Ba'zi insonlar o'zimiz haqimizdagi tasavvurlarni bizga shakllantirib berishadi:
- sen kuchsizsan;
- sening aqling yetmaydi;
- sen buni qila olmaysan;
- sen ahmoqsan...

Bu insonlarga ustimizdan hukmronlik o'rnatish huquqini qo'sh-qo'llab topshirib qo'yganimizni anglatadi. Aslida esa inson birinchi navbatda, hammadan birinchi bo'lib o'z-o'zini tanib olishi kerak. Qadriyatlarini, yo'lini, maqsadlarini tanishi, o'z mustaqil fikriga, prinsiplariga ega bo'lishi lozim. Inson o'zini tanimas ekan, boshqalarning u haqidagi fikriga o'zi ham ishona boshlaydi, bir ko'lmak suvni butun dunyo deb tasavvur qiladi, umidlarini yo'qotadi...

Tara Vestoverning "Talaba" kitobi mutolaasidagi xulosalar.

"Talaba" asari bosh qahramoni Taraning otasi baxtsiz tasodif bilan kuyib ketarkan. Muallif kuyishdan keyingi holatlarni tasvirlarkan xayolimda bundan 7 yil avvalgi hodisalar yana gavdalandi.

O'shanda Shahrisabz tibbiyot kollejining 3-bosqich talabasi edim. O'qishdan amaliyot berilgandi va men Shahrisabz shahar shifoxonasi Shoshilinch tez tibbiy yordam bo'limida o'tagandim. Bu boʻlimda bemorlar juda koʻp kelar, bir zum tinim yoʻq edi.

Yanvar-fevral oylari. Har hafta kasalxonaga kamida bir marta portlab ketgan gazbolon oqibatida tanasining ma'lum bir qismi kuygan bemorlarni olib kelishardi. Kasalxona esa bemorlarning kuygan tanasi va furatsilin hidi aralashib, ko'ngil aynitar "ifor"ga to'la edi.

Abituriyentman. 3 ta fandan repetitorim borligiga qaramasdan kechasi bilan navbatchilikda qolardim, bir zum ham tin olmay shifokorlar va hamshiralar ortidan yurib bemorlarga xizmat ko'rsatardim.

Shunda bir kun tanasining 80% qismi kuygan amakini olib kelishdi. Bo'yindan pasti kuyib ketgan, qimirlamasdan amaki 1 oycha osmonga qarab yotgan edilar. Kechalari ingrab suv so'rar, og'zilariga naycha bilan suv tutar, ovqatlantirardim. Kuygan hidga zo'rg'a chidab tursam ham bildirmas, yaxshi muomala bilan ba'zan suhbatlashib o'tirardim...

Kitobni oʻqib oʻsha kunlarga qaytganday boʻldim.

O‘zbekning og‘ir sharoitda qolgan katta shoiri Yo‘ldosh Eshbek bilan suhbat


Bir necha kun avval ijtimoiy tarmoqlarda taniqli shoir va tarjimon Yo‘ldosh Eshbekning ijtimoiy og‘ir ahvolga tushib qolgani haqida xabar va xayriya postlari e’lon qilindi. Bu haqda birinchi bo‘lib yozgan jurnalist Farrux Jabborovga ko‘ra, shoir ayni vaqtda Chilonzor tumanidagi sobiq yotoqxonaning bir xonali tor oshxonasida, ayoli, ikki nafar nogiron farzandi va nabiralari bilan yashamoqda. O‘zining esa ko‘zlari ko‘rmay qolgan.

“Bugun turkiy dunyoning katta shoirlaridan biri, Oʻzbekistonda xizmat koʻrsatgan madaniyat xodimi Yoʻldosh Eshbekni yoʻqladik. Koʻzlari koʻrmay qolibdi. Yostiqday kitobni koʻrsatib, yarmigacha tarjima qilishga ulgurdim, ishim chala qoldi, deb oʻkindi. Yangi sheʼrlarini ham qogʻozga tushirishga qiynalyapti ekan.
Turnakoʻz buloq qaynab yigʻlashi haqida sheʼr oʻqib berdi. Oʻzi yarmini olib chin dunyoga ketishi, yarmini esa yolgʻon dunyoga qoldirishi haqidagi sheʼri...

