მთავრობის ახალი აკრძალვა!

მოდით სრულ სურათს შევხედოთ და ვეცადოთ გავარკვიოთ თუ რა ცვლილებები გველოდება.

პრემიერ-მინისტრ კობახიძის ბოლო განცხადებამ, რომლის მიხედვითაც 2026 წლის 1 აპრილიდან იკრძალება 6 წელზე მეტი ასაკის M1 კატეგორიის მსუბუქი ავტომობილების იმპორტი, პირველადი და დროებითი რეგისტრაცია. რამაც საზოგადოებაში სამართლიანი ვნებათაღელვა გამოიწვია. მთავრობა ამ ნაბიჯს, როგორც წესი, "ევროპული სტანდარტებით" და ეკოლოგიური ზრუნვით ფუთავს, თუმცა რეალობა გაცილებით მკაცრი და პრაგმატულია. ჩნდება ლეგიტიმური კითხვა: ეს რეგულაცია ეხმარება თუ ზიანს აყენებს ჩვენს მოქალაქეებს და ეკონომიკას? არის ეს რეალური ზრუნვა გარემოზე, თუ ელიტური პოლიტიკა, რომელიც საშუალო ფენას კიდევ უფრო ღრმა ფინანსურ იზოლაციაში აქცევს?

მოდით, ემოციების გარეშე, მშრალ ფაქტებს შევხედოთ. ბოლო 14 წლის განმავლობაში საქართველოს ავტოპარკი დრამატულად გაიზარდა. თუ 2012 წელს ქვეყანაში რეგისტრირებული იყო 864,000 ავტომობილი, 2026 წლის მონაცემებით ეს რიცხვი 2 მილიონს აჭარბებს, რაც 130%-ზე მეტ ზრდას ნიშნავს. დიახ, ქალაქები გადატვირთულია, მაგრამ გამოსავალი არის არა ხელმისაწვდომობის შეზღუდვა, არამედ ინფრასტრუქტურის განვითარება. როდესაც მთავრობა ხელაღებით კრძალავს 6 წელზე ძველი მანქანების შემოყვანას, ის უგულებელყოფს მთავარ ფაქტორს: ჩვენი იმპორტის სტრუქტურის 70-80%-ს სწორედ მეორადი, შედარებით ბიუჯეტური ავტომობილები შეადგენს. ეს ის მანქანებია, რომლებსაც ყიდულობს საქართველოს საშუალო სტატისტიკური ოჯახი, რადგან ახალი ავტომობილი 2-3-ჯერ უფრო ძვირი ღირს და მოსახლეობის აბსოლუტური უმრავლესობისთვის ფუფუნების საგანია.

ეკონომიკური თვალსაზრისით, ეს გადაწყვეტილება "დომინოს ეფექტს" გამოიწვევს.
ბაზრის კანონზომიერება მარტივია: როდესაც იკეტება იაფი ალტერნატივის წყარო, არსებულ პროდუქტზე ფასი იზრდება. ობიექტურად შეიძლება ვივარაუდოთ, რომ ავტომობილების ფასები ბაზარზე მინიმუმ 20-30%-ით მოიმატებს. ეს პირდაპირ დაარტყამს მცირე ბიზნესს და იმ ათასობით ადამიანს, ვინც დასაქმებულია ავტოინდუსტრიაში. არ დაგვავიწყდეს რეექსპორტის ფაქტორიც — მხოლოდ 2024 წელს საქართველოდან 57,000-მდე ავტომობილი გავიდა რეექსპორტზე, ხოლო 2025 წელს მსუბუქი ავტომობილების იმპორტმა სარეკორდო $2.42 მილიარდი შეადგინა. რეგიონული ჰაბის სტატუსი, რომლიც ისედაც ბოლო მოვლენების ფონზე ძალიან მყიფეა, ახლა უფრო მეტი
საფრთხის ქვეშ დგება. როგორ აპირებს მთავრობა შეავსოს ის საბიუჯეტო დანაკლისი და სამუშაო ადგილები, რომლებიც ამ აკრძალვას შეეწირება?

