((ذمةّ لله))

فــــــــــي ذمةّ لله ذمتچ
معگــــوده بجروح القدر
يــــــــابت محمد دمعتچ
مـــو للضــــلع بس للنهر
لمن بچيتي اعله الحرگ
للخيمه دمعــــــات القهر

للخيمه چان مصابچ
حـزنچ فلا يم بابـــچ
بس محسنچ بعتابچ .. يازهراء

هذا الأثــــوم إينادي
حرگوها روح الهادي
وياصيحتچ يــــولادي .. يازهراء

وبراس ابوكم مو حزن ومطشر الشيب
بيت الخجل وألي اجو ماعـرفو العيـب

يازهراء ...

"""""""""""""""""""""""""""""""""""''''''

مـــات بسكوته بدمعته
وعيــونه بمصابه تصب
عالبـــاب وتصد نضرته
وعالبلب آثـــــار الغرب
مهضومه حيل ارويحته
المثله ساكت مو صعب

وماتت زهرته بهيده
وغلسها حـيدر بيده
وصار الدمع ترديده .. يازهراء

شَيـــع حــــياته وروحه
دنيا وصـــفت مذبوحه
وملچومه ويلي جروحه .. يازهراء

شايل نعشها بيا متن مـــابي بعد حيل
يتوچه بمتون الحسن وياحسرته الويل

يازهراء ...

"""""""""""""""""""""""""""""""""""''''''

غابت مثل شمس الضحى
ومــن الگبـــر رد منكـــسر
مطحون چن طحن الرحى
محـــــد عـــلى بيتـــك يمر
يــــاهــــوّ القـــرالك فاتحه
يــــاحـــــيدر وراح العـــــمر

راح العمر بعيــــونك
وضيم وتعب بمتونك
محـــد يگول شلونك .. يازهراء

محــــــد بحس ابحالك
ومكسورةّ تبچي اعيالك
وچلمه صفت نص بالك .. يازهراء

وتسلـــم ومحــد يرد صــــعبه شكثر هاي
حالك غده بجرف النهر بس ماشرب ماي

يازهراء ...

"""""""""""""""""""""""""""""""""""''''''

متغربه روحـك ياعـلي
وعيونك تسولف حـزن
يـــــاجمره شايل يـاولي
ياصفنتك گامــت تــون
تسمع صدى ينادي هلي
يمكن غـــريبه ألي تحن

ترسم خِيَم بفكارك
ترسم ونــارك نارك
بيرك طفح بسرارك .. يازهراء

ترسم هزل بنفاسك
وعالمشرعه عباسك
شاب ويشيب راسك .. يازهراء

وتشطب على اسياط العده بمتون الزغار
بس انته تـــــــدري بالقصر ياحيدر شصار

يازهراء ...

عبد زينب
محمد الابراهيمي

لحن قصيدة
(ذمة لله)
بصوت
خادم الامام الحسين
ملا مرتضى فاضل
عماره_علي الغربي

((روحي خادمه))


النــعمه أصلــها فاطمه
والرحمه روحي خادمه .. المولاتي
"""""""""""""""""""""""""""""""""""'''''

فضل مــن الزجيه اذا تلطـــــم اديه
واذا بالمجلس آنه چبيره النعمه بيه

چبيره النعمه اذا أحضر مجالس
ممنــون وصــرت بالدمعه فارس
اشگ الثوب مـو ألا آنه مجـــنون
أقلد مـــرجعي المــجنون عابس

والـــزهره أمـــي عالمه
والرحمه روحي خادمه .. المولاتي

"""""""""""""""""""""""""""""""""""'''

عبــــد مولاتي لجلچ أبد ما أنسه فضلچ
بعثتي بجسمي روحي وتكلميني وأكلمچ

كلام دموعي مايخلص محاله
وســاطةْ گلبي يمْ رب الجلاله
أدور بس رضاچ الغــــايه هايه
ولا گـــلبي ألـــــچ بطل سؤاله

بـس الســــؤال مكتـمه
والرحمه روحي خادمه .. المولاتي
"""""""""""""""""""""""""""""""""""''''

نعمتچ بيه فاضـت خدمتچ بيه بانت
هواچ البيه اسمه الج روحي تعالت

بتــراتيل اليحب رتلــتچ آنه
وأگلهم للخدم عــالي كيانه
أگلهم فاطمه روح القداسه
ويلي وشـــاهد راس بسنانه

صرخاتي للـظل بالدمه
والرحمه روحي خادمه .. المولاتي
"""""""""""""""""""""""""""""""""""''''

