ამ ქვეყანაში ყველა მაგრადაა ხალხის გარდა

ვისთვისაც მნიშვნელოვანია, რომ, კონსერვატორების ხმა ესმოდეს, დააფინანსეთ თქვენი პოზიციის, თქვენი ღირებულებების დამცველი არხი.

ფინანსური დახმარება შეგიძლიათ გადმოაგზავნოთ შემდეგ რეკვიზიტებზე:

მიმღები: ირაკლი მარტინენკო
ლიბერთი ბანკი • LIBERTY BANK
ანგარიშის ნომერი: GE47LB0711195375703000

უცხოეთიდან პირადი გზავნილის შემთხვევაში, გზავნილის კოდი გამოაგზავნეთ ამ ნომერზე
+(995) 555 38 49 29 „ვოტსაპი“, „ვაიბერი“, „ტელეგრამი“:

მიმღები: ირაკლი მარტინენკო

შექმნას მთავრობამ სახელმწიფო აფთიაქების ქსელი, რომელიც თავის ფასში გაყიდის წამლებს და მარტივად მოგვარდება მსხვილი აფთიაქების კარტელური გარიგებების და ხელოვნური გაძვრების პრობლემა.

საერთოდ რაშია საჭირო ამ წამლების დისტრიბუტორების ასეულობით მილიონით დამდიდრება ქვეყნისთვის?! არაფერში საჭირო ფუნქცია არ აქვს ამას, სახელმწიფოს ბევრად უკეთესად და სამართლიანად შეუძლია ამ ფუნქციის აღება.

მაგრამ მასე ოცნების ფინანსურ ელიტას უზარმაზარი რესურსი დააკლდება და ეგრე რა აზრი აქვს ხელისუფლებაში ყოფნას...

ზუსტად ერთი წლის წინ დადებული ჩემი პოსტი არაბულ ქალაქებზე.
აი, სულ პირველად რომ გაჟღერდა, 6 მილიარდიან ინვესტიციას გეგმავენო, მაშინდელი.

ჩვენზე დეგენერატულ ტყუილებს რომ ავრცელებს ქოცპროპაგანდა, მხოლოდ ახლა ალაპარაკდნენ არაბულ საფრთხეზე, ჯერ ლელომ დაიწყო და მერე, დიფსთეითის დავალებით, კონსერვატორები აყვნენო, როგორი სიმართლეც ეგ არის, ისეთივე სიმართლეა სხვა ყველაფერი, რასაც ამ არაბული ქალაქების უწყინარობაზე ზღაპრებს ყვებიან ქოცები.

მიგრაციის საფრთხეებზე კონსერვატორები ყველაზე ხმამაღლა ვლაპარაკობთ სულ, რაც კი არსებობს საერთოდ ჩვენი პოლიტიკური ძალა.

ისეთ გიჟურ კანონს იღებენ პოლიტიკური საქმიანობის რეგულირებაზე, რომ ჩათვალეთ, ამიერიდან უკვე ღია დიქტატურაში ვცხოვრობთ და უქმდება პოლიტიკა საერთოდ.

ანუ, კანონის თანახმად, ნებისმიერმა პირმა ნებისმიერ პირს ან ორგანიზაციას ფულადი ან სხვა მატერიალური დახმარება რომ გაუწიოს შიდა პოლიტიკაზე გავლენის მოსახდენად ისე, რომ მთავრობის ნებართვა არ ჰქონდეს, შეუძლიათ ამ ფულის ამღებს ეს დანაშაულად ჩაუთვალონ და დააპატიმრონ.

უფრო გასაგები რომ იყოს, რაიმე პარტია ან უბრალოდ კერძო პირი უკონტროლო მიგრაციას, გაზრდილ ფასებს ან კორუფციას თუ აკრიტიკებს და ამ საქმიანობაში დასახმარებლად სხვა ნებისმიერი ადამიანი მთავრობის დაუკითხავად ან ფულით დაეხმარება, ან, ვთქვათ, რუპორს ათხოვებს, ამაზე მთავრობას შეუძლია ეს დახმარების მიმღები პარტია ან კერძო პირი დააკავოს.

