#yoshlar_kuni
#rahbar_va_yoshlar

Samimiy suhbatda yoshlar jam bo‘ldi

Yoshlar kuni munosabati bilan Samarqand shahri “Shodiyona” mahallasidagi 82-son umumta’lim maktabida “Rahbar va yoshlar” uchrashuvi bo‘lib o‘tdi.

Uchrashuv davomida Respublika Ma’naviyat va ma’rifat markazi Samarqand viloyati bo‘limi rahbari Xolbek Kubayev yoshlarning bo‘sh vaqtini mazmunli tashkil etish, kitobxonlik madaniyatini rivojlantirish, yoshlar uchun yaratilayotgan imkoniyatlardan samarali foydalanish hamda ularning tashabbuslarini qo‘llab-quvvatlash masalalariga to‘xtaldi.

Ochiq va samimiy muloqot davomida yoshlar o‘zlarini qiziqtirgan savollariga atroflicha javob oldilar.

📱Telegram | Facebook | Instagram | YouTube

🏆 “Yilning eng faol davlat xizmatchisi” tanlovi g‘oliblari taqdirlandi

O‘zbekiston Respublikasi Mustaqilligining 35 yilligi munosabati bilan Samarqand shahar hokimligi tomonidan tashkil etilgan “Yilning eng faol davlat xizmatchisi” ko‘rik-tanlovining yakuniy natijalari sarhisob qilinib, g‘olib va sovrindorlarni taqdirlash marosimi o‘tkazildi.

Tanlovning test va suhbat bosqichlarida davlat xizmatchilarining kasbiy bilim va salohiyati, tashabbuskorligi, yangicha fikrlashi, amalga oshirgan loyihalari hamda erishgan natijalari baholab borildi.

Taqdirlash marosimida tanlovda yuqori natijalarni qayd etgan ishtirokchilarga diplom va esdalik sovg‘alari topshirildi.

Taqdirlashda ishtirok etgan shahar rahbari Fazliddin Umarov davlat xizmatida fidoyilik, tashabbuskorlik va mas’uliyat bilan faoliyat yuritayotgan xodimlarni qo‘llab-quvvatlash, ularning ilg‘or tajribasini ommalashtirish muhim ahamiyat kasb etishini ta’kidladi.

Eslatib o‘tamiz, tanlov O‘zbekiston Respublikasi Prezidenti huzuridagi Davlat siyosati va boshqaruv akademiyasi hamda Boshqaruv samaradorligi agentligi Samarqand viloyati filiallari hamkorligida tashkil etildi.


Ijtimoiy tarmoqlardagi sahifalarimiz👇
Telegram|YouTube |  Facebook|Instagram

#Uzb35
#Mustaqillik35

Mustaqilligimizning 35 yilligi munosabati bilan Samarqand shahar 6-DMTTda “Yagona Vatan, yagona xalq bo‘lib, yangi hayot va kelajak yaratamiz!” shiori ostida bayram tadbiri o‘tkazildi.

Bayram dasturi davomida mustaqillikning ahamiyati, uning xalqimiz hayotidagi o‘rni va kelajak avlodlar uchun yaratgan imkoniyatlari haqida so‘z yuritildi. Tadbirda bolalar ijodiy chiqishlar, qo‘shiq va raqslar bilan ishtirok etishdi.

Shuningdek, tadbirda ota-onalar, pedagoglar va mahalla vakillari ishtirok etib, mustaqillik yillarida erishilgan yutuqlar va kelajak rejalari haqida fikr almashdilar. Bayramning asosiy maqsadi – yosh avlodni vatanparvarlik ruhida tarbiyalash, ularni milliy qadriyatlarimizga hurmat bilan yondoshishga undashdir.

Ijtimoiy tarmoqlardagi sahifalarimiz👇
Telegram|YouTube |  Facebook|Instagram

35 yillik buyuk yo‘l — «Mustaqillik zafarnomasi»da!
 
Maʼnaviyat va maʼrifat markazi tomonidan O‘zbekiston Respublikasi davlat mustaqilligining 35 yilligi munosabati bilan mamlakatimiz taraqqiyoti, keng ko‘lamli islohotlar va erishilayotgan yutuqlarni o‘zida mujassam etgan «Mustaqillik zafarnomasi» maxsus kitob-albomi tayyorlandi.
 

Unda Yangi O‘zbekistonning bugungi qiyofasini belgilab berayotgan islohotlar, ularning amaliy natijalari va yurtimiz hayotining turli sohalarida qo‘lga kiritilgan yutuqlar keng yoritilgan.

«Mustaqillik zafarnomasi» — bu shunchaki kitob emas. Bu — 35 yillik mustaqil taraqqiyotimizning solnomasi, bugungi islohotlarimizning natijasi va Yangi O‘zbekistonning ertangi avlodlarga qoladigan tarixiy manbasi.
 

Kitob-albom - «Ma’naviyat nashriyoti» tomonidan 30 ming nusxada nashr qilinib, vazirlik va idoralar, tashkilotlar, mahallalar, ta’lim muassasalari, harbiy qismlar hamda diplomatik vakolatxonalarga bepul tarqatiladi.

Mustaqillik — tariximiz.
Taraqqiyot — bugunimiz.
Zafarlar — kelajagimiz!

Rasmiy sahifalarimiz👇
Veb-sayt |Telegram | Facebook |YouTube | Instagram