📌 Ba’zan vaqtinchalik tinchlik izlab qilgan ishimiz, farzandimiz kelajagiga eng katta zarar bo‘lishi mumkin...

So‘nggi yillarda bolalar orasida diqqat yetishmovchiligi, asabiylik ortmoqda. Ko‘pincha bunga sabab nazoratsiz raqamli dunyo.

Bugun bolaning qo‘liga telefon berib, ovutish osondek tuyuladi. Lekin bu “osonlik” ortida diqqat yetishmovchiligi, muloqotda qiyinchilik, ruhiy tushkunlik kabi muammolar yashirinadi. Farzand tarbiyasi bizga berilgan eng muhim mas’uliyatlardan biri.

📹 Bu mavzuni chuqurroq tushunish uchun Aziz Rahimovning “Nega bolani telefondan cheklash kerak?” nomli podkastini tavsiya qilaman.

Tomosha qilish uchun havola👇
bit.ly/youtubeJN9a

🪭 Tanishuv vaqti: Men o‘zi kimman?

O‘ylab ko‘rsam, o‘zimni tanituv posti yozmagan ekanman. Bugun shu ishni qilmoqchiman.

Ismim Xurshida, taxallusim Siddiqa Hasan. Qashqadaryoda tug‘ilganman, Shahrisabzda o‘qiganman, Qarshida abituriyent bo‘lganman, so‘ng esa Toshkentda o‘qiganman va Samarqandga kelin bo‘lganman. Ko‘rib turibsizki, yaxshigina musofirlikni boshdan kechirganman. 25 yoshman. Avvaliga Shahrisabz tibbiyot kollejida hamshiralikni, so‘ng Alisher Navoiy nomidagi Toshkent davlat o‘zbek tili va adabiyoti universitetining o‘zbek tili filologiyasini bitirganman. Bir-biriga teskari sohalar, ammo shunaqasiyam bo‘lib turadi)

Ishlab ko‘rmagan joylarim ham qolmagan: avval o‘zimizning do‘konda sotuvchilik, keyin dorixonada farmatsevt, keyin shifoxonalarda navbatchi, tikuvchilik korxonasida dazmolchi va tikuvchi, kopirayter, muharrir, musahhih, tadqiqotchi, ssenarist, kommunity menejer, operator.

Hozirda Samarqandda katta oilaning kenja keliniman. Shu bilan birga hali ham bir qancha joylarda, kurslarda online tahsil olaman va kopirayter, muharrir, musahhih, ssenarist bo‘lib faoliyat yuritaman. Kelin bo‘lib, uy ishlari va pishir-kuydirdan ko‘proq ko‘proq o‘qiyman, izlanaman, ishlayman, alhamdulillah, mashalloh. 💕 Shu bilan birga ayol-qizlarni kitob o‘qishga, rivojlanishga undab kelaman. Har bir insonning o‘zini topishiga, hayotini yaxshilanishiga sababchi bo‘lish men uchun juda katta narsa

O‘zim haqimdagi faktlar:
- kitob o‘qish men uchun eng zavqli ish
- ambivertman, o‘zimning odamlarim orasida juda hazilkash va mahmadonaman, begona davrada esa meni gapirtirish osonmas.
- miyamda juda ko‘p g‘oyalar aylanadi, ammo ultra pro maks dangasa tomirim ham tez-tez tutib qoladi.

Bu sahifani ochishdan dastlabki maqsadim shunchaki ichimdan chiqib kelayotgan hislarni yozib borish bo‘lgan, keyin esa niyatimni katta qildim: odamlarga manfaat ulashish, ularni kitob o‘qishga ilhomlantirish.

Bu sahifadan nima topasiz?
- kitoblar bo‘yicha mulohazalar
- ichki kechinmalar
- tavsiyalar
- tajribalar
- shunchaki samimiy yoziqlar.

Men hali hanuz o‘zimni tanishga harakat qilayotgan bir yo‘lovchiman, bu yo‘limdagi tajribalar balki sizga ham manfaatli bo‘lar degan maqsadda bu sahifani yuritaman.

Shu yergacha o‘qib kelgan bo‘lsangiz, bundan juda ham xursandman. Fikrlaringizga, samimiy izohlaringizga, sahifam haqidagi taassurotlaringizga ochiqman - link

Faqat 💕 yurakcha bosganlarni koʻrolarkanman-a?😁

Qadriyatlarimiz asosidagi maktab!

Yaqinda Aziz Rahimovning podkastlarini siz bilan ham boʻlishgandim. Hozir esa farzandini xususiy maktabga bergan yoki bermoqchi boʻlgan ota-onalar uchun xushxabarim bor:

Aziz Rahimov asos solgan “Rahimov School” da yangi o‘quv yili uchun qabul boshlanib, Ibn Sino filiali uchun chegirmalar davom etmoqda ekan 😊

Agar sizning ham farzandingiz zamonaviy, lekin milliy qadriyatlarimizga sodiq muhitda ta’lim olishini istasangiz, bu imkoniyatni qo‘ldan boy bermang.

Qabulga yozilish uchun👇
https://bit.ly/rs-hsform25

#tavsiya

Inson ruhi uchun Robbisini va Xoliqini bilishdan, Uni sevishdan, zikr qilishdan, Uning bilan gʻururlanib, hayratlanishdan, Unga qurbat hosil qilishga talpinishdan koʻra ulkanroq ehtiyoj yoʻq.

“U shunday Allohki…” kitobidan

Odamda bossa hamma xafagarchiliklarni oʻchirib yuboradigan tugma yoʻq.