ანუ დამთავრდა პოლიტიკა, მიტინგები აკრძალეს, ინტერნეტში მთავრობის ლანძღვა (ანუ კრიტიკა) აკრძალეს, ახლა პოლიტიკურ საქმიანობაში დახმარებას კრძალავენ და მორჩა კინო, ფეოდალებად დაისვეს ქოცებმა თავი, ამათი და ამათი შვილებისაა აწი ეს ქვეყანა, ვისზეც უნდათ, იმათზე გაყიდიან ან გააქირავებენ.

სასურსათო პროდუქტებსა და მედიკამენტებზე მაღალი ფასების შესახებ

https://www.facebook.com/share/v/1BNngQjX5m/?mibextid=wwXIfr

ტექნიკური უნივერსიტეტის გაუქმების საკითხზე, რა თქმა უნდა, ახლა ლექტორებს არავინ არაფერს არ ჰკითხავს, არჩევნებმა ჩიარა და ოცნებამ 80% აიღო, მომავალი არჩევნები ჯერ შორსაა, ოცნებას ზუსტად მაგაში სჭირდებოდა მაღალი პროცენტები, რომ ლექტორებისთვის და ზოგადად ხალხისთვის აღარაფერი ეკითხა და ახლა მშვენივრად გამოიყენებს და ყველას ძვირად აგრძნობინებს წინდაუხედაობით იმ მაღალი პროცენტების მთავრობისთვის გაფორმებას.

ახლა, რა თქმა უნდა, სტუ-ს გააუქმებენ (გნებავთ მიუერთებენ დავარქვათ), მის კორპუსებს სამშენებლო პროექტებით ფულში დაიკოვერტირებენ და ლექტორებს არაფერს ჰკითხავენ, რადგან იმისი ბერკეტები, რომ მთავრობას ხალხისთვის აზრის კითხვის ვალდებულება ჰქონდეს, არჩევნებზე ფორმდება, არჩევნებზე კი ხალხმა ერთპიროვნული მმართველობა გაუფორმა ქოცებს.

მხოლოდ ერთ რამეში შეგვიძლია 100%-ით დარწმუნებულები ვიყოთ, არსებობს ცალსახად მხოლოდ ერთად-ერთი მოტივი, რის გამოც ქოცები ისეთ თვითდაზიანებაზე წავლენ ხოლმე, რასაც სტუ-ს გაუქმებით გამოწვეული აღშფოთებით იღებენ - ძალიან სერიოზული ფული.

რა თქმა უნდა, არცერთ ოდნავ მაინც გონიერ ადამიანს სერიოზულად არ სჯერა, რომ ასეთ ნაბიჯზე ქოცები მართლა ცამტი წლის თავზე გაუბედურებული განათლების ხარისხის ამაღლებისთვის მიდიან. ქოცები რომ უცებ ადგნენ და თქვეს - მოდი რა, განათლების ხარისხი რამენაირად ავამაღლოთ და არაუშავს თუ ამითი რეიტინგი და პირადი გავლენა დაგვიზიანდებაო,- აი ამ ვერსიის რომ სერიოზულად სჯერა, მასეთი გამოშტერებული არავინ არ არის ამ ქვეყანაში.

ამიტომ ჟანრი უბრალოდ მოითხოვს, რომ ამ სცენარის საბოლოო შედეგი ტექნიკური უნივერსიტეტის კორპუსების ადგილზე საცხოვრებელი კორპუსების წამოჭიმვა და ბინების დაყიდვით ფულის კეთება იქნება.

მე შეიძლება მეხსიერება მატყუებს, მაგრამ ბოლო არჩევნებში, ჩვენ და ამათ ერთნაირი პროცენტები დავდეთ დაახლოვებით და ერთნაირი რაოდენობა გავიყვანეთ საკრებულოებში და ნეტა რის საფუძველზე ასკვნის რომ თვითონ პარტია აქვს და ჩვენ არა :))

აჰა, რა მაგრა გაგვიიაფეს პროდუქტი, ისევ ყველაფერი უბედურად გაძვირდა...

ყველაფერი იმაზე მიანიშნებს, რომ რეალურად არანაირი პროდუქტის გაიაფების მცდელობას არ აქვს ადგილი, უბრალოდ წილების გადანაწილებაზე და ხარკის ოდენობაზე მიწოლა მიდის მონოპოლისტებზე.

