Muharrir erim:
— “Hech qisi” qoʻshib yoziladi.

Men:
— Hishtima qimaydi! 🙂

Bosim oqibati

15-16 yoshimda bir dugonam bo'lardi. Birga o'qishga qatnardik. Uyda otasi judayam qattiqqo'l inson edi (o'zini aytishicha). O'qishiga, kiyinishiga, odamlar bilan muomalasiga juda ko'p cheklovlar qo'yardi. Shuning uchun kiyimlari tizzadan yuqorilamas, o'qishi judayam a'lo, dehqonchasiga aytsak, ancha "kallali" qiz edi.

3 oycha oldin instagram sahifasi oldimdan chiqib qoldi. 10 yil avvalgi qizdan asar ham qolmagan. Sahifasi ochiq-sochiq kiyimlari, tizzadan ancha baland liboslari, spirtli ichimliklar, ommaga ko'rsatilmasligi kerak bo'lgan shaxsiy kadrlariga to'la. To'g'ri, bunday holatlar hozir hayratlanarli emas, ammo deyarli birga katta bo'lgan dugonamni, ancha yildan keyin bu holatda topish meni biroz shoshirdi.

Bugun men o'qiydigan markazdan Mustafo Mahmudning "Muhabbat madrasasi" kitobini olib kelgandim. Savol-javob usulida yozilgan kitob ekan. Odamlar savol bergan, muallif javob bergan. 1-savol rafiqasining o'ta zamonaviyligidan, mutakabbirligidan, eridan dunyolarni talab qilib, o'zi "mening borimcha qabul qil" deydigan ayolidan noligan erkakniki ekan.

Muallif javobi quyidagicha: "Jamiyatda ham, oilada ham doimiy bosim asoratida yashagan va hatto o'z ichki kechinmalarini o'zi cheklagan bu zamonaviy ayollarning turi ommaviy madaniyat va to'satdan kelgan hurlikka o'ch bo'lib turgan holatida hovliqib qolgan odamga o'xshaydi. Isrofga berilgan bu turdagi ayol o'zi nima xohlayotganini ham bilmaydigan darajada bo'lib qoldi... U istibdod ya'ni diktatura sharoitidan ozodlikka tomon chiqa boshlagan, jamiyatdagi bosimdan va oiladagi taqiqlardan, o'z-o'zining cheklovlaridan otilib chiqqan hurriyatning natijasidir".

Taqiqlangan narsa shirin bo'ladi. Asl mazmun-mohiyat tushuntirilmasdan shunchaki taqiqlash kutilgan natijani bermaydi. Man qilish tashqaridan emas, ichkaridan kelsagina foydali bo'lishi mumkin. Kitobdagi yuqoridagi jumlalarni o'qib menga hammasi yanada ayon bo'ldi. Taqiq yechim emasligini yana bir bor angladim.

Ustoz Hasanxon Yahyo Abdulmajid ishtirok etgan quyidagi suhbat ham mavzuga aloqador. Ko'rib chiqsangiz foydadan xoli bo'lmaydi:
https://youtu.be/7FetZ1DrhFY?si=mDu9bf5_aNHEhtjn

Yashashdan ham charchaysan ba'zan,
Charchaysan tiriklik tashvishlaridan.
Qaydagi o'tkinchi hisni sevasan,
Va azob chekasan do'st qilmishidan.

Sog'lig'ing kundan kun yomonlashadi,
Oyog'ingda yirtiq poyabzal
O'zingni ataylab chohga otasan,
Axir bu ham taqdiru azal.

Yashashdan ham charchaysan ba'zan,
Yo'qlik sari singiysan sekin.
Bunday azob bilan yashashga,
Jannatning borligi beradi taskin.

Ravshan Haqmurod

100 yildan keyin, 2126-yilda hammamiz sevganlarimiz bilan tuproq ostida boʻlamiz

Siz juda ko'p harakat qilib erishgan uylarda endi boshqalar yashaydi. Bugun egalik qilib turgan hamma narsangiz, bir kun boshqasiniki boʻladi. Balki bir necha yil eslanarmiz, keyin butkul yoddan chiqarilamiz.

Hayotda hech narsa uchun o‘zingizni tamom qilmang. Bir marta berilgan bu umrni boshqalarni mamnun qilishga sarflamang. Hamma narsani qo‘lga kiritishdan ko‘ra, qo‘lingizda bor lahzalarning qadriga yeting. Shukur qiling.