وفي بداية السنة الهجرية الجديده 1446 ه
⁣كُل عامٍ ونحنٌ نشهدٌ أنَّ لا إله إلاّ اللّٰه وأنَّ مُحمد رسول الله
اللَّهُم اجعَلُها سنـة تُغَاثُ فيها قُلوبُنا ولا يَضِيقُ لنا فيها صَدرٌ ولا يَخِيبُ لنَا فِيها رجاء يااارب
وان يعود للسودان امنه وامانه..

ياشباب السلام عليكم ورحمة الله عايز ضروري تشوفو لي متبرعين بالدم لي عمليه قلب مفتوح في مستشفى مروي *المستشفى الصيني* عايزين 10 متبرعين بالدم فصيله A+ *الحوجه يوم الاتنين* التبرع العملية يوم الثلاثاء إن شاءالله
نزل رقمي دا بس إتصال
0914253918
الثلاثاء الموافق
09/07/2020

ناس بيتنا كلهم اتخارجو برة السودان من بداية الحرب وجيت أنا مدينة النيل سكنت في بيت اختي ورافض امرق نهائي برة البلد
بيتنا الكبير في الصافية لكن مافي درب ليهو
المهم قاعد في بيت كبير براي ما معاي زول ومرات بمرق مرقات صغيرة أجيب احتياجاتي وأرجع أو امشي لبعض المعارف القليليين القدرت احصل عليهم
بطلع الزلط بشوف هناك موقف الركشات واثناء ما ماشي عليهو بلاحظ لي ولد صغيير موقف ركشتو تحت ضل شجرة مطرفة وقاعد براهو .. بلقاهو ماسك تلفونو ومشغول عشان كدة ماقاعد ارفع ليهو يدي بالتحية بعدين شكلو مابوحي انو بتاع ركشة مع قصة الشعر الحديثة دي والوجاهة والمظهر الاستايل والهدو المحير وسط جوطة شارع الوادي .. بس كمان فيهو ميزة غريبة اثارت انتباهي وخلتني اركز معاهو وهي إنو كتير جدا بجو ناس مارين مجموعات ويكوركو ليهو (ميدو) ويقوم يرد عليهم التحية برفعة يد
مرات عساكر لابسين رسمي ويكوركو ليهو بنفس الطريقة ميدو ويرد عليهم بنفس الحركة الميكانيكية .. والله ياجماعة حتى العساكر الراكبين مواتر برضو بسلمو عليهو وهم ماشين
الود اثار انتباهي
مرة وقريب المغرب جيت عابر بيهو ولقيتو منتبه مع التلفون وقفت قدامو قلت ليهو مشوار ياولدنا
طوالي قال لي مرحب أركب
ركبت ودور الركشة وقال لي وين قلت ليهو ماشي الجبنة
ضحك وقال لي عندك محل جبنة معين ولا اوديك محل زابط قلت ليهو وديني محل يعجبك
وداني محل ظريف جدا لمن نسيت جو الحرب .. بيت عادي أتحول لمقهي كويس ونضيف والناس قاعدين بمزاج
قلت ليهو مادام جبتني هنا ياميدو يبقى لازم تقعد معاي وترجعني محل ماجبتني قال لي وهو كذلك قلت ليهو بس أنا ماداير اتقهوج أنا طالب شيشة عديييل يعني حا ااخرك بس بديك حقك كامل قال لي برضو ما مشكلة لانو دي جمبتي البقعد فيها
قلت ليهو طبعا عرفتك إسمك ميدو لانو شايف الناس بكوركو ليك بالاسم دا
ابتسم وما رد علي وكان مشغول بالملعقة في كباية الجبنة
قال لي إنت نازح زينا مش كدة قلت ليهو فعلاً قال لي نزحت من وين قلت ليهو الصافية قال لي أنا من بري وقاعد حاليا في بيت ناس خالتي ومعاي جزو من الأسرة قلت ليهو الأحوال زابطة قال لي اكتر من زابطة تحويلات جد بتجينا من برة لدرجة عملت منها الركشة دي لانو عربيتي اتجازفت من بداية الحرب
قلت ليهو فعلا انت مابتاع ركشة جامد لانك بتقيف بعيد من الموقف قال لي لاني متابع حاجات باقي الناس ماخاتين ليها بال والجوكية ديل كمان ضاربين غلبة اليوم كلو ف لقيت أحسن أقيف بعيد منهم
قلت ليهو بتتابع وضع الحرب مش
قال لي هو في الوضع الكارثي دا بنتابع وبنحاول نساعد قدر قدرتنا هسي قبل كم يوم لقيت واحد فردتنا من ناس الثورة ديل عندو دكان في البيت فتحو مطعم وموقعو ممتاز بس شغال علي قدر حالو قدرة صغيرة وبعمل فول وشغلتو مخستكة ياداب يقدر يطلع بي خمسة ألف آخر اليوم اقنعتو بالفكرة وجبت ليهو حلة كبيرة بقينا نشد ربعين فول ونوزعها بارباح هامشية بحيث انو يطلع مصاريفو ومصاريف الولد البغسل الصحانة .. الموضوع مشى كويس حبنا حلة اكبر منها شديناها عدس وجبت لي صاحبي مساعد وجبنا للولد البغسل الصحون مساعدين وزدنا عدد البروش البقعدو فيها الناس وماشاء الله زباين مايدوك الدرب وكمية من العساكر .. اها جا مرة زول شاب كدة قال لي معليش ممكن كلمتين على انفراد قلت ليهو جدا .. ساقني عربيتو ولقيتو سايق بوكسي نضيف كدة وركبت معاهو وراني انو ضابط وانو مرة رسل عساكرو يجيبو ليهو فطور وإكتشف انو البنعمل فيهو دا تكية عديل بس معمولة بطريقة ذكية وانو هو فترة شغال بتاع امداد وبعرف يحسب الأمور دي كويس وعبر لي عن سعاتو بشغلنا وقال لي إنت بطريقتك بتحفظ حاجات جوة البني آدم ما ممكن تتحفظ بسهولة
قاطعتو وقلت ليهو بتجيبو القروش من وين
قال لي ركشتي دي بعيدة من الموقف مش عشان القروش بس لكن عشان أعرف الاوضاع اكتر
قلت ليهو أنا معاكم ياميدو وبقدر أدفع ليكم البقدر عليهو كلو
ميدو قعد يضحك ويعاين وانا طبعا مستغرب من الحاجة البتضحك في كلامي .. كلما اندهاشي يزيد ميدو بواصل في الضحك والحركات .. قال لي الحركة دي بقت مكررة ومضحكة معليش اعذرني بس الغرض من الحاجة البنعمل فيها دي ما الخلاص الفردي يعني إنك تدفع العليك وتساهم مساهمتك وتمشي ماكدة خليني نوسع الحتة دي شوية ونحاول نخلق مجتمع متفاعل أكتر.. بدل ماتدفع إنت وتخلص نفسك ليه ماتبقى منصة لي غيرك وتشوف مساهمتم شنو .. مايرضو انت بتعرف ناس دايرة تساهم وماعارفة تساهم كيف .. ياخ عندك انا مثلا بديت أحكي ليك عن حلة الفول والعدس بسعر تكلفة التشغيل ونحن أصلا ما اتعارفنا كويس ملاحظ الحاجة دي .. كان ممكن اكتفي باني عملت العلي وانها صدقة سر وكدة لكن لا انحنا مافي المرحلة دي انحنا في مرحلة توسيع المظلة لاكبر عدد .. أنا الليلة متابع حركة النزوح من سنجة وسنار واهوال الطريق والوصول للقضارف أو الفاو وكل نقاط التجميع دي وامكانية تقديم أسهل واسرع الخدمات والتواصل مع الناس الفي التماس