კი ბატონო, ნამდვილად, განათლების სისტემა უმძიმეს მდგომარეობაშია. კვლევების თანახმად, მოსწავლეების მნიშვნელოვან ნაწილს აზრის დალაგებულად გადმოცემა უჭირს. სკოლის მე-11 და მე-12 კლასები პრაქტიკულად ბუტაფორიულ შინაარს ატარებს - გაკვეთილებს თითქმის არავინ ესწრება.

ამასთან, ბოლო წლებში სოკოებივით გაჩენილი უნივერსიტეტების კურსდამთავრებული ახალგაზრდების დიდი ნაწილი საკუთარი სპეციალიზაციით ვერ საქმდება. კომერციულ ბიზნესად ქცეული საუნივერსიტეტო სექტორი კი ქვეყანაში უცხოელი სტუდენტების - ძირითადად ინდოელების, აფრიკელებისა და არაბების - შემოყვანით არის დაინტერესებული.

ეს მხოლოდ მცირე ჩამონათვალია იმ პრობლემებისა, რაც დღეს განათლების სისტემაში არსებობს. თუმცა არსებულ გამოწვევებზე პასუხად საქართველოს ტექნიკური უნივერსიტეტის გაუქმება და მისი ინფრასტრუქტურის პრივატიზაცია საცხოვრებელი კორპუსების მშენებლობის მიზნით, ამ პრობლემებს კი არ გადაჭრის, არამედ კიდევ უფრო გააღრმავებს.

და ბოლოს, ჩნდება ერთი სრულიად ლოგიკური კითხვა: ვისი პასუხისმგებლობაა ეს უმძიმესი მდგომარეობა?

შემთხვევით ხომ არა იმ მთავრობის, რომელიც უკვე 14 წელია ქვეყნის მართვის სადავეებს ფლობს?!

აჰა, ამასობაში ფერმერებს სარწყავი წყლის გადასახადი გაუძვირეს...

ვინმე რომ კიდევ შრომობს და ადგილობრივ პროდუქციას ქმნის ჩვენს ყველას მიერ მიტოვებულ სოფლის მეურნეობაში, ძეგლი უნდა დაუდგა და ესენი, იმის მაგივრად, რომ გადასახადები დაუწიონ და იქით დაეხმარონ, სარწყავი წყლის და საძოვრების საფასურს უზრდიან.

მერე გვიკვირს, რატომ არ ვითარდება სოფლის მეურნეობა და პროდუქტებზე ფასები რატომ იზრდებაო.
მთავრობას რომ არ ვაწვებით მავნებლობაზე და ჯერიდან ჯერზე ხალხი პირიქით მხარდაჭერით აჯილდოვებს არჩევნებზე ქოცებს, ზუსტად ეგ ახალისებს მომავალში მავნებლობის გამეორებას.
იციან, რომ ყველაფერი მაინც გაუვათ და რატომ შეცვლიან რამეს?!

მოკლედ ვისაც მთავრობის იმედი გქონდათ ფასების კლებაში აგერ ბატონო. კვერცხი გაიაფდება 5% ით .
5% ით.
იგრძენით?
ვერა?
.....
არაუშავს შემდეგ არჩევნებზე მანც 41 უნდა ხაზოთ და

ესენი მართლა გვეკაიფებიან))

გასულ წელს კვერცხი 9%-ით გაძვირდა საქსტატის თანახმად (რეალურად მეტით სავარაუდოდ), თვითონ მთავრობამ გვითხრა, პროდუქტზე ფასნამატი 86%-იაო (რეალურად, სავარაუდოდ, ბევრად მეტია) და ამ ფონზე ახლა გამოგვიცხადეს, 5%-ით გაგიიაფეთ კვერცხი, აშენდა ქვეყანა, მადლობა გვითხარითო...

ოღონდ თან მაღაზიებში ჯერ იმ 5%-ითაც არ გაუაფებულა.

კომედიაში ვცხოვრობთ რა!