რაც შეეხება ყველაზე აფსურდულ არგუმენტს — ეკოლოგიას. ეს ყველაზე ცინიკური ნაწილია. დღეს საქართველოს ავტოპარკის 88% უკვე ძველი, ხშირ შემთხვევაში ამორტიზებული ავტომობილებისგან შედგება. ახალი ნაკადის შეჩერება მყისიერად ვერ გააუმჯობესებს ჰაერის ხარისხს; პირიქით, ბაზარზე არსებული ძველი მანქანები უფრო მეტხანს დარჩება ექსპლუატაციაში, რადგან მოსახლეობას ახლის (თუნდაც 7 წლის მანქანის) ყიდვის საშუალება წაერთმევა. ამ პარკის განახლებას, ბუნებრივი ცვეთის პირობებშიც კი, 10 წელზე მეტი დასჭირდება. მაშ, როგორ უზრუნველყოფს ეს აკრძალვა სუფთა ჰაერს საშუალო ქართველისთვის დღეს ან ხვალ? პასუხი მარტივია: ვერ უზრუნველყოფს.

დასკვნის სახით უნდა ითქვას, რომ ეს არის მორიგი ნაჩქარევი, სოციალურად უსამართლო რეგულაცია. ნაცვლად იმისა, რომ მთავრობამ წაახალისოს პარკის განახლება აქციზის გადასახადის შემცირებით ახალ და ჰიბრიდულ ავტომობილებზე, ან გაამკაცროს უკვე არსებული პარკის ტექნიკური კონტროლი, ისინი ირჩევენ ყველაზე მარტივ და მტკივნეულ გზას — აკრძალვას.

მოქალაქეებს და დარგის სპეციალისტებს მართებს, რომ ღიად დააფიქსირონ თავიანთი პოზიცია. თქვენ გართმევენ ღირსეულად არსებობის უფლებას და ეს არ უნდა დაანებოთ.

არა, რას ამბობ, სად არის აბა უცხოელების სიჭარბე ქვეყანაში?!...

2020-მდე გამოშვებული მანქანების შემოყვანის აკრძალვაზე - სამწუხაროდ, ხალხი ისევ იმას იღებს, რაც თვითონ აირჩია.

როცა ხელისუფლებას არჩევნებში 80%-ს უფორმებ, მერე გასაკვირი აღარ არის, რომ ხალხს აღარაფერს დაეკითხება და მთელ ქვეყანას საკუთარ შპს-დ დაირეგისტრირებს.

ზუსტად მაგაში სჭირდებათ 80%, რომ ხალხის უკმაყოფილებაზე დიდად აღარ იფიქრონ და ჩვეულებრივ მოქალაქეებთან ერთად თუნდაც საცობში დგომის დისკომფორტის ატანაც კი აღარ მოუწიოთ.

რომ მათმა შვილებმა ჩვეულებრივი ხალხის შვილებზე მეტად და მაღალ კლასად აღიქვან თავი,

რომ მხოლოდ მათ ჰქონდეთ კარგი კი არა, საერთოდ მანქანის ქონის საშუალება,

რომ ამდენი უმაღლესი არ არის საჭირო, რადგან ყველა განათლებული თუა, მერე მათი შვილების მუშებად და მოსამსახურეებად არავინ დგება,

- ასეთი რეალობის მიღწევა რომ უნდათ, მაგაში სჭირდებოდათ 80%.

ხალხიც ადგა და გაუფორმა ან პირდაპირი მხარდაჭერით, ან ბოიკოტით, ან გულგრილობით.

და ახლა ხელისუფლების ჯერია, აქეთ გაგვიფორმოს ის, რისი ფუფუნებაც ჩვენი შეცდომებით თავად მივეცით.

თუ ვინმეს ეგონა, რომ მხოლოდ იმ ორი არაბული ქალაქის პროექტით დასრულდება არაბული ექსპანსიის საფრთხე საქართველოში, უნდა ვთქვა, რომ, სამწუხაროდ, ძალიან ოპტიმისტები ყოფილან.

