აჰა, ამასობაში ფერმერებს სარწყავი წყლის გადასახადი გაუძვირეს...

ვინმე რომ კიდევ შრომობს და ადგილობრივ პროდუქციას ქმნის ჩვენს ყველას მიერ მიტოვებულ სოფლის მეურნეობაში, ძეგლი უნდა დაუდგა და ესენი, იმის მაგივრად, რომ გადასახადები დაუწიონ და იქით დაეხმარონ, სარწყავი წყლის და საძოვრების საფასურს უზრდიან.

მერე გვიკვირს, რატომ არ ვითარდება სოფლის მეურნეობა და პროდუქტებზე ფასები რატომ იზრდებაო.
მთავრობას რომ არ ვაწვებით მავნებლობაზე და ჯერიდან ჯერზე ხალხი პირიქით მხარდაჭერით აჯილდოვებს არჩევნებზე ქოცებს, ზუსტად ეგ ახალისებს მომავალში მავნებლობის გამეორებას.
იციან, რომ ყველაფერი მაინც გაუვათ და რატომ შეცვლიან რამეს?!

მოკლედ ვისაც მთავრობის იმედი გქონდათ ფასების კლებაში აგერ ბატონო. კვერცხი გაიაფდება 5% ით .
5% ით.
იგრძენით?
ვერა?
.....
არაუშავს შემდეგ არჩევნებზე მანც 41 უნდა ხაზოთ და

ესენი მართლა გვეკაიფებიან))

გასულ წელს კვერცხი 9%-ით გაძვირდა საქსტატის თანახმად (რეალურად მეტით სავარაუდოდ), თვითონ მთავრობამ გვითხრა, პროდუქტზე ფასნამატი 86%-იაო (რეალურად, სავარაუდოდ, ბევრად მეტია) და ამ ფონზე ახლა გამოგვიცხადეს, 5%-ით გაგიიაფეთ კვერცხი, აშენდა ქვეყანა, მადლობა გვითხარითო...

ოღონდ თან მაღაზიებში ჯერ იმ 5%-ითაც არ გაუაფებულა.

კომედიაში ვცხოვრობთ რა!

კობახიძის განცხადებით ჯავახიშვილი და ტექნიკური აღარ გაერთიანდება.
რაშია იცით საქმე, აი მთელი ეს ალიაქოთი ხომ შეიძლებოდა თავიდან აცილებულიყო, ჯერ რომ ვინმე დ ა ფ ი ქ რ ე ბ უ ლ ი ყ ო და შემდეგ ეკეთებინათ განცხადებები? არადა რამდენიმე დღის წინ ყველას ვინც ამ თემაზე კითხვებს სვამდა განათლების რეფორმების მოწინააღმდეგეებად აცხადებდნენ ოცნების ხალხი. ჯერ რომ ორივე უნივერსიტეტის პროფესორებთან მაინც გესაუბრათ და მერე გეკეთებინათ განცხადებები დავიჯერო ასეთი რთული იყო?
და მერე როდესაც კითხვებს ვსვამთ მთავრობის მოქმედებებზე და არაბულუ ქალაქების საფრთხეზე ვსაუბრობთ გამოვარდებიან ხოლმე და გვამუნათებენ ,,თქვენზე ჭკვიანი ხალხია მთავრობაში ყველაფერი დათვლილი აქვთო,,

ყველაფერი დათვლილი აქვთ კი არა რომელი უნივერსიტეტი ვის დეკანატშია გზადაგზა არკვევენ....

ხალხის მიწოლის გამო სტუ-ს და თსუ-ს გაერთიანება გადაიფიქრეს.

ანუ, გაირკვა, რომ არ არსებობდა რეფორმის არანაირი დათვლილი, სტრატეგიული გეგმა, რომლის გარეშეც განათლების განვითარება შეუძლებელია, უბრალოდ რაღაცა მოეპრიანათ (სავარაუდოდ უბრალოდ კორპუსების გაყიდვა), მერე მიწოლაზე ჩათვალეს, რომ არ უღირდათ და უკან დაიხიეს.

