Toşkentda noqonuniy qurilgan köp qavatli uylar soni 61 ta ekani ma’lum qilindi

Toşkentdagi noqonuniy qurilishlar soni böyiça tarqalgan ma’lumotga aniqlik kiritildi.

Avvalroq Qonunçilik palatasidagi muhokamada poytaxtda 720 ta noqonuniy köp qavatli uy borligi aytilgandi. Vazirlik izohiga köra, bu raqamda texnik xatolikka yöl qöyilgan.

Aslida, Toşkentda 320 dan ortiq noqonuniy quriliş obyekti aniqlangan. Bu hisobga yakka tartibdagi xonadonlar, dökonlar, savdo kiosklari va boşqa kiçik obyektlar ham kiradi. Noqonuniy köp qavatli uylar soni esa 61 ta.

Vazirlik texnik xatolik uçun uzr söradi va ma’lumotga aniqlik kiritdi. Işda xato bölib turadi. Uni tan olib, töğri ma’lumotni yetkazişgani uçun rahmat.

➡️ @shokirjonov

Osiyo Para öyinlarida oltin medallarimiz soni 43 ta bölibdi.

Bu safar Hindiston aniq bizdan öta olmaydi))

➡️ @shokirjonov

Qaşqadaryoda 1 kilometr yölni ta’mirlaş 3,5 mln dollarga tuşadi

Qaşqadaryoda A-380 avtomobil yölining 100 kilometrlik qismini rekonstruksiya qiliş uçun 350 million dollar sarflanişi rejalaştirilmoqda. Oddiy hisob-kitobga köra, har bir kilometrga 3,5 million dollardan töğri keladi.

Loyiha Osiyo taraqqiyot banki bilan hamkorlikda amalga oşiriladi. Rekonstruksiya işlari A-380 magistralining viloyat hududidan ötgan qismida olib boriladi.

Şuningdek, Qarşi şahrining aylanma yöli 5,5 kilometrga uzaytirilib, A-380 magistraliga ulanadi. Mas’ullarga texnik-iqtisodiy asoslarni yil oxirigaça tayyorlaş va 2027-yil yanvaridan qurilişni boşlaş topşirilgan.

Yana 250 mlrd sömga ikkita yölötkazgiç quriladi. Ular «Qarşi – Pomuq» va «Ğuzor – Beynov» yölaridagi temiryöl kesişmalarida barpo etiladi. Hozir bu joylarda poyezd ötganida katta tirbandliklar yuzaga kelmoqda.

➡️ @shokirjonov

Aiçi-Nagoyada bölib ötgan V Para-Osiyo öyinlarini sportchilarimiz yuksak natija bilan yakunlaşdi

🥇 45 ta oltin
🥈 49 ta kumuş
🥉 51 ta bronza.

Umumjamoa hisobida Osiyoda 3-örin.

Sovrindorlarga oltin medal uçun 25.000, kumuşga 12.500, bronzaga 6.250 AQŞ dollari miqdorida mukofot beriladi. Murabbiylar 10.000/5.000/2.500 dollardan mukofotlanişadi.

➡️ @shokirjonov

#botga_yozişmoqda

«Сизга  саволим бор эди. Ротация қилинган ходим қанча вақтгача ўша жойида ишлай олади? Мактаб директорнинг сертификати йўқ. Лекин ўринбосарида бўлса-чи? Директор ишлаб юраверадими?

Менежерлик сертификатини 2 марта ҳам ололмаган директор ўз вазифасида ишни давом эттириши мумкинми?»

Ş.Ş.: Davom ettirişi mumkin. Bu direktorning hokim yo RayONO mudiri bilan aloqalari qançalik qalinligiga boğliq.

➡️ @shokirjonov

Rossiya Ukrainadagi uruşga 8207 nafar özbekistonlikni jalb qilgan — «Xoçu jit»

Rossiya Ukrainaga qarşi uruşga Markaziy Osiyo davlatlaridan 20 ming 437 nafar fuqaroni jalb qilgan. Ularning 8207 nafari özbekistonlik. Bu mintaqa böyiça eng yuqori körsatkiç.

