Eng ko'p toptaladigan huquq — mualliflik huquqi

Oktyabr oylarida bir kanalga qo'shildim. Ozroq kuzatdim. Bir kuni bir post kelib qoldi. Ko'zimga judayam issiq ko'rindi. Meni gapimga o'xsharkanmi dedim. Ikkala kanalimni qidiruv bo'limidan ham qidirib ko'rdim. Chiqmadi. Lekin bu mening gapim ekanligini yuragim sezardi. Mayli, hozir eslolmayotgandir, topolmayotgandirman, ammo bir kuni bu ishni haqiqati yuzaga chiqadi deb esimdan chiqardim.

3 kundan beri kanalim navigatsiyasini tayyorlash bilan bandman. Kanalimni boshidan boshlab, bugunga qadar yozilgan postlarni taftish qilib chiqyapman. 1 soat oldin o'sha, men boshqa kanalda ko'rib qolgan jumlalarni topib oldim. Subhanalloh! Ko'nglim sezgandi, aniq ishongandim o'zimniki ekanligiga. Ammo isbotim yo'qligi uchun jim edim. Hoziram bu post meniki ediii deb yozmoqchi emasman. Shunchaki g'alati bo'p ketdim. Xuddi bolamni kimdir mendan olib qo'ygandek bo'ldi.

Turmush o'rtog'imga aytsam, birovni postini o'zlashtirish, muallifini ko'rsatmasdan joylash birovning haqqini yeyish bilan barobar dedilar. Bu judayam og'ir hukm...

Qolaversa ko'p joyda rasmlarim o'zlashtirilayotganiga ham guvoh bo'laman. 2 oy avval dugonam men olgan suratni boshqa kanalda ko'rib qolib, menga yuborgandi. O'sha surat izohlarida rasmga tegishli savol berilsa, o'zimniki degan javobni olgandik. Menikiligiga shubha yo'q bo'lgan suratni o'zimniki deb o'zlashtirgan o'sha kanal egasining javobini ko'rib yoqamni ushlagandim. Eng achinarlisi bu ishni ziyoli qatlam ham taptortmasdan qilishi. Mayli bilmas bu huquning ahamiyatini, o'qimagandir, ammo yolg'on gapirishga qanday tillari boradi? Mayli, bu rasm va postlar hech narsamas men uchun. Ammo mualliflik huquqini poymol qilayotganlar Uning huzurida qanday javob berishni o'ylashsin deyman. Shuning uchun bu yerdagilarga ham eslatma bo'lsin deya bu gaplarni yozyapman.

Qolaversa, bu haqida shayximiz batafsil tushuntirish berganlar. Barchaga eshitishni maslahat beraman: https://youtu.be/p4_YazFAOkQ?si=HhNDB47tpsQi6Kpc

https://t.me/+k23QlZAeHf5jODRi

Butun dunyo sizni yomonlab turganda ham “Sen eng yaxshisisan!” deb turadigan insoningiz boʻlsa, siz eng baxtli odamsiz, ishonavering.

@siddiiqa