სულ ეს არის მთავრობის გათვლის ხარისხი და კომპეტენცია, ყველაფერში ასე ზერელედ, უმოკლესი, ერთსვლიანი ინტერესით უდგებიან საქმეს, განათლების რეფორმა იქნება, არაბული ინვესტიცია თუ მიგრაცია და ხალხიც ყველაფერს ასე კრიტიკულად უნდა მიუდგეს.

ყველაფერი კარგადაა, ხალხო, საერთაშორისო კომპანიას შემოვიყვანთ და ის გაგვიიაფებს პროდუქტებს...

კვერცხი 5 თეთრით ხო გაიაფდა უკვე))

კობახიძის განცხადებით, იგლ ჰილსმა პირველი 257 ბინა გაყიდა, რომელთა "მხოლოდ" 42% იყიდეს უცხოელებმა (რაც ასევე ძალიან ბევრია და გარემონტებული ბინების ფასი კვადრატულ მეტრზე 1650 დოლარი იყო, საიდანაც კობახიძე ასკვნის, რომ არაბული ქალაქების წინააღმდეგ მიმდინარე საინფორმაციო კამპანია ტყუილი აღმოჩნდა და არაბულ ქალაქში ბინებს ძირითადად ქართველები ყიდულობენ იაფად.

მაგრამ აქ მთავარი კითხვა იმაშია - კობახიძის მიერ წარმოდგენილი მთელი ეს მონაცემები კობახიძის სიტყვის გარდა რა ფაქტებით დასტურდება? საიდან ვიცით, რომ ბინების 42% კი არა, 82% არ იყიდეს უცხოელებმა, ან რომ ფასი კვადრატულ მეტრზე 1650 დოლარი კი არა 5650 დოლარი არ იყო?
საიდან ვიცით, რომ მთელი ეს მონაცემები ჰაერიდან მოტანილი ციფრები ან გამიზნული პიარული სვლა არ იყო მცირე რაოდენობით ბინების გაყიდვის, რომ შემდეგ ელაპარაკათ, აი ხომ ხედავთ, არც ფასია ქართველებისთვის მიუწვდომელი და არც არაბები ყიდულობენ უმრავლესობასო?

არსაიდან არ ვიცით, ეგ მონაცემები არსად არ დევს, მხოლოდ კობახიძეს უნდა ვენდოთ სიტყვაზე.

მთავრობის ახალი აკრძალვა!

მოდით სრულ სურათს შევხედოთ და ვეცადოთ გავარკვიოთ თუ რა ცვლილებები გველოდება.

პრემიერ-მინისტრ კობახიძის ბოლო განცხადებამ, რომლის მიხედვითაც 2026 წლის 1 აპრილიდან იკრძალება 6 წელზე მეტი ასაკის M1 კატეგორიის მსუბუქი ავტომობილების იმპორტი, პირველადი და დროებითი რეგისტრაცია. რამაც საზოგადოებაში სამართლიანი ვნებათაღელვა გამოიწვია. მთავრობა ამ ნაბიჯს, როგორც წესი, "ევროპული სტანდარტებით" და ეკოლოგიური ზრუნვით ფუთავს, თუმცა რეალობა გაცილებით მკაცრი და პრაგმატულია. ჩნდება ლეგიტიმური კითხვა: ეს რეგულაცია ეხმარება თუ ზიანს აყენებს ჩვენს მოქალაქეებს და ეკონომიკას? არის ეს რეალური ზრუნვა გარემოზე, თუ ელიტური პოლიტიკა, რომელიც საშუალო ფენას კიდევ უფრო ღრმა ფინანსურ იზოლაციაში აქცევს?

მოდით, ემოციების გარეშე, მშრალ ფაქტებს შევხედოთ. ბოლო 14 წლის განმავლობაში საქართველოს ავტოპარკი დრამატულად გაიზარდა. თუ 2012 წელს ქვეყანაში რეგისტრირებული იყო 864,000 ავტომობილი, 2026 წლის მონაცემებით ეს რიცხვი 2 მილიონს აჭარბებს, რაც 130%-ზე მეტ ზრდას ნიშნავს. დიახ, ქალაქები გადატვირთულია, მაგრამ გამოსავალი არის არა ხელმისაწვდომობის შეზღუდვა, არამედ ინფრასტრუქტურის განვითარება. როდესაც მთავრობა ხელაღებით კრძალავს 6 წელზე ძველი მანქანების შემოყვანას, ის უგულებელყოფს მთავარ ფაქტორს: ჩვენი იმპორტის სტრუქტურის 70-80%-ს სწორედ მეორადი, შედარებით ბიუჯეტური ავტომობილები შეადგენს. ეს ის მანქანებია, რომლებსაც ყიდულობს საქართველოს საშუალო სტატისტიკური ოჯახი, რადგან ახალი ავტომობილი 2-3-ჯერ უფრო ძვირი ღირს და მოსახლეობის აბსოლუტური უმრავლესობისთვის ფუფუნების საგანია.

