#Ha_yoki_yõq

Taklif va so’rovlarga darrov “Ha” deb yubormang. Qanchadan-qancha “Ha”lar borki, ortidan afsusni olib kelmagan bo’lsa.

Takliflardagi “Ha” rozilik, so’rovlardagi “Ha” tasdiq alomatidir.

Rozi bo’lgach ishni bajarishingiz, tasdiq qilgach oxiratda javob berishingiz bor.

“Shundaymi, shunday emasmi?”, “Mumkinmi, mumkin emasmi?” so’rovlariga “Ha” yoki “Yo’q” deb javob berishni yengil sanamang.

Taklif kiritilganda “Yo’q”, savol so’ralganda esa “Bilmayman” deya olishni o’rganing.

Pifagor aytganidek:
“”Ha” yoki “yo’q” so’zlari juda qisqa bo’lsa ham, ular jiddiy fikrlashni talab qiladi”.

Shoshmang, o’ylang, ehtiyot bo’ling!

#Evrika

“Nicho”, “narmalna”ni tilimizdan bo’lishiga rozi, ammo "نرملني"ga xushi yo’q...

#Biz

Biz - bir tomchi suv, bir uyum tuproq,
Asli bitta, ammo turfa xil inson.
Qalbimiz, ruhimiz bittadir, biroq,
Biz - ikki yuz: goh malak, gohida shayton...

Biz - mazlum, zaifhol, bechora, faqir,
Ayni vaqtda zolim, berahm, qonxo'r.
Biz - mehrga muhtoj, lekin toshbag'ir,
Tuzin yeb tuzlig'iga tupurgan nonko'r.

Biz - haddan ziyod xudbin, ochofat,
Lagan atrofidagi urushqoq guruh.
Biz - maqtanchoq, ichimiz to'la najosat,
Shunda ham biz pok, boshqalar “makruh”.

Biz - o'lim o'qiga qo'yilgan nishon,
Yana undan qochishni istagan ahmoq.
Biz yengilmas Zotga ko'tarib isyon,
Oxirda "men emas", deydigan qo'rqoq!

Biz kimmiz? Maxluqlar ichra mukarram,
Yuksak ong, zakovat, aql sohibi,
Biz kim? Onasi Havvo, otasi Odam,
Manzili oxirat, dunyo tolibi.

Biz kimmiz? Yig'isi oz, kulgulari ko'p,
Maqsad-vazifasin unutgan g'ofil.
Bo'la turib chumoli ustidagi cho'p,
Taxtiravondaman, deb o'ylagan johil...

Biz mana shunday g'aroyib jonzot,
Biz - bor aybini tan olgan inson.
Tog'dek gunoh bilan qidirib najot
Yo'l olgan avfi keng Rabbisi tomon!

©Muhammadoshiq (2019.08.31)

#Aldov

“Seni o’zingdan ko’p aldagan bormikan?” degan ekan Benjamin Franklin.
________________________

Yo’q!

Jur’atsizlik paytida “Bu ishni uddalab bo’lmaydi” deb;

Qo’rquv paytida “Hozir jim turganim yaxshi” deb;

Tushkunlik paytida “Endi hammasi tugadi” deb;

Ma’siyat paytida esa “Uzrim bor” deb o’zimni necha marotaba aldaganman axir.

#Yil_surati

Quruqlik hayotini aks ettiruvchi yilning eng yaxshi surati.

Yonida to’satdan paydo bo’lgan tulkini ko’rib qo’rquvdan “qotib” qolgan bo’rsiq.😅

#Ishtiyoq

Biz uchun qiziqarli bo’lgan har nima hech qachon og’irlik qilmaydi.
(Genri Ford)
_______________________

Nuqsonli hayotimda ko’p kuzatgan narsam: qaysi kitobni o’qishga o’zimni majburlamay to unga qiziqib ketmagunimcha o’sha kitobni oxirigacha tugata olmaganman.

Qiziqishda gap ko’p ekan!

#Degan_ekan

Tajriba - bu har birimizning o’z xatolarimizga beradigan nom, degan ekan Oskar Uayld.

Qiziq, shu paytgacha o’zimni o’ta “tajribali” inson deb o’ylardim)

#Javob

To’g’ri javob:

C) Muhoq

Izoh:

Arab tilida oy “qamar” (قمر) deb nomlanib, u holatiga qarab:

- hilol (هلال);
- tarbi’ (تربيع);
- ahdab (أحدب);
- badr (بدر);
- muhoq (محاق) kabi nomlar bilan ataladi.

Oy sakkiz bosqichni bosib o’tadi:

1. Hilol (الهلال). Qamariy oyning birinchi kunidan 7-kunigacha bo’lgan Oyga nisbatan “hilol” deyiladi. Bunda Oy yoysimon holatda namoyon bo’ladi.

2. Tarbi’ul avval (التربيع الأول). Qamariy oyning 7-kunidan boshlab Oy tarbi’ul avval holatiga kiradi. Bunda Oy o’roqsimon ingichka bo’lib ko’rinadi.

3. Ahdabul mutazayid (الأحدب المتزايد). Qamariy oyning 8-kunidan boshlab Oy yarmidan kattalasha boshlaydi. Oyning bu holatiga “ahdabul mutazayid” - “o’suvchi egrilik” deyiladi.

4. Badr (البدر). Oyning to’liq holatda namoyon bo’lishi. Bu qamariy oyning 14-15-kunlarida sodir bo’ladi.

5. Ahdabul mutanoqis (الأحدب المتناقص) - kamayuvchi egrilik. Oyning kichrayish bosqichiga nisbatan aytiladi. Bu qamariy oyning 18-kunidan boshlab sodir bo’ladi.

6. Tarbi’us soniy (التربيع الثاني). Oyning avvalgidek o’roqsimon holatga qaytishi. Bu qamariy oyning 22-kunidan boshlanadi.

7. Hilolus soniy (الهلال الثاني). Oyning ikkinchi marta yoysimon holatda bo’lishi qamariy oyning 25-kunidan boshlanadi.

8. Muhoq (المحاق). Oyning ko’rinmas holatga kelishi. Bunda Oy Quyosh bilan Yerning orasida turadi. Shu bois u tunda ham ko’rinmaydi. Bu qamariy oyning oxirgi uch kuniga to’g’ri keladi.

Shu ma’noda badr (oyning to’liq holatda ko’rinishi) ning aksi muhoq (oyning butunlay ko’rinmasligi) bo’ladi.

Qo’shimcha: Har sha’bon oyining muhoq paytida Ramazon hiloli ko’rinishi, Ramazon muhoqida esa shavvol hiloli ko’rinishi kutiladi.

Shunga qarab biz musulmonlar qachon farz ro’zani tutib, qachon tugatish kerakligini aniqlaymiz.

“Oyni toki eski (xurmo) shingili (holiga) qaytgunga qadar bichib qo’ygan” Allohga hamd bo’lsin!

Tungi taom “retsept”i ;)

Xulosa berishga shoshilmang!

Agar chiziqlarning har biriga diqqat bilan nazar solsangiz, qiyshiq bo’lib ko’ringan chiziqlar aslida tekis ekaniga amin bo’lasiz.
_____________________

Hayotda ham xuddi shunday: hech narsa biz kabi bee’tiborlarning ko’rganidek emas.