الجنس علاج للصداع النصفي والصداع العنقودي.. أعنقده😀
سنة 2013 في ألمانيا اتجمع شوية باحثين على قهوة بلدي هناك، طلبوا طقم سحلب فتلة وبدأوا الدردشة العلمية،..
قال كبيرهم: يا اخوانا مش النشوة الجنسية الـ 22 ثانية اللي الراجل بيضرب فيهم النار بيحصل بسببهم إفراز للدماغ بجرعة إندروفين وسيروتونين والاتنين دول نواقل عصبية بتدي سعادة وبتخفف الألم؟
رد الجميع بما فيهم الأهوجي: آه صح.
كمل صاحبنا: مش الاندروفين ده مسكن الآلام الأعظم في التاريخ يا جدعان؟
هز الجميع رأسه ككلب التابلوه موافقة😀
وكان فيهم واحد علمي رياضة قام قال: بما إن = إذا يا جدعان..
مش المفروض كده المصدع لما ينط وينبسَط وياخد جرعة الاندروفين والسيرتونين الصداع يروح؟
انبهروا جميعا ومصمصوا شفاههم من هذا الاستنتاج العلمي.

قالوا للقهوجي ضيف الحساب عا النوتة
وقاموا رايحين مجمعين 300 راجل عندهم صداع نصفي هيعملوا عليهم دراسة عا الضيق، ومعاهم 60 برنس كمان عندهم صداع عنقودي..
يلا خشوا نطوا وقولوا لنا الدنيا إيه، وكله في مصلحة البحث العلمي؟

هوبا
60٪ من المصابين بالصداع النصفي و 37٪ من المصابين بالصداع العنقودي قالوا الدنيا بقت عنب، وعايزين تاني😁
بس الحمد لله سحبوا منهم عينات الدراسة المجانية وطردوهم من المعمل😁
أما هؤلاء الرجال فقد استبدلوا الجنس بمسكنات الصداع اللي كانوا بياخدوها..

فـ اسمعوا مني ومتراجعوش ورايا {نطوا تصِحوا}😁
السناجل خليك مستمر عا البنادول دلوقتي يا صاحبي..

طيب وجب التحذير برده لاني شوفت دكتوره المفروض مشهورة بتقول كلام مصيبه وخطأ جدا بان العلاقه الفمويه عاديه ومفيده ده كلام كارثي.
بلاش علاقه فمويه لانها بتنقل برده HPV بشكل كبير.
يا جماعه بلاش الخروج عن المألوف ربنا خلق مكان واحد للعلاقه الجنسيه ده ربنا حميه بماده لزجه بتقتل كل الميكروبات علشان الحيوانات المنويه توصل للرحم بسلام.
اي علاقه تانيه باي شكل اخر ممنوعه لا من الدبر ولا من الفم رجاء بلاش تروحوا ورا الافلام والحاجات المقرفه ديه مفيهاش اي متعه ولا هي حاجه كويسه كل ده قرف ومع الوقت الست هيتنقلها أمراض خطيره فرجاء بلااااااش وتفكروا قول الله تعالي :

فإذا تطهرن فأتوهن من حيث أمركم الله..

"انت بتاعك كبر كده ليه يخربيتك"
لو مراتك قالتلك كدا بعد الدوره
فلا تصدق هذه الكذبة الجميلة.. بتاعك مكبرش ولا حاجة، هي المهبل عندها عضلاته منقبضه شويه لقلة الاستخدام.

المهبل بينقبض ويبنسط وعضلاته مرنه جدا ويطوع نفسه لاستيعاب المطلوب منه، يمكن بعد الولادة الطبيعية بيفضل الدنيا واسعة شوية.. فترة النفاس بيدي مساحة راحة للمهبل علشان يعيد صياغة ذاته..
كذلك الجماع المتكرر بيخلي المهبل سيكا واسع..
ارحمه اسبوع كده واتفرج عا الحلاوة والجمال والدلال .. نحن نحب كل السَعة إلا المهبل فإننا نحب فيه الضيق ونكره السَعة🤓

لما زوجة حضرتك تكره الجماع وترفضه، أو تقلل عدد مراته ولا تُبدي لك سببا لذلك، ويكون ده حال متكرر، يعني مش تقلبات هرمونية، فـ حضرتك أول حل إنت محتاج تعمله إنك تتحدث معاها لإن وارد جدا تكون في مشاكل أو زعل، أو ضغوطات الحياة، أو حضرتك عامل بلـ.ـوة مهببة وهي فعلا مش قادرة تكون معاك.

