Oramizda oilalilar bormi?
Izohlarda yozib qoldiring.

18.11.2024 hisobi boʻyicha 28 bet mutolaa ✔️

Sizda-chi?

Ilm olish pista chaqish emas. Haqiqatdan odamdan katta kuch, sabr-matonat talab qiladi. Shu sababli Alloh ilm yoʻlidagilarga katta ajrlarni va’da qilgan. Butun mavjudotlarni ilm oluvchilar haqqiga istigʻfor ayttirib qoʻygan. Tasavvur qiling, siz ilm olyapsiz, sizning gunohlaringiz esa yuvilyapti.

Talabalarga maslahatim, oʻqishga kira solib, pul topish dardiga tushmang. Yaxshilab, xayolingizni joyiga qoʻyib oʻqing. Talabalikda topayotganingiz bir ikki chaqani deb ilmdan bebahra qolmang. Hali oʻqishni bitirib, charchab ham ketasiz ishdan.

Illo, oʻz sohangizda 3-4-kursdan ishlashingiz bu siz uchun foydali. Ilm ichidagi odamning 1-2-kursdan idish-tovoq yuvib, girgittonlik qilishi shunchaki achinarli holat.

Haa, yoʻqchilikdan kiradi kishi ish yoʻliga. Ammo oziga qanoat qilib boʻlsa ham ta’limining 1-2-yilida oʻqigani avloroq.

Ota-onalarga va opa-singil, aka-ukasi ilm talabida boʻlganlarga esa iltimosim shuki, talabalarga oʻqib ilm olishlari uchun imkoniyat, sharoit yaratib bering. Ularni toʻkis ta’minlab qoʻyingki, xayoli rizq topish bilan chalgʻimasin. Zero bundan sizga ham manfaat bor. Alloh talabaga qanday ajr bersa, talabaga imkoniyat yaratganlarga ham kamaytirmasdan ajrlarini yogʻdiradi.

Farzandingiz olim boʻlishini, xohlaysizmi, marhamat, unga boshidan shunaqa muomala qiling, olim boʻlishiga imkon qilib bering. Zero ulamolar, olimlar bu darajaga yaqinlarining yordami bilan chiqqanlar. Qaysi olimning hayotini oʻqisangiz ham ota-onasi, yaqinlari qoʻllagani uchun ham olim boʻlganini koʻrasiz.