‏​‏​‏​​​‏​‏​‏​‏​‏​‏​‏​​‏​‏​‏​​‏​‏ ‌‏{أما السفينة} ، {وأما الغلام} ، {وأما الجدار} ... أمور ظاهرها المصائب و الابتلاءات ، و باطنها الرحمات ... {رحمة من ربك} ؛ فخيرة الله خير للعبد من خيرته لنفسه ... فلا تقلق! ..»💙

جمعة طيبة ⁦🌸

سورة الكهف - ماهر المعيقلي⁦❤️⁩

بركة الجمعة الجامعة..
والملائكة السامعة..
ربّنا مايحوجك لي أحد..
وأغنيك عن كلّ أحد..
شاحدة الله اليه المستند..
وعليه المعتمد..
الواحد الفرد الصّمد..
لا شريك له ولا ولد..
ياخد يدك من الضّلال للرّشد..
وينجيك من كلّ ضيقٍ ونكد..
يكفيك شر سواد النفس..
وكسرة القلب وواليوم البلا حياة..
والحياك البلا روح..
ووفاة الروح قبل الجسد..
والجسد البلا عافية..
يرزقك الخير كيمان كيمان..
يفتحها عليك من أوسع ابوبه..
محل ماتقبل عديلة وخضرا عليك..
يخدر ضراعك ويسهل امرك..
وينور دربك..
عافيه منك عفواََ من حديد..
ومن البلد البعيد..
ومن كيد البكيد..
ومن الحزن الشديد..
يغطيك وينجيك..
ويطرح البركة فيك..
وقدر ما دُرت يديك..💙

الاماني الفي سفر قبل الزمن كايسة المواني ..يوم تجيبني عليك بصدق انو مرة الحظ طراني ..

اللهم صل وسلم وبارك على نبينا محمد وعلى آله وصحبه أجمعين صلاة تنفك بها الكرب و تنحل بها العقد وتقضي بها الحوائج وتفتح بها أبواب الفرج يا الله 🌍❤️

‏" وكلتك كل أمرٍ في قلبي لا أستطيع البوح به ، وكلتك كل شعورٍ تعايشت معه بصعوبة و احتسبت به الأجر عندك ، أنّك لن تتركني يا الله دون عوضٍ يُنسيني كل ما مررت به .."

ما عوَّدتني منك إلا إحسانًا
يا حي يا قيوم برحمتك أستغيث ،أصلح لي شأني كله ولا تكلني إلي نفسي طرفة عين .

‏"يا ربّ..
مُستقبلي وحياتي الجاية تكون مليانة سَلام وطمأنينة تخليني لما أفتكر الماضي وقتها
أقول:
الحمد لله على النجاة من كُل المخاوف والقلق والزعل والتفكير المُفرط،
ويكون المقسوم ليا من عند ربنا خير يفرحني ويعوّضني."

‏ *ياحيُّ ياقيُّوم برحمتِك أستَغيث أصلِح لِي شَأنِي كُلَّه ولا تَكِلْنِي إلى نَفْسِي طرفَةَ عين* 🤍🌼

🔔📣صباح الخير، مهام اليوم:
• اذكار الصباح☀️
• صلاة الضحى 🤍
• سورة البقرة + ورد يومي من القران"
• الصلوات في وقتها و النوافل قدر المستطاع🤍
• اذكار المساء و سورة الملك 🌒
• خواتيم سورة البقرة عند النوم 🤍
• تكرار الصلاة الإبراهيمية و تاج الذكر و الحوقلة و الاستغفار.

*عصرُ الجُمعة كُله مَظنَّة استِجابة.*
*-لا تَبرحُوا محرابكم* 🤍🌼

اللَّهمَّ زوِّج عازبَنا، وهَب عقيمَنا، ورُدَّ غائبَنا، واجمَع شملَنا، واقضِ عنَّا دَينَنا، ولا تضيِّق علَينا عَيشَنا، واشفِ مَسحورَنا ومَعيونَنا، ومتِّع في الفردَوسِ مَوتانا، وبارِك لنا في أهلِنا، وبارِك لنا في ذُرِّياتِنا، وفُكَّ قيدَ أسرانا، وحصِّن بيوتَنا، وثبِّت علَينا دينَنا، وقِنا فواجعَ أقدارِنا، ولا تدَعنا لأنفسِنا، وأذهِب غيظَ قلوبِنا، وراضِ خواطرَنا؛ إنَّكَ أهلٌ للرِّضى والجبر.

