Farzandingizni tarbiyalamang, aksincha…

Koʻp insonlarni koʻraman, kuzataman. Ba’zi insonlarni koʻrib olgan tarbiyamdan faxrlanib ketaman. 🤎

Ota-onam biz farzandlarini oʻtirgʻizib, alohida ta’lim-tarbiya bermaganlar. Oq-qorani tanitib bermaganlar. Bizga undan ham eng muhimi berganlar, u ham boʻlsa erkinlik, mustaqillik. ✔️

Biz hamma farzandlar erkin boʻlib oʻsdik, xato qilsak oʻzimiz tuzatdik, bahonada oq-qorani tanidik, yaxshi yomonni kimdirlarning aytganiga qarab emas, ongli ravishda tanidik va hammamiz oʻz yoʻlimizni topdik. Qiziqishlarimiz ortidan ketdik. Ota-onamizni yuzini yerga qaratmadik. Aksincha, qayerga borsak ularga rahmatlar olib keldik. 🍁

Koʻpchilik teskari yoʻlni tutadi: farzandlariga oʻta katta talab qoʻyadi, bosim bilan katta qiladi, oʻzlari umrida qilmagan ishlarga majburlashadi, ulardan erkinlikni sugʻurib olishadi. Bunday bolalarning aksari shaxsiyati zaif, nomustaqil va tayinli ishning boshidan tutmagan holda ulgʻayishadi. 🖇

Aslida bolani tarbiyalash ham shart emas. Ota-ona oʻzini tarbiyalashi kifoya. Farzand tarbiyasini esa butun olamlar Robbiga omonat qilib, ularni faqat duo qilish va erkin qoʻyish kerak.💡

Siddiqa Hasan