სრულიად კოსმეტიკური, ბუტაფორიული ცვლილებები მიიღეს საიმიგრაციო კანონმდებლობაში,

ქვეყანაში ყოფნის ვადის გადაცილებაზე ცოტა ჯარიმები გაზარდეს და გაძევების პროცედურა გაამარტივეს (ისედაც მარტივად აძევებდი) და სამუშაო ნებართვის მიღებისთვის აქამდე თუ უბრალოდ ელექტრონული განაცხადის შევსება იყო საკმარისი, ახლა განაცხადი უბრალოდ შრომის და ჯანდაცვის სამინისტრომ უნდა დაგიმოწმოს (რასაც ადგება და დაგიმოწმებს, მთავრობის ხელშია) - სულ ეს არის ამ ვითომ გამკაცრების არსი, რომ წინასაარჩევნოდ ხალხს თვალში შეაყარონ ილუზიად.

არა და ქვეყანაში არალეგალური მიგრაცია კი არ არის მთავარი პრობლემა, მიგრანტების 90%-ზე მეტი ქვეყანაში ლეგალურად არის, 100 ათას დოლარის ქონებად ან 1300 ლარიან ხელფასად ყიდულობს ბინადრობის უფლებას და შეუძლია დაუსრულებლად იყოს და შეუძლია დაუსრულებლად იყოს ქვეყანაში და მოქალაქეობა მიიღოს 10 წელიწადში.

მოკლედ, არაფერი იცვლება, ტრადიციისამებრ წინასაარჩევნოდ მოჩვენებით ცვლილებებს შეაყრიან ხოლმე ხალხს თვალებში, რომ არჩევნების მერე ყველაფერი ძველებურად გააგრძელონ.

სახელმწიფოში სიმდიდრის გადანაწილების თანაბრობის მაჩვენებელს ჯინის ინდექსით (Gini coefficient) ზომავენ, რომელიც ასახავს, თუ რამდენად თანასწორად არის ქვეყნის დოვლათი გაყოფილი მოქალაქეებს შორის.

ჯინის ინდექსის მიხედვით, საქართველო 70-80-ე ადგილზეა, რაც მიუთითებს, რომ სიმდიდრის განაწილება ჩვენს ქვეყანაში არათანაბარია და საშუალო სტატისტიკური მოქალაქის ფინანსური მდგომარეობა რთულია.

აქედან გამომდინარე, სამთავრობო პროპაგანდის მიერ წარმოჩენილი ეკონომიკური ზრდის სტატისტიკური მონაცემები არ ასახავს მოსახლეობის რეალურ კეთილდღეობას.

სანამ ჩვეულებრივი მოქალაქე საკუთარ თავსა და ოჯახზე არ იგრძნობს ამ ზრდის დადებით ეფექტს, ეს ციფრები მხოლოდ მშრალ სტატისტიკად რჩება.

ხელისუფლებამ უნდა გააცნობიეროს, რომ პრიორიტეტი ქართველი ხალხის კეთილდღეობა და მათი ფინანსური მდგომარეობის გაუმჯობესება უნდა იყოს, და არა მასთან აფილირებული მცირე ჯგუფის გამდიდრება.

გამოიწერეთ ჩემი ტიკტოკ არხი:

თბილისში ბინების 23%-ს უცხოელები ყიდულობენ

https://vt.tiktok.com/ZSHps3qCR1FER-YpS70/

კიევზე სარაკეტო დარტყმების კადრები.

როგორც ჩანს უკრიანის საჰაერო თავდაცვის სისტემები უკვე ისეთ დეფიციტს განიცდიან, რომ კიევის ცა ფაქტიურად დაუცველია.

თბილისი, ბეტონში ჩამჯდარი ქალაქი...

თქვენ შეიძლება იფიქროთ, რომ ეს მაქსიმუმია და ქალაქში მეტი ბეტონის ჩატევა შეუძლებელია,

მაგრამ აცადეთ კალაძეს კიდევ 4 წელი და ის დაგიმტკიცებთ, რომ ამ ქალაქში კიდევ დარჩა ბევრი სკვერი, სადაც ბეტონის ჩატევა შეიძლება,

და რომ სულ არ არის აუცილებელი კორპუსებს შორის დიდი მანძილი, ერთი მეტრიც ეყოფა, ჰაერმა რომ გაიაროს))

თუ ვინმე ვერ იგებს, რისთვის აფინანსებდა და აფინანსებს ოცნება ნაცებს (როგორც კობახიძემ თვითონ აღიარა):

ყოველი არჩევნების წინ ნაცებმა ჭიქაში ჰაერი უნდა შეაზანზარონ და გამოაცხადონ, რომ რევოლუციას იწყებენ, რომ მერე ოცნებამ წინასაარჩევნოდ იყვიროს, არიქა ხალხო, ნაცები არ მობრუნდნენ, ერთხელაც მოგვეცით ხმა, რომ ნაცების საფრთხე ავიცილოთო. ამიტომ გაგრძელდება ოცნების მიერ ნაცების შენახვა და დაფინანსება დაუსრულებლად.

