المهم إتفقنا إنو ما نكضب نحن كمان
نعرّفو نقول الحقيقة يعني دا ( التجاني ) جارنا وجاي معانا …
هو بعد داك براهو بعرف طريقو للمرمى
المهم اكتملت الخطة وقابلنا ( التجاني ) أديناهو ( نفخة ) كدا إنك من كبارات الحلة ووجهاء القوم …
تسمع الحلة تقول ( منهاتن )
وقلنا لي عايزنك تمشي معانا تبييّض
وشنا و ( وش ) العريس ..وبنبيّضك
( الأخيرة دي ريحتو ) …
اخد لي ابتسامة خفيفة كدا ..وأدى وشو
فوطة ..وتهيأ للمهمة
وطبعا ترحيب حار منو بالفكره وطوالي دخل في الشخصيه
قال هو ذاتو ماعارف ليه دايما الناس
بتجيهو في الأزمات 😳😳
( سواها أزمات المبعوث الخاص للأمم المتحده ) دا …
المهم جاء اليوم الموعود ود خالة منتصر العريس دا إسمو ( مبارك )حدد المواعيد ونحن اخترنا الوفد الرسمي البتكون
مني أنا و ( منتصر ) و( جعفر ) و ( إبراهيم )
( ود الحاجه ) استبعدنا من التشكيله
كان سُقنا بضحك وبقِد الشُغل
و ( مبارك ) دا عندو ( خالو ) مسكييين كدا إسمو ( النقر )
أها دا الممثل الوحيد والمعتمد للعايله المالكة دي
ومعانا طبعاً المحتال ( التجاني ) كمراقب دولي ….!!
المهم إتجهزنا
والتجاني بالعمة والجلابيه والمركوب وشايل لي عصايه كدا فيها راس أسد 🦁
( نزل عدة الشغل كلها )
واتوكلنا مشيناً على الجماعة ديل …!!
دقينا الباب فتح لينا ( ولدم )
اتفضلو ..اتفضلو
دخلنا …
لاقانا أبوهم
زول ( وقور ) كدا لكن باين على ( قطيم ) يشيل ويعاين لينا …!!
وجا واحد كدا قالو دا عم العروس
( أقطم منو )
وأخوها ياهو الفتح لينا الباب دا فرفوش كدا غايتو يشيل ويبرِم في شعرو …
وواحد تاني معاهم ما عرفنا تبع منو …شكلو ( تمومة جرتق )
كل دقيقتين بتكلم في التلفون
ظاهر علي سمسار …
وبتكلم بي صوت عالي قال للزول البتكلم
معاهو في ( التلفون )
إذا ما جابت ( مية ) ولا تفكر تبيع
على الطلاق دا راسمالا
( الطلاق ذاتو بكون متحير )
خالف كراعو يدق في بطن رجلو دي بي يدو وماسك التلفون بالتانية ويورجغ …!!
إنتو دقة الرجل دي شنو كمان فينا …؟؟
تسخينه ( دلوكة ) ولا شنو ..
ومره مره يدي الطاقية شنقة كدا لي
قدام …!
( سمساري قاطع )
انتهت المكالمة قال والله ( الدولار ) ذاتو حيرنا …!!
( غايتو جيب الجلابيه الشايفاها عيني دي ما أظن دخلو دولار) ..💸
يحيرك في شنو …!! ؟؟
والله كان حيرنا ما عارف
( غايتو لصيق شدبد في ( الأخدر )البتحرن ) 💵
( جعفر ) قرصني قال لي ( القرصان ) دا بكون بكوس لي في ( رهينة ) يتم معاهو شُغل …أعمل حسابك
قلت لي أفرض عايز يعمل كدا …
هو وينو الشُغل البتمو معانا …
جعفر ضحك لما سدا خشمو بي ( بلحة ) 😂
المهم يازول قعدنا
جابو لينا عصير كدا التجاني شفط لي شفطتين وقال كدا بدا الهجوم …
والله عمل لي هجمة سريعة كدا في بداية اللقاء قربنا نصفق …👏
قال ليهم غايتو أنا ماعارف لكن البلد دي
لو ما النفوس نِضفت ما بتنضف ..
أبو العروس فك التكشيرة شويه كدا
وزي عجبو الكلام دا ..
( التجاني ) بكون لمح علامة الصلاة في وشو ودقن خفيفة كدا ( غمتو في الصندوق )
وطوالي واصل الهجوم ( من العمق المرة دي )
قال ليهم الناس ( توحد الله ) بس وتخلى البتعمل فيهو دا …الناس بعدت كتير ..
عاينت لي ( عم العروس ) لقيت الجلابيه قصيرة شوية ..
عرفت ( التجاني ) لعبا بالمقاس …!!
زولك لاعب ( مان تو مان )
يازول جماعتك الكلام دا ريحم شديد
وأحدث نوع من الانفتاح ،.
خاصة عمك ( عم العروس ) دا
لما جينا داخلين قال لي ود أخو الفتح لينا الباب دا ..
إنت ( تِفتك ) دي ناوي تحلقا متين …!!؟
قام ( أبو العروس ) وياهو أبو الولد دا
قال لي …والله أولاد الزمن دا غايتو الله يقدِرنا عليهم بس …
ما يدل إنو البيت فيه ( يمين) …
و( يمين متشدد ) و ( الوسط )
التجاني قرا أجواء المباره مبكراً
ولعب بالأجنحة ..
والحلاوة والبلح مرصوصات قدامنا ….
