2025-yilning tugatilgan 3-kitobi.

1 soat ham ketmadi tugatishimga manimcha. Yengil hikoyalar, ammo bari etni junjiktiradi. Kamlik qildi menga. Yana 4-5 hikoya boʻlganda yomon boʻlmasdi.

“Hilol nashr” nashriyotidan chiqqan ekan. Sifati juda yaxshi. Dizayni ham. 🌷

#eslatma oʻzimga)

Bu dunyoda hech kim mukammal hayotga, odamlarga, munosabatlarga, sharoitlarga ega emas. Ammo ba’zi insonlar bor hayotidan zavqlanishmoqda, sababi ular mukammal boʻlmasa-da har bir kun ne’matligini boshqalardan avvalroq anglab yetishgan.

Har daqiqada, hattoki soniyada insonlar bu dunyodan koʻz yumayotgan bir pallada sen salomatlikda va xotirjamlikda kun kechirayotganingni kichik narsa sanama. Axir ular oʻrnida sen ham boʻlishing mumkin edi-ku.

Hayoting, sharoitingdan nolishni oʻrniga, oʻz hayoting mas’uliyatini qoʻlga ol. Xatolaringga oʻzing javob ber. Kimlarnidir ayblama. Oʻz orzu-maqsadlaring yoʻlida hech boʻlmasa kichik boʻlsin bir ish qil. Ota-onangni rozi qilish uchun ularni xursand qil. Buguning, hoziring bilan yasha.

Ne’matning katta kichigi boʻlmaydi, gap unga boqayotgan koʻzlarda.

Hali imkonimiz bor…

Tabiat oʻz vazifasini bilib-bilib, chiroyli ado etyapti.

Sizchi?

Bir donishmand aytadi:
— Inson uchun eng yaxshi davo – muhabbat.
Undan so‘rashdi:
— Agar muhabbat foyda bermasa-chi?
Javob berdi:
— Miqdorini ko‘paytirish kerak!

Hamma kasallikni ham dori bilan davolab bo‘lmaydi.
Ko‘p dardlarning davosi — faqatgina e’tibor, g‘amxo‘rlik, ruhiy qo‘llov — muhabbat bo‘ladi.

Yana shunday gap bor:
— Agar bir insonni hayotga qaytarmoqchi bo‘lsang, uni yaxshi ko‘radigan va ishonadigan bir odamga yo‘lla. Chunki davo uchun dorilarning o‘zi yetarli emas.

©️Ikrom Sharif

Ramazonda kelinlik xizmati va boshqa muhimroq vazifalar bilan boʻlib mutolaa qilolmadim deyarli. Endi sekin yana mutolaa qaytamiz.

Shu kitobni negadir tugatolmayapman bir oydan beri. 💔