“Ma’rifat ulashib” — ezgulikka chorlovchi ma’rifat maydoni

Unda O‘zbekiston Yozuvchilar uyushmasi a’zosi, shoir va tarjimon Shodmon Sulaymon hamda Samarqand davlat universiteti Ma’naviyat va ma’rifat bo‘limi boshlig‘i Xasan Aminqulov ishtirok etdi.

Samimiy va ochiq muloqot ruhida o‘tgan davra suhbatida ilm-ma’rifatning inson hayotidagi o‘rni, puxta bilim egallashning ahamiyati, kitob mutolaasining inson tafakkuri va dunyoqarashini boyitishdagi roli haqida fikr almashildi. O‘quvchilarga bo‘sh vaqtni mazmunli tashkil etish, kitob o‘qish orqali mustaqil fikrlash va hayotiy qarashlarini shakllantirish yuzasidan tavsiyalar berildi.

Suhbat davomida yoshlarning ajdodlarimiz qoldirgan boy ilmiy, adabiy va ma’naviy merosni chuqur o‘rganishi, undan ibrat olishi, Vatanga sadoqatli, bilimli, faol va mas’uliyatli insonlar bo‘lib voyaga yetishi muhim ekani alohida ta’kidlandi.

Tadbir o‘quvchilarni kitob va ilmga yanada yaqinlashtirish, ularning ma’naviy dunyosini boyitish hamda ezgu maqsadlar sari intilishiga xizmat qiladigan mazmunli muloqotga aylandi.

“Behbudiy — maʼrifat fidoyisi”

Tadbir davomida o‘quvchilar tomonidan Mahmudxo‘ja Behbudiyning “Padarkush” dramasidan parcha sahnalashtirildi.

O‘quvchilar buyuk ma’rifatparvarning hayoti va ijodi, uning millat ma’naviyati va ma’rifati rivojiga qo‘shgan beqiyos hissasi haqida batafsil ma’lumot berdilar.

Tadbirda so‘zga chiqqanlar, Behbudiy ilgari surgan ilm-ma’rifat, zamonaviy ta’lim, milliy o‘zlikni anglash, yoshlarni bilimli va vatanparvar etib tarbiyalash kabi g‘oyalar bugungi kun bilan bog‘lab tushuntirdi.

Bugungi globallashuv va axborot oqimi kuchaygan davrda yoshlarning zamonaviy bilimlarni egallashi, mustaqil fikrlashi, axborotdan to‘g‘ri va oqilona foydalanishi hamda milliy qadriyatlarga sodiq bo‘lishi — Behbudiy orzu qilgan ma’rifatli avlod tarbiyasining bugungi ifodasidir.

Behbudiy g‘oyalari — kecha uchun emas, bugun va kelajak uchun ham muhim ma’naviy saboqdir.