Kechadan beri er-xotinning xayolimizga “jubna” keladi. 😄Ular Misrdaliklarida yeganlar, menam bir martagina borib, 15 kungina turganim — Saudiyada yegandim. Qizigʻi, menam ilk marta yeganimda sal yoqmagan. Keyin 3 kundan keyin usiz ovqatlanolmay qolgandim. Hozir ikkalamizam qoʻmsab qoldik. 😭

Menga oʻxshab har narsada hikmat koʻradigan yorim bundanam hikmat topibdila. 😌

💡Adaptatsiya

👠 Kelin boʻlgach koʻp narsalar oʻzgardi: odatlar, vaziyatlar, qiziqishlar. Avvallari faqat oʻzim uchun yashardim. Mas’uliyatim kamroq edi. Hozir esa avvalgi mas’uliyatim ustiga 4-5 barobar koʻprogʻi qoʻshilgan. Avvallari faqatgina oʻzimning toʻqligim, ozodaligim, rivojimni oʻylagan boʻlsam, hozir sanoqlar koʻpaygan, vazifalar ham. Yelkadagi vojib amallarni bajarish esa oson emas. Buning hammasi energiya, kuch, vaqt talab qiladi.

🗺 Yangi joyga sekin moslashishim, odamlar bilan juda ham sekin chiqishishimni hisobga olsak yangi ijtimoiy holat menga yaxshigina ta’sir qildi. Ba’zan qidirib oʻzimdan ijobiy xislatlarimni topolmay qolaman. Oʻzimdan koʻnglimni toʻldirolmayman.

🎬 Hayotimning yangi pallasi boshlangandan keyin kanalda postlar sezilarli darajada kamaydi. Atrofimdagilarga nima manfaat ulashishni bilmay qoldim. Sababi oʻzimga katta dalda, yordam, ruhlantirishga ehtiyoj bor edi. Insonning oʻziga yordam kerak boʻlgan bir paytda boshqalarga nimadir manfaat berishni oʻylash, oʻzi choʻkayotgan odamning boshqa biriga yordam berishga intilishi kabi mantiqsiz.

📢Avvallari oʻzim bosh boʻlib insonlarni ruhlantirib, targʻib qilib kelgan narsalardan oʻzim sekin uzoqlasha boshladim. Oʻzing amal qilmagan holda boshqalarga aql boʻlish ayanchli holat.

📕Haqiqatni tan olish menga qoʻrqinchli va uyatli boʻlmagan. Ammo shunday krezis paytlarda yaqinlarning daldasi juda katta rol oʻynar ekan. Ularning fikrlari orqali yo tirilasiz yoki koʻmilasiz.