📕 Kitob o'qishning yashirin foydalari

Ba'zilar kitob o'qisam yodimda qolmaydi, shuning uchun o'qigim kelmaydi deyishadi. Ular o'ylashadiki, yodimda qolmasa befoyda deb. Aslida unaqa emas. Inson kitob o'qiganda garchi yodida qolmasa ham ulkan foyda bor. O'qish miyani mashq qildiradi, dunyoqarashni kengaytiradi, ijodiy fikrlashni uyg'otadi, nutqni rivojlantiradi. O'zgarish darrov bilinmasligi mumkin, ammo izsiz ketmaydi. Mutolaa albatta ong ostida iz qoldiradi. Sport bilan shug'ullansangiz ham mushaklaringiz ertasi kunni o'zida "lo'pillab" paydo bo'lib qolmaydi-ku to'g'rimi?🧠💪

Yoshligimda judayam ko'p gazeta, jurnallar o'qiganman. Darakchi, Sug'diyona, Bekajonni qizili-yu, ko'ki, Hordiq+, Shifo info shularni har sonini o'qiganman desam ham bo'ladi. O'sha o'qigan gazetalarimni men zerikkanimdan o'qirdim, ammo foydasiz narsalar deb o'ylardim. Ammo foydasiz emasligini hozir anglayman. Ular menga kamida uzun matnlarni bemalol, qo'rqmasdan o'qiy olish ko'nikmasi hosil qilgan. Qolaversa, so'z boyligimni, yozish qobiliyatimni ham shakllantirgan deya olaman. Kimgadir kitob o'qib bersam doim chiroyli o'qiysiz, ma'nosiga moslab ohang berasiz, ko'p kitob o'qiganiz darrov bilinadi deyishadi. Bu albatta o'sha men befoyda deb bilgan gazetalarni o'qiganim, keyinchalik esa kitoblarga oshno bo'lganim sababidan deb bilaman.

Qayerdadir eshitgandim, ayollar ko'proq kitob o'qishi kerak ekan, chunki kitobdan o'qilgan ma'lumotlar irsiyatga singib ketib, bu narsa tug'ilajak farzandlarga ko'chib o'tarkan. Ya'ni farzandingiz ham katta ehtimol bilan kitobxon bo'lib tug'iladi. Homilador ayollarga ko'proq kitob o'qishni tavsiya qilishadi. Buning foydasini ham ko'p eshitganmiz.

📚 Xullas, do'stlar, esimda qolmayapti deb kitob o'qishni tashlab qo'ymang. Darhol kitoblarga qayting. Agar bir o'zingiz mutolaaga qaytolmayotgan bo'lsangiz, biz marafon qilyapmiz. Birga kitob o'qimoqchimiz. Xohlasangiz siz ham qo'shiling. Birga bitta katta kitobni o'qib tugatamiz, inshaalloh. Marafon haqida batafsil quyidagi manzildan ma'lumot ololasiz. Marafon faqat ayol-qizlar uchun!⤵️⤵️⤵️

https://t.me/+JVBkg0xC3NYwNDgy
https://t.me/+JVBkg0xC3NYwNDgy

Qabul yopilishiga atigi 2 kun qoldi. Marafonga opa-singillaringiz, dugonalaringizni ham taklif qilishingiz mumkin.

☕️ 🫖 ☕️

Ta'til bu darsdan boshqa hamma ishni qilish uchun berilgan imkoniyat

Hech e'tibor berganmisiz? Butun boshli ta'til davomida dars qilishga kelmagan ilhom ta'til tugashiga 1-2 kun qolganda "yopirilib" keladi. Men ham talabaning azaliy odatini qilib vazifalarimni ta'tilning oxirigacha taqadim.🤩 3 oylik kitoblarni qayta o'qish uchun menda yana 24 soat vaqt bor. Demak, umid ham bor.

Va yana so'ngida talabalarning har sessiya vaqtida aytadigan shiorini keltiraman: bu safargi imtihongacha endi yaxshilab o'qiyman!🤩🤩