Nima deyishga ham hayronman. Boringlar, xabar olinglar, desammi. Davolataylik, chogʻroq uy olib beraylik, desammi. Oʻzbek katta el...mikan?” – deb yozdi u o‘zining facebook sahifasida.

Vatandosh TV muxbiri shu kabi xabarlardan keyin holidan xabar olish maqsadida taniqli shoir yashayotgan uyda bo‘ldi va u bilan she’riyat, shoir ijodi va uning bugungi kunlari haqida qisqa suhbat qurdi.

Eslatib o‘tamiz, shoir Yo‘ldosh Eshbek uchun boshlangan xayriya davom etmoqda va unga yordam berishni xohlaganlar ushbu karta raqamlariga mablag‘ o‘tkazishlari mumkin:

UZCARD 5614681908452158 (Djabbarov Farrukh)
👉 HUMO 9860060102409871 (Farrukh Djabbarov)
👉 VISA 4195250040623413 (Farrukh Djabbarov)

📹👉 https://youtu.be/NVDaMn3R_7M

@haqiqatdaIlyos

#mutolaa2025

Baxt qidirib yurganlar oʻqisin:)

Vanihoyat kitob tugadi. Toʻgʻrisi, juda qiynalib oʻqidim. Boshida tushunishim ham qiyin boʻldi. Keyin esa voqealar rivoji asablarimni qaqshatdi. Yarmigacha oʻqib, tashlab qoʻygim kelmadi, oxirigacha keldim. Afsuslanmadim. Kitobdagi ba’zi voqealarga oʻxshashlarini men ham hayotda koʻrganman, ba’zilarini his qilganman. Shu narsa meni kitobga bogʻlab turdi.

Taraning akasi Shonni oʻldirib qoʻygim keldi, ba’zan dadasini ham. Koʻproq desayam boʻladi. Taraga boshida juda achindim. Keyin esa havas qildim. Butun boshli oilaning yarmi ruhiy buzilishda. Bu jahannamda yashash kabi azoblidek tuyuldi menga. Bolalarini falokat ostiga qoʻyishdan choʻchimaydigan ota, singlisini azoblaydigan aka bilan axir qanday yashash mumkin?!

Kitob juda chiroyli jumlalar bilan yakunlandi. Mustaqil fikriga ega boʻlmagan, miyasi bir olam buzuq ma’lumotlar bilan toʻyintirilgan, shifokordan qoʻrqadigan, oʻrta maktabda oʻqimagan Tara bir kun kelib oʻzgaradi. U umuman boshqa insonga aylanadi va bu oʻzgarishga birgina sabab keltiradi. U ham boʻlsa — ta’lim.

Kitobni bir jumla bilan ifodalayman: baxtli boʻlmoqchimisiz — ilm oling, oʻqing, oʻrganing!

Paygʻambarimiz sollallohu alayhi vasallam yaxshilik qilishda peshvo boʻlgan moʻminlarga shunday goʻzal ta’rif berganlar:

“Komil moʻmin oxirati jannat boʻlguncha (to jannatga kirgunicha) yaxshilik qilishdan toʻymaydi”.

Reklama xizmati boʻyicha bir qancha islohotlar qildik. Sifat oshdi, narxlar ham shunga yarasha boʻldi. Bundan buyogʻiga faqat hammaga yanada manfaatli boʻlgan loyiha, sahifa va boshqalarni tavsiya qilamiz.

Reklama xizmati boʻyicha: @tahrirchiqizz

Kechagi kuni bilan bugungi kuni teng boʻlgan kishi ziyondadir. Kimning oʻtmishi bugunidan yaxshiroq boʻlsa, u ham ziyondadir.

“Millioner sahobalar” kitobidan.

"Dadam maktab bolalarni Xudodan uzoqlashtirish uchun o'ylab topilgan hukumat fitnasi ekanini ta'kidlardi".

Ushbu jumlaning oʻzi asar ma’no, mazmunini oʻzida aks ettira oladi.

