الاحتلام..

شد لي اللحاف بقى كده وحرر لي بكسرك العزيز، وأرعني سمعك وناولني الحديدة دي وسُك باب القهوة علينا.. واحد فرنساوي مظبوط ويلا بينا

▪️الاحتلام ظاهرة فسيولوجية بتحصل لك وانت نايم، أحيانا بيبقى معاها أحلام جنسية وأحيانا مبتشوفش حاجة وبتقوم من النوم تلاقي نفسك غرقان وتبقى عايز تخبط دماغك في الحيطة اللي هو بتبقى عامل زي اللي رقصت عا السلم لا اللي فوق شافوها ولا اللي تحت هاكوها 😁

▪️فلسفة العم أسيم في الاحتلام عظمة العَظمة.. بص بقى يا سيدي، أكثر عملية جنسية انت ممكن تستمتع فيها، اللي بتعرف تُحرر فيها حواسك، يعني يبقى معاك زرار التشغيل بتاع كل حاسة " السمع - البصر - اللمس - الشم - التخيل " وبتستخدم كل عنصر من العناصر بمزاجك بتناغم كإنك بتعزف على أورج وقانون وكمان وعود وربابة وإكسليفون وناي في نفس الوقت وبتعرف تنقل نفسك بين كل آلة والتانية، وعامل توازن مبهر، فـ انت المايسترو اللي بيقود الفرقة إنها تطلع عظمة

دي أحلى علاقة جنسية انت بتعملها وبتستمتع بيها، إنك تكون مالك زمام الأمور وتكون قائد حقيقي عارف امتى ينهي الحفلة وإمتى يخليها حفلة كلثومية بعزف تشايكوڤيسكي .. مش عارف ازاي😅

يتأتي ليك بقى إنك تعرف تعمل كده لما تبقى صاين الحواس دي فعلا
لا تُطلق بصرك
وتكبح جماح التخيل فلا تطلقه على عواهنه
ولا تمس ما لا يحل لك
ولا تسمع الهيء والميء والمياصة التي يعشقها القلب والضحكات الرقيعة التي تتراقص عليها شرايين قلبك الحنين.

يعني كل ما تعرف تسيطر على حواسك ومتستخدمهاش كل ما انت خليتها على فطرتها الجميلة اللي ربنا فطرها عليها، فلما تيجي تسوقها تعرف تسوقها، وتلاقيها فابريكا باسترتش المصنع، ولو حافظت عا الصيانات في مواعيدها كده يا باشا انت معاك حاجة مش هتهلك ولا تعطل.
آهو الحلم بقى انت بتُرَد فيه لأصل ما خلقك الله عليه
حواسك في أفضل عنفوانها، ذلك لأنك لا تقودها، هي من تقود نفسها، فبترجع لفطرتها وأصل خلقتها وجمال صنعتها وعظمة إتقان تفاصيلها
خيال جامح لا يمكن كبحه..
لذلك أنا أدعي وكل العقلاء الذين مارسوا المتعة بكل أبوابها أن الاحتلام احساس لا يمكن مضاهاته أبدا..
دي فلسفتي عن الاحتلام، واللي رُزق الاحتلام يُقر كلامي هذا إقرارا تامًا.

▪️الاحتلام كمان شيء ربَّاني لتفريغ الحيوانات المنوية اللي تكدست في القلب المتدلي "كُرتي البيسبول" وده بيسمح بتفريغ حمولة المصنع علشان المصنع يعرف ينتج شغل جديد.

▪️كمان الناس الجميلة اللي اعتمدت على الاحتلام كتفريغ للرغبة الجنسية، انبسطوا جدا أكثر من اللي بيضربوا عشرة😁 مش هتفهمني إلا لما تجرب تبطل سرتىْة وتحلم كده زي الناس الطبيعية.

▪️مفيش أي ضرر من الاحتلام أو كثرة الاحتلام، لإنه شيء رباني فلا تدخل فيه ليك ولا لإيدك، والله لا يريد لنا إلا خيرا.