ميدو مع الكلام قهوتو بردت ف اعتذر لي يمشي يجيب قهوة تاني ويجي
قعدت أفكر في الولد الوجيه الاستايل بتاع الركشة البقيف براهو تحت ضل شجرة بعيد من موقف الركشات.. فكرت في وجهة النظر الخاطئه تماما الكنت خاتيها عنه وفكرت في الامكانيات العالية البتمتع وفكرت في الساعات الطويلة القاعد اقضيها انا من قناة لي قناة والقرف والسهر في الفاضي
ميدو جا قعد وطوالي قال لي اسمع انت داير تحاكينا ليه يعني وتعمل نفس البنعمل فيهو نحنا وداير تدينا نحنا ليه .. انت ماعندك زول في القضارف ولا سنار زول مضمون فل الفل .. زول مافيهو ولا نضمة .. اتواصل معاهو ياخ وشوف ناسك البرة السودان وعندهم امكانيات كويسة وشوف رقم حساب زولك وابدو شغل .. ماتسمع كلمة نازح دي وتتخيل نفسك بتتعامل مع متسولين قاعدين في باب الجامع لانو الحكاية معقدة اكتر من كدة بكتير لانهم ديل اكارم ناس بس بدون مايحسو وقعو في فخ الحرب والنزوح والحوجة الماسة دي القاعدة الدايرك تختها في راسك لو داير تخش في الدرب دا وماتنسى تطرح الموضوع دا لي اي زول بتعرفو عندو امكانيات مساهمة لانو هو برضو داير الزول البنقذو ويساعدو ينفق مالو كيف
.
الليلة اليوم التالت مع ميدو في القهوة وشغالين ترتيب للموضوع ولقينا واحد صاحبنا ود حلال من ناس القضارف
المهم يوم يومين بالكتير وبنبدا بداية سمحة .. ادعو لينا معاكم
____ سهل الطيب 💚💚

Listen to صلاح بن البادية،، نبني مجدك يا بلادي by ░▒▓█ αɓ∂αℓɦαҡαɱ █▓▒░ on #SoundCloud
https://on.soundcloud.com/yiABc

#حوجة_استاذ
الحرب اللعينة 💔
جات علينا في كل عزيز ع قلوبنا
م اتمنيت يجي يوم واكتب حوجة ل عزيز💔
الليلة الحوجة دي حقتنا نحنا ك أبناء ام روابة ياريت كلنا م نقيف في الحوجة دي ساهم معانا ان شاء الله بالشير 🙏💔
الليلة الحوجة دي من زول مننا وفينا من ام روابة ياتو يوم هو نحنا ما اتكاتفنا ارح نشيرها يد لي يد تجدع بعيد الف مني والف منك حنشيل الأجر مع بعض

دين 100 الف ومواد تموينية 50الف
المبلغ الكلي:150الف جنيه سوداني
رقم الحساب :2989410 نهال الطيب فضل

ياحي ياقيوم برحمتك أستغيث أصلح لي شأني كله ولا تكلني إلى نفسي طرفة عين. 💙