იგ ჰილსის ეგ ორი არაბული პროექტი მხოლოდ დასაწყისია და ამას მთელი ჯაჭვი მოყვება...

იმედია იმას დიდი ახსნა არ სჭირდება, რომ უძრავი ქონების ყიდვას, რომელთა ფასიც 300 ათასი დოლარიდან იწყება, ქართველებიდან მხოლოდ ერთეულები თუ შეძლებენ, ამიტომ ეს ახალი პროექტი ქართველებზე ნამდვილად არ არის გათვლილი.

ქართულმა ოცნებამ მიგრაციაზე სასაუბროდ კობახიძე პარლამენტში მიიწვია და პრემიერმა 45 წუთიანი, მძიმე ტყუილ-მართლით გაჯერებული და მათივე შეთხზული სტატისტიკით "გამყარებული" სპიჩი ჩაატარა მიგრაციის საკითხში უმძიმესი მდგომარეობის გასაპრავებლად.

თან, ამ დიდწილად მათივე შეთხზული სტატისტიკით (დეტალურად ჩავშლი მოგვიანებით), მთელი გამოსვლა ფაქტიურად პირდაპირ ჩვენს არგუმენტებს გაყვა და მათ პასუხობდა.

ბოლოს პრემიერი პარლამენტში მოხსენებით როდის და რა თემაზე იყო?
მთავარი თემაა, რაშიც დაზიანებას გრძნობენ და რეაგირების რეჟიმში მოუწიათ გადასვლა.

ამის მერე ვინმე რომ იტყვის, კონსერვატორები არაეფექტურად აწარმოებენ მიგრაციის და დემოგრაფიის თემაზე პოლიტიკურ ბრძოლას და დისკუსიასო და მთავრობას ეგ თემა სასაცილოდ არ ჰყოფნისო, არ ვიცი, აი ძალიან, ძალიან "ნაგლად" და ღიად სამთავრობო პროპაგანდის გაპრავება და გამეორება იქნება ეგ.

რანაირად უნდა მოახერხო ადამიანმა, რომ შენ, თან ქალს, გიჭერდნენ და არც ქოცებში და არც ნაცებში, არც ლიბერალებში და არც კონსერვატორებში ადამიანი არ იყოს ვისაც შენი დაჭერა გულწრფელად ეწყინა :)))

კობახიძემ პარლამენტში განაცხადა, რომ ინდოეთის მოქალაქეებზე 23 930 ბინადრობის უფლებაა გაცემული. და ეს მხოლოდ ბინადრობის უფლებების რაოდენობაა, ამის გარდა კიდევ არიან ქვეყანაში ვიზით ან არალეგალურად მყოფი ინდოელები.

ოღონდ, ამავე დროს, საქსტატის მიგრაციის სტატისტიკა გვეუბნება, რომ ამ მომენტისთვის ქვეყანაში უნდა იყოს მხოლოდ 14 313 ინდოეთის მოქალაქე.

რომელიღაცა სტატისტიკურ მონაცემში (ან შეიძლება ყველაში ერთად) ძაან გვაბოლებენ ესენი, ისეთი აცდენები აქვთ საკუთარ სტატისტიკაში, აშკარად ზღაპრების შეთხზვის პროცესში ციფრებში აიჭრნენ.

უბრალოდ თავხედობის ხარისხი წარმოიდგინეთ!

კობახიძე აცხადებს, რომ ქვეყანაში შობადობის ვარდნის მთავარი მიზეზი მსოფლმხედველობრივია, დასავლური გედნერული იდეოლოგიის დამკვიდრებამ გამოიწვია და ამის გამო ხალხს ოჯახის შექმნა და ბავშვების გაჩენა აღარ უნდა.