▪️في دراسة واحدة يتيمة مسكينة بس أنا وآخرين نُقرها، إن النوم عا البطن "لامؤاحذة يا رجالة 😁" بيزود من فرصة الاحتلام فعلا، علشان عزت بيبقى حاضن المخدة المسكينة فـ بيحتك، وهو بصراحة بيحب يحكها..

▪️علميا مفيش ما يربط بين إنك تكون بتعمل عادة سرية فمتحتلمش، يعني مفيش تحت إيدينا دراسة محترمة بتثبت العلاقة، بس خدها من أخوك الكبير، كل ما انت مستخدمتش الماكينة دي، ربنا هيرزقك بما يجعل الماكينة تشتغل، علشان لما يحصل تفريغ انت بتستريح وبتقلل من نسبة احتمال التعرض لسرطان البروستات، فـ سيب جسمك الجميل يمشي على فطرته وفكك من العادة، واستمتع بجمال هذا التكوين المبهر للعقول.

▪️علميا الاحتلام بيساعد على التخلص من الاكتئاب، ده لإن المني أصلا لما بيخرج من جسمك بياخد في إيده التوتر والاكتئاب، ويديك إحساس بالاسترخا، وهرموناتك تديك هدية جميلة كده، كإنها بتقول لك تسلم يا سيد المعلمين، طيب وربنا لنبسطوك ونمنجهوك..

▪️طبعا الاحتلام بيحصل عندهم زي ما بيحصل عندنا بالضبط.

▪️لو حضرتك شوفت حد من محارمك فـ ده لا يدل على إنك مش متربي، ولا يدل على أي شيء ومتقومش تجلد نفسك، الموضوع بسيط خالص، وكمان اوعاك تعتبر إنك كده شمال أو عندك نزعة ىىىذوذ.. الموضوع ملوش علاقة بأي حاجة، بل أولئك الذين يُعبرون الرؤى يقولون أن هذا يعني رزقا لتلك التي جائتك في المنام، لإن المني اللي هينزل منك هو أصل الانسان وهو خير وهو رزق.. فـ هون عليك يا غالي.

▪️ولادنا اللي لسه كتاكيت وبتاعهم لسه واقف أول امبارح لأول مره بيكونوا عُرضة أكثر للاحتلام لإن في تغيرات هرمونية كتير بسبب البلوغ.

▪️الاحتلام مش هيقلل من حيواناتك المنوية حتى لو بتحتلم كل يوم .. اطمن.

▪️ولادي وحبايبي اللي ربنا من عليهم وبطلوا عادة سرية وتعافوا من الإباحية، متستعجلش إنك تشوف الأحلام، هي هتيجي في الوقت المناسب، فـ لا تقلق.

▪️ الاحتلام الكتير أو القليل أو النادر مش مؤشر إنك مريض بأي مرض، ولا مؤشر إنك في صحة جنسية عالية ولا أي حمادة.

يارب أكون قدرت ألِم لك المنهج في كام سطر.. تحياتي يا نجم

كرسي البار اللي من غير ظهر.. هاته مع العفش ضروري، وهتفهم بعدين♥️

هل إزالة شعر المؤخرة حرام‼️
لا

هل ده يُقلل من رجولتي‼️
لا

هل لما الشعر ينبت هيتعبني‼️
لا.. لو حلقت صح.

ليه أصلا أحلق شعر مؤخرتي‼️
نظافة، مكان محتمل يكون فيه بكتيريا وممكن يؤثر بالسلب على العضو الذكري.

إزاي أحلق صح‼️
هنستخدم ماكينة كهربا ومش هنجيب الشعر على الزيرو، هنسيب المنابت، وبلاش نستخدم مـ..ـوس أو شفـ..ـرة حلاقة
ممكن نستخدم مرهم مضاد حيوي بعد الحلاقة
لو قررنا نستخدم الشـ.ـفرة أو المـ.ـوس ياريت نغسل المكان كويس قبل وبعد ونحط مرهم مضاد حيوي Bacrtoban أو Fucidin هنستخدمه لمدة 3 أيام بعد الحلاقة
ومش هنكرر استخدام نفس الشـ.ـفرة مرتين.

