Kecha hayitni Azhar parkida kursdoshlarimiz va ustozlarimiz bilan picnik qilib nishonladik. Yoshlikni eslab toʻp oʻynadik. 😁 Tooza havodan oʻpkalarimiz toʻyib nafas oldi. Hayit hayitdek oʻtdi xullas)

Misrga kelsangiz, ushbu bogʻga kelmasdan ketmang. Ulkan-ulkan palmalardan odamni ogʻzi ochiladi)

Misrliklar juda murosali xalq. Tez murosa qilishadi, kelishishadi. Masalan, koʻchada 2 kishi urushib ketsa, 3-odam kelib “Solli ala Nabiy” desa, haligi urushayotgan 2 odam ham urushishni yigʻishtirib, qalblari yumshab, achomlashib, bir-biridan hol soʻrab ketishadi. Kibrni hech koʻrmaysiz. Mana man degan shayx, ustozlari ham talabalari bilan xuddi oʻrtogʻi bilan gaplashgandek, ochiq gaplashadi. Bizning markazimizda ham arab ustozimiz biz bilan qoʻl berib soʻrashganlarida birinchi marta shoshib qolganman. Men Oʻzbekistonda ustozlarim bilan hecham qoʻl berib soʻrashmaganman-da.

Qolaversa, judayam kamtar xalq. Oddiy kiyinishadi, oddiy yashashadi. Har turli toifa odamlar bor: boy, kambagʻal, oʻrta hol. Ammo oʻzlarini tutishidan, kiyinishidan boy odamga oʻxshatmaysiz boylarini ham. Gaplashganda boyligini hech kim bildirmaydi.

Bir dugonam aytib qoldi yaqinda, hech uyizni sogʻinmadizmi? Kanalingizda sogʻinchga aloqador biror post ham yozmadingiz-ey, deb. Oʻylab qoldim. Haqiqatda yozmabman. Sababi bu yerda men oʻzimni begona his qilmaganimdamikan? Sokinligi, kamtarligi, odmiligi yoqdimikan? Turmush oʻrtogʻim ham “havosi senga yoqmaydi deb qoʻrqib turgandim, ammo oʻzingni Oʻzbekistondagidan-da yaxshi his qilayotganda oʻxshayapsan” degandilar. Vatan sogʻinchi albatta boʻladi. Vatanini sogʻinmagan odam odammi? Menam judayam sogʻinaman. Ammo ba’zida firoq, hijron ham kerak, ba’zida shart. Yuzimizni Oʻzi yorugʻ qilsin!

Shu bilan birga hayvonlari ham bir-biri bilan murosali. Isbotini suratda koʻrishingiz mumkin. Itlar va mushuklar ham ahil boʻlib yashashadi. 🥰