طيب مطلعش أي حاجة من الكلام ده خالص، وهي كويسه ومفيش زعل، والمشاكل اللي عندها وضغوطات الحياة طلعت من العادية اللي عند كل الناس واللي كانت عندها بالفعل قبل كده‼️
كده احنا لازم نروح لطبيب النساء فورًا، وأنت مسؤول أمام الله مسؤولية كاملة، وسيحاسبك الله أنك تحرمها من متعة الجماع، المتعة التي هي حق كل إنسان، وتضيع كذلك حقها في أنك القيًّم في علاجها ودوائها، وأن والدها استودعك إياها بالميثاق الغليظ الذي يقضي عليك كسائها، ومسكنها، ودوائها، وطعامها وشرابها.

طيب هل ده وارد يكون فعلا برود جنسي‼️
آه.. احتمال كبير.

طيب هل ممكن الختان يبقى سبب في البرود الجنسي، لإن زوجتي بالفعل اختُتنت‼️
الختان قد يقوِّض بعض احساسها العضوي بنسبة 20٪ لا تزيد عن ذلك، يعني هيفضل عندها 80٪ مما عند كل النساء من شهوة الجنس والشعور به وطلبه وحبه والمداومة عليه، وطبعا حضرتك المداعبة تعدي الـ 20٪ اللي واقعين دول، وكم من نساء مختتنات هن أفضل في الجنس من اللاتي لم يُختتن.

طيب إيه تاني ممكن يكون مسبب البرود الجنسي ده‼️
▪️بكتيريا - فطريات - التهابات - بطانة رحم مهاجرة؛ وكل دول يُسببوا " آلام في الجماع "
▪️مشاكل في منظومة ضخ الدم " سكري - تدخين - أمراض القلب - كوليسترول عالي " ده هيُضعف ضخ الدم للبظر، يعني مفيش تواصل عصبي بين المخ والبـظر ليُخبره الأخير أنه مستمتع وعلى العقل أن يتمم العملية الجنسية.
▪️نقص ڤيتامين B اللي بيساعد النهايات العصبية إنها تكون بكفائتها، فـ لو في خلل في الفيتامين ده هيكون في خلل في التواصل بين البظر والمخ وبالتالي قلة المتعة وبالتالي ألم وبالتالي كُره للعلاقة.
▪️فقر دم Anemia وده هيحتاج كشف على مستور الـ Hemoglobin لإن كده الدم اللي هو المسبب الأكبر لشهوتها فيه خلل.
▪️خلل في هرمون الاستروجين، وده الهرمون الأنثوي وهو المسؤول عن تبليل المهبل لتجهيزه للجماع، وكذلك هو بتاع الشهوة والرغبة فلو فيه خلل احنا كده ضربنا جزء كبير من المنظومة.

طبيب النساء هيحدد فين الخلل ويعالجه بإذن الله
احنا هنا بنتكلم عن اللي استدام لها حال رفض الجماع أو الألم منه مش حاجة عارضة، لازم كمان تعمل حساب إن النساء فعلا تقلباتهم الهرمونية بتعكس مزاجهم جدا، خليك رحيم ورؤوف ورجل، وافهم ان هي بتعمل الجماع علشان تشوف حبك واشتياقك ليها، ده أحد أهم الأسباب للجماع عندها، فـ وريها حبك واشتياقك ولوعتك هتتبسط اوي من ردود أفعالها.

