Kecha 75/30 kunlik chorlov marafonimizga efir qilib berdik intizom haqida. 1 soatdan oshiq gaplashibmiz. Qizlarni yigʻilib qolgan savollarini javobladik.

Keyingi haftalarda sogʻlom turmush tarzi boʻyicha efir qilamiz, inshaalloh.

Marafonimizning ana mana deguncha 20-kuniga ham yetib keldik. Qizlarda oʻzgarishlar katta, alhamdulillah.

Qadar

Bu dunyodagi deyarli barcha odamning bizga aytgan va aytmagan sinovlari bo’ladi. Mening turli sinovlar bilan sinovlanayotgan tanishlarim bor:

— biri turmushga chiqdi, 6 yil deganda farzandli bo’ldi.

— biri onalik baxtiga ertaroq erishdi, ammo bolasi 2 yoshga borar-bormay nobud bo’ldi.

— yana biri o’ziga to’q xonadonga kelin bo’ldi, ammo eri vafosiz bo’ldi, ajrashdi.

— biri oddiy oilaga kelin bo’ldi, ammo eri insofli chiqdi, ko’zlaridan baxt porlardi.

— biri juda chiroyli, aqlli, farosatli ammo haligacha yolg’iz.

— biri o’qimadi, ertaroq turmush qurdi.

Atrofingizdagilarga tafakkur ko’zi bilan qarasangiz barchaning bir kemtigi bor, o’ylasa siqiladigan muammosi bor. To’kislik jannatda bo’ladi. Vazifamiz shunday pallalarda bu dunyoga kelish sababimizni unutmasdan O’zi tomon qodir bo’lganimizcha yurish, imkonimiz yetgancha ibodatlarda bardavom bo’lishdir.

Dunyo g’ami yelkamni ezsa men doim bir narsani o’ylab taskin topaman: bu dunyoda yaxshiyam abadiy yashamasligimizni. Balki sizga ham yordam berar.

Bu men bolalim oʻtgan MIRAKI

Yozni shu daryolarga choʻmilish uchun kutardik. Opam, boʻlalarim bilan doim daryoda edik. Suvdan chiqib, issiq qumli yerda toblanardik, keyin yana choʻmilardik. Maktabga toza shokolad rang boʻlib borardik.

Bundan 15-20 yil avval MIRAKI oʻz-oʻzimizniki edi. Togʻlari, daryolari. Xohlagan paytimiz borardik, soatlab vaqt oʻtkazardik. Chetdan hech kim kelmasdi dam olgani. Ammo sekin-sekin odamlar bu jannatmakon joyning isini bilib, daryodek oqib kela boshladi. Endi biz oʻz yerimizga oʻzimiz egalik qilolmay qoldik. Endi Miraki xalqining 1/3 qismi yozda dam oluvchilardan daromad qila boshladi. Dachalar qurildi, daryolar egallandi, sanoqli joylargina mahalliy aholiga qoldi. Shungayam shukur qilardik.

Ammo 3 yil avval MIRAKI katta turistik zonaga aylantirildi. Daryo boʻyida joylashgan yerlar, dachalar davlat tomonidan noinsoflarcha tortib olindi. Hattoki bizning adashmasam 15 sotuxli yerimiz ham majburan olib qoʻyildi. Shu yeri, dachasi orqasidan tirikchilik qiladiganlar qiyin ahvolda qolishdi, katta namoyishlar boʻldi. Befoyda, yerlar qaytarilmadi. Aytishlaricha qaysidir boy sotib olgan. Hozir qimmat dachalar qurilgan, obodonlashtirilgan, hattoki butkul oʻzgartirib yuborilgan koʻp joylar.

Kecha Mirakini aylanib, juda gʻalati boʻlib ketdim. Xuddi uyimni kimdir tortvolgandek, begonalar egallab olgandek. Juda ham odam koʻp, gavjum. Oʻsha soddagina, koʻzdan pana, faqat oʻzimizniki boʻlgan Mirakimni judayam sogʻindim😭