Ukrainaning «Xoçu jit» davlat loyihasi ma’lumotiga köra, 2026-yil 1-oktabr holatida Rossiya armiyasi bilan şartnoma tuzgan Markaziy Osiyo fuqarolari soni quyidagiça:

1. Özbekiston — 8207 nafar
2. Tojikiston — 5308 nafar
3. Qozoğiston — 3819 nafar
4. Qirğiziston — 2219 nafar
5. Turkmaniston — 884 nafar

Özbekistonliklarning 2602 nafari 2026-yilning dastlabki töqqiz oyida jalb qilingan. 2025-yilda esa bu körsatkiç 3487 nafarni taşkil etgan. Rossiya fuqaroligini olgan özbekistonliklar mazkur statistikaga kiritilmagan.

Loyiha ma’lumotiga köra, markaziy osiyoliklar yuqori maoş, Rossiya pasporti va’dasi, ayrim hollarda esa deportatsiya yoki qamoq bilan tahdid qiliş orqali uruşga jalb qilinmoqda. Özbekistonliklar Ukrainada asirlikka tuşgan xorijliklar orasida ham son jihatidan yetakçi ekani aytilgan.

Muhim jihat: 8207 nafar — hozir frontda jang qilayotganlar soni emas. Bu 2022-yildan buyon aniqlangan jami şaxslar. Ular orasida halok bölganlar, asir tuşganlar yoki xizmatni tark etganlar ham bölişi mumkin.

Raqamlar Ukrainaning «Xoçu jit» loyihasiga tegishli bölib, mustaqil tasdiqlanmagan.

➡️ @shokirjonov

Bugun 25-oktabr — Içki işlar organlari xodimlari kuni.

Bu soha xodimlari orasida elga halol xizmat qilib, vatan ravnaqi yölida tinim bilmasdan işlab yurganlari juda köp.

Avvalo, Vatanimiz osoyiştaligiga köz tegmasin. Tinçlik, xotirjamlik yölida kunni kunga, tunni tunga ulab, davlatga va xalqqa xizmat qilyotgan posbonlarimizga bayram muborak, joningiz doimo sog bölsin!

➡️ @shokirjonov

Ba’zan hayot uchun kuraşişga yaqinlarning mehri kuç beradi

Bir neça yil davomida gepatit B bilan yaşagan Feruz Ahrorov kasalligi haqida yaqinlariga bildirmaslikka harakat qildi. Ammo vaqt ötişi bilan ahvoli oğirlaşdi, jigar sirrozi rivojlandi. Uni hayotga qaytariş uchun jigar transplantatsiyasi zarur edi.

Bu yölda uning jiyani Sevinçbonu donor bölişga qaror qildi. Milliy tibbiyot markazida ötkazilgan operatsiya muvaffaqiyatli yakunlandi. Bugun Feruz Ahrorov yana oilasi bağrida, maktab direktori sifatidagi faoliyatini davom ettirmoqda.

SSVning “Hayotga qaytdim” medialoyihasining navbatdagi qahramoni öz boşidan keçirgan sinovlar, oilasining qöllab-quvvatlaşi va şifokorlar mehnati haqida hikoya qiladi.

➡️ @shokirjonov

Özbekistonda böşagan şişa va bankalarni qaytarganlarga puli berilişi mumkin

Özbekistonda içimlik sotib olayotganda plastik va şişa idişlar, şuningdek, alyuminiy bankalar uçun qöşimça garov puli tölaş tizimini joriy etiş taklif qilindi. Böş idişni qaytargan xaridor pulini qaytarib oladi.

Bu haqda Ekologiya va iqlim özgarişi milliy qömitasi raisi örinbosari Iskandar Qutbiddinov Oliy Majlis Qonunçilik palatasida ma’lum qildi. Uning aytişiça, hozir bunday chiqindilarning atigi 6,2 foizi qayta işlanmoqda. Ixtiyoriy yiğiş tizimi esa amalda işlamayapti.

Xöş, tizim qanday işlaydi?

Masalan, xaridor içimlik narxiga qöşimça ravishda idiş uçun garov puli tölaydi. Keyin böş şişa yoki bankani maxsus avtomatga topşirib, öşa pulni qaytarib oladi. Yevropaning ayrim mamlakatlarida bu amaliyot alla qaçon mavjud.

Aslida, Özbekistonda şunga öxşaş tajriba boşlangan. Sentyabr oyida Toşkent va Surxondaryoda böşagan idişlarni qabul qiladigan avtomatlar örnatildi. Ular har bir şişa yoki banka uçun 150 sömdan tölaydi. Ammo bu hozirça garov pulini qaytariş emas, chiqindini topşirganlik uçun rağbat puli.