ســـرور الروح انتي وعذابي ويا دمعتي
وتقاسيم بجراحي وحضرتچ وبصفنتي

ألــچ باني بخيالاتي ضريحچ
مــناره وگبه والزاير يصيحچ
ومشـــايه ومواكب بيه عاشو
يريت أنْدلچ آنه هل جريحچ

موجوده يم حامي الحمه
والرحمه روحــي خــادمه .. المولاتي
"""""""""""""""""""""""""""""""""""'''''

نضــــرتچ تسوه جنه وألف جنه أعله جنه
يفيض احسانچ انتي عـلى الـــوادم محنه

حنينه ومــا شفت مثلچ حنينه
اليدگ بــابــــچ أكـيد أتوجبينه
يامـــولاتي بـــابچ اصــله رحمه
اريدن عمري بيچ تفض سنينه

مولاتي انتي الحاكمه
والرحمه روحي خادمه .. المولاتي

عبد زينب
محمد الابراهيمي

لحن قصيدة
(روحي خادمه)
بصوت
خادم الامام الحسين
ملا محمد رضا الفاطمي
ناصريه_قلعه سكر

((أدفن منو))

ما أدري جاي ادفن منو شو چني أدفن روحي
آنــــــه علي يا فاطمه وشلون أخيط جروحي

يافاطمه ...

""""""""""""""""""""""""""""""""""""""""""""""""''

بكل ذرةّ اتــراب التــــمر بعيونچ آنه أتعذب
ضلع وبـسامير الهجر يافاطمه گمت انحب
مو ثوبي بس يمّ الحسن كليّ عليچ مترب
هجرچ تولاني چَـــويّ عمري بغيابچ حَدب

عمري شحاله
دمـــع وساله
مـــن يبچيله
مـــــن ينعاله

ياهو اليْسَكت دمعتي ياهوّ اليصبر نوحي
آنه علي يا فاطمه وشلون أخيط جروحي

يافاطمه ...

""""""""""""""""""""""""""""""""""""""""""""""""''

مـن خَلصت من الدفن وإيدي على خاصرتي
كـــــون آنه مدفون بلحد يافاطمه ومو انتي
ياكلـــــمةّ الله البل عرش يمّ زينب وسالفتي
عفتيني يالزهره دمع روحي مشت من رحتي

رحـتي بسكته
وعمري ادفنته
فـــــاطم گلبي
يمـــــــچ عفته

بيدچ گمت ألزم وأون يافاطمه لتـــروحي
آنه علي يا فاطمه وشلون أخيط جروحي

يافاطمه ...
""""""""""""""""""""""""""""""""""""""""""""""""'''"

بالعَــــــدله گـــمت أعثر بچي وتوسل برجليه
خَلَــــــنيّ أرد يم الحسن وحسين والعلـــويه
خاف أعثر أگبال الزلم وتضحك الناس أعليه
بالگـــــوه أتباوع گمت كل حيل ضل مـــابيه

حيــلي أتهدم
گــــلبي أتــألم
خنگةّ روحــي
گوه من أشتم

وي حيلي بيتي المنهدم صارن شتات صروحي
آنـــه عـــــلي يا فاطمه وشلون أخيط جروحي

يافاطمه ...
""""""""""""""""""""""""""""""""""""""""""""""""'''

يَمْ بابي من آنه أوصلت تاخذني حيره وروعه
أسمـــع بواچي من ورى باب الثچيله أجذوعه
لن زينـب ويمها الحسن وحسين طش دموعه
زينب زغــيره وشَيبت چيف أشكثر موجوعه

امــــــچ راحت
امـــــــچ ماتت
غــــربه ودمعه
سنيني التاهت

آنه الجبل بس ياوسف يَبْستّ هذيچ أسفوحي
آنـــــــه علي يا فاطمه وشلون أخيط جروحي

يافاطمه ...
""""""""""""""""""""""""""""""""""""""""""""""""'''"

باچـــــــر دمع يابو الدمع باجر يزينب حيــــره
چــــــبد الحسن مــن ينثلم يابلوه من تصويره
خيــــــل وعــلى حسينچ تمر ياجرحچ بتعبيره
وعالهزله مچتوفه بحبل يبنيتي صرتي إيسيره

علـــــه بعله
صعبه الهزله
وبيد الحادي
ويجــر حبله

أتعنه يمــــچ بالأســر وأتعنه يم مذبوحي
آنه علي يا فاطمه وشلون أخيط جروحي

يافاطمه ...