زولك ينقرِش ويوزع في الباصات
( التجاني مقدم عرض أسطوري )
واخيراً ( النقر جا )
( هييييع خال العريس )
ثم تنهد وقال
( والله ياجماعة نحن جايين في خير
وجايين طالبين النسب ..وولدنا ( مبارك ) دا طالب يد بتكم ( سمية )
بس كدا وسكت
( النقر ) بكون بحفظ في الكلام دا يومين
ويشيل ويطبق في يدينو ويعاين في الواطا
التقول رايحه لي نملة 🐜
دي الجملة الوحيدة القالا وطوالي
رجع فعّل ال ( mute ) ..
سرت لحظة من السكون ( أبو العريس ) دا
قال والله مرحب بيكم أول حاجه وطبعا
الزواج دا قسمة نصيب وربنا يسهِل …!!
التجاني طوالي ( رفع كورنه)
قال الناس مصعبنها بس المسأله أبسط من كدا كتير
( من ترضون دينه وخلقه فزوجوه )
نسى ( إن جاءكم ) لكن ما مشكله وصّل المعنى مشكور …
كتيرة منك يا ( راستا )
وواصل الخطبة قال وبالنسبة لي ولدنا
( المبارك ) دا
( زادوا ألف ولام لزوم الاجواء والتفخيم )
نعرّفو نقول الحقيقة يعني دا ( التجاني ) جارنا وجاي معانا …
هو بعد داك براهو بعرف طريقو للمرمى
المهم اكتملت الخطة وقابلنا ( التجاني ) أديناهو ( نفخة ) كدا إنك من كبارات الحلة ووجهاء القوم …
تسمع الحلة تقول ( منهاتن )
وقلنا لي عايزنك تمشي معانا تبييّض
وشنا و ( وش ) العريس ..وبنبيّضك
( الأخيرة دي ريحتو ) …
اخد لي ابتسامة خفيفة كدا ..وأدى وشو
فوطة ..وتهيأ للمهمة
وطبعا ترحيب حار منو بالفكره وطوالي دخل في الشخصيه
قال هو ذاتو ماعارف ليه دايما الناس
بتجيهو في الأزمات 😳😳
( سواها أزمات المبعوث الخاص للأمم المتحده ) دا …
المهم جاء اليوم الموعود ود خالة منتصر العريس دا إسمو ( مبارك )حدد المواعيد ونحن اخترنا الوفد الرسمي البتكون
مني أنا و ( منتصر ) و( جعفر ) و ( إبراهيم )
( ود الحاجه ) استبعدنا من التشكيله
كان سُقنا بضحك وبقِد الشُغل
و ( مبارك ) دا عندو ( خالو ) مسكييين كدا إسمو ( النقر )
أها دا الممثل الوحيد والمعتمد للعايله المالكة دي
ومعانا طبعاً المحتال ( التجاني ) كمراقب دولي ….!!
المهم إتجهزنا
والتجاني بالعمة والجلابيه والمركوب وشايل لي عصايه كدا فيها راس أسد 🦁
( نزل عدة الشغل كلها )
واتوكلنا مشيناً على الجماعة ديل …!!
دقينا الباب فتح لينا ( ولدم )
اتفضلو ..اتفضلو
دخلنا …
لاقانا أبوهم
زول ( وقور ) كدا لكن باين على ( قطيم ) يشيل ويعاين لينا …!!
وجا واحد كدا قالو دا عم العروس
( أقطم منو )
وأخوها ياهو الفتح لينا الباب دا فرفوش كدا غايتو يشيل ويبرِم في شعرو …
وواحد تاني معاهم ما عرفنا تبع منو …شكلو ( تمومة جرتق )
كل دقيقتين بتكلم في التلفون
ظاهر علي سمسار …
وبتكلم بي صوت عالي قال للزول البتكلم
معاهو في ( التلفون )
إذا ما جابت ( مية ) ولا تفكر تبيع
على الطلاق دا راسمالا
( الطلاق ذاتو بكون متحير )
خالف كراعو يدق في بطن رجلو دي بي يدو وماسك التلفون بالتانية ويورجغ …!!
إنتو دقة الرجل دي شنو كمان فينا …؟؟
تسخينه ( دلوكة ) ولا شنو ..
ومره مره يدي الطاقية شنقة كدا لي
قدام …!
( سمساري قاطع )
انتهت المكالمة قال والله ( الدولار ) ذاتو حيرنا …!!
( غايتو جيب الجلابيه الشايفاها عيني دي ما أظن دخلو دولار) ..💸
يحيرك في شنو …!! ؟؟
والله كان حيرنا ما عارف
( غايتو لصيق شدبد في ( الأخدر )البتحرن ) 💵
( جعفر ) قرصني قال لي ( القرصان ) دا بكون بكوس لي في ( رهينة ) يتم معاهو شُغل …أعمل حسابك
قلت لي أفرض عايز يعمل كدا …
هو وينو الشُغل البتمو معانا …
جعفر ضحك لما سدا خشمو بي ( بلحة ) 😂
المهم يازول قعدنا
جابو لينا عصير كدا التجاني شفط لي شفطتين وقال كدا بدا الهجوم …
والله عمل لي هجمة سريعة كدا في بداية اللقاء قربنا نصفق …👏
قال ليهم غايتو أنا ماعارف لكن البلد دي
لو ما النفوس نِضفت ما بتنضف ..
أبو العروس فك التكشيرة شويه كدا
وزي عجبو الكلام دا ..
( التجاني ) بكون لمح علامة الصلاة في وشو ودقن خفيفة كدا ( غمتو في الصندوق )
وطوالي واصل الهجوم ( من العمق المرة دي )
قال ليهم الناس ( توحد الله ) بس وتخلى البتعمل فيهو دا …الناس بعدت كتير ..
عاينت لي ( عم العروس ) لقيت الجلابيه قصيرة شوية ..
عرفت ( التجاني ) لعبا بالمقاس …!!
زولك لاعب ( مان تو مان )
يازول جماعتك الكلام دا ريحم شديد
وأحدث نوع من الانفتاح ،.