კობახიძის განცხადებით ჯავახიშვილი და ტექნიკური აღარ გაერთიანდება.
რაშია იცით საქმე, აი მთელი ეს ალიაქოთი ხომ შეიძლებოდა თავიდან აცილებულიყო, ჯერ რომ ვინმე დ ა ფ ი ქ რ ე ბ უ ლ ი ყ ო და შემდეგ ეკეთებინათ განცხადებები? არადა რამდენიმე დღის წინ ყველას ვინც ამ თემაზე კითხვებს სვამდა განათლების რეფორმების მოწინააღმდეგეებად აცხადებდნენ ოცნების ხალხი. ჯერ რომ ორივე უნივერსიტეტის პროფესორებთან მაინც გესაუბრათ და მერე გეკეთებინათ განცხადებები დავიჯერო ასეთი რთული იყო?
და მერე როდესაც კითხვებს ვსვამთ მთავრობის მოქმედებებზე და არაბულუ ქალაქების საფრთხეზე ვსაუბრობთ გამოვარდებიან ხოლმე და გვამუნათებენ ,,თქვენზე ჭკვიანი ხალხია მთავრობაში ყველაფერი დათვლილი აქვთო,,

ყველაფერი დათვლილი აქვთ კი არა რომელი უნივერსიტეტი ვის დეკანატშია გზადაგზა არკვევენ....

ხალხის მიწოლის გამო სტუ-ს და თსუ-ს გაერთიანება გადაიფიქრეს.

ანუ, გაირკვა, რომ არ არსებობდა რეფორმის არანაირი დათვლილი, სტრატეგიული გეგმა, რომლის გარეშეც განათლების განვითარება შეუძლებელია, უბრალოდ რაღაცა მოეპრიანათ (სავარაუდოდ უბრალოდ კორპუსების გაყიდვა), მერე მიწოლაზე ჩათვალეს, რომ არ უღირდათ და უკან დაიხიეს.

სულ ეს არის მთავრობის გათვლის ხარისხი და კომპეტენცია, ყველაფერში ასე ზერელედ, უმოკლესი, ერთსვლიანი ინტერესით უდგებიან საქმეს, განათლების რეფორმა იქნება, არაბული ინვესტიცია თუ მიგრაცია და ხალხიც ყველაფერს ასე კრიტიკულად უნდა მიუდგეს.

ყველაფერი კარგადაა, ხალხო, საერთაშორისო კომპანიას შემოვიყვანთ და ის გაგვიიაფებს პროდუქტებს...

კვერცხი 5 თეთრით ხო გაიაფდა უკვე))

კობახიძის განცხადებით, იგლ ჰილსმა პირველი 257 ბინა გაყიდა, რომელთა "მხოლოდ" 42% იყიდეს უცხოელებმა (რაც ასევე ძალიან ბევრია და გარემონტებული ბინების ფასი კვადრატულ მეტრზე 1650 დოლარი იყო, საიდანაც კობახიძე ასკვნის, რომ არაბული ქალაქების წინააღმდეგ მიმდინარე საინფორმაციო კამპანია ტყუილი აღმოჩნდა და არაბულ ქალაქში ბინებს ძირითადად ქართველები ყიდულობენ იაფად.

მაგრამ აქ მთავარი კითხვა იმაშია - კობახიძის მიერ წარმოდგენილი მთელი ეს მონაცემები კობახიძის სიტყვის გარდა რა ფაქტებით დასტურდება? საიდან ვიცით, რომ ბინების 42% კი არა, 82% არ იყიდეს უცხოელებმა, ან რომ ფასი კვადრატულ მეტრზე 1650 დოლარი კი არა 5650 დოლარი არ იყო?
საიდან ვიცით, რომ მთელი ეს მონაცემები ჰაერიდან მოტანილი ციფრები ან გამიზნული პიარული სვლა არ იყო მცირე რაოდენობით ბინების გაყიდვის, რომ შემდეგ ელაპარაკათ, აი ხომ ხედავთ, არც ფასია ქართველებისთვის მიუწვდომელი და არც არაბები ყიდულობენ უმრავლესობასო?

არსაიდან არ ვიცით, ეგ მონაცემები არსად არ დევს, მხოლოდ კობახიძეს უნდა ვენდოთ სიტყვაზე.