عبد زينب
محمد الابراهيمي

لحن قصيدة
(ادفن منو)
بصوت
خادم الامام الحسين
ملا احمد الزبيدي
كوت

((بچه البيت))

بچــه البيت
وام البــــــيت بچفــــــوف المنيه
وأنه امشيت
الغرفتچ والدمــــــع شمسوي بيه
أنـــه ابچيت
اعله عمري وعمرچ الراحن سويه

بس خمسه عمري وشيبت
ويـافرگتچ بينه
نمنه عـــــلى فراشچ سوه
يــايـــمه حَنينه
وبشـيلتچ نمســـــح دمــع
وبالحيره ونينه

نعيش بيا جرح صعبه وبلياچ
يايــــمه الحزينه
تعـــاي ومري بينه يمه ننخاچ
تره غربه المدينه

آه يايمه ...

""""""""""""""""""""""""""""""""""""""""""""""""'''

ورا الشوگ
شسوي وحيرةّ افراگچ عذابي
يمخنـــوگ
يگــــلبي ضل مثل نيران بابي
يمــحروگ
اعذرك لو صرت جمره بمصابي

باچر ورى افراگچ جرح
بالهزله مسبيه
محــــــد يگلي بت علي
ولا هاي علويه
وسوط المــلامه ينرسم
بــوراق ورديه

اعوف حسين مرمي وامشي بيتام
وطويله المسافه
عگب خـــــدري ييمه شلون للشام
اطبن ياحـسافه

آه يايمه ...

""""""""""""""""""""""""""""""""""""""""""""""""'''

بالايــــتام
عگـــب نيران بابچ ناري تسعر
والســـهام
اردن يـــاســـهم بســـمار خضر
على الشام
اطب وياي اخوي حسين منحر

منحر اخوي اعله الرمح
وعـــاين الحالي
يـــوگف اذا ضايع طـفل
يتفگد اعيــــالي
ويقـــرالي ايات الكــهف
بس الرمح عالي

ويسولفلي اعله ضلعچ من يجي الليل
وتهل جمره دمعته
وأگــــله شلــــون حالك خويه بالخيل
الحافر مـن حملته

آه يايمه ...

""""""""""""""""""""""""""""""""""""""""""""""""'''

حرامات
عگب ذاك الخدر يمه بخرابا
يتيـمات
وحده تصيح يــمه وحـده بابا
بعد بات
بيــــــنه الليل بات ويا مصابا

ومحسن لگيته بصفنتي
مـن السهم صلى
صلى اعله نحره ودمعته
ويـــلي يعبــدالله
ويــــاصفنتي بيه مشـت
عاشوري عيدالله

هــــذا الصـــار عگبچ ياشـــذى العين
مذبوحه خيامي
وطحنه اعله الترب من طاح الحسين
وتـفرهد هيامي

آه يايمه ...

عبد زينب
محمد الابراهيمي

لحن قصيدة
(بچه البيت)
بصوت
خادم الامام الحسين
ملا محمد علي اللامي
بغداد

((حدر التراب))

نام بجروحك يگـــــــلبي مايجون
آنه بچفوفي الذي أمغمض العيون
نام يا گلبي بمصاب
فاطمه حدر التراب .. فاطمه ..

""""""""""""""""""""""""""""""""""""""""""""""""'''

يبست سواجينه ويبس جاري الماي
وشويه دمـــــعي ورايد عيون هواي
يــــاگلبي كــــافي لاتدگ موت وياي

فاطمه بيدي ادفنتها .. وروحي مدفونه
هـــوه ياحيل البقاله .. الــــدافن امتونه
ايدي اعله خاصرتي وأحن
شالت عــــزيزتنه ام حسن
وروحي مدفونه ..

حزنچ وشادهلي حالي بس دموع
آنــــه قـــالع باب خيبر گمت الوع
وشيبي ذابحلي الشباب
فـــاطمه حــــدر التراب .. فاطمه ..

""""""""""""""""""""""""""""""""""""""""""""""""'''

يافاطـمه العش احترگـ هل ونيت
يادهــري وشماخذ بعـد وشخليت
ماخذ ضواي وشمعتي وكل البيت

كون شبـــــــاچ بگبرها .. نعاين اعليها
كون بس الكون صعبه .. شمـا نخليها
اتمنى بس هـيچ امنيه
بس نضره من الزاچيه
نعاين اعليها ..

الماله (فَيّ) زحمه تگله بوكته حار
البيده ماي شـلون افهما وبيدي نار
العنده دمعه بروحه باب
فـــــاطمه حـــدر التراب .. فاطمه ..