خاصة عمك ( عم العروس ) دا
لما جينا داخلين قال لي ود أخو الفتح لينا الباب دا ..
إنت ( تِفتك ) دي ناوي تحلقا متين …!!؟
قام ( أبو العروس ) وياهو أبو الولد دا
قال لي …والله أولاد الزمن دا غايتو الله يقدِرنا عليهم بس …
ما يدل إنو البيت فيه ( يمين) …
و( يمين متشدد ) و ( الوسط )
التجاني قرا أجواء المباره مبكراً
ولعب بالأجنحة ..
والحلاوة والبلح مرصوصات قدامنا ….
زولك ينقرِش ويوزع في الباصات
( التجاني مقدم عرض أسطوري )
واخيراً ( النقر جا )
( هييييع خال العريس )
ثم تنهد وقال
( والله ياجماعة نحن جايين في خير
وجايين طالبين النسب ..وولدنا ( مبارك ) دا طالب يد بتكم ( سمية )
بس كدا وسكت
( النقر ) بكون بحفظ في الكلام دا يومين
ويشيل ويطبق في يدينو ويعاين في الواطا
التقول رايحه لي نملة 🐜
دي الجملة الوحيدة القالا وطوالي
رجع فعّل ال ( mute ) ..
سرت لحظة من السكون ( أبو العريس ) دا
قال والله مرحب بيكم أول حاجه وطبعا
الزواج دا قسمة نصيب وربنا يسهِل …!!
التجاني طوالي ( رفع كورنه)
قال الناس مصعبنها بس المسأله أبسط من كدا كتير
( من ترضون دينه وخلقه فزوجوه )
نسى ( إن جاءكم ) لكن ما مشكله وصّل المعنى مشكور …
كتيرة منك يا ( راستا )
وواصل الخطبة قال وبالنسبة لي ولدنا
( المبارك ) دا
( زادوا ألف ولام لزوم الاجواء والتفخيم )
😁5
( شوف التجاني متألق كيف الليلة )
قال نشهد له بحسن الخُلق والدين 👌
و ( مبارك ) يتبسم ساااااي
( هو ذاتو إسمو مُساعد )
( عم العريس ) قال ودا الأهم …ربنا يسوي الفيها خير …قرب يهِز فينا
ويشيل ويعاين للتجاني وبكل بإعجاب
( ماعارف حاجه ساكت ) 😂😂
اللحظة دي آذان المغرب أذن
أعمامك ديل قطعوا الإرسال و قطعوا أي حاجه ونادوا على الصلاة …
طلعنا الحوش كل شي جاهز والأمور ظابته
صلينا غايتو التجاني كان ليهو مراد يقولو
ليهو قوم صلي بينا ..
حافظ ليهو تلاته سور …لكن بحب الزعامه
المهم صلينا يازول …
ا
وجماعتك قالو خير إن شاءالله بتشاورو
وبدونا رد …!!
وقال كدا ( التجاني ) اتنفض
( قفل واحتفل )
( قفلة معلمين لكن )
وقف طوالي على حيلو قال الفاتحة 🤲
( بي نهرة كدا )
أها يا اخوانا أدونا الإذن وبارك الله فيمن زار وخف
اللهم اجعله زواجا مباركاً وميسر
لحدي ما قرصنا بي تحت قلنا لي
شورة …شورة يا تجاني لسا
أنا المستغرب ليهو جاب المقولات دي من
وين !!؟؟
( والله مدرسة يا تجاني )
( أريتا مدرسة السواد ) 😂
وفعلاً الجماعة أدونا خاطرم وبوادر
إرتياح تبدو علي محياهم …
خاصة بعد الركعتين الصلاهم التجاني
بعد المغرب ديل وهي ( سنة مؤكدة )
( كدا كتير يا تجاني )
واكتر مما هو متوقع والله
دي أعمامك بكونو لاحظو ليها وش
بكونو حافظنها حفظ ..
التجاني غالبا ماعارفا شنو
ذكرني صاحبي كدا مرة قال لي في سؤال
داير اسأل ليهو لي زمان ياعلوب بس خجلان إنت ( القنوت ) دا شنو …!!
تجاني لعب مباراة كبيره ومهد الطريق
لي زواج مبارك …!!
و( مبارك ) العريس داير يطير من الفرح فقد مرت الأجواء بسلام ..
فعلا ( الموافقة الأمنيه ) جات بعد كم يوم
مبارك شحد الله والله أدا …والعرس رابعة العيد ..
يشهد الله لو كانو عملو شهادة بحث عن ( التجاني ) دا كان اترفضت …وغرمونا
غايتو الحاجه الكويسة (عم مبارك ) الطاشي داك زووول جاب خبرو مافي
حيكتشفو بعد العيد ..!!😂
بعد داك غايتو إلا يساعدو بالدعاء 😂😂
لكن عم العريس الشافتو عيني ديل كان لِحق لمن عرِف بقيم عليهو الحد بقيمو
ودون ادنى شك
زول ( مُر )
( بشبه جمال الدين الأفغاني )
المهم غايتو احتفلنا بالتجاني كما لم يحدث من قبل …وعصرنا ليهو الفيها النصيب …
الله يهديك ويهدينا يا مان
هو البكضبو شويه …!!
على الأقل انت كضباتك حدها
( الفتة ) دي …!!
( كعب الكضِب الكعب ) 😎
طبعا عرس مبارك دا ولا مفكرين نحضرو
بكون ( مشفر ) …حدنا العقد بس مع جماعتك ديل
مبروك يا مبارك رغم التسلل …!!
بيت مال وبنون 🥰
ال VAR قال قون ..!!