📌اذكروني في دعواتكم

ولا داعيا إلا أجبته وآت كل ذي سؤل سؤله
ولا تبتلي أحدًا في مطلبه يارب
💙🌸
عصر الجمعة

بحمد الله وفضله الكفالات تمت
بارك الله فيكم ال اشياء تشيلكم حسناتكم💙🔥🔥

نلاقى في باب عطاء اخر🔥

اللهم صل وسلم وبارك على نبينا محمد وعلى آله وصحبه أجمعين صلاة تنفك بها الكرب و تنحل بها العقد وتقضي بها الحوائج وتفتح بها أبواب الفرج يا الله..

{لَا يُكَلِّفُ اللَّهُ نَفْسًا إِلَّا وُسْعَهَا}

أريدها براها ترتاح روحي كُل ما أطراها سِت البيت.. 💚. "

_عن "ودالرضي" وهو بيمدح زوجتو في أغنية "سِت البيت" وقال:

لو كان يوم حبيب واصلي الكرم العريض يوصلي..
منها قط خلاف ما حصلي بس إزعاجها لي قوم صلي.."

ليه ما إشكرها مطاوعني و حافظة لمتعتي و حافظاني..
وحاوية من الأُنوثة معاني و مهما أبقى مُر بالعاني.."

_لخص لينا إنو قُدر شنو الزوجة الصالحة وجودها مهم، وإنو هي بتتحمل مسؤولية لا تقل تماماً عن الراجل..

سهل جداً إنك تشتغل وتجيب قروش بس صعب جداً إنك تشيل مسؤولية بيت و تربية..
فحقيقي حُب كبير لأي" ست بيت"
أمدحوها فرحوها حقيقي هي بتقوم بمجهود عظيم والله..

#عند_المُفترق

أريدها براها ترتاح رُوحي كل ما أطراها سِت البيت. 💚.

سارحة مالك يا حبيبة..
ساهية و أفكارِك بعِيدة 🩷!!

حوجة عاجلة ..
محتاجين متبرع بالدم فصيلة A-
مستشفى السلاح الطبي عطبرة
رقم المرافق 0915136855

نمرق حبة بتقوي المناعة

يوميات علوب ...

( حبر ومداد) ....!!!

كان معانا واحد في الجامعة اسمو ( الحبر ) .....
تسمع ( الحبر ) تقول إمام الجامع ...!!

( إسم وقور صاح ...)

أها ( الحبر ) مرمط الاسم دا في الواطة دي ......!!!

( محبرة وانكشحت ...)

هو طبعا زول لذيذ شديد ...وصاحبنا شديد ...ولطيف شديد
وبراهو بقول لي أنا الجامعة دي مافي شي جابني ليها غير( البنوت ) ديل ....!!
ولا داسيها ...!!
قال هو من عشاق الجمال ...!!!

وبي أدب ....!!

مرات بقول شعر ....!! مرات بجدع دوبيت ....!!!
وأحيانا قف تأمل ....!! ☺️

وصراحة نظرتو مابتجلي ...وعينو نجييييضة ...!!

كنا مرات بنستدعيهو عديل كدا إذا حدث خلاف قانوني في تقيييم إحداهن ...!! فلدي ( الحبر ) القول الفصل ..!! والخبر اليقين..!!
نقول لي فلانة دي هسا سمحة ولا الحاصل شنو...!!

يعاين ليها كداااا وبدينا النتيجة .....!!
( في ملاريا ولا مافي...!! )

بعدين حافظ البنات السمحات ديل في الجامعة أكتر من المقررات ...!! وفِي كل الكليات..!!

( الحبر يعتمد اللامركزية نظاماً للحكم )

هو أصلا بقرا ( آداب ) قال لي أنا كان رغبتي هندسة بس خذلتني الرياضيات ....!!.،....( إتخيل ليك منظر )

قال لي كنتا شاطر فيها شديد لحدي ماظهرو ناس ( س ) و( ص ) ديل ...إتعقدتا منها شوية .....!!