طيب لو زوجتي مش عايزة تروح للطبيب أصلا‼️
حضرتك راجل؟
يعني انت ليك القوامة في بيتك، ولا انتو متفقين إن القوامة ليها؟
طيب كويس، طالما القوامة ليك فـ حضرتك في مواقف لازم يكون كلامك فيا حازم تماما ولا يقبل النقاش، ده من المواقف اللي بتسلتزم الحزم المطلق والرجولة المطلقة، وانت المسؤول عن صحتها وأمانها ودوام عافيتها، فـ اتق الله واسترجل وشيل مسؤوليتك ومتبقاش طـ... ـري

سلام..

يحصل إيه لو الستات أخدوا الفياجرا بتاعتنا😮 "حباية الفيل الأزرق😉"‼️

في مادة في جسمنا اسمها cGMP بتكون مسؤولة عن ارتخاء العضلات الملساء في الأوعية الدموية… حلو كده؟ في إنزيم رخم وكِلح بيكسر المادة دي… تيجي بقى السيلدينافيل "الفياجرا بتاعتنا" تعطل الانزايم الكِلح ده PDE5 وبالتوازي تعمل زيادة في تدفق الدم فتبقى الظروف الجسدية عند الراجل مُهيئة للانتصاب، لو عنده شرارة شهوة ونقل الفتيس بس عا الأول ستقوم العاصفة وسينتفض الجندي المغوار من مكانه ليحافظ على أمن المنطقة وأمانها😀 دي مقدمة لا بد منها.
طيب عنب.. كده عند الراجل الفياجرا بتعرقل عمل الانزيم الكِلح ده وبتدعم ضح الدم فيحصل انتصاب.. عند الست بقى إيه الكلام؟
بيحصل نفس الشيء يا صديقي😮 تقوم الفياجرا بتعطيل الإنزيم إياه والدم بيجري جري الوحوش ويدعم انتصاب البظر😀😮 اه ماهو بينتصب.. وتلتهب جدران المهبل والشفاه الداخلية وتزداد احتقان الشهوة الجنسية، وأي لمس ف المنطقة دي تبقى انت حضرت العفريت بإيدك.. اصرفه بقى😉
لكن لكن لكن، ده مش بالضرورة يحصل عند كل الستات، وخلي ف معلومك إن الوظيفة الجنسية عندهن لا تتوقف على تدفق الدم زي عندنا، بل الرغبة معقدة وعمل الهرمونات المحفزة أكثر تعقيدا.. وده كله مرتبط بالحالة المزاجية والعاطفة والنظافة والاستعداد وليلة كبيرة سعادتك، تحتاج المرأة إلى دلال وأجواء واستعداد وكلام ونظرات وهمسات حتى تقبل بممارسة الجنس؛ بينما يحتاج الرجل فقط إلى مكان😀
نرجع للجد تاني، الانزيم الكِلح ده مش منتشر بنفس الكثافة في الأعضاء التناسلية عندهن كما عندنا.

الخلاصة لاصة

الفياجرا للرجالة مبتعملش انتصاب، الفياجرا بتخلي الجسم في حالة مثالية لو المخ أعطاه أوردر إن العضو الذكري ينتصب، اللي بيعمل انتصاب هي الرغبة الجنسية، بدليل إن لو حد خد فياجرا مش بيمشي لافحه على كتفه، لا.. بيخلص الواحد وبيقوم ويبقى إنسان طبيعي ولسه المادة الفعالة في جسمه، فـ لما تعرف إن التادالافيل بيعمل انتصاب 36 ساعة تفهم على طول المقصود إن المادة الفعالة موجودة في الجسم لمدة يوم ونص، ومنين ما انت يبقى عندك رغبة الجسم هيبقى في حالة مثالية لدعم الانتصاب.

عند الستات هيعمل نفس الشيء "تقريبيا" لتشابهنا في التشريح الداخلي بشكل كبير، لكن ده مش هيكون مع كل الستات لاختلافنا الكبيييير جدا في تعقيد الاستجابة الحسية وارتباطها بالمشاعر والهرمونات والنفس.
وأخيرًا
بعض الدراسات قالت إن الفياجرا مفيدة لستات عندهم مشاكل جنسية بسبب مضادات الاكتئاب (SSRIs)، لأنها بتساعدهم على تجاوز مشاكل زي تأخر النشوة أو غيابها.