Muhim jihat: yangi tizim hozirça taklif bosqiçida. Garov puli miqdori, idişlarni qayerda topşiriş mumkinligi va tartib qaçondan işga tuşişi noma’lum. «Chiqindilar töğrisida»gi qonunning yangi tahriri deputatlar tomonidan birinçi öqişda ma’qullangan.

➡️ @shokirjonov

Özbekistonda ilk bor islomiy bank faoliyati uçun litsenziya berildi

Özbekiston Markaziy banki tarixda birinçi marta islomiy bank faoliyatini yuritişga ruxsat berdi. Ilk litsenziyani «Open bank» oldi.

Markaziy bank Boşqaruvining 2026-yil 23-oktabrdagi qaroriga asosan, bankka 1-I-sonli litsenziya berilgan.

Mazkur litsenziya «Banklar va bank faoliyati töğrisida»gi qonunda belgilangan islomiy moliya operatsiyalarini amalga oşiriş huquqini beradi.

Islomiy bankning oddiy bankdan farqi nimada? Uning asosiy tamoyillaridan biri — foiz evaziga qarz berişning taqiqlanişi. Buning örniga savdo, ijara va foydani bölişişga asoslangan moliyalaştiriş usullari qöllanadi.

Şunday qilib, Özbekiston bank bozorida yangi yö nalişga rasman yöl oçildi. Endi mijozlar uçun eng muhim masala — islomiy moliya xizmatlarining amaldagi şartlari va xarajatlari qanday bölişini biliş.

➡️ @shokirjonov

"İman invest" investitisiya kompaniyasi halol investitsiya böyiça nojoiz harakatlar amalga oşirgani haqida islomiy moliya böyiça xalqaro auditor, IFCB kompaniyasi asosçisi Mahmud Usmon şariat kengaşi xulosasi bilan çiqiş qilgaç, holding rahbari Rustam Rahmatov unga (2,5 yil davomida jami) 100 ming AQŞ dollari maoş bergani, domla maoşga qanoat qilmay, kompaniyadan uluş talab qilganini iddao etuvçi çiqişi bilan javob berdi.

Mahmud Usmon bularning barçasi tuhmat ekanini aytib, huquqni muhofaza qiluvçi idoralarga murojaat qilişini bildirib yana çiqiş qilibdi.

Vaziyat jiddiylaşmoqda.

➡️ @shokirjonov

macOS va Windows uçun yangi terilma tayyor!

Ö, Ğ, Ş, Ç harflari va tutuq belgisini boşqa harflarga tegmasdan, qulay tarzda joylaştirişga harakat qildik.

Örnatib köring: tilmoch.ai/terilmalar

Telefonlar (iOS va Android) uçun ham tez orada çiqadi.

Telegram | ™️Facebook | 📺 Youtube

Toşkent havosining ifloslanişiga yoğingarçilik kamligi va tabiiy çang massalari ham sabab bölyapti

Oxirgi kunlarda Toşkentda havo sifati yomonlaşgani kuzatilyapti. Bunga faqat insonlar emas, tabiiy omillar va noqulay meteorologik şaroitlar ham ta’sir körsatayotgani aytildi. Iqlim özgarişi milliy markazi direktori Farrux Sattarovga köra, 26-oktabrgaça poytaxtda atigi 3,9 millimetr yoğingarçilik kuzatilgan. Oylik me’yor esa 23,7 millimetrni taşkil etadi. Ya’ni yoğingarçilik odatdagi miqdordan salkam olti baravar kam bölgan.

Yoğingarçilik havodagi çang zarralarini yuvib, atmosferaning tabiiy tozalanishiga yordam beradi. Yomğir kam bölsa, çang havoda töplanib qolishi mumkin. Bundan taşqari, sönggi ön yillikda sovuq yarim yillikda kuçli şamol va yoğingarçilik kamligi bilan boğliq noqulay meteorologik şaroitlar 57 foizga köpaygan.

Oktabrning 25–26-kunlari sun’iy yöldoş tasvirlarida ham Toşkent va unga yaqin hududlarda yirik çang massalari kuzatilgan. Mutaxassislar prognoziga köra, çang massalari va havo ifloslanişi bilan boğliq noqulay şaroitlar kelasi hafta boşigaça davom etişi mumkin.

Albatta, tabiiy omillar ham bor. Lekin bu havo ifloslanişiga ta’sir qiladigan boshqa sabablarni ham unutish kerak degani emas. Transport, quriliş ishlari va çangning kötarilişiga sabab böladigan jarayonlarga ham alohida e’tibor berişimiz kerak. Vaziyatni töğri baholaş uçun esa barcha omillarni örganish, havo sifatini muntazam kuzatib borish va ifloslanişni kamaytirishga qaratilgan choralarni izchil amalga oşirish kerak deb öylayman.