ولمن دخلنا في ( المربع) ( وشبه المنحرف) أنا ذاتي انحرفتا

أها لمن ظهر ( جيب التمام ) ...!!
قال لي بديت اقنع
واليوم الأدونا فيهو نظرية الاحتمالات عرفتا إنو أنا إحتمال كبير أجلي فكرة ( هندسة ) دي أصلا
قال لي لحدي ما وصلنا ( جتا ) و ( جتا٢)

الواطا ضلمت ويووووم الظهرت ( ظتا )
قال لي طوالي ( شتتا )
..
قال لي إنتا ( جتا وظتا ونق ٢ ) ديل شنو هن ......!! ؟؟
إنس ولا جن ....!!!
نقعد نستنا ( شبه المنحرف ) لحدي ما ننحرف رسمي ... ونشارك في الجريمة دي .....يفتح الله ....!!!
طوالي اتخارجتا ...

المهم الله جابني ( آداب ) ( الحنينة ) دي ....!! هسا لو ما ( آداب ) دي زي ( سلافة ) دي كان نشوفا وين ....!!!

وصدق الحبر ) ...!!!

( كلنا سلافة ) .....!! 🥰

نحنا ذاتنا كنا بنجي ( مكركرين) من كليتنا نتفرج فيها ونرجع سامنها ( سلافة الزرافة ...)

أطول من العميد ......!!!

سماحة قاطعة ....وبعد دا كلو ظريفة .....تضحك مع أي زول زي المضيفة...!!

وأي واحد بتخيلا ضحكت معاهو حصريا ويرجع
مبسووووط ....!!! 😀

أها دي سلافة الفن ....!!
بت زي المطرة تهطل علي الجميع ....!!!
والله بدّي الجنة ......!!!

المهم ( الحبر ) بس كدا مغرم بالجمال أينما حل ...
حافظ البنات السمحات الفي الجامعة ديل حفظ ....!!
يقول ليك ( هويدا ) بت صيدلة ...( وسحر ) بت هندسة ....( أماني ) بيطرة ...وسعاد بت القانون ...

أها ( سعاد ) دي كمان ( كتاب ) برا ...!!

جاية من حتة بعيدة كدا في السودان الكبير دا ....لكن بالله الحق وقفت ليك بنات ( المنشية ) ديل إنتباه ...!!

سماحة أصلو مامعقولة ...مرات بتلبس توب ...!!
كرهت ليك البنات التوب ذاتو .....سامنها وكيل النيابة الأعلى ....!!

( حلا ووقار ) ...🥰

غايتو السودان دا شايل شيل ....!! الله يحفظو بس .....!!
بهناك كمان ( إنتصار ) أيقونة إقتصاد .....!!

إنتصار دي كمان نااااار ..قيامتا قايمة 🔥

الحبر قال ( إنتصار ) انتصرت للحق والفضيلة
والجمال ...
مفروض يعلقوها في مدخل الكلية ويدفعو ليها راتب ....!!!

مرات بصحح بيها يقول ليك فلانة دي جايبة ستة من انتصار وديك تمنيه من انتصار
غايتو إنتصار عبرت وانتصرت

أها دي ميزة البلد دي ....!! تنوع عجيب

( والحبر ) عندو ( مسادير) في البنات ديل ...لدرجة إنو نص بنات الجامعة عندهن خبر بالقصة دي ...وفِي مسادير اتسربت
مره قال في ( سحر ) بت هندسة دي
**
سحر سحرتنا بي ديسا وجمالا الهادي
وسحر كتلتنا خلقه لمن هناك بي غادي
وكت الليل يجن...! والجامعة ليا تنادي
ما بسمع غير سحر ...!! ساحراهو جوه فؤادي

أنا اخو السمحة .....✊كلام والله ....

قلنا ليهو إنتا سعاد ( القيامة ) دي ليي ماقلتا فيها حاجه

قال في سعاد مابقدر أقول مسدار
سعاد اللبن الحليب بالرُقاق الحار
سعاد ( كاتلاتا ) رقة وسماح ونضار
سعاد ( الزيت ) ...!!!
والزيت تحرم عليه النار

........هيييييع ....!!! أبشر ااالحبر

أها نوع الكلام دا بعجب البنات...!! فأصبحن يتقربن من ( الحبر )
كان يجدع فيهن مربوع ....

ومن حظيت ....عبرت..!!

الحبر بقي زي الزين .....!! مكتول في حوش الجامعة
تنتظره الحسناوات ليقول كلمة ...!!!!

والبنضم فيها الحبر ...زي الجابوها في غلاف مجلة
يذيع صيتها ...!! وترتفع إسهمها ....!! ويتردد صداها في ردهات الجامعة

أها لمت ليك فيهو ( وعد ) ....!!!
( وعد ) دي شهادة لندن ....!!

إسما ( وعد صلاح )