""""""""""""""""""""""""""""""""""""""""""""""""'''

يـــابير اسولفلك دمــع لاتحتار
ادري بعذابك والجرح بيك ونار
يابير اعرفه الهاجم اعلينه الدار

ذاك يتمشه اعله طوله .. الحارگ ادياري
ذاك ذابحلي حيــــاتي .. وكاشف اسراري
والدمع بالفرگه تهل
ذاك المســبب للقتل
الحارگ ادياري ..

ياندم ياچف افركه مستحيل
مثل هذا ياحــسافه يغفه ليل
للزمن عـندي عتاب
فاطمه حدر التراب .. فاطمه ..

""""""""""""""""""""""""""""""""""""""""""""""""'''

نغمت دعائــــچ فارگتها من ايام
مو فقط ولدچ فاطمه كلنه ايتام
تمنيت آنــــــه وياچ ندخل للشام

ندخل بضـــعن السبايه .. واشهگ بدمعي
راح اصيحن اخ راسي .. وانتـي ياضلعي
ونتعنه يم باب القصر
ونغطي زينب مـن تمر
واشهگ بدمعي ..

وراح اگلها بويه اصبري آنه ابوچ
ولـــو بعيون الشماته راس اخوچ
هاي امــچ بالعذاب
فاطمه حدر التراب .. فاطمه ..

عبد زينب
محمد الابراهيمي

لحن قصيدة
(حدر التراب)
بصوت
خادم الامام الحسين
ملا محمد الساري
ايران_اهواز

((للشام))

احب الشام مـو للشام للشم
هواچ امروتچ للكــرم للشيم
بعد بيه مـدامع جمر للشــام
وبعد بيه لطم حد كسر اديه

عبد زينب
محمد الابراهيمي

((اذبح حرمله))

اذبــــــــح حـرمله الـعـــاش بدليلك
واصــــرخ ياحـــــسين آنـه دخـيلك
يــــل مـــا عـطلـتني ودوم ويـــــاك
رغم تقصيري بس سـامحلي اجيلك

روحي حسين ..
تدري بحـياتي المضلمه
وأنته شعــــاع المكرمه
ولا عندي غيرك أخدمه .. يامولاي

روحي حسين ..
من ينتهي عمـــــري بدمع
من أبچي وأصرخ عالضلع
والعـــــبره لازم تنســــــمع .. يامولاي

يامولاي يامولاي ...

""""""""""""""""""""""""""""""""""""""""""""""""'''""

حـــــرام وتنتهي ويــاك الموده
وانته المـــــاعفتني بيـوم شِده
يل ماعندي غيـرك تدري مولاي
وتدري دموعي المغرگه المخده

گلبي حسين ..
تنطيني بس مـا اختنگ
مكبرني وآنـه الموصدگ
بس للخيم والله احترگ ... يامولاي

گلبي حسين ..
ياواهـــب أخيامك جرح
ياواهــــب الروحك ذبح
رايدني بس كون انصلح .. يامولاي

يامولاي يامولاي ...

""""""""""""""""""""""""""""""""""""""""""""""""'''""

لو مـا اسمك اتضــيع الاسامي
لو ما انته ضـامي هسه ضامي
عطــشان ورويت الدنيا بالـماي
وياحامي صرت فوگ المحامي

عمري حسين ..
انته وبحروفك ونتهت
والدنيا يمـــــك نوخت
وياروحي بيك اتعلقت .. يامولاي

عمري حسين ..
ممنــــونك احضر باللطم
وتارسني محبوبي هضم
جـــوه النضر دمعي اضم .. يامولاي

يامولاي يامولاي ...

""""""""""""""""""""""""""""""""""""""""""""""""'''""

تقــــرير المـــــواقــف انته انته
الكوكب ينحني الخاطر كلــمته
شتسوه الدنيا من ترچيه ياويل
لـــــو حيرةّ طفل ظــــل بدمعته

رزقي حسين ..
لو ما خيامك والعطش
چا هسه واحدنه دغش
نعمللله يالليل اهـدعش .. يامولاي

رزقي حسين ..
عشنه بفضل ذاك السبي
وستـــرتنه زينب بالعبي
يــــــارزقي يابيـت النبي .. يامولاي

يامولاي يامولاي ...

عبد زينب
محمد الابراهيمي

لحن قصيدة
(اذبح حرمله)
بصوت
خادم الامام الحسين
ملا مرتضى حسين
بغداد