وممكن تنضف الصالون من غير ما تبقى منتظر ضيوف عادي😒

كنت تعرف إن الريحة تحت باطك هي رائحة فضلات البكتيريا بعد ما تغذت على العرق اللي خرج منك وتغوطت‼️
طيب كنت عارف إن ريحة بؤك الصبح مش طالعة من الجوف ولا حاجة.. وما هي إلا البكتيريا اللي كانت عاملة ديش بارتي من الأكل المتبقي بين أسنانك‼️..

طيب خد اعرف شوية معلومات بنسبة 90% معدتش عليك قبل كده من هنا

نوم ما بعد الجنس مُتعة عجيبة لا حرمك الله منها..
الحمدلله♥️

الجنس علاج هاااايل لنزلات البرد♥️
بخصوص الدور اللي داير وملوش أهل يسألوا عليه ده😁

▪الجسيمات المضادة {Immunoglobulin g} والأنزيمات التي يطرحها الجسم في ممارسة الجنس تقاوم مقاومة شرسة نزلات البرد وأعراضها..
▪أكَّد قولي ذلك عالم المناعة بزيورخ العم مانفريد شيدلوڤسكي، ونقلت قوله ذلك صحيفة ألمانية شهيرة اسمها برلينز تسايتونغ، الراجل ببساطة شايف إن عدد الخلايا القاتــ.لة الطبيعية في الدم بتزداد 150٪ بعد وصولك للنشوة وشَدة الأعصاب، والرعدة التي تخلع قلوب المحبين، ورعشة الأفخاذ وسكون الروح الذي يتبع عاصفة الجسد..
▪الخلايا القاتــ.لة دي بقى أحد أعمدة النظام المناعي في جسمنا، بتقعد تكتشف الخلايا المصابة بالبكتريا والفيروسات وتقضي عليها.
▪عندك كمان هرمون الأكوسيتوسين اللي جسمك يفرزه أثناء الهاها ده بيخليك تنام نوم هادئ عميق، وماكينة الجسم بتلاقي مساحة تخوض تلك الحرب الضروس عنك..
▪انت متخيل يا بني آدم إن العلم يرى أثر النشوة، وسنام الشهوة، وشاهقة علوهِ، وتمام كماله {الأورجازم} العلم يرى أن هذه النشوة توازي أثر المورفين المُسكن للآلام.
▪هزة الجماع عندها مقدرة مذهلة إنها تمنع إرسال إشارات الألم من الحبل الشوكي للـ الخلايا العصبيّة في الدّماغ.
▪الصداع بقى .. وما أدراك ما ونِّت الدماغ من أثر الصداع، خد عندك الجنس محفز قوي جدا لإفراز هرمون الإندورفين.. ده المُسَكِّن الرباني الفريد، أكبر قاتــ.ل للألم في أجسادنا، بيدخل عا الجهاز العصبي المركزي يطبطب عليه ويحتويه، يقوم يقضي على الصداع.
▪مفيش حاجة بتشد أعصاب جسمك كلها بقوة العطس أو القذف، مفيش مش هتلاقي، ولما أعصابك كلها بتتشد، وتتسع حدقتيك وترتعد فرائصك فالجسد يخمُلُ ويسكُن ويهدأ بعدها هدوءا لا تجده إلا في هذه الحال، ويزيد هرمون البرولاكتين، ويروَّح هرمون التستستيرون لـ امُه هو والدوبامين، وتلاقي نفسك فنيخت، ودخلت في حالة الهِلي بِلِّي.. ونمت ننه وده يفك الآلام العضلية وأوجاع الظهر، ويريح الأعصاب.

الجنس من أكبر مـ.ـقاتـ.ـلي الألم في أجسادنا، الجنس معالج فخم جدا لنزلات البرد.
اعرقوا في الجنس يا جدعان.. هو ده عرق العافية الحقيقي أقسم بالله😀..

