'yla, ey, deydi,
Sekin g'udurlaydi shunda allakim,
Nahotki menga hech rahming kelmaydi?

Yomg'ir ham savalar meni beomon,
Shamol ham holimdan kulgani kulgan.
Boshpana ber menga, men vahimaman,
Botirlar qalbimdan quvg'indi bo'lgan.