➡️ @shokirjonov

Vietnamdan Angliyaga velosipedda yöl olgan Manchester United muxlisi Qirğizistondan Özbekistonga ötgan birinçi kundayoq mast odamga yöliqibdi...

Va buni Instagramga qöyibdi)

➡️ @shokirjonov

Örtacha maoş 7,3 million, ammo xodimlarning yarmi 4,2 milliondan kam oladi

Özbekistonda örtacha iş haqi 7,3 million sömga yetdi. Biroq xodimlarning yarmi 4,2 million sömdan kam maoş oladi. Buni Milliy statistika qömitasi ilk bor e’lon qilgan mediana iş haqi körsatkiçi oçib berdi.

2026-yilning yanvar–sentabr oylarida örtacha nominal iş haqi 7 million 274 ming sömni taşkil etgan. Bu ötgan yilga nisbatan 18 foizga köp. Eksperimental hisoblangan mediana iş haqi esa 4 million 166 ming söm bölgan. Örtacha va mediana örtasidagi farq 3,1 million sömdan oşadi.

Mediana nima degani? Tasavvur qiling, beş kişi 3, 4, 5, 6 va 22 million sömdan maoş oladi. Ularning örtacha oyligi 8 million söm, ammo mediana 5 million. Chunki xodimlarning yarmi 5 milliondan kam, qolgan yarmi undan köp oladi. Bitta yuqori maoş örtacha körsatkiçni sezilarli kötarib yuborişi mumkin.

Hududlar böyiça eng yuqori örtacha maoş Toşkent şahrida — 12,3 million söm. Keyingi örinlarda Navoiy — 8,8 million va Toşkent viloyati — 6,9 million söm. Eng past körsatkiçlar Qaşqadaryoda — 4,97 million va Surxondaryoda — 4,99 million söm. Samarqandda esa örtacha maoş 5,37 million söm.

Soha böyiça farq yanada katta. Bank va moliya tizimida örtacha maoş 19,7 million, axborot va aloqada 17 million söm. Ta’limda bu körsatkiç 5 million, soğliqni saqlaşda esa 4,45 million söm.

Mediana körsatkiçining e’lon qilinişi odamlarning haqiqiy daromadlariga yaqinroq manzarani köriş imkonini beradi.

➡️ @shokirjonov

Toşkentda qurilayotgan uydan olti kişining jasadi topildi: is gazidan zaharlaniş gumon qilinmoqda

Toşkentning Mirzo Uluğbek tumanida qurilayotgan ikki qavatli uydan olti kişining jasadi topildi. Yana ikki kişi og’ir ahvolda şifoxonaga yotqizilgan. Dastlabki taxminlarga köra, ular is gazidan zaharlangan bölişi mumkin.

Hodisa 25-oktyabr kuni Alişerobod mahallasida sodir bölgan. Soat 09:53 da «112» xizmatiga bir uyda töqqiz kişi huşsiz yotgani haqida xabar kelib tuşgan. Voqea sodir bölgan bino 8 sotixli yerda qurilayotgan bölib, tabiiy gaz tarmoğiga ulangan.

Halok bölganlarning eng kiçigi 18 yoşda. Dastlabki röyxatga köra, qurbonlar 1982, 2000, 2000, 2004, 2008 va 2008-yillarda tuğilgan erkaklar. Şifoxonaga olib ketilgan ikki kishi reanimatsiyada. Töqqizinçi şaxsning ahvoli qoniqarli deb baholangan.

Marhumlar va şifoxonaga yotqizilganlar Qoraqalpoğistonning Amudaryo va Ellikqal’a tumanlarida yaşagan. Hodisa joyiga FVV, prokuratura, IIV va DXX xodimlari yetib kelgan. Sud-tibbiy ekspertizasi tayinlanib, tergovga qadar tekşiruv boşlangan.

Ölimga aynan is gazi sabab bölgani hozirça tasdiqlanmagan. «Gazeta.uz»ning yozişiça, hodisadan söng mahallada FVV xodimlari uyma-uy yurib, is gazidan zaharlanişning oldini oliş böyiça ogohlantiriş işlarini olib bormoqda.

Is gazidan ehtiyot böling, gaz plitasi, peçka va qozonxonalarning dudburonini tekşiring. Is gazi detektori örnating.

➡️ @shokirjonov