ბორჯომის პარკში, მთავარ ტურისტულ ლოკაციაზე აგვისტოში, როცა მთავრი ტურისტული პერიოდია, რემონტს რა ლოგიკით გეგმავს ვინმე?

შედეგად პარკი ცარიელია, ქალაქში დამსვენებელი ცოტაა.

მართლა "მენეჯმენტის სპეციალისტები" არიან ესენი ...

პუტინი ეჭვქვეშ აყენებს ტრამპის ულტიმატუმის ეფექტურობას - Reuters

Reuters-ის ცნობით, პუტინს არ სჯერა ტრამპის „ულტიმატუმის“, რომელიც პარასკევს იწურება, და არ აპირებს მის შესრულებას, - ამის შესახებ განაცხადა „კრემლთან ახლოს მყოფმა წყაროებმა“.

მათი თქმით, პუტინი დარწმუნებულია რუსეთის გამარჯვებაში და ეჭვი ეპარება, რომ აშშ-ის ახალი სანქციები ეფექტური იქნება.

ამავდროულად, რუსეთის პრეზიდენტს „არ სურს“ ტრამპის განაწყენება და „ხვდება, რომ, შესაძლოა, გაუშვას ხელიდან ვაშინგტონთან და დასავლეთთან ურთიერთობის გაუმჯობესების შანსი, მაგრამ მისი სამხედრო მიზნები უფრო მნიშვნელოვანია“ - უკრაინის ოთხი ოლქი.

პირად საუბრებში პუტინმა გამოთქვა „შეშფოთება“ აშშ-თან ურთიერთობის გაუარესების გამო, მაგრამ მაინც „ინარჩუნებს იმედს“, რომ რუსეთი შეძლებს „კვლავ დამეგობრებას“ ამერიკასთან და ვაჭრობას დასავლეთთან. „მას აწუხებს“ ტრამპის გაღიზიანება, მაგრამ ის „ვერ ახერხებს ომის დასრულებას მხოლოდ იმიტომ, რომ ტრამპს ეს სურს“.

კრემლი არაა დარწმუნებული, რომ ტრამპი საერთოდ შეასრულებს თავის ულტიმატუმს, რადგან „ის ადრეც იმუქრებოდა“, მაგრამ შემდეგ არაფერი გაუკეთებია, ან გადაწყვეტილება შეცვლილა. ასევე, მოსკოვს არ სჯერა, რომ ჩინეთი შეწყვეტს რუსეთის ნავთობის შესყიდვას.

საკმაოდ რეალისტური სტატიაა და კარგად აღწერს რუსეთის სამხედრო - პოლიტიკური ხელმძღვანელობის პოზიციას.

https://www.reuters.com/world/europe/putin-doubts-potency-trumps-ultimatum-end-war-sources-say-2025-08-05/

ჩინეთის შემდეგ ინდოეთიც უარით პასუხობს აშშ-ის მუქარას, შეწყვიტოს რუსეთისგან ნავთობის შესყიდვა.

არადა ჩინეთი და ინდოეთი რუსული საექსპორტო ნავთობის თითქმის 90%-ს ყიდულობენ.

ანუ, როგორც მოსალოდნელი იყო, დასავლეთის მიერ რუსული ნავთობით ვაჭრობის ბლოკირება და ამ გზით ომის შეჩერების იძულება ვერ ხერხდება.

17 წელი გავიდა 2008 წლის ომიდან.
ხსოვნა იყოს დაღუპული გმირების და მალე გვენახოს გამთლიანებული საქართველო!

სომხეთში, ინდოელმა მუშებმა გზა გადაკეტეს,

ისინი ქალაქ იჯევანში ერთ-ერთ ქარხანაში მუშაობენ და, გავრცელებული ინფორმაციის თანახმად, ხელფასების გაზრდას და სამუშაო პირობების გაუმჯობესებას მოითხოვენ.