قال نشهد له بحسن الخُلق والدين 👌
و ( مبارك ) يتبسم ساااااي
( هو ذاتو إسمو مُساعد )
( عم العريس ) قال ودا الأهم …ربنا يسوي الفيها خير …قرب يهِز فينا
ويشيل ويعاين للتجاني وبكل بإعجاب
( ماعارف حاجه ساكت ) 😂😂
اللحظة دي آذان المغرب أذن
أعمامك ديل قطعوا الإرسال و قطعوا أي حاجه ونادوا على الصلاة …
طلعنا الحوش كل شي جاهز والأمور ظابته
صلينا غايتو التجاني كان ليهو مراد يقولو
ليهو قوم صلي بينا ..
حافظ ليهو تلاته سور …لكن بحب الزعامه
المهم صلينا يازول …
ا
وجماعتك قالو خير إن شاءالله بتشاورو
وبدونا رد …!!
وقال كدا ( التجاني ) اتنفض
( قفل واحتفل )
( قفلة معلمين لكن )
وقف طوالي على حيلو قال الفاتحة 🤲
( بي نهرة كدا )
أها يا اخوانا أدونا الإذن وبارك الله فيمن زار وخف
اللهم اجعله زواجا مباركاً وميسر
لحدي ما قرصنا بي تحت قلنا لي
شورة …شورة يا تجاني لسا
أنا المستغرب ليهو جاب المقولات دي من
وين !!؟؟
( والله مدرسة يا تجاني )
( أريتا مدرسة السواد ) 😂
وفعلاً الجماعة أدونا خاطرم وبوادر
إرتياح تبدو علي محياهم …
خاصة بعد الركعتين الصلاهم التجاني
بعد المغرب ديل وهي ( سنة مؤكدة )
( كدا كتير يا تجاني )
واكتر مما هو متوقع والله
دي أعمامك بكونو لاحظو ليها وش
بكونو حافظنها حفظ ..
التجاني غالبا ماعارفا شنو
ذكرني صاحبي كدا مرة قال لي في سؤال
داير اسأل ليهو لي زمان ياعلوب بس خجلان إنت ( القنوت ) دا شنو …!!
تجاني لعب مباراة كبيره ومهد الطريق
لي زواج مبارك …!!
و( مبارك ) العريس داير يطير من الفرح فقد مرت الأجواء بسلام ..
فعلا ( الموافقة الأمنيه ) جات بعد كم يوم
مبارك شحد الله والله أدا …والعرس رابعة العيد ..
يشهد الله لو كانو عملو شهادة بحث عن ( التجاني ) دا كان اترفضت …وغرمونا
غايتو الحاجه الكويسة (عم مبارك ) الطاشي داك زووول جاب خبرو مافي
حيكتشفو بعد العيد ..!!😂
بعد داك غايتو إلا يساعدو بالدعاء 😂😂
لكن عم العريس الشافتو عيني ديل كان لِحق لمن عرِف بقيم عليهو الحد بقيمو
ودون ادنى شك
زول ( مُر )
( بشبه جمال الدين الأفغاني )
المهم غايتو احتفلنا بالتجاني كما لم يحدث من قبل …وعصرنا ليهو الفيها النصيب …
الله يهديك ويهدينا يا مان
هو البكضبو شويه …!!
على الأقل انت كضباتك حدها
( الفتة ) دي …!!
( كعب الكضِب الكعب ) 😎
طبعا عرس مبارك دا ولا مفكرين نحضرو
بكون ( مشفر ) …حدنا العقد بس مع جماعتك ديل
مبروك يا مبارك رغم التسلل …!!
بيت مال وبنون 🥰
ال VAR قال قون ..!!
❤21🥰1
اللهم صلِّ وسلِّم وبارك على نبينا محمد ﷺ
اللهم ارزقنا حبَّه، واتباع سنته، وشفاعته، وصحبته في الفردوس الأعلى.❤️
#الاء
اللهم ارزقنا حبَّه، واتباع سنته، وشفاعته، وصحبته في الفردوس الأعلى.❤️
#الاء
❤17
لا شيء يُبهرني كوقوفُ الله بجانبي في كلِ المواقفِ التي أرى أنها أكبرُ مني وأني لن أستطيعَ أن أتعدَاها وحدي، في كل مرةٍ يُبهرني برحمتهِ وبأنه قريبُ جدًا منا ويسمعُنا ويشعرُ بنا حتى وإن لم نكن نستحقَ وكنا مقصرين وحتى لو أن ذنوبنا كثيرةُ، لكنه الله يُبهرنا دومًا
❤31
«أشعرُ باستمراريّةِ الأشياء
الأيّامِ، والزمنِ،
واللحظاتِ
بينما أنا ما زلتُ هنا،
في البقعةِ ذاتِها
كأنّ الوقتَ يعبرُ من حولي ولا يعبرُ بي»
#إسراء
الأيّامِ، والزمنِ،
واللحظاتِ
بينما أنا ما زلتُ هنا،
في البقعةِ ذاتِها
كأنّ الوقتَ يعبرُ من حولي ولا يعبرُ بي»
#إسراء
😢15❤2
يوميات علوب
دي علوب الوحيدة القريتها انا ذاتي بحب …😍
وهذا هو السودان الذي أعرف…
✨️نجمه نجمه الليل نعدو ...🥰
وسعدية دخلت تتحنن ….
غايتو أنا أول مره أعرف السودان ده والسودانيين ديل من جوه كده شديد أيام التعداد السكاني ديك تتذكروها ...!!!
مش قالو فى متطوعين كده هم البعدو الناس ...
أها أنا كنت المتطوعين ديل ...!!
يازول لافين من بيت لى بيت نشيل ونعد وفى كل مره تقابلنى قصة وحكاية تستحق أن تروى وتقال
أها أحكي ليكم تلاتة مشاهد ....
المشهد الاول
دقينا ليك الباب ..!! جاتنا مره كده كبيره ..
