#darsda

1 haftadan beri Arab tili markazimga borolmayotgandim. Hayitdan keyin bugun keldim. Ustoz meni koʻrib, xursand boʻlib gaplashyaptilar.

— Qandaysan? Hozir yaxshi boʻp qoldingmi? Seni sogʻindim. ☺️

Shu paytgacha qayerlarda oʻqigan boʻsam, hech qaysi ustozdan bu kabi iliq gap eshitmaganman. Arab ustozlari judayam samimiydaa. Talabalarini judayam yaqin olisharkan oʻzlariga.

Muslimaat markazi haqida eshitganmisiz?

Misrga kelganimdan keyin oʻqishni qayerdan boshlasam ekan deb rossa ikkilandim. Keyin kattalar bilan maslahatlashib “Muslimaat” madrasasining Misrdagi filialini tanladim.

Bu yerda shar’iy fanlar: aqida, fiqh, siyrat, tajvid, tazkiya hamda Qur’on va tajviddan oʻzbek tilida oʻz ona tilimizda ta’lim olamiz. Nega Misrda boʻlib turib oʻzbekcha ta’lim olasiz deganlarga esa, men bu fanlarni asl mohiyatini oʻrganish, yaxshi oʻzlashtirish uchun avvalo oʻzbek tilida ta’lim olishni tanladim. Bu har kimning oʻz ixtiyori.

Darslarni Azharni bitirgan yoki oʻqiyotgan oʻzbek ustozlari oʻtishadi. Dars oʻtishlari, yetkazib berishlari kaminaga ham ancha ma’qul keldi. Qolaversa, har oyda oʻrta, yilda esa ikki marta katta imtihonlar oʻtkaziladi. Bu oʻrganganlaringizni amalda qoʻllay olish, qanchalik oʻzlashtirganingizni sinovdan oʻtkazish uchun zoʻr imkoniyat.

Kursdoshlarimiz ham oʻzbek ayol-qizlari. Bir-birimizni tushinib, fikr almashib, bir-birimizga yordam berib oʻqib kelyapmiz.

Qabul jarayonlari ham oson. Agar siz Misrda boʻlsangiz, markazga borasiz va bilimingiz sinovdan oʻtkaziladi. Bilimingizga qarab kurslarga qabul qilinasiz. Hech narsani bilmayman desangiz ham muammo yoʻq. Ilk tayyorlov kurslaridan qabul qilinasiz va oʻqiyverasiz.

Hozirda 3 oylik tezkor tayyorlov kurslariga qabul ketmoqda. Agar oʻqish niyatingiz boʻlsa, otni qamchilang.

Qolgan barcha ma’lumotni, narxlarni oʻzlarining sahifalaridan va adminlaridan olsangiz boʻladi: https://t.me/Muslimaatmisr_official

Online oʻqish imkoniyati yoʻq. Siz faqatgina Misrda boʻlsangizgina markazda oʻqiy olasiz.

Muslimaat Misr markazi rasmiy, ishonchli markaz. Barchangizni taklif qilaman.

Bildimki, baridan ulug‘im o‘zing,
Bildimki, yaqini shu tuproq menga.
Bahorda Baxmalda tug‘ilgan qo‘zing
Arab ohusidan azizroq menga.

Bu she’rning haqiqiy ma’nosini faqatgina oʻz Vatanidan uzoqda boʻlgan musofir insonlargina tushuna oladi ekan. Menam bu she’rni endi tushundim.

O‘ZBEKISTON

O, ota makonim,
Onajon o‘lkam,
O‘zbekiston, jonim to‘shay soyangga.
Senday mehribon yo‘q,
Seningdek ko‘rkam,
Rimni alishmasman bedapoyangga.

Bir go‘sha suv bo‘lsa, bir go‘sha qirlar,
Qancha yurtni ko‘rdim, qancha taqdirlar.
Qayga borsam suyab, boshni tik tut deb,
Tog‘laring izimdan ergashib yurar.

Ko‘rdim suluvlarning eng faranglarin,
Yo xudbinman yo bir sodda kasman men:
Parijning eng go‘zal restoranlarin,
Bitta tandiringga alishmasman men.

Na gapga ko‘nayin,
Na til bilayin,
Ko‘zdan uyqu qochdi, dildan halovat.
Uch kunda sog‘insam nima qilayin?..
Chala qolar bo‘ldi hamma sayohat.

Bildimki, baridan ulug‘im o‘zing,
Bildimki, yaqini shu tuproq menga.
Bahorda Baxmalda tug‘ilgan qo‘zing
Arab ohusidan azizroq menga.

Sen bilan o‘tgan har kun bayram-bazm,
Sensiz bir on qolsam vahmim keladi.
Seni bilganlarga qilaman ta’zim,
Seni bilmaslarga rahmim keladi.

Muhammad Yusuf

Insonlarni shijoatlantirish va undash ulardagi fazilatlarni yuzaga chiqaradi.

Aksincha, doimiy tanqid va aybsitish ulardagi mahoratni oʻldiradi, iste’dodni soʻndiradi, ularni umidsiz va gʻayratsiz qilib qoʻyadi.

“Nabaviy tarbiya”

Goooooool!🇺🇿

Natija qanday boʻlishidan qat’iy nazar, biz umrbod Vatanimiz tomonmiz. Vatanimizga muxlislik qilamiz. 🦾🇺🇿

Oʻzimas oʻsha joylarda kuchli bosim bilan toʻp surish! Olgʻa!

Olib tashlangan boʻlsa ham oʻsha gol boshqacha boʻldi. Boshqacha kayfiyat berdi. Mayli, keyingilarida bundanam chiroylilari nasib qilsin!

Oʻshani kuni er-xotin bir dona golga uyimizni koʻchirvoray degandik. 1 minutgina hisobga olingan boʻlsa ham.

Bugun Misr oʻynayapti ekan. 2 soatdan beri domimiz koʻchib ketay deyapti baqiriq ovozlardan. 😅