"Talaba" kitobi memuar asar. Ya'ni muallif o'z kechmishlarini badiiy ifodalagan. Ammo oʻzim mutolaa jarayonida kitobdagi voqealar hayotda ham uchrarkanmi deb ko'p bora hayratlandim.

Asar qahramoni Tara, maktabda o'qimagan, shifokorga bormagan, doim xavfda yashab, akasining tajovuzlari ostida ulg'aygan qiz. Ammo u bir kun kelib, doktorlik darajasini qoʻlga kiritadi. Bu darajagacha boʻlgan yoʻl esa uning uchun juda qimmatga tushadi.

Bu kitobdagi ayrim voqealar oʻtmishimni esimga soldi. Kelajagi yoʻlida qiyin boʻlsa-da qadam qoʻyganlar uchun Taraning yoʻli juda ham tanish yoʻl. Chunki bu yoʻlga oʻzini anglaganlar chiqadi. Oʻzni anglash esa koʻpchilikning xayoliga kelavermaydi. Ayniqsa, bugungi zamonda. Sababi bugun barcha oʻzi bilan emas, boshqalar bilan ovora…

Bu hayotda koʻpchilikda ta’lim olish imkoniyati juda kam boʻladi, ammo xohish sizga koʻp imkoniyatlar eshigini ochadi. Ichingizdagi xohish kuchi sizni albatta maqsadingizga erishtiradi.

Agar siz hali ham kimligingizni, qayerdaligingizni va qayerga ketayotganingizni bilmayotgan boʻlsangiz, kitobni tavsiya qilaman. Ogohlantiramanki, ushbu kitobni oʻqish oson boʻlmaydi. Ba’zan ma’lumotlar ogʻirlik qiladi, ba’zan tushunmay qolasiz, ba’zan tashlab ham qoʻyishingiz mumkin bir muddat (xuddi menga oʻxshab), ammo oxirigacha olib borsangiz, kitobdan nimadir olishingizga ishonaman.

Tavsiya qilaman. 🌱 Yaqin kunlardagi rejangizga kiritib qoʻyavering.

Siddiqa Hasan

Oila qurganimdan keyin ham o‘zgarmagan ikki narsa

Ilm

Men doim orzu qilardim — har qanday holatda ham ilm olish, rivojlanish va doimiy o‘sishdan to‘xtab qolmaslikni. Bu borada juftim va yangi oilam sharoit yaratib, meni qo‘llab-quvvatlamoqda, mashalloh.

Nima demoqchiman? Qizlar, niyatni to‘g‘ri qiling va duo qilishdan to‘xtamang. Siz aynan niyatingizga yarashasini olasiz. Eng asosiysi esa — umr yo‘ldoshingizdan nimalarni kutsangiz, avvalo o‘zingiz ham shunga munosib bo‘ling. "Unday bo‘lsin, bunaqa bo‘lsin" deyishdan avval "O‘zim qandayman?" degan savolga rost javob bering

Sevimli kasbim

To‘ydan keyin ham bemalol oilani va ishni birga olib ketish imkonim bo‘ldi, alhamdulillah. Bilmaganlar uchun kamina — kopirayter | ssenarist

Ishim haqida o‘ylasam, doim ichimda: "Yaxshiyam shu kasbni o‘rganganman, aynan shuni!" deyman. Anglaganim shuki, ayol kishi sevgan mashg‘ulotiga ega bo‘lishi kerak ekan. Shu ish bilan band bo‘lib, o‘zini rivojlantirib yursa, ortiqcha gap-so‘zlarga ham e’tibor bermaydi

Menga o‘xshab shu kasbda faoliyat yuritayotganlar va uni yanada chuqurroq o‘rganishni istaganlar uchun bepul va ishonchli manba qoldirib ketaman: [link]

O‘zim tekshirib ko‘rdim, ma’lumotlari rostdan ham kurslarda sotilayotgan qiymatga teng. O’rgatayotgan inson ham begona emas, Aziz Rahimov jamoasida ishlaydigan Umida Ssenarist. Orangizda taniydiganlar ham bor

Mayli, mavzudan chetga chiqmay, xulosa qilamiz: sababiyatni qiling — u hamma narsadek, keyin tavakkul keling — sababiyat hech narsadek.