كان في باحثين في فلوريدا عملوا تجربة لطيفة.. وقفوا بنت "جذابة" تعرض على الشباب في الشارع 3 عروض:
▪️يخرج معاها في date
▪️يروح شقتها.
▪️يمارس معاها الجنس الليلة.
عارفة كام واحد اختار اختيار ممارسة الجنس الليلة؟
كلهم😀 آه والله 100% اختاروا الـ يلا بينا🤦🏻‍♂️ بصوت باسم سمرة

بينما لما وقفوا شاب "جذاب" يعرض نفس العروض على بنات كانت النِسب مختلفة تماما؛ فـ نسبة كبيرة من البنات وافقوا على الـ Date ونسبة قليلة جدا وافقوا يروحوا الشقة، و 0% وافقوا يمارسوا الجنس.. لذلك Billy Crystal صدق لما قال في فيلم When Harry Met Sally تحتاج المرأة سببًا كي تمارس الجنس؛ بينما يحتاج الرجل فقط إلى مكان😀

أنا سأفضح للنساء أمرًا خفي عنهن من أمور الرجال..
إنه قد استقرت عقول الرجال أن كل امرأة مبذولة مـ.ـرذولة..

ذاك الذي يلاحق الفتاة أشهرًا متوسلا بكل حيلة مما يخطر بالبال ولا يخطر به، معتمرًا ثوبًا أوسع منه؛ فيُظهر لها الشجاعة تارة، والغِنى تارة، والإقدام تارة؛ بل قد يُنفق من ماله لأجل شهوته تلك ما لا ينفقه على مصالحه..
حتى إذا ظفر منها بما يريد قضى أيامه بعد ذلك في التملص منها وإقصائها..

ثم هو لا يؤوب إليها إلا إذا عنَّت له ساعة شهوة؛ يقضي شهوته ثم ينبذها..

وسبحان من جعل الزواج على نقيض ذلك..
فيُدرِّج الله علاقة الرجل بزوجته، فإذا كانت الخِطبة قد حُرِّم فيها كل لمس وإطالة نظر.. كان الرجل فيها دؤوبا ليستقبل الدرجَ التي تليها..
فإذا عقد عليها صار له كل شيء بحلال الله منها إلا جماعها جماعًا كاملا، أو أن يختلي بها خلوة قد يحصل بها الجماع..
ثم هو يدأبُ ليستقبل الدرجَ التي تليها..
فإذا دخل بها كان له منها كل شيء عدا دُبرها "محلًا"، وحيضتها ونَفَسِها "حالًا" وإحرامها وصوم فريضتها " امتثالًا"
وهي مع كونها على إشارة اليد ورغبة النفس عزيزة لا ينقص قدرها، بل ربما تغسل ساعة الشهوة تلك سنين الخصام.

فلا يغرَّكن معسول الكلام حُلو اللسان متجمِّل الحال، فإنه ينزع يده إذا نال منك مراده، ويكد لإشباع دوبامينه مع أخرى، فلا نلتِ منه مرادك ولا صنتِ لمن بعدهُ قلبك..
وأنتِ الخاسر الأكبر.. بجراحٍ مثخنة لا تُلئمها الأيام..

الخلاصة.. هيقعد يدَّحلب ولما يطولك هيقلب الصفحة عا اللي بعدك.. مبيضيعش وقت، واعتبريها رسالة

إيه الحل يا رجالة؟ أشيروا علينا..

