“Ассалому алайкум.
Она тилимизда тўғри ёзишга ҳаракат қилишингиз ва ҳозиргидан олдинги бир постингиз жуда хурсанд қилди! Постларингиз ҳам мазмунли ва лўнда ёзилади!
Барибир ҳаммамизда хатолар чиқиб туради...

Ҳозирги:

Bugunning “shayton”lari ham *o‘shа Iblisning yo‘lidan yurmoqdalar:
Xamr *— “spirtli ichimlik”;

чизиқча - ва тиренинг — фарқи бор.

Yalang‘onchlik — “moda”;
Fahsh — *“sivilizatsiya”;
Zino - “rivojlanish”.
Harchand o‘zgarsa-da nomlar sizni aldab qo‘ymasin!

Тўғри ёзишга ҳаракат қиладиганларни ҳурмат қиламиз. Юқоридагиларнинг фойдаси тегса хурсанд бўламиз”.
(Obunachilarning biridan kelgan xabar)

“Sekin shoshil”, degan ekan Oktavian Avgust. (😄)

Do‘stlar, ona tilida mutaxassislikka da’vo qilmayman. Ba’zan jumlalarni noto‘g‘ri tuzaman. Imloviy va texnik xatolarga yo‘l qo‘yaman. Ammo savodsiz bo‘lib qolishni ham istamayman. Shu bois xato qilgan chog‘imda to‘g‘rilab qo‘ygan birodarlarim uchun Allohning rahmati bo‘lishini so‘rayman.

Yuqoridagi xabar egasiga alohida minnatdorchilik bildiraman! Xatolarni to‘g‘rilab qo‘ydim.

@Muhammadoshiq

#Odam #Olam

​​Miya — tom maʼnoda inson nerv sistemasining qirolidir. Inson katta xavf (qoʻrquv) holatiga tushsa, miya, gipofiz nomli bezni bu haqda ogohlantirib, holatni nazoratga olishni buyuradi. Gipofiz — inson usiz yashashi qiyin kechadigan, toʻqqiz funksiyani bajaradigan inson organizmidagi yarim grammlik bez. So’ng, navbat buyrak usti beziga beriladi. Inson xavfga tushganda, buyrak usti bezi birinchi navbatda yurakka uning qisqarishlar sonini 80/daq (norma) dan 180/daq ga koʻtarishini buyuradi. Keyin, oʻpkaga kengayishni, uchinchi boʻlib esa, jigarga (organizmdagi) shakar miqdorini 200ga (normal holatda 90) oshirishni buyuradi. Undan tashqari, toʻrtinchi boʻlib (organizmni) trombozdan ozod qilishni va beshinchi boʻlib arteriyalarga qisqarishni buyuradi. Shu sabab ham, qoʻrquvga tushgan kishining rangi oqarib ketadi.

Endi asosiy mavzu haqida:
Paygʻambarimiz sollallohu alayhi vasallam so'yilgan hayvonning (kir) qonini butunlay chiqazish bilan poklashni buyurganlar. Shuning uchun ham, u zot sollallohu alayhi vasallam hayvonni soʻyganda pichoqni oq miya deb ataluvchi, umurtqa pogʻonadagi oq narsaga yetkazib pichoq tortishdan qaytarib, faqatgina jon qon tomirni kesishni va (tana sovimaguncha) kallasini tanaga bogʻlangan holda saqlashni buyurganlar. Nega biz shunday qilishimiz kerakligini bilasizmi?