اهلًا حبابكم ..!! إنتو منو ..!!؟
قلتا ليها نحن ناس (الإحصاء) أقصد التعداد ياحجه ...!!
قالت لى (التاج ) منو ..!!؟؟
قلتا ليها ما التاج ..!!
التعداد ...التعداااد ..!! يعنى العدادين ...!!
هيا أخوانا لكن أقول ليها شنو ...!!
قلتا ليها ...لا ...يعنى نحنا جايين نعدكم ...!!
نشوف إنتو كم ...!!!
والله عاينت لى كدااا... 👀قالت لى خلاص خليتو شغلتكم كووولها ....دايرين تحسبونا كم ..!!
حمدت الله إنها بس عرفت نحن دايرين شنو ..!!
أها ما اشتغلتا بى كلاما الباقى قلتا بسسس نحنا جايين نعدكم ...!!
وتعدونا في شان شنو ..!!!؟؟
سألت مستفسرة...
وهو سؤال منطقى وعلوب حاضر للإجابة...!!
نعدكم ياحاجه عشان نعرف عدد السودانيين كم ..!
قالت لى الجوه ولا البره ..!!؟
صفعتنى بهذا السؤال غير المتوقع ...!! )
قلتا ليها لا ...الجوه بس ...ههههه
( ضحكة كده لتلطيف الأجواء..!! )
والله ولا كشكرت لى بى ابتسامه ...!!
أها وبعد ماتعدونا ...!!!؟؟
قلتا ليها ايواااا سؤال وجيه ...!!
نعدكم عشان نعرف عددكم ...!!
أها وبعد ماعرفتو عددنا ...!!؟
( سؤال أجمل ..!! وفى محلو ..)
طوالى انبريت حسب الدورة الاخدناها
( بالمناسبة الدورة كانت مدتها ساعة ونص ...)
قلت ليها عشان الحكومة تقدر توفر ليكم الخدمات حسب عددكم ده ..ويكون عندها قاعدة بيانات ..!!
( قاعدة بيانات شنو ياعلوب إنت كمان )
شنو الغباء الإنت فيهو ده ..)
هى التعداد ماعرفتو ليك ...)
غيرت الكلام طوالى قلتا ليها يعنى يكون عندها معلومه إنو إنتوا عددكم كم ..!!
والسودان كلو عددو كم ..!!
وبى كده الحكومة تكون عارفه هى بتصرف على كم بنى آدم ...!!!
والله ياخوانا المره دى سمعت كلامى ده كلو ....!!
قالت لى هسه الحكومة دايره تعرف نحن كم ..!! عشان توفر لينا الحاجات ..!!
اتكيفتا كيف انها فهمتنى ...!!
قلتا ليها أى نعم ....!!
قالت قسم المولى قاسى ....والله ووالله ...تانى كان ساكت شفتك لافى بى هنا قسمتا بالله الا أدقك بى يدى دى ...!!
امشى تمشى بطنك ..!!
كان عندك شغلا اقضاها ...قال الحيكومه توفر ليكم ..!!!
هى وينا الحكومة دى بس فلاحتا فى الشيل واللفحى ...انت مما الله خلقك شفت ليك حكومة أدت ...!!
يديك اقول عليك شنو ..!! أمشي من هنا ...
وقول ليهم حاجه (كتيره ) طردتنا ..خلى الحيكومه التجينى هنا انا ذاتى كايساها ....
وكوووو رزعت الباب فى وشى ....!!! 😳😳
والله ياجماعة أنا بس صبت فينى مطره ....!!
بس عجبتني يديك اقول عليك شنو
ماداير تدعينا رغم الزعلة دي 😂😂
طوالى طلعتا ليك كراسى بتاع التعداد الصرفو لينا ...وكتبت من راسى ده ....منزل ١١٩ ..عدد أفراد الأسرة سبعة ...ثلاثة ذكور ...وأربعة أناث ...
وعلى القسم مفروض حاجه ( كتيرة ) دى اكتبها براها أربعة ...كيفتنى فى حنانى الحاجه دى ....مبروك ياكتيره والله مكانك وزيره .....!!
مشهد تانى ..!!
ديل مشينا نعدهم لقيناهم بفطرو ...!!
يازول حرام وحليفه وطلاق إلا نفطر معاهم ...
معاى واحدة كده وهى برضو موظفه فى الحكومة ومشرفه على الإحصاء ...
قدر ما اعتذرنا وقلنا ليهم نحن شغالين ...قالو نحن حلفنا ..!! معقوله صينية الفطور فى قدامنا وماتفطرو ...الكلام ده ماعيب ..!!
والله مانعد ..!! لو مافطرتو ....!!
يازول أمام هذا السيل من الإصرار طوالى قعدنا الفطور ...!! ضربنا ليك الفول والبيض والسلطه مع الجماعة ديل..وعملو لينا كبدة
وهم يازول هم فرحانين بينا شديد... هم من النوع داك البحب الضيوف ..!!
وجرو جابو بيبسى من الدكان ...!!
يازول والشاى دور ...(انا ذاتى نسيت نحنا جايين لى شنو ..!! ) 😂
وطلعت الموظفة الجات معاى دى عندهم بيها علاقه كده ...نسابه ولاشنو ماعارف ..المهم دخلت مع النسوان جوه ...وأنا هنا مع الرجال ديل ونسه شديده وجبنا سيرة الهلال والمريخ ودخلنا فى نقاش ..ومرات نقاش حاد ...!! وجات القهوة ..!!
وأنا أخدت لى تكيه فى السرير ... ورشو الحوش ..💦💦
عندهم مكيف مويه ساااقط شغال ..وريحة البخور تقول ياغربتي …والله النعسه الدخلتنى مامرقت ..!!