الواحد بيقوم من النوم قلبه واقف وبيبقى عايز يقعد عا القعده ومش هينفع يوجِّـه وزير الري بره القعدة علشان يتبول.. طيب وزير الري بيلمس القعدة من جوه.. والمكان ده فيه بكتيريا.. هل الحل إنه يتبول وهو لازق ظهره في الكومبنيشن ولما الدنيا تهدى يقعد عدل .. ولا إيه رأيكم؟
حلول رجاله شكه دبوس ابهرني 🤦‍♂️😂

🥑 نصف ثمرة أفوكادو.
🍌 موزة واحدة.
🥛 كوب من الحليب البارد.
🌰 6 حبات لوز.
🍯 ملعقة كبيرة من العسل.
🧊 مكعبات ثلج (اختياري)

وادعيلي جامد😉

الجنس الفموي { الحكم الشرعي - الفوائد - الأضرار - هل ينقل الأمراض الجنسية - إزاي أقنع زوجتي بالجنس الفموي وهي عمرها ما عملته - الطُرق الآمنة - الأوضاع المناسبة للجنس الفموي } .. مرجع شامل يجيب على كل الأسئلة عن البلوجوب

هاحكي قصة مهمة.. في زوجة تواصلت معايا إن زوجها عايز تخيلات وكلام أثناء العلاقة كإن والدتها وأختها موجودين وبيعمل معاهم كده.. وسألتني هل ده طبيعي، وهل عليها أن ترضى بذلك ولا ترفض؟ وهل لو رفضت كده تكون ناشز؟
وقالت إنها لما بتقبل بيكون زوجها في غاية السعادة وبعد ما يخلص بيقول لها إن دي مجرد تخيلات بتحفز الإثارة.. وفي المقابل هو بيتعامل مع والدتها وأختها باحترام ولم يظهر عليه شيء.

فقلت لها إن دي فانتازيا من النوع الخطير، وقد تذهب لأبعد من مجرد التخيل، وإن اللي بيحصل دلوقتي مجرد خطوة هو بيسهل بيها عليها إنها تروح معاه للخطوة اللي بعدها.

.

النهارده تواصلت معايا إنه بالفعل راح للخطوة اللي بعدها وبدأ يطلب منها صور لوالدتها وأختها بلبس البيت وكان تعليله إن ده هيساعده يحفز الخيال أكثر وتكون المتعة أعلى، وكرر جملته الشهيرة "ده مجرد تخيلات مفيش حاجة حقيقية"
وبعدها بدأ يتكلم إنه نفسه يعمل معاهم جنس على الحقيقة، وإنه مش هيسعى لده إلا بموافقتهم، وإنه عنده مقدرة عالية يخليهم يوافقوا بس هي ترضى..
ولما انهارت قدامه من الغضب قال لها إنه مش هدفه يخونها لكن من حبه فيها عايز يعمل كده مع حد يخصها علشان ده هيكون ممتع إنه من طرفها..
هاكتفي بهذا القدر من الحكاية وإن كان لسه فيها أكثر لكن علشان التفاصيل الباقية للأسف خطر.

هجاوب على السؤال اللي في الاسكرين بقى
التخيلات لو كانت في رأسه فقط ففي حكمها خلاف بين الفقهاء، فالجمهور على أنها حرام إذا استحضرها واستجمعها الإنسان بنفسه، وليست حرامًا إذا هاجمت التخيلات رأسه، واستدفعها فلم تنصرف. خد بالك كل ده عن شخص جواه خيالات ومتكلمش خالص، ده الحكم الشرعي ليها

المشكلة فين بقى؟
إن الطبقة الأولى من الفانتازيا والتخيلات بتكون حبيسة الصدر، يعني بيفكر فيها مع نفسه وبيستحضرها لزيادة المتعة؛ ولإن الدماغ مبرمج على خاصية الـ Habituation التعود فبيحصل عنده Tolerance Effect أي أنك كلما كررت نفس المثير، يبدأ تأثيره يقل مع الوقت، وتبدأ رحلة البحث عن مثيرات أقوى أو أكثر غرابة للحصول على نفس مستوى الإثارة السابق. لذلك بعض الفانتازيات لا تتوقف عند حدود التخيل، بل تتحول إلى سباق محموم نحو جرعات أعلى من الإثارة.

والأخطر إن الدماغ لا يفرِّق كثيرًا بين الشيء الذي تكافئ نفسك عليه في الخيال والشيء الذي تسعى لتحقيقه في الواقع؛ فكل خطوة عملية نحو الفانتازيا تجعلها أكثر رسوخًا في المسارات العصبية للمخ، وأكثر حضورًا أثناء الإثارة الجنسية.