ოღონდ მთელი ცინიზმი იმაშია, რომ ეს გენდერული იდეოლოგია ქვეყანაში სწორედ ოცნებამ ამკვიდრა, ოცნებამ მიიღო ანტიდისკრიმინაციული კანონი, ბავშვის უფლებათა კოდექსი, რომელიც ოჯახში ჩარევის მექანიზმია, დაადგინა გენდერული კვოტირება, შეუერთდა სტამბულის კონვენციას, რომელიც იმდენად ლიბერასტულია, რომ აშშ და რიგი ევროპული სახელმწფიოებიც კი არ შეუერთდნენ, ქვეყნის სტრუქტურებში შექმნა გენდერული საბჭოები და გენდერული პოლიცია და სტამბულის კონვენციაზე დაფუძნებული აგრესიული კანონების საფუძველზე ოჯახური კონფლიქტების ბრალდებით ციხეებში გამოკეტა მამაკაცების არანორმალურად დიდი რაოდენობა და ამით იმდენად მოშალა მთლიანად ოჯახური ინსტიტუტი ქვეყანაში, რომ ქორწინებება-განქორწინებების და შობადობა-სიკვდილიანობის თანაფარდობა ყველაზე უარეს ნიშნულზეა უახლეს ისტორიაში და წლიდან წლამდე უარესდება.

ჩინეთმა ტექნოლოგიურ პროგრესში ყველას გაასწრო…

ზოგადად, დემოგრაფია იმარჯვებს. დასავლეთი როცა დომინანტი გახდა, მაშინ დემოგრაფიული ბუმი იყო დასავლეთში.
ეხლა შობადობის პრობლემები აქვთ ლიბერალური იდეოლოგიის გამო. დემოგრაფიული პრობლემების შედეგად ყველაფრის მაშტაბი იკლებს. ჩინეთში მოსახლეობა იმდენია, რომ თავის შიდა ეკონომიკის ხარჯზე შეუძლიათ სერიოზული ამოცანები დაისახონ.

ჩვენ საერთოდ სად ვბანაობთ… ისედაც ცოტანი ვართ და კიდევ უფრო ვცოტავდებით… არაბიზაცია მიმდინარეობს…

კობახიძის აღიარებით, საქართველოში 107 ათას უცხოელს აქვს მინიჭებული ბინადრობის ნებართვა.

107 ათასი!!!

ეს რასაც აღიარებენ და რასაც არ აღიარებენ და გვიმალავენ, რეალური ციფრები კაცმა არ იცის, რამდენი იქნება.

გეუბნებით, აქ იმაზე ცუდად არის საქმე, ვიდრე ერთი შეხედვით ჩანს.

ეს მნიშვნელოვანი შედეგია უკონტროლო მიგრაციის წინააღმდეგ ბრძოლაში - შეზღუდვები დაწესდა ტაქსისტებად, კუერიერებად და გიდებად უცხოელების მუშაობაზე.

ვინც იძახის, რომ ბრძოლას აზრი არ აქვს და არაფერი გამოვა, შეგიძლიათ დარწმუნდეთ, რომ ცდებოდით!

ჩვენი საერთო ბრძოლის შედეგია ეს!
და მადლობა ყველას, ვინც აქტიურობს და არ ჩერდება!

თავისით არ ხდება არაფერი.
პოლიტიკური მიწოლა, მოთხოვნების დაყენება და ორგანიზებული პოლიტიკური ბრძოლის წარმოება ჭრის.

მთავრობას ბოლომდე არ უნდოდა ამისი გაკეთება, წელიწადნახევრის განმავლობაში უცხოელებით გამოტენა ეს სფერო და კომპანიებს მილიონები აკეთებინა ქართველების ჩანაცვლების ხარჯზე.

ცხადია ეს მხოლოდ მიზერია მიგრაციის მთლიან, უზარმაზარ პრობლემაში და ძირეულად თუ არ გამოირიცხა მიგრაციის საფრთხე, ერის წინაშე მომაკვდინებელი გამოწვევა არსად გაქრება,

მაგრამ ეს ასევე ნიშანია, რომ მასშტაბური პოლიტიკური წინააღმდეგობა შედეგის მომტანია და აუცილებლად უნდა გავაგრძელოთ ბრძოლა საბოლოო გამარჯვებამდე.