دي علوب الوحيدة القريتها انا ذاتي بحب …😍
وهذا هو السودان الذي أعرف…
✨️نجمه نجمه الليل نعدو ...🥰
وسعدية دخلت تتحنن ….
غايتو أنا أول مره أعرف السودان ده والسودانيين ديل من جوه كده شديد أيام التعداد السكاني ديك تتذكروها ...!!!
مش قالو فى متطوعين كده هم البعدو الناس ...
أها أنا كنت المتطوعين ديل ...!!
يازول لافين من بيت لى بيت نشيل ونعد وفى كل مره تقابلنى قصة وحكاية تستحق أن تروى وتقال
أها أحكي ليكم تلاتة مشاهد ....
المشهد الاول
دقينا ليك الباب ..!! جاتنا مره كده كبيره ..
اهلًا حبابكم ..!! إنتو منو ..!!؟
قلتا ليها نحن ناس (الإحصاء) أقصد التعداد ياحجه ...!!
قالت لى (التاج ) منو ..!!؟؟
قلتا ليها ما التاج ..!!
التعداد ...التعداااد ..!! يعنى العدادين ...!!
هيا أخوانا لكن أقول ليها شنو ...!!
قلتا ليها ...لا ...يعنى نحنا جايين نعدكم ...!!
نشوف إنتو كم ...!!!
والله عاينت لى كدااا... 👀قالت لى خلاص خليتو شغلتكم كووولها ....دايرين تحسبونا كم ..!!
حمدت الله إنها بس عرفت نحن دايرين شنو ..!!
أها ما اشتغلتا بى كلاما الباقى قلتا بسسس نحنا جايين نعدكم ...!!
وتعدونا في شان شنو ..!!!؟؟
سألت مستفسرة...
وهو سؤال منطقى وعلوب حاضر للإجابة...!!
نعدكم ياحاجه عشان نعرف عدد السودانيين كم ..!
قالت لى الجوه ولا البره ..!!؟
صفعتنى بهذا السؤال غير المتوقع ...!! )
قلتا ليها لا ...الجوه بس ...ههههه
( ضحكة كده لتلطيف الأجواء..!! )
والله ولا كشكرت لى بى ابتسامه ...!!
أها وبعد ماتعدونا ...!!!؟؟
قلتا ليها ايواااا سؤال وجيه ...!!
نعدكم عشان نعرف عددكم ...!!
أها وبعد ماعرفتو عددنا ...!!؟
( سؤال أجمل ..!! وفى محلو ..)
طوالى انبريت حسب الدورة الاخدناها
( بالمناسبة الدورة كانت مدتها ساعة ونص ...)
قلت ليها عشان الحكومة تقدر توفر ليكم الخدمات حسب عددكم ده ..ويكون عندها قاعدة بيانات ..!!
( قاعدة بيانات شنو ياعلوب إنت كمان )
شنو الغباء الإنت فيهو ده ..)
هى التعداد ماعرفتو ليك ...)
غيرت الكلام طوالى قلتا ليها يعنى يكون عندها معلومه إنو إنتوا عددكم كم ..!!
والسودان كلو عددو كم ..!!
وبى كده الحكومة تكون عارفه هى بتصرف على كم بنى آدم ...!!!
والله ياخوانا المره دى سمعت كلامى ده كلو ....!!
قالت لى هسه الحكومة دايره تعرف نحن كم ..!! عشان توفر لينا الحاجات ..!!
اتكيفتا كيف انها فهمتنى ...!!
قلتا ليها أى نعم ....!!
قالت قسم المولى قاسى ....والله ووالله ...تانى كان ساكت شفتك لافى بى هنا قسمتا بالله الا أدقك بى يدى دى ...!!
امشى تمشى بطنك ..!!
كان عندك شغلا اقضاها ...قال الحيكومه توفر ليكم ..!!!
هى وينا الحكومة دى بس فلاحتا فى الشيل واللفحى ...انت مما الله خلقك شفت ليك حكومة أدت ...!!
يديك اقول عليك شنو ..!! أمشي من هنا ...
وقول ليهم حاجه (كتيره ) طردتنا ..خلى الحيكومه التجينى هنا انا ذاتى كايساها ....
وكوووو رزعت الباب فى وشى ....!!! 😳😳
والله ياجماعة أنا بس صبت فينى مطره ....!!
بس عجبتني يديك اقول عليك شنو
ماداير تدعينا رغم الزعلة دي 😂😂
طوالى طلعتا ليك كراسى بتاع التعداد الصرفو لينا ...وكتبت من راسى ده ....منزل ١١٩ ..عدد أفراد الأسرة سبعة ...ثلاثة ذكور ...وأربعة أناث ...
وعلى القسم مفروض حاجه ( كتيرة ) دى اكتبها براها أربعة ...كيفتنى فى حنانى الحاجه دى ....مبروك ياكتيره والله مكانك وزيره .....!!
مشهد تانى ..!!
ديل مشينا نعدهم لقيناهم بفطرو ...!!
يازول حرام وحليفه وطلاق إلا نفطر معاهم ...
معاى واحدة كده وهى برضو موظفه فى الحكومة ومشرفه على الإحصاء ...
قدر ما اعتذرنا وقلنا ليهم نحن شغالين ...قالو نحن حلفنا ..!! معقوله صينية الفطور فى قدامنا وماتفطرو ...الكلام ده ماعيب ..!!
والله مانعد ..!! لو مافطرتو ....!!
يازول أمام هذا السيل من الإصرار طوالى قعدنا الفطور ...!! ضربنا ليك الفول والبيض والسلطه مع الجماعة ديل..وعملو لينا كبدة
وهم يازول هم فرحانين بينا شديد... هم من النوع داك البحب الضيوف ..!!
وجرو جابو بيبسى من الدكان ...!!
