Kimda kim eshikni yaxshilab taqillatsa ochiladi. Koʻpincha talabgor beodobligi, badxulqligi bois eshikni keragicha taqillata olmaydi va
Shu sabab ochilmaydi.

deyilgan ekan kitobda.

Nega ilm olish kerak?

Oshxonada yangi taom tayyorlamoqchi bo’lsak nima qilamiz? You tube’ga kirib, uning qanday tayyorlanishini o’rganamiz. Agar o’rgatilganidek qilmasak nima bo’ladi? Ovqat o’xshamaydi va masalliqlar uvol bo’ladi. Oddiygina ovqat tayyorlab yeyishning ham o’z qonun-qoidalari bor bu hayotda. Xo’sh, butun boshli umrimizning qonun-qoidalari haqida o’ylab ko’rdikmi?

Alloh insonni yaratar ekan, shunchaki uni o’z holiga tashlab qo’ymadi, balki har bir insonga yaxshilik bilan yomonlikni farqlash qobiliyatini, ya'ni fitratni, vijdonni berdi. Inson gunoh ishga qo‘l urganda, uning tabiati va vijdoni buni darhol sezadi va bezovtalanadi. Aksi bo’lsa qalbi sururga to’ladi. Yomonlik qilayotgan odamga siz bu ishi noto’g’riligini aytmasangiz ham aslida u odam bu ishining yomonligini juda yaxshi biladi.

Shams surasi 7-8-oyatlar:
”Va nafs bilan va uning mukammal qilinishi bilan qasam. Bas, unga fujurini va taqvosini bildirdi”.

Ammo Alloh bu bilan cheklanmadi. Ketma ket payg’ambarlar, samoviy kitoblar yubordi. Bu orqali adashgan bandalarni to’g’ri yo’lga chorlashni xohladi. Har davrda ham payg’ambarlarga ergashgan va samoviy kitoblar va undagi qonun-qoidalarni o’rganganlar najotga erishib qolishdi. Bu nima degani? Najotga erishish uchun nima xato-yu, nima to’g’riligini bilish kerak. Bu bilish esa o’qishdan, ilm olishdan hosil bo’ladi.

Kitobda aytiladiki, “Biz boshqalarga qanday muomalada va munosabatda bo’lsak, aslida ularni o’zimiz uchun qilgan bo’lib chiqamiz”, “Butun hayotimiz davomida qilgan barcha yaxshi yo yomon amallarimiz o’zimizga baxt yo baxtsizlik bo’lib qaytib kelishi haq va muqarrar”. Bu bilan, biz kimga qanday munosabatda bo’lsak, aslida o’zimizga shunday munosabat ko’rsatayotganimiz, qilgan har bir amalimiz o’zimizga yo yaxshilik yo yomonlik bo’lib qaytib keladi deyilyapti.

Biri shu jumlani o’qidi-yu, shu paytgacha qilgan amallari, odamlarga munosabati ko’z oldidan o’tdi va xato qilgan joylari uchun tavbasini qilib, bu yog’iga bu xatolarni qilmaslikka o’zi va vijdoniga va’da berdi. Bu jumlani o’qigani uchun xatosini bildi. Ammo men buni o’qimadim va qilayotgan xatolarimda bardavom bo’laverdim. Natijada 50-60 yillik umrim besamar ketdi, amal daftarim xatolar bilan to’la. Agar men ham o’qiganimda, ertaroq xatoyimni anglagan va tavba qilgan, bundan xulosa chiqargan bo’lardim.

Demoqchimanki, siz qilayotgan ishingiz to’g’ri-yu, xatoligini bilish uchun ham o’qishingiz kerak. Butun boshli umringiz uvol bo’lib ketmasligi uchun ham ilm olishingiz kerak.

🪞

Oynaga bir musht tushirganingizda sinmasligi mumkin, ammo qayta-qayta uraversangiz, bir kun albatta sinadi. Singan oyna esa qayernidir jarohatlashi mumkin.

Gap oyna haqida emas.

Nazorat qilishingiz kerak boʻlgan narsa birovning hayoti emas, oʻz qarashlaringiz, fikrlaringiz, nafsingiz.

Sizni nazorat qilishi mumkin boʻlgani esa qadriyatlaringiz, prinsiplaringiz.

Lekin negadir bizni jamiyatda birov birovning hayotini, oilasini, fikrlarini nazorat qilishga urunadi, bosim oʻtkazadi, hamma uning yoʻrigʻiga yurishini xohlaydi. Oʻzining hayoti esa oyogʻi osmonda boʻlib yotgan boʻlsayam parvoyiga kelmaydi, bu uni umuman bezovta qilmaydi.