لذلك الرجل الذي فك أسر التخيلات من عقله إلى فمه وبدأ يناقشها مع زوجته، قريبًا ما سيذهب لأبعد من ذلك لاهثا خلف نفس جرعة الدوبامين اللي كان بيحصلها قبل كده من حاجات بسيطة.. أما ترى إلى قول ربنا "أرأيتَ من اتخذَ إلهه هواه أفأنت تكون عليه وكيلا أم تحسب أن أكثرهم يسمعون أو يعقلون إن هم إلا كالأنعام بل هم أضل سبيلا" فصار يعبد الدوبامين ويأتمر بأمره ولا يتوقف عن طاعة دماغه إلا أن ينقذه الله ربنا.

.

يا ست الكل، ويا كل ست طيبة زوجها طلب منها يتكلموا عن المحارم أو استحضار ناس في العلاقة رجالا كانوا أو نساءً، ارفضي قطعا ولا يعيبك إن غضِبَ عليك، ولا تلعنك ملائكة الله إن بات في فراشه وهو عليكِ ساخط، ولو لقيتيه متضرر أوي من رفضك ومنصرف عن العلاقة الجنسية كلها فمن فضلك ساعديه يزور طبيب نفسي لإنه محتاج استشارة متخصص.
الله يعافي الناس من كل هذا الهم والشذوذ والقرف.. وحسبنا الله وكفى

الواحد بيشوف في الشغلانة دي ما تشيب له الولدان والله.. يارب اجعل قلبي دائم الاستنكاف ولا تُفقده حساسيته وغضبه ورفضه لكل هذه الشذوذات.. يارب ساعد قلبي يفضل كاره معصيتك ☹️

مرحبًا بالرجالة اللي فيس بوك عمل عندهم Error وجايين ينكشوا على أي حاجة بدل الغربة دي😀

‏مقطع صوتي من .

وعليكم السلام حبيب قلب المدير😁 دخان كتير من غير كفتة🤦‍♂️
مش بالكم.. بل بالكيف.
صاروخ واحد جاحد باليستي منوي نووي منشطر أحسن من 100 صاروخ من بتوع رمضان اللي العيال بتحدفها على بعض بعد الفطار😃..

نتكلم علمي بقى
المدفع عند معاليك مُجهز لإطلاق صاروخ واحد فقط، ثم تدخل قاعدة الإطلاق إلى الصيانة الدورية للتعبئة والذخيرة.
▪️إعادة تجهيز الصاروخ الثاني وتعبئته.
▪️تنظيف القاعدة وتجهيزها من شظايا الإطلاق الأول.

▪️ضبط كيمياء منصة الإطلاق الأم لتتوافق مع التعبئة المتكررة.
وهذه العملية الهندسية تسمى Refractory Period وتختلف من مدفع لآخر حسب النوع والموديل والقوة والتحديثات الهندسية فيه، ووقت دخوله الخدمة.. بعض المدافع تحتاج 24 ساعة لإعادة التلقيم ومن ثم إطلاق صاوخ جديد، وبعض المدافع يكفيها أحيانا دقيقتين إلى 6 دقائق لإعادة ضبط قاعدة الإطلاق؛ وحتى المدافع حديثة العهد بالخدمة في أرض المعركة والتي تمتلك نهمة شديدة لمعاودة القصف مرات متكررة.. فإنها بعد وقت قصير تعود إلى الكتالوج الذي أقره الصانع الجليل رب العزة..
الطبيعي أن قاعدة الإطلاق تطلق صاروخا واحدا ثم تهدأ وتدخل في الصيانة الدورية حتى تتمكن من إطلاق الصاروخ الثاني.. وهذا يحافظ على دوام الإطلاق.
وشكرا

واحد يصيب الهدف خير من 10 عا الشجرة😄

عريس جديد وبيجي ينام مني وهو داخل 😅 حلك هنا ان شاء الله