يازول والشاى دور ...(انا ذاتى نسيت نحنا جايين لى شنو ..!! ) 😂
وطلعت الموظفة الجات معاى دى عندهم بيها علاقه كده ...نسابه ولاشنو ماعارف ..المهم دخلت مع النسوان جوه ...وأنا هنا مع الرجال ديل ونسه شديده وجبنا سيرة الهلال والمريخ ودخلنا فى نقاش ..ومرات نقاش حاد ...!! وجات القهوة ..!!
وأنا أخدت لى تكيه فى السرير ... ورشو الحوش ..💦💦
عندهم مكيف مويه ساااقط شغال ..وريحة البخور تقول ياغربتي …والله النعسه الدخلتنى مامرقت ..!!
❤6👍1
خلاااص حيلى بقى ماشايلنى ...الراجل قال لى ياخ ماتاخد ليك تكيه ..أصلو بعد ده ما أظن تقدرو تمشو ..!!
قلتا ليهو ليه خير ..!!؟
قال لى (سعديه ) ذاتا دى الظاهر النسوان مسكوها (تتحنن ) معاهم ..
إنتو قايلين ( سعدية ) دى منو ...!!؟
سعديه دى الموظفة الجات معاى ....!! سعدية دخلت تتحنن .....!!!!! 😳😂😂...
طوالى طلعتا كراسى وكتبتا منزل رقم ٣٢٠ ..!!
قلتا ليهم عددكم كم إنتوا..قال أي حاجه تجى منك حلوة ....
قلتا ليهم نقول تسعة .. قالو لى ماكتيره ..!!
كمان يدونا عين ...
طوالى عملتا ليهم تخفيض ..وكتبتا عدد أفراد الاسرة ....سبعة ...أربعة ذكور وتلاته نسوان بمية راجل ...وسعدية دخلت تتحنن ..!!!
مشهد أخير ...!!
دقيت الباب كده طوالى فتح لى راجل صبوح كده كبير شويه فى السن ..سلم على بحرارة وصوتو هادئ كدا …
قلتا ليهو نحنا ناس التعداد ….
قال لي أيوا واضح من الشعار ألفي لبستك دى ..
قلتا ده تمام ..أها انتو عددكم كم ..!!؟
قال لى معقوله كده فى الباب اتفضل ..
ياوهيبه ...(قال لينا وهيبة دى زوجتى ...) كورك ليها تعالى ..ديل إخوانا ناس التعداد ...!!
( وهيبة ) لبست توبا وجات سلمت علينا ..!!
الحقيقة لاحظتا البيت كلو لوحات 🌆🌄🎑قلتا ليهو الظاهر بتحب الفنون قال لى أنا فنان تشكيلى ودى لوحاتى ..!!
(.الحقيقة لوحات قمة فى الجمال ...)
قلتا ليهو ماشاء الله ..حاجه رايعه..!!
وماناخد من زمنكم ..!! اها عدد أفراد الاسرة...
قال لى اتنين...!! شافنى اندهشتا كده قال لي مالك نحن اتنين أنا وو( هيبة ) دى الحقيقة ماعندنا أولاد ربنا ماقسم لينا ...
أنا شعرتا بشوية إحراج كدا …وهو لاحظ ..!!
قال لي ماتتحسس أنا وو( هيبة ) دى متزوجين لينا طمنطاشر سنة ...والله على أجمل مايكون …!!
وأخد ليهو ضحكة كده …قال لى بالله مره عظيمه ذي دى مش حرام يشاركوك فى حبها أولاد
( وهيبة ) قربت تبكى ...!!
وفعلا أنا لاحظتا انو نص اللوحات المرسومة دى كانت لى ( وهيبة )
والله انا ذاتى داير أبكي …ياخ ديل ناس عظيمين ..!!
يازول جابو لينا العصير ووهيبة جرت عملت القهوة
وكل الجمال وهبوه ليك …!!🥰😍
واتونسنا معاهم والراجل أهداني لوحة وودعناهم بحب ....!!
وطوالى طلعتا كراسى وكتبتا منزل ١٢٠ عدد أفراد الاسرة ...
( لوحتين ..) 🫶
( إنتوا ما بعدوكم …إنتو ببروزوكم ) …🎑
بالله دى أمة يعدوها ..!!
ديل ناس يعددو خصالم وبس ....اتذكرتا حاجه (كتيره ...) وياهو داك الكراس خاتيهو فى الدولاب ذكرى عطره من هذه التجربة ..
والسودان أغلى وطن ..لابنعد لا ليهو تمن ... !!
وسعديه دخلت تتحنن ..!!
كانت لنا أيام 🌹
ربي مناي تعيدا..
قلتا ليهو ليه خير ..!!؟
قال لى (سعديه ) ذاتا دى الظاهر النسوان مسكوها (تتحنن ) معاهم ..
إنتو قايلين ( سعدية ) دى منو ...!!؟
سعديه دى الموظفة الجات معاى ....!! سعدية دخلت تتحنن .....!!!!! 😳😂😂...
طوالى طلعتا كراسى وكتبتا منزل رقم ٣٢٠ ..!!
قلتا ليهم عددكم كم إنتوا..قال أي حاجه تجى منك حلوة ....
قلتا ليهم نقول تسعة .. قالو لى ماكتيره ..!!
كمان يدونا عين ...
طوالى عملتا ليهم تخفيض ..وكتبتا عدد أفراد الاسرة ....سبعة ...أربعة ذكور وتلاته نسوان بمية راجل ...وسعدية دخلت تتحنن ..!!!
مشهد أخير ...!!
دقيت الباب كده طوالى فتح لى راجل صبوح كده كبير شويه فى السن ..سلم على بحرارة وصوتو هادئ كدا …
قلتا ليهو نحنا ناس التعداد ….
