#Mustaqillik35
#Samarqand

SAMARQANDDA KATTA PREMYERA: “QAHRAMONLAR QAYTADI”

🇺🇿Vatanimiz mustaqilligining 35 yilligiga bag‘ishlab о‘tkazilayotgan “Mustaqillik tо‘yi” festivali doirasida bugun Samarqand shahridagi Hamid Olimjon teatrida “Qahramonlar qaytadi” musiqali spektaklining premyerasi bо‘lib о‘tdi.

🇺🇿“Ma’rifat” targ‘ibotchilar jamiyati hamda О‘zbekiston Teatr arboblari uyushmasi hamkorligida, “Yosh ijodkorlar sahnasi” loyihasi doirasida sahnalashtirilgan spektakl Sardor Hamroyev va Bobur Hamroyevlar ssenariysi asosida yaratilgan. Rejissyor Aleksandr Gomirov boshchiligidagi ijodiy jamoa asar orqali Vatan ozodligi, xalqimizning jasorati va fidoyiligi, qahramonlar xotirasi kabi ezgu g‘oyalarni sahna tilida ta’sirchan ifoda etdi.

🎭Mingga yaqin tomoshabin kо‘z о‘ngida kechgan premyerada yosh ijodkorlarning mahorati, ta’sirchan musiqa, sahna bezagi va zamonaviy teatr yechimlari uyg‘unlashib, tomoshabinlarga unutilmas taassurot bag‘ishladi. Spektakl nafaqat tomosha, balki tarixiy xotirani asrash, qahramonlar jasoratini yod etish va Vatanga muhabbat tuyg‘usini yanada yuksaltirishga qaratilgan ma’naviy-ma’rifiy muloqot sifatida ham ahamiyat kasb etdi.

Tarixiy xotira — avlodlarni birlashtiruvchi ma’naviy kuch, qahramonlar jasorati esa bugungi avlod uchun ham ibrat maktabidir.

🔎 Batafsil: mustaqillik35.uz

✅Bizni kuzatishda davom eting!
Telegram|Instagram|Facebook|veb-sayt|YouTube