السناجل.. بنـ.ـادول كـ.ـولد أند فـ.ـلو💜 وكوباية جنزبيل بعسل النحل ونسيب جسمنا يعرق عرق العافية التاني يا قلبي منك لوه.. منشنوا السناجل كده😄

وزي ما قال العم بيتر شلايشر {الجنس يجعلك بصحة جيدة}

أحد الرجال أرسل يطلب مني نصيحة في أن والدته تشاهد الإباحية وتمتلك قطعة قضيب صناعي.. وهذا ردي عليه

دوس عا البتنجانة😉

هقول لك على خطة مذهلة..

احلق شعر العانة والإبط مرة واحدة حلقة نضيفة، واعمل اللي هقول لك عليه ده.. انت كده كده بتستحمى يوميا صح؟ كل مرة هتستحمى فيها بقى هتصبِّن تحت الإبط بالصابون العادي وتمشي بالمكنة العادية خالص دي مع اتجاه إنبات الشعر.. كل يوم مرة واحدة، مفيش أي تعب نهائيا والموضوع بسيط خالص..

أما شعر العانة فـ مرة كل أسبوع "في غسل الجمعة" هتمشي بالمكنة مع اتجاه إنبات الشعر مش هتحس بأي جهد ولا بتاخد وقت♥️ هتبقى ضمنت نظافة دائمة. ومتنساش كل مرة هتستخدم فيها المكنة تنضفها وتجففها كويس علشان تعيش معاك فترة طويلة.

آه ومتنساش تلبس هدومك بره الحمام علشان الحمام بيبقى مشبر ودافي، وكل ما هتنشف جسمك هتلاقيه بقى مبلول وأي محاولة إنك تحط مزيل عرق على البلل أو تلبس الملابس الداخلية وجسمك رطب هي طريقة جيدة خلق لبيئة مناسبة لتكاثر البكتيريا اللي بتعمل لك ريحة وحشة.. فجفف جسمك كويس قبل ما تلبس، وجفف باطك كويس قبل المزيل، وجفف رجلك كويس جدا قبل ارتداء الشراب.
سلام..

علامات فحولة الرجال عند العرب .. بعد ما تقرأ شوف عندك كام علامة ومتكتبلناش😀😉 اعرف الصح وخليه جواك..

أولًا: كثافة شعر الجسد.. العرب بتقول إن غزارة الشعر (خصوصًا الصدر والبطن والساقين) علامة على قوة المزاج وكثرة الحرارة الداخلية، فالرجل “الأسحم اللون، الكثير الشعر” يعدّونه أقرب للرجولة القوية.. وده علميًا صحيح لارتباط الكثافة بهرمون التستوستيرون.

ثانيًا: قوة اللحية ووفرة شعرها.. اللحية الكثيفة علامة ذكورة شديدة في التراث، العرب بتعتبر الرجل قليل اللحية “أقل حرارة” وأقل فحولة، وده علميًا صحيح لارتباط اللحية بحساسية بصيلات الشعر للتستوستيرون.

ثالثا: اتساع المنخرين.. كانوا بيقولوا على الراجل اللي مناخيره واسعة "منخراه واسعتان، فهو ذو شهوة" وبيربطوا اتساع فتحة الأنف بقوة النَفَس والصدر، وبالتالي قوة الطاقة الجنسية.

رابعًا: غِلظ الأذنين والشفاه.. الشفة الغليظة والأذن السميكة كانوا بيعتبروها علامة "حرارة مزاجية، واندفاع جنسي".

خامسًا: ضخامة الكتفين والصدر.. كل كتب الفراسة تقريبًا بتقول إن عريض الكتفين عظيم الصدر علامتان تدلان على قوة الطبيعة الجنسية.

سادسًا: قوة الساقين والفخذين.. العرب كانت بتعتبر الرجل "الضخم الفخذين" أكثر احتمالًا للفحولة، وده صحيح علميا علشان الكتلة العضلية في الجزء السفلي للجسم فعلاً تؤثر على الأداء الجنسي (زيادة ضخ الدم – القوة – التحمل).