قال لي أيوا واضح من الشعار ألفي لبستك دى ..
قلتا ده تمام ..أها انتو عددكم كم ..!!؟
قال لى معقوله كده فى الباب اتفضل ..
ياوهيبه ...(قال لينا وهيبة دى زوجتى ...) كورك ليها تعالى ..ديل إخوانا ناس التعداد ...!!
( وهيبة ) لبست توبا وجات سلمت علينا ..!!
الحقيقة لاحظتا البيت كلو لوحات 🌆🌄🎑قلتا ليهو الظاهر بتحب الفنون قال لى أنا فنان تشكيلى ودى لوحاتى ..!!
(.الحقيقة لوحات قمة فى الجمال ...)
قلتا ليهو ماشاء الله ..حاجه رايعه..!!
وماناخد من زمنكم ..!! اها عدد أفراد الاسرة...
قال لى اتنين...!! شافنى اندهشتا كده قال لي مالك نحن اتنين أنا وو( هيبة ) دى الحقيقة ماعندنا أولاد ربنا ماقسم لينا ...
أنا شعرتا بشوية إحراج كدا …وهو لاحظ ..!!
قال لي ماتتحسس أنا وو( هيبة ) دى متزوجين لينا طمنطاشر سنة ...والله على أجمل مايكون …!!
وأخد ليهو ضحكة كده …قال لى بالله مره عظيمه ذي دى مش حرام يشاركوك فى حبها أولاد
( وهيبة ) قربت تبكى ...!!
وفعلا أنا لاحظتا انو نص اللوحات المرسومة دى كانت لى ( وهيبة )
والله انا ذاتى داير أبكي …ياخ ديل ناس عظيمين ..!!
يازول جابو لينا العصير ووهيبة جرت عملت القهوة
وكل الجمال وهبوه ليك …!!🥰😍
واتونسنا معاهم والراجل أهداني لوحة وودعناهم بحب ....!!
وطوالى طلعتا كراسى وكتبتا منزل ١٢٠ عدد أفراد الاسرة ...
( لوحتين ..) 🫶
( إنتوا ما بعدوكم …إنتو ببروزوكم ) …🎑
بالله دى أمة يعدوها ..!!
ديل ناس يعددو خصالم وبس ....اتذكرتا حاجه (كتيره ...) وياهو داك الكراس خاتيهو فى الدولاب ذكرى عطره من هذه التجربة ..
والسودان أغلى وطن ..لابنعد لا ليهو تمن ... !!
وسعديه دخلت تتحنن ..!!
كانت لنا أيام 🌹
ربي مناي تعيدا..
❤16👏2
يَستحيي المرءُ من سترِ ربِّه، وفَيضِ كرمِه الذي يَغمره، رغم ما فيه من تقصيرٍ لا يَعلمه إلا الله..
فكم من نعمةٍ نعيشها، وكم من ذنبٍ يستره الله، وكم من تقصيرٍ يقابلُه بفضله وإحسانه؛ فالحمد لله على ستره وعظيم كرمه
فكم من نعمةٍ نعيشها، وكم من ذنبٍ يستره الله، وكم من تقصيرٍ يقابلُه بفضله وإحسانه؛ فالحمد لله على ستره وعظيم كرمه
❤35
" زي م كتبت صفية.."❤️.
•أنا بتمنّى إنّو "ضُل الراجِل"
اللي حـ أقِيف فيهُ مُستقبلًا ده
يكُون كافِي
بالقدر اللي ما يخلّي شمس
أي حُب قديم تأذِيني
أو حتّى ترسِّل لَي شُعاع!
ضُل كما التّوبَة؛
يجُبُّ ما قبلَهُ مِن حُب
ويكُونُ فِيهِ تمَام الكِفايَة❤️
#الاء
•أنا بتمنّى إنّو "ضُل الراجِل"
اللي حـ أقِيف فيهُ مُستقبلًا ده
يكُون كافِي
بالقدر اللي ما يخلّي شمس
أي حُب قديم تأذِيني
أو حتّى ترسِّل لَي شُعاع!
ضُل كما التّوبَة؛
يجُبُّ ما قبلَهُ مِن حُب
ويكُونُ فِيهِ تمَام الكِفايَة❤️
#الاء
❤49
مؤسسة زهير
بتقدم منح في شكل( دفع الرسوم الدراسية كاملة) لطلاب الطب المتعسرين
المنح فاتحة هسي لو شالوك طب في جامعة حكومية في السودان وما قادر تدفع الرسوم
وبالله عليكم الشخص المستطيع يترك الفرص لغيره
دا الرابط
zuheirfoundation.org
المنحة خاصة بالطب بس
وبالجامعات الحكومية.
شير في الخير ممكن تنفع طالب وتنقذ مستقبله.
وما تفعلو من خير فإن الله به عليم 💙
بتقدم منح في شكل( دفع الرسوم الدراسية كاملة) لطلاب الطب المتعسرين
المنح فاتحة هسي لو شالوك طب في جامعة حكومية في السودان وما قادر تدفع الرسوم
وبالله عليكم الشخص المستطيع يترك الفرص لغيره
دا الرابط
zuheirfoundation.org
المنحة خاصة بالطب بس
وبالجامعات الحكومية.
شير في الخير ممكن تنفع طالب وتنقذ مستقبله.
وما تفعلو من خير فإن الله به عليم 💙
❤8
"الإعتراف بمزايا الآخرين صفة الأنبياء:
( وأخي هارون هو أفصح مني )
وإنكار مزايا الآخرين من صفة الشيطان : ( قال أنا خير منه )..
#الاء
( وأخي هارون هو أفصح مني )
وإنكار مزايا الآخرين من صفة الشيطان : ( قال أنا خير منه )..
#الاء
❤12👍3