#Muslim

ODAM

Muslim — qishloqning eng muslimi edi
Musichaday yuvvosh,
Qushday beozor.
Nisbat bermasdilar unga odamday,
Muslim kamtar edi,
Muslim — vafodor.

Chumoliday mehnat qilardi tun-kun,
Eshakday ishlardi,
Totirdi qushday.
Itday qo’riqlardi biyday dalani
Tunlar — bo’shaganda kunduzgi ishdan.

Oxorli kiymasdi,
Topib-tutganin
Qora ko’zlariga ilinar edi.
Uyida ham to'rda o'tirmasdi u,
Na qadri, na o'rni bilinar edi.

Doim yayov edi,
Qo’llar ko’ksida.
Katta-yu kichikka berardi salom.
Odam sanamasdi,
Qo’shmasdi safga
Xokisor mo’minni qishloqdosh avom.

Muslim chivinga ham bermasdi ozor,
Ko’pday ko’rar edi topgan ozini.
Xilvatda ibodat etar iymanib,
Choponga yashirar joynamozini.

Muslim ayoliga tutolmasdi zar,
Ma’sum nigohida mehr tutardi.
Xotin shang’illardi,
Yillab qarg’anib
Eri odam bo’lishini kutardi…

Muslim og’rib qoldi.
Dard tortardi jim
Tagiga qadrdon choponin to’shab.
Hol so’ragan qo’shni g’udranar sekin:
Yotmabdi-da munday odamga o’xshab…

Muslim duo qildi to so’nggi nafas
Ahli ayolini, o’g’il-qizini.
Kalima keltirib muloyim, sokin
Qiblaga yuz burib yumdi ko’zini…

Muslimda yo’q edi hech kimda da’vo,
Muslim yashamadi oshini oshab.
Jondan boshqa qarzi yo’q edi uning,
Qarz ham so’ramasdi odamga o’xshab.

…Shu kecha tush ko’rmish kenjatoy o’g’il,
Yig’lar:
— Jannatlarda yurganmish otam,
Farishtalar cho’kib turgan emish tiz
— Odam keldi, — deya —
Hazrati Odam!..

© Dilfuza Komil

Ushbu she'r, haqiqatda, ajoyib yozilgan! She'rdagi Muslim - muxlis, kamtar, xushxulq, xokisor va eng muhimi oddiy musulmon (balki mana shu oddiylik bizga yetishmas). Deyarli barcha jumla fikr yuritilishga haqli. Ammo men bir jumlani alohida eslatmoqchiman:

Jondan boshqa qarzi yo'q edi uning....

Bizning-chi?!

TUN - ...

🔸TUN - Alloh taoloning insoniyatga bergan eng buyuk ne'matlaridan biri. U avom uchun rohat, obidlar uchun fursat, muhsinlar uchun g'animat va solihlar uchun fazilatdir. U olimlarning ish vaqti, Qur'on ahlining intiqib kutgani va zohidlarning rag'batidir.

🔸Tun - bu dunyoda libos, oxiratda esa nurdir. U oshiqlarga visol, taqvodorlarga chiroq, mazlumlarga dalda, a'molarga ko'z va tafakkur egalariga ko'zgudir. Unda Rasululloh ‎ﷺning Robbisi ila uchrashuv baxti va ming oydan yaxshiroq ajrning naqdi bor. Unda Nabiyyini ko'rmagan ummatning ul Mahbubini ko'rish imkoniyati bor!

🔸Tun - ibodat uchun kalit, tavba uchun esa eshikdir. Unda charchoq o'rnini hordiq, shovqin o'rnini sukunat, riyo o'rnini ixlos egallaydi. Unda o'qiladigan namoz munofiq uchun og'ir, mo'min uchun esa yengildir.

🔸Tun - unda namlangan kipriklar uchun guvohlik beruvchi shohid va unda to'kilgan ko'z yoshlarni jannatda artguvchi dastro'moldir. Kunduzgi ibodatlar uchun quvvat ham undan olinadi. Unda so'raguvchi uchun ulkan ijobat va va'da qilingan Buyuk Soat(Qiyomat) bor. Unda Olamlarning Robbi Alloh taolo ila yolg'iz qolish bor. Unda U ila munojot qilish bor!

🔹Odamlarning ko'plari esa bundan g'aflatdalar...

©Muhammadoshiq

Internetga kirmasdan oldin men dunyoda shuncha ahmoqlar borligini bilmagan edim.

Stanislav Lem

#Tufula

Ko'chadagi odamlarni ko'rib hayratini yashira olmagan chaqaloq 🚼...

#Tufula

Bugun erta uxlash boshqa kunlarga qaraganda ancha foydali ekan. (Bu fakt;)

#Eshak_va_inson

Fariduddin Attorning "Tazkiratul Avliyo" nomli kitoblarida shunday rivoyat keltirilgan:

Bir kuni Imom Abu Hanifa ko'chadan o'tib ketayotsalar, qarshilaridan bir ho'kiz chiqib qoldi. Abu Hanifa unga yo'l berdilar.
Odamlar:
- Ey Imom, nega bunday qildingiz? - deb so'rashdi.
- Mening aqlim, uning esa shoxi bor, - deb javob berdilar Imom Abu Hanifa.

Sizning ham qarshingizdan shunday "ho'kiz"lar chiqib qolsa, ularga yo'l bering: unda shox, sizda aql bor.
Ular bilan "suzishib" o'tirmang, baribir yengilasiz.

Ha, aytgancha, "ho'kiz", "eshak" deb kimlarga aytilishini eslatishga hojat bo'lmasa kerak-a.;)