Mahallamizda va goʻshamizda ramazon shukuhi 🌙 🌙

Robbim, bizga bu Ramazonni xayrli va barakali qil. Oʻz fazlingdan ne’matlaringni yogʻdir. Ilmimiz, umrimiz, zehnimiz va rizqimizga baraka ber. Taqvo sohibi boʻlib chiqishimizni nasib qil. Duolarimizni qabul va mustajob ayla. Bizni, ota-onamizni, yaqinlarimizni va Senga duo qilib turgan barchani magʻfirat qil! Bu muborak oyni gʻaflatda oʻtkazib yuborishdan Oʻzing saqla. Zokir, Shokir bandalaringdan qil.

🌙 Ramazon muborak barchaga!

Pinterest'dagidek joylar ekanmi?) Hech qaysi go'zallik tabiat in'om etgan go'zallik kabi bo'lmaydi baribir.

🌺 Rasmdagi chiroyli gullar nomi Bugenvilliya ekan. Judayam quyoshsevar bo'lib, qancha ko'p quyosh tushsa shuncha yashnarkan. Shuning uchun issiq mamlakatlarda ko'p o'sarkan. Turmush o'rtog'im bilan rasmga olib tursak, bir arab amaki kelib bizga bir shoxchasidan uzib berdi. Juda ham yumshoqko'ngil, kamtar va kengfe'l insonda bu misrliklar. Kayfiyatlari doim ko'tarinki, muomalalari yaxshi. Aksarlari doimiy Qur'on o'qishgani, zikrda yurishgani uchun bo'lsayam kerak.

Aytgancha, so'rovnomani javoblaganlarga rahmatlar! Sizlarning qo'llab-quvvatlashlaringiz bilan sekin-sekin faollikka o'tamiz.

🖊 Inson yozib turmasa, yozish ko'nikmasi ham sekin-sekin pasayib borar ekan. Mendayam shu holat kuzatilyapti. Shuning uchun kishi sevgan mashg'uloti bilan muntazam shug'ullanib turishi kerak.

“Qoida va qonunlar vasvasaga tushmagan, hayoting bir maromda kechayotgan chogʻ uchun ijod qilinmagan, ular ruhing va tanang tugʻyonga tushgan payt ahamiyat kasb etadi. Biroq ular ogʻir boʻlsa-da men ularni buzmayman. Mobodo, oʻz tinchimni oʻylab, ularga xilof ish qiladigan boʻlsam, ularning qadr-qiymati nima boʻladi? Ayni shu vaqtda men avvaldan tarkib topgan e’tiqodimga suyanaman”.

📖 Bu 19 yoshli Jeynning e’tiqodiga ters boʻlgan yo’l qarshisida oʻz-oʻziga aytgan gaplari. Jeynning axloqi Islom axloq normalari judayam yaqin. Kitobda ham e’tiqod masalasi old oʻrinda. Shahvat, nafs va e’tiqod oʻrtasida qolgan Jeynning yosh, gʻoʻr boʻlishiga qaramasdan, e’tiqodini tanlashi uning aqli anchayin butun, uzoqni oʻylaydigan qiz ekanligidan.

Yuqoridagi gapi bilan Jeyn nima demoqchi?

🪶 Diningdagi normalar, qoidalarni faqatgina odatiy, yengil kechirayotgan kunlaring uchun emas, balki nafsing tugʻyonga ketib, gunohlar qarshisida turgan paytingda ham ishlata olishing kerak. Chunki aynan shunday paytda qaytariqlardan qaytish o’ta qiyin hol. Agar shunday qiyin pallada ishlatmasang, diningning qiymati, moʻtabarligi qayerda qoladi? Va u qanchalik qiyin holatda boʻlmasin e’tiqodiga suyanadi.

Uning fikrlari yaxshilab oʻylab olishga judayam arzirli.

Sharlotta Bronte
“Jeyn Eyr”

5-mart | Bugun hayot kitobimning 26-bobini ochdim. Xush kelding, 26-bahorim, umrimning 26-yili.

Yoshligimda 26 yoshli opalarga havas qilardim. Ular ancha mustaqil, hayotda nimadirga erishgan, oʻz yoʻliga ega boʻlishadi deb oʻylardim. Bir dumalab, oʻzim shu yoshga kirib qoʻyibman. Kichkina qizchalarni havasini keltirish gali endi meniki)

Ortda qolgan sahifalarga nazar solib, shuni angladimki, asl boylik qalbimizdagi xotirjamlik, yaqinlarimiz yonimizdaligi va atrofimizda samimiy insonlar borligi ekan.

Taqdirimning muallifi boʻlgan Zotga cheksiz hamdlar bo'lsin. Uning menga yozganlaridan mingdan ming roziman. U ham rozi boʻlsin!

Bu yilim yaxshilik va barakalarga, moʻjizalarga, sayohatlarga, yangi xayrli tanishuvlarga, yaxshi yangiliklarga boy boʻlsin. 🌱

Koʻzimni va qalbimni quvontirgan kishimga ❤️ esa gullar uchun tashakkur deyman.