سابعًا: الصوت الغليظ.. العرب كانت بتقيس فحولة الرجل من قوة صوته وعمق مخارجه، وكانت ترى أصحاب الصوت الرقيق بهم رقة مزاج جنسي، وده علميًا صحيح لارتباط الصوت العميق بتأثير التستوستيرون على الأحبال الصوتية.

ثامنًا: امتلاء سنامه.. المنطقة ما بين الكتفين والرقبة "الترابيس"، كانوا شايفين وجود عضلات قوية أعلى الظهر علامة نشاط جنسي، وده صحيح علميًا.

تاسعًا: امتلاء العروق وبروزها.. في اليدين والذراعين بيعتبروها علامة ودلالة قوية على الفحولة وسريان الدم في الأوصال والأطراف نتيجة لقلة الدهون وده يعني وفرة اللياقة.

عاشرًا: قوة اندفاعِ البول.. وده دليل على قوة العضلات الدافعة اللي هي نفس العضلات اللي بتدفع المني بالمناسبة، ودي وفرة في صحة البروستاتا والأعضاء الذكرية والجهاز التناسلي.

أما العلامات التي اعتبروا صاحبها (سيكي ميكي😀)
▪️قصر القامة المبالغ فيه "محدش يجيب سيرة حد يا جدعان😀"
▪️النحافة الشديدة جدًا.
▪️الرقّة الزائدة في الملامح (شفاه رقيقة، وجه صغير).
▪️انعدام شعر الجسد.
▪️الصوت الحاد.
▪️صغر الكفين والأصابع.

زي ما قولتلك متقولناش في التعليقات عن نفسك شيء، عندنا ممنوع حد يتكلم عن قوته وفحولته الجنسية.. أنا بعرَّفك المعلومة لنفسك♥️ عاش💪🏻
وخليك عارف إن الفِراسة علم افتراضي فيه كتيرٌ من الصواب وكتيرٌ من الخطأ.. واحنا بنذكرها من باب الاستئناس بس

فرصة لطيفة لو عايز تقول كلمة حلوة.. أو لو عايز تشتم مش هاحذف تعليقك😀♥️ تفضل

يعني إيه 70 كيلو لحمة في مصر بـ مليون جنيه‼️

العلاقة الجنسية جزء من الزواج وليست هي الزواج كله، وأنت نهمٌ إليها طالما أنك لم تجربها، لكن عندما تتزوج سيكون حالك كحالنا جميعا، نمارس الجنس أحيانا، أحيانا فقط..، فمتخليش كلامنا المتخصص هنا عن الجنس يرفع سقف توقعاتك إنك مش هتقوم من عا السرير.. الواقع بيقول إن الجنس مجرد جزء بسيط في حياتنا الزوجية، صحيح هو في غاية الأهمية لاستقرارها، لكنه يظل جزءً منها..
تنشأ التوقعات الجنسية من التخيلات، ومن الحكايات التي تسمعها عن الجنس، وكذلك من مشاهدة الإباحية، وأنت ترسم صورة للجنس، وتظن أن هذه هي الصورة الحقيقية له.. والحق أنها ليست كذلك، وكلما قلت توقعاتك تجاه الجنس قبل الزواج، كلما زاد استمتاعك به.
التوقعات الجنسية، تجعل الرجل يتخيل أن المرأة ستفهم احتياجاته دون أن يتحدث عنها، لأنه سجين الصورة التي خلقها عقله عن الجنس، كما أنه ينتظر أن يرى جسدا مثاليا منحوتا بألوان أعضاء داخلية تداعب خياله، والتوقع ده في حد ذاته بيسبب نوع من القلق والتوتر، وعندما يصطدم بأي شيء يخالف التوقعات فإنه يصاب بالإحباط، وتقل أو تنعدم متعته الجنسية..
رغباتك الجنسية متغيرة، فما تفضلَه اليوم لن تفضلَه غدا، وما ترنو إليه اليوم قد لا تقبله غدا، وكذلك زوجتك رغباتها الجنسية تتغير بمرور الوقت، والإنسان العاقل لا يسجن نفسه في رغبته التي بناها دون تجربة، والأصل أن تدوم تجربتك في الجنس سنة مع زوجتك تبحثان فيها عن ما تفضلانه وما تحبانه، وتتحدثان عما وصلتما إليه في رحلة بحثكما.. لذلك دائما ما أقول لا تشتكِ شيئا في أول سنة زواج، وعلم نفسك بنفسك.
العلاقة الجنسية كالرحلة التي لا نعرف طريقا معبدًا إلى نهايتها، ومع ذلك قررنا خوضها، نستكشف الطريق معا، نمُر بالوديان والسهول، نتسلق الجبال معًا، نمر بالصحراء فنظمأ، وبالبحيرات فنرتوي، ويعجبنا مكان فنخيم فيه، ونكره مكانا فنتجاوزه،.. وأعظم ما يعينكما على الرحلة الحديث والمؤانسة ببعضكما..
وأخيرًا..
أنا لا أستطيع أن أمنعك أن تتوقع "نهائيا"، فـ التوقعات هي افتراضات عن المستقبل، يختلقها الإنسان من أجل الاستعداد للتصرف واتخاذ القرارات، لكن أنا أقول لك قلِّل من التوقعات الوردية عن الجنس والجسد والمتعة، واسمح لنفسك أن تمارس تجربتك الخاصة وتبنيَ توقعات جديدة، وكلما زادت مرونتك في تحديث هذه التوقعات كلما زادت متعتك.. وشكرا

