Aqlimdan tashqarida | Sheron M. Dreyper

📎Anchadan beri badiiy kitob o’qimayotgandim. Yaqinda Toshkentdagi kitob do’koniga borganimda esa dugonamning tavsiyasi bilan shu kitobni xarid qildim. Kitobni boshlagan zahotim ichiga kirib ketdim. Kitobning sodda tili va Melodiyaning kechinmalari meni o’zi rom qildi. Melodiyaning ichki kechinmalari o’z yoshligimni eslatdi.

📎Bir yil davomida juda ko’p hislarni yashadim. Ammo ularning nomini yaqqol aytib berolmayman. Bu kabi kitoblar esa ana shu tuyg’ularingizni nomlab beradi va siz o’zingiz haqingizda o’qiyotgandek bo’lasiz. Badiiyatning kuchi shunda, siz asar qahramoni haqida o’qiyapsiz va shu bilan bir paytda ko’z oldingizdan o’z hayotingiz o’tib boraveradi.

📎Kitobni shunchaki dam olish uchun o’qimoqchi bo’lganlar tavsiya qilaman. Kitob meni o’z ichiga olib kira oldi, kuldirdi, yig’latdi, ba’zi joylarida yuragim hapqirib ham ketdi. Shunchaki, badiiy adabiyotga qaytishimga yaxshi boshlanish bo’ldi.

👍👍Matn Gpt’da yozilmadi))