ეკონომიკური თვალსაზრისით, ეს გადაწყვეტილება "დომინოს ეფექტს" გამოიწვევს.
ბაზრის კანონზომიერება მარტივია: როდესაც იკეტება იაფი ალტერნატივის წყარო, არსებულ პროდუქტზე ფასი იზრდება. ობიექტურად შეიძლება ვივარაუდოთ, რომ ავტომობილების ფასები ბაზარზე მინიმუმ 20-30%-ით მოიმატებს. ეს პირდაპირ დაარტყამს მცირე ბიზნესს და იმ ათასობით ადამიანს, ვინც დასაქმებულია ავტოინდუსტრიაში. არ დაგვავიწყდეს რეექსპორტის ფაქტორიც — მხოლოდ 2024 წელს საქართველოდან 57,000-მდე ავტომობილი გავიდა რეექსპორტზე, ხოლო 2025 წელს მსუბუქი ავტომობილების იმპორტმა სარეკორდო $2.42 მილიარდი შეადგინა. რეგიონული ჰაბის სტატუსი, რომლიც ისედაც ბოლო მოვლენების ფონზე ძალიან მყიფეა, ახლა უფრო მეტი
საფრთხის ქვეშ დგება. როგორ აპირებს მთავრობა შეავსოს ის საბიუჯეტო დანაკლისი და სამუშაო ადგილები, რომლებიც ამ აკრძალვას შეეწირება?

რაც შეეხება ყველაზე აფსურდულ არგუმენტს — ეკოლოგიას. ეს ყველაზე ცინიკური ნაწილია. დღეს საქართველოს ავტოპარკის 88% უკვე ძველი, ხშირ შემთხვევაში ამორტიზებული ავტომობილებისგან შედგება. ახალი ნაკადის შეჩერება მყისიერად ვერ გააუმჯობესებს ჰაერის ხარისხს; პირიქით, ბაზარზე არსებული ძველი მანქანები უფრო მეტხანს დარჩება ექსპლუატაციაში, რადგან მოსახლეობას ახლის (თუნდაც 7 წლის მანქანის) ყიდვის საშუალება წაერთმევა. ამ პარკის განახლებას, ბუნებრივი ცვეთის პირობებშიც კი, 10 წელზე მეტი დასჭირდება. მაშ, როგორ უზრუნველყოფს ეს აკრძალვა სუფთა ჰაერს საშუალო ქართველისთვის დღეს ან ხვალ? პასუხი მარტივია: ვერ უზრუნველყოფს.

დასკვნის სახით უნდა ითქვას, რომ ეს არის მორიგი ნაჩქარევი, სოციალურად უსამართლო რეგულაცია. ნაცვლად იმისა, რომ მთავრობამ წაახალისოს პარკის განახლება აქციზის გადასახადის შემცირებით ახალ და ჰიბრიდულ ავტომობილებზე, ან გაამკაცროს უკვე არსებული პარკის ტექნიკური კონტროლი, ისინი ირჩევენ ყველაზე მარტივ და მტკივნეულ გზას — აკრძალვას.

მოქალაქეებს და დარგის სპეციალისტებს მართებს, რომ ღიად დააფიქსირონ თავიანთი პოზიცია. თქვენ გართმევენ ღირსეულად არსებობის უფლებას და ეს არ უნდა დაანებოთ.

არა, რას ამბობ, სად არის აბა უცხოელების სიჭარბე ქვეყანაში?!...

2020-მდე გამოშვებული მანქანების შემოყვანის აკრძალვაზე - სამწუხაროდ, ხალხი ისევ იმას იღებს, რაც თვითონ აირჩია.