بنسخن..
وبندي الأول
ولو الفتيس لامؤاخذة ستيبترونيك هينقل لوحده على باقي الغيارات، لو مستجد وفتيسك مانيوال متحرقش عا الأول كتير.. لازم تنقل الغيار، وطالع طالع لحد الخامس.. ولما تيجي تبطل بتجيب الأول تاني وتيجي راكن عا السلانسيه..
وأنا هنا مبتكلمش عن العربيات😒

سؤال ورَدني عن تضييق المهبل بعد الولادة

قلت: أنسجة المهبل وعضلاته بتتمدد أثناء الحمل، وعضلات قاع الحوض بتتضرر بالحمل والطلق والولادة وتُجهد وتفقد مرونتها، فلما يحصل علاقة بتحس ان الدنيا وسعت منك، وانت عايم في بحر الغدر وتقعد تشك هو بتاعك اللي صغِر ولا الدنيا بقت واسعة ولا إيه اللي حصل🤓
الحلول
▪️الست تعمل تمارين كيجل 3 مرات يوميا "هتلاقيها على يوتيوب"
▪️وفي تمارين تانية زي Bridge Pose و القرفصاء العميق Deep Squats.
▪️تمارين القبض والبسط، لمدة 15 ثانية الست نقبض العضلات كإنها بتمنع تدفق البول، وبعدين لنفس المدة نبسطهم، ونستمر عليه 3 مجموعات يوميًا، كل مجموعة تتكون من 10-15 تكرار.
▪️في جهاز مخصص لكده اسمه Pelvic Floor Trainers جهاز يوضع في المهبل بيوفر مقامة للعضلات، لكنه مش موجود في مصر غالبا، فلو انت بره مصر فهو حل ممتاز مع كيجل.
▪️وفي علاج بالليزر المهبلي تقنية متاحة عند مراكز التجميل بتحفز إنتاج الكولاجين وبتشد الأنسجة المهبلية.
▪️جميل جدا ان البانيو يبقى فيه بابوننج وماء ورد لإنهم بيعملوا نوع من أنواع الخداع للجسم فيفرز استروجين وده بيساعد في تضييق المهبل وياريت الست تأكل حاجات غنية بالإستروجين النباتي، زي بذور الكتان وفول الصويا وإن كانت الدراسات غير كافية فيهم بس قشطة.
▪️وممكن تستخدم كريم زي Timouni gel أعتقد إنه مستورد من اليونان ومخصص لتضييق المهبل.
▪️وآخر حاجة ممكن نلجأ ليها الجراحة Vaginoplasty .. وهو آخر اختيار.