Aslida mustaqillik — taqvimdagi bir sana emas.
Mustaqillik — bir kun nishonlanadigan bayram ham emas.
Mustaqillik — har kuni his qilib, har kuni asrab, har kuni yaratib yashaydigan buyuk qadriyat!

Bugun har bir oiladagi ezgu niyat, har bir yoshning orzusi, har bir tadbirkorning tashabbusi, har bir mehnatkashning halol mehnati — yurtimiz taraqqiyotiga qo‘shilayotgan ulkan hissadir.

Azizlar, farzandlarimizga mustaqillikning mazmun-mohiyatini tushuntiraylik. Ularga

Vatan ozodligi, yurt tinchligi — tayyor berilgan ne’mat emas, balki ajdodlar orzusi va avlodlar mas’uliyati ekanini anglataylik

.
Zero, Mustaqillikka munosib yashash — yurtimiz kelajagini o‘z qo‘limiz bilan qurish demakdi

Kitobning bosh g‘oyasi bir jumlada mujassam: “Vatanimizning oltin davrini, yangi buyuk tarixini albatta barchamiz birgalikda yaratamiz!”

Bu shunchaki da’vat emas.
Bu — birlikka chaqiriq.
Bu — tarixiy mas’uliyat.
Bu — kelajakka ishonch.
Bu — har bir yurtdoshimizni Vatan taraqqiyotiga daxldor bo‘lishga undaydigan ezgu maqsad!

Mazkur qo‘llanma ayniqsa yosh avlodning mamlakatimizda kechayotgan keng ko‘lamli o‘zgarishlarni anglashi, ularning mohiyati va ahamiyatini to‘g‘ri idrok etishida muhim manba bo‘lib xizmat qiladi.
Zero, bugungi yoshlar — tarixni faqat o‘rganuvchi emas, balki Yangi O‘zbekistonning yangi tarixini yaratadigan bunyodkorlardir.

35 yil... Bu shunchaki raqam emas. Bu — mustaqil yurtning o‘z taqdirini o‘zi belgilagan, yuksalish va taraqqiyot sari bosib o‘tgan sharafli yo‘li.

Biz yagona Vatan, yagona xalq bo‘lib, yanada buyuk kelajakni birgalikda barpo etamiz. Mustaqilligimiz abadiy bo‘lsin!