ასევე დიდი შვებაა ამ კონკრეტულ სფეროებში დასაქმებული ქართველებისთვის.

ისე ოცნების ამომრჩევლები და მედიები ჩვენ რომ გვაბრალებდნენ, რუსეთის აგენტები და ინტერესების გამტარებლები ხართ, ჩვენ კი დასავლურ იდეალებს ვიცავთ და ევროკანდიდატობას ვზეიმობთო - საინტერესოა, რომ ჩვენ აშშ-ის მიერ დასანქცირებულები ვართ კონკრეტულად და მხოლოდ გარყვნილების პრაიდის ჩაშლისთვის, ხოლო ქოცების ლიდერები და ახლა უკვე მედიები დასანქცირებულები არიან რუსეთის ინტერესების გატარებისთვის და რუსეთის სასარგებლოდ პროპაგანდის გავრცელებისთვის.

მემგონი ოცნებისტები ადრე იმ აზრზე იყვნენ ხოლმე, რომ ზოგადად დასავლეთმა უკეთ იცის ასეთი საკითხები.
რა, რა და იმდენი ნამდვილად ხომ იცის, ვინ რაში აზიანებს დასავლეთის გავლენებს?

ჰო და ჩვენ გარყვნილებასთან ბრძოლით ვაზიანებდით.
ხოლო ოცნება, გამოდის, რუსული პროპაგანდის გავრცელებით))

როგორი ირონიულია ეს ყველაფერი.

პ.ს. სანქციების ეფექტს რაც შეეხება, რა თქმა უნდა, ვერანაირი სერიოზული ეფექტი ვერ ექნება, რუხაძე გაიწია, ოცნების სერიოზულ ფიგურებს დასავლეთი არ ეხება, რადგან საქართველოს მიმართულება და აქაური პროდასავლელების დაცვა დასავლეთს მაგრა ფეხებზე კიდია, ხოლო იმედის და პოს ტვ-ის ჟურნალისტური შემადგენლობის დასანქცირება ის მსხვერპლია, რომელზეც ოცნების ლიდერები უპრობლემოდ წავლენ. მითუმეტეს როცა ქვეყანა მათი პირადი შპს-ა და ცხოვრება მშვენიერია.

აჰა, როგორ იაფ და მაღალჰიგიენურ მომსახურებას გვართმევს უცხოელების კურიერებად მუშაობის აკრძალვა!

ზურა ჯაფარიძეებს და ჩერგოლეიშვილებს რომ ჰკითხო, ამას გვართმევენ კონსერვატიული შეზღუდვები))

ჩამოიქცევა ეკონომიკა, ხალხთან ამნაირი ფეხებამოსვრილი საჭმლის მიტანა თუ აიკრძალება))

world population review-ის მონაცემების თანახმად, საქართველოში ერთ სულ მოსახლეზე განქორწინებების პროცენტული მაჩვენებელი ერთ-ერთი ყველაზე უარესია მსოფლიოში.

საქსტატის მონაცემების თანახმად კი, 2024 წელს სულ 21 653 ოჯახი შეიქმნა და 13 520 ოჯახი დაინგრა, რაც საქართველოს უახლეს ისტორიაში ყველაზე უარესი მაჩვენებელია.

ანუ ქვეყანაში ოჯახების ნახევარზე მეტი ინგრევა.
და განქორწინებების სტატისტიკა წლიდან წლამდე კატასტროფული ტემპებით იზრდება.

ქოცებმა სტამბულის ანტიოჯახური კონვენციასთან შეერთებით და აგრესიული გენდერული საპოლიციო თუ საინფორმაციო პოლიტიკით ოჯახის ინსტიტუტი ქვეყანაში თითქმის მთლიანად მოშალეს და მერე გვიკვირს, შობადობა ისტორიულ მინიმუმზე რატომ დაეცა.

კი, კობახიძე მართალია, შობადობის ვარდნის მთავარი მიზეზი მსოფლმხედველობრივი ცვლილებებია, ოღონდ ეს ცვლილებები ქვეყანაში სწორედ ქოცებმა დაამკვიდრეს.