ამიტომ წარმოდგენა, რომ იაფი მუშახელი და "ინვესტორები" უპრეტენზიო და უპრობლემო ფაქტორი იქნებიან, ზედმეტად მიამიტურია, თანდათან, როცა მათი რაოდენობა და ძალა შეიცვლება, რადიკალურად შეიცვლება ასევე მათი ქცევის ფორმებიც.

ტრამპი აცხადებს და რუსეთიც ადასტურებს, რომ ტრამპის და პუტინის შეხვედრა, სავარაუდოდ, მომავალ პარასკევს ალიასკაზე შედგება.

ამერიკაში შეხვედრა თუ შედგა, ეს იმას ნიშნავს, რომ ამერიკა და რუსეთი პირობებზე შეთანხმდნენ.

უკრაინა და ევროპა?

უკრაინას და ევროპას შეითანხმებენ, ან უკვე შეითანხმეს.

წინააღმდეგ შემთხვევაში საქმე გვაქვს ტრამპის შეგნებულ გეგმასთან, უკრაინის კონფლიქტს ჩამოშორდეს ისე, რომ ისევ უკრაინის სიჯიუტეს დააბრალოს ჩამოშორება.

ზელენსკი: "უკრაინის ხალხი მშვიდობას იმსახურებს. მაგრამ ყველა პარტნიორმა უნდა გაიგოს, რას ნიშნავს ღირსეული მშვიდობა."
"უკრაინის ტერიტორიულ საკითხზე პასუხი უკვე წერია უკრაინის კონსტიტუციაში. აქედან არავინ გადაუხვევს და ვერც გადაუხვევს. უკრაინელები საკუთარ მიწას ოკუპანტს არ აჩუქებენ."
"ნებისმიერი გადაწყვეტილება, რომელიც ჩვენს წინააღმდეგ იქნება, ან მიიღება ჩვენს გარეშე, ერთდროულად იქნება გადაწყვეტილება მშვიდობის წინააღმდეგ. ასეთ გადაწყვეტილებებს არაფერი მოაქვთ, ისინი მკვდარია და არასდროს იმუშავებს."

----------------------------------------------
ზელენსკი აშკარად უკმაყოფილოა და მიანიშნებს, რომ ტერიტორიების დათმობაზე მოლაპარაკებები უკრაინის გარეშე მიმდინარეობს.

პარტია "კონსერვატორები საქართველოსთვის" ნომერი 3-ით ვიქნებით წარმოდგენილები არჩევნებზე.

ყველამ მაქსიმალურად გავავრცელოთ და რაც შეიძლება მეტ ადამიანს გავაგებინოთ ეს ინფორმაცია.

📢❗️”აშშ წყვეტს უკრაინაში კონფლიქტის დაფინანსებას. ჩვენ გვსურს ამ კონფლიქტის მშვიდობიანი გზით მოგვარება” - აცხადებს აშშ-ის ვიცე-პრეზიდენტი ვენსი.

“ - შეერთებული შტატები ცდილობს უკრაინაში კონფლიქტის მოგვარებას არსებული შეხების ხაზის გათვალისწინებით;

ჩვენ შევინარჩუნებთ ღია დიალოგს უკრაინასთან და ზელენსკისთან;

ტრამპი არ არის დარწმუნებული უკრაინასთან დაკავშირებული მოლაპარაკებების წარმატებაში, მაგრამ მიაჩნია, რომ აუცილებელია მათთვის შანსის მიცემა;

ჩვენ ვეცდებით ვიპოვოთ მოლაპარაკების გზით მიღებული გადაწყვეტა, რომელიც დააკმაყოფილებს როგორც უკრაინელებს, ასევე რუსებს.

საბოლოოდ, როგორც რუსები, ასევე უკრაინელები, სავარაუდოდ, უკმაყოფილოები იქნებიან.

პუტინმა თქვა, რომ ის არასდროს დაჯდებოდა ზელენსკისთან მოლაპარაკებების მაგიდასთან და ტრამპმა ეს უნდა შეცვალოს.

ჩვენ ახლა იმ ეტაპზე ვართ, როდესაც ვგეგმავთ, როდის შეძლებენ ეს სამი ლიდერი დასხდნენ და ისაუბრონ ამ კონფლიქტის დასრულებაზე” - აცხადებს ვენსი

დიდგორობა და ქართველობის ,,ინსტრუქცია,,

დიდგორობას გილოცავთ, საქართველოს ისტორიაში ყველაზე დიდი გამარჯვების დღეს!