როცა ხელისუფლებას არჩევნებში 80%-ს უფორმებ, მერე გასაკვირი აღარ არის, რომ ხალხს აღარაფერს დაეკითხება და მთელ ქვეყანას საკუთარ შპს-დ დაირეგისტრირებს.

ზუსტად მაგაში სჭირდებათ 80%, რომ ხალხის უკმაყოფილებაზე დიდად აღარ იფიქრონ და ჩვეულებრივ მოქალაქეებთან ერთად თუნდაც საცობში დგომის დისკომფორტის ატანაც კი აღარ მოუწიოთ.

რომ მათმა შვილებმა ჩვეულებრივი ხალხის შვილებზე მეტად და მაღალ კლასად აღიქვან თავი,

რომ მხოლოდ მათ ჰქონდეთ კარგი კი არა, საერთოდ მანქანის ქონის საშუალება,

რომ ამდენი უმაღლესი არ არის საჭირო, რადგან ყველა განათლებული თუა, მერე მათი შვილების მუშებად და მოსამსახურეებად არავინ დგება,

- ასეთი რეალობის მიღწევა რომ უნდათ, მაგაში სჭირდებოდათ 80%.

ხალხიც ადგა და გაუფორმა ან პირდაპირი მხარდაჭერით, ან ბოიკოტით, ან გულგრილობით.

და ახლა ხელისუფლების ჯერია, აქეთ გაგვიფორმოს ის, რისი ფუფუნებაც ჩვენი შეცდომებით თავად მივეცით.

თუ ვინმეს ეგონა, რომ მხოლოდ იმ ორი არაბული ქალაქის პროექტით დასრულდება არაბული ექსპანსიის საფრთხე საქართველოში, უნდა ვთქვა, რომ, სამწუხაროდ, ძალიან ოპტიმისტები ყოფილან.

იგ ჰილსის ეგ ორი არაბული პროექტი მხოლოდ დასაწყისია და ამას მთელი ჯაჭვი მოყვება...

იმედია იმას დიდი ახსნა არ სჭირდება, რომ უძრავი ქონების ყიდვას, რომელთა ფასიც 300 ათასი დოლარიდან იწყება, ქართველებიდან მხოლოდ ერთეულები თუ შეძლებენ, ამიტომ ეს ახალი პროექტი ქართველებზე ნამდვილად არ არის გათვლილი.

ქართულმა ოცნებამ მიგრაციაზე სასაუბროდ კობახიძე პარლამენტში მიიწვია და პრემიერმა 45 წუთიანი, მძიმე ტყუილ-მართლით გაჯერებული და მათივე შეთხზული სტატისტიკით "გამყარებული" სპიჩი ჩაატარა მიგრაციის საკითხში უმძიმესი მდგომარეობის გასაპრავებლად.

თან, ამ დიდწილად მათივე შეთხზული სტატისტიკით (დეტალურად ჩავშლი მოგვიანებით), მთელი გამოსვლა ფაქტიურად პირდაპირ ჩვენს არგუმენტებს გაყვა და მათ პასუხობდა.

ბოლოს პრემიერი პარლამენტში მოხსენებით როდის და რა თემაზე იყო?
მთავარი თემაა, რაშიც დაზიანებას გრძნობენ და რეაგირების რეჟიმში მოუწიათ გადასვლა.

ამის მერე ვინმე რომ იტყვის, კონსერვატორები არაეფექტურად აწარმოებენ მიგრაციის და დემოგრაფიის თემაზე პოლიტიკურ ბრძოლას და დისკუსიასო და მთავრობას ეგ თემა სასაცილოდ არ ჰყოფნისო, არ ვიცი, აი ძალიან, ძალიან "ნაგლად" და ღიად სამთავრობო პროპაგანდის გაპრავება და გამეორება იქნება ეგ.

რანაირად უნდა მოახერხო ადამიანმა, რომ შენ, თან ქალს, გიჭერდნენ და არც ქოცებში და არც ნაცებში, არც ლიბერალებში და არც კონსერვატორებში ადამიანი არ იყოს ვისაც შენი დაჭერა გულწრფელად ეწყინა :)))