Buning ilmiy izohi quyidagicha:
Jonivorlarda ham insondagi kabi qon tizimi va mexanizmi mavjud. (Qurbonlik vaqtida) qoʻyning kallasi butunlay olib tashlanishi — yurak urishi tezlashishini taʼminlovchi jarayonga xalaqit beradi. Agar jonivorning boshi (joni chiqquncha) tanasi bilan qoladigan boʻlsa, yuqoridagi jarayon amalga oshadi. (Boshi tanasi bilan birga qolgan holda) qurbonlik qilinayotgan vaqt jonivorning qon bosimi 180ga koʻtarilib, barcha qonni tanadan chiqib ketishiga xizmat qiladi. Ammo jonivorning kallasi butunlay olib tashlanganda bu holat yuz bermas edi, chunki u holatda qon bosimi 80 boʻlib tanadagi qonning toʻrtdan bir qismi chiqadi xolos. Shuni inobatga olish kerakki, qon — mikrob, bakteriya va kasalliklar uchun yoqimli muhit hisoblanadi.
Bundan kelib chiqadiki, barcha qon chiqib ketmagunicha jonivorning tanasi toza holatga kelmaydi. Bu holatga esa, jonivor boʻgʻizlangandan soʻng kallasini tanasiga bogʻliq holda qoldirish bilan erishilinadi. Bularni barchasini Rasululloh sollallohu alayhi vasallamga kim oʻrgatdi?

"U (Qurʼon) vahiydan oʻzga narsa emas." [53-4]

Qurbonlik qilishdagi bu uslub — Muhammad sollallohu alayhi vasallamning haqiqiy paygʻambar ekanliklari isbotidir.

Shayx Muhammad Rotib Nobulsiy hafizahulloh maqolalari asosida ingliz tilidan erkin tarjima qilindi
Qo'shimcha manbalar: islom.uz sayti.

🇬🇧 Read in English

👉 @OdamOlam
———————————

Barchangizga Iyd muborak bo'lsin!

Yaqinda ochilgan va yaxshi ma’lumotlar taqdim qilinayotgan sahifa. Tavsiya qilaman!

Yaxshi tushlar ko‘ring

Ash’ab aytadi: “Tushimda bir badra (o‘n ming dirham pul) ko‘tarib ketayotganimni ko‘rdim. Og‘irligidan hatto tahoratim sindi. Uyg‘onib qarasam, hadasni* ko‘rdim-u, ammo haligi badrani topa olmadim”. ))
(Ibn Javziy, “Axbaaruz zirof val mutamaajiniyn”)

*Hadas - betahorat bo‘lish. Bu yerda hadas deb tahorati buzilganining asari nazarda tutilgan.

@Muhammadoshiq

#Risola

Bir narsadan qo‘rqa-qo‘rqa, oxiri qo‘rqqani aslida mavjud bo‘lmaganini bilgan insonga:
“1937-yil Angliya premer-ligasining “Chelsi” va “Charlton” jamoalari o‘rtasidagi futbol musobaqasi paytida qattiq tuman tushishi sababli o‘yin to‘xtatiladi. Suratdagi bu inson “Charlton” jamoasining darvozaboni Sem Bartram. U o‘yin to‘xtatilganidan bexabar qolgani uchun 10 daqiqa bo‘sh o‘yingohdagi darvozani “himoya” qilib turgan…
Yo‘qlikka mahkum bo‘lgan narsalar uchun xavotirlanma! Zero ular hozirdan yo‘q hisobidadir”.

@Muhammadoshiq

Shunday do‘sti borlar uchun dunyo g’ami g‘am emas.

@Muhammadoshiq

“Mening yilda bir marta uchrashadigan birodarlarim bor. Har kuni ko‘rishadigan kishilarimdan ko‘ra ularning muhabbatiga ko‘proq ishonaman”.
(Ahmad ibn Hanbal)

Birodarlik, do‘stim, har kuni ko‘rishib, gaplashib o‘tirish emas. Birodarlik - ikki insonning dunyoning boshqa-boshqa tomonlarida turib ham va’da qilingan abadiy suhbat uchun intila olishi.

@Muhammadoshiq

Yaponiyada II Jahon Urushi davomida suratdagi bu bolakay o'lik ukasini ko'mish uchun orqasida shunday ko'tarib yuradi. Bunga bir askar e'tibor berib, o'lik bolani tashlashini, yo'qsa charchab qolishini aytadi. Bola: "U og'ir emas. U mening ukam!", deb javob beradi.
Askar holatni tushunib, ho'ngrab yig'lab yuboradi. Ana o'shandan beri ushbu surat Yaponiyaning birlik ramziga aylangan ekan!
Shoyad, bu bizning ham shiorimizga aylansa: "Og'ir emas! U mening ukam!".

