Hafsalasizlikdan men qanday qutulaman?

⏺️Har doim yelkamga mas’uliyatlar olib yurishni yaxshi ko’raman. Ish, o’qish yoki qandaydir kurslar. Bu meni hech narsa qilgim kelmayotganda ham harakat qilishga undaydi. Ko’pchiligimiz bir ishni boshlashdan avval ilhom kelishini kutamiz. Aslida esa ilhom bo’lmagan narsa. Qanchadan qancha ishlar, loyihalar ana shu ilhomni kutib qolib ketgan. O’zingiz ham bir o’ylab ko’rsangiz juda ko’p manfaatli ishlarni ilhomni kutib-kutib tashlab ketgansiz. Ilhom qachonki bir ishni boshlaganingizda, u tomon qadam qo’yganingizda keladi. Men ham mas’uliyatlarim sabab ishni majburan boshlayman, ilhom esa o’z-o’zidan kelaveradi.

⏺️Shijoatim yo’qolib qolganda menga shijoat beradigan ishlarni qilaman. Masalan, xalqqa manfaat tegayotgan insonlarning hayot yo’lini ko’raman, himmati baland insonlar haqida o’qiyman, podkastlar ko’raman, kitob o’qiyman. Bu menga mening asl maqsadimni, vazifalarimni yana bir karra eslatadi. Axir biz unutuvchilarmiz.

⏺️Ba’zida esa shunchaki o’zim sevgan mashg’ulotlarni qilaman: kino ko’raman, uxlayman, sevgan taomimni tayyorlab yeyman, uy yig’ishtiraman, sevganlarim bilan suhbatlashaman, suratga olaman, yozaman, o’qiyman. Tahminan shunday: 💻🤤🍳☕️🙂🍜📺🎶📖🧹

Hayot har doim ham bir tekisda davom etmaydi, inson kayfiyati doim ham bir xil bo’lavermaydi. Shunday paytlarda inson o’zini yaxshi anglasa, tanisa, bunday vaziyatlardan o’zini oson va tez olib chiqib keta oladi.

🌟 Siddiqa Hasan

Siz oliyjanob nafs egasisiz, agar...

“Qalbi singanlar” kitobida keltiriladi: “Ayriliqdan faqatgina oliyjanob nafslar ta’sirlanadi”.

Bu yerda muallif faqatgina ayriliqni misol qilibdi, men nafaqat ayriliq, balki oliyjanob nafslar barcha narsadan — yaxshiliklardan ham yomonliklardan ham ta’sirlanadi degan bo’lardim.

🤩 Agar siz xato qilganingizdan afsuslanayotgan bo’lsangiz va bundan judayam xafa bo’lsangiz, siz oliyjanob nafs egasisiz.
🤩 Agar siz yomonliklar ustidan chiqib, unga shunchaki beparvo bo’lolmayotgan, hech bo’lmasa qalban qarshi bo’layotgan bo’lsangiz siz oliyjanob nafs egasisiz.
🤩 Nohaqlik qilinayotgan joyda hotirjam o’tirolmayotgan bo’lsangiz, siz oliyjanob nafs egasisiz.
🤩 Yaqinlaringiz adolatsizlik qilishayotgan bo’lishsa-da aloqani uzmaslik uchun yaxshi muomalada bo’layotgan bo’lsangiz siz oliyjanob nafs egasisiz.

Bunday insonlarni sof fitratli inson desak ham bo’lar. Chunki fitratimizda yaxshilikni sevib, yomonlikdan nafratlanish bor. Bundaylar esa ana shunday xislatni saqlab qololganlardir.