MA’NAVIYAT SOHASIDA YANGI DAVR: TALAB, MAS’ULIYAT VA ANIQ NATIJA

➡️ Ma’naviyat – davlat va jamiyat taraqqiyotining muhim omili. Ona tilimizga va davlat ramzlariga hurmatni mustahkamlash, milliy qadriyatlarni asrash, jamiyatda birdamlik va vatanparvarlik tuyg‘ularini yuksaltirish ustuvor vazifalar sifatida qayd etildi.
➡️ Yoshlar tarbiyasi va axborot xavfsizligi – dolzarb masala. Raqamli makonda tarqalayotgan zararli axborotlardan yoshlarni himoya qilish, ularda mustaqil fikrlash va axborotni tanqidiy tahlil qilish ko‘nikmalarini shakllantirish, kitobxonlik madaniyatini keng targ‘ib etish zarurligi ta’kidlandi.
➡️ Rahbarning shaxsiy namunasi – mas’uliyat mezoni. Ma’naviy-ma’rifiy ishlar qog‘ozdagi hisobotlar yoki bir martalik tadbirlar bilan cheklanib qolmasligi, balki odamlar hayotida, ayniqsa, yoshlar tarbiyasi va oilaviy muhitda aniq natijalar bilan namoyon bo‘lishi lozimligi aytildi.
➡️ Zamonaviy yondashuv va amaliy samaradorlik. Axborot-resurs markazlari va ma’naviyat maskanlari faoliyatini takomillashtirish, tashqi targ‘ibotni rivojlantirish, zamonaviy ish standartlarini joriy etish hamda soha xodimlarini rag‘batlantirish bo‘yicha masalalariga e'tibor qaratildi.

Yig‘ilish davomida qator vazirlik va idoralar rahbarlarining ma’naviy-ma’rifiy ishlar samaradorligini oshirish borasidagi hisobotlari eshitildi. Shuningdek, rahbarlarning shaxsiy mas’uliyatini kuchaytirish, sohaga zamonaviy yondashuvlarni joriy etish va xodimlarni rag‘batlantirishga qaratilgan qator taklif va tashabbuslar ilgari surildi.