Abror Hasan o‘g‘li tarjimasi

@Muhammadoshiq

Ustoz va shogird

Asma’iy aytadi:
«Agar muallimda to‘rt xislat va o‘quvchida ham to‘rt xislat bo‘lsa, ikkovlarining ishi bir-biriga to‘g‘ri keladi. Ulardan birortasi bo‘lmasa, ish (ta’lim) tugal bo‘lmaydi.

Muallimda bo‘lishi kerak xislatlar:
- aql;
- sabr;
- shafqat;
- g‘ayrat.

O‘quvchida bo‘lishi kerak xislatlar esa:
- hirs;
- mashg‘ul bo‘lmaslik;
- hifz (yod olish);
- aql.

• Agar muallim o‘quvchini oqilona idora etib turmasa, uni chalkashtirib yuboradi.
• Agar muallimning sabri bo‘lmasa, o‘quvchini charchatadi.
• Agar u o‘quvchisiga shafqat qilmasa, uni ilmdan nafratlantirib qo‘yadi.
• Agar muallim bor g‘ayrati ila dars bermasa, o‘quvchiga manfaat ulasha olmaydi.

• O‘z navbatida o‘quvchida ham aql bo‘lmasa, hech narsani tushunmaydi.
• Agar hirs (qattiq ishtiyoq) bo‘lmasa, o‘rganmaydi.
• Agar qalbi boshqa narsalar bilan band bo‘lsa, muallimining gapini anglamaydi va hifzi yomonlashadi.
• Agar o‘quvchining hifzi yomonlashsa, ular orasidagi aloqa suvdagi kitob kabi bo‘ladi».

@Muhammadoshiq

Hamon ko‘pchilikning musulmon ekanini eslatib turgan bayramimiz muborak bo‘lsin!

@Muhammadoshiq

«Yo‘q bo‘ladigan har qanday muhabbat muhabbat emas. O‘zgaradigan har qanday mubabbat muhabbat emas. Haqiqiy muhabbat - bu sobit qolganidir!»

@Muhammadoshiq

Ona faryodi bunchalar og‘riqli-ya…

Uch kun oldin 29 yoshli yagona akamning vafot etganlarini eshitdik.

إنا لله وإنا إليه راجعون

Ular chet elda edilar va qaytishlariga bir-ikki oy qolgandi (nasib qilsa keyinroq ular bilan bog‘liq xotiralarni yozaman). Bir kun buni onamdan sir tutdik. Ertasiga esa otam onamga besh yil visolini kutgan farzandlarining o‘lim xabarini bunday berdilar: «O‘g‘ling sendan ham mehribon Zotning oldiga ketdi».

Onam yig‘ladilar, ko‘nmadilar. Otam dedilar: «Hozir sanga bir narsa aytaman. Buni boshiga musibat tushgan kimsani ko‘rsam aytaman, deb yurgandim. O‘sha biz bo‘libmiz: Johiliyat davrida bir ayol bo‘lgan. Uning akasi vafot etganda, ko‘chada telbalarcha: «Aka… aka!» deb baqirib yurgan. Keyin u Islomga kiradi va to‘rt o‘g‘li shahid bo‘ladi. Ammo bir tomchi ko‘z yosh to‘kmasdan sabr qiladi... Uni bu darajaga olib chiqqan iymoni edi. Biz Allohga iymon keltirganmiz. Alloh berdi, O‘zi oldi. Yig‘laymiz, lekin, sabr qilamiz». Onam yana yig‘ladilar…

Ya’qub alayhissalomga ko‘z nurini qaytargan Zotga taslimmiz. Diydor o‘limning o‘zi o‘ldiriladigan kunga qoldi…