الوضع في عندهم في غز*ه ما عليه مدسه من زول
نكتف يدنا ونعاين ليهم ونبقي خصم ليهم يوم القيامه إننا ما ساعدناهم 😪
📍اتواصلت مع جهات ضمان ح توصل التبرعات ليهم ان شاءالله
📍مزاد علي 2 مليار وان شاءالله نحن قدرها والزياده خير 💚
📍لو ما عندك ما توقف شير
بنكك 2612096
فوري 51723569
0960888547
محمد آدم احمد

يوميات علوب

صابر معاك صبراً طويل
كاتم الألم…

زمان كدا كان عندنا عرس في الحلة
يازوووول يدقو ليك في الصيوان دا من الصباح
والناس دي داخلة ومارقة أي زول بحس العرس دا حقو …😍
وفي الجماعة ( البِتكلو ) جنب الحيطة ديلاك
لا بجدعو لا يجيبو الحجار شغالين تنظير بس …

الغريبة اول ناس بفطرو

والنسوان بي جوة قيامتن قايمة وناس فوزية يشيلن ويعاينن طبعا ديل بيرصدن اي تقصير او انقطاع في الإمداد والتموين

( ديون المراجع العام )

لذلك أهل العرس بستبسلو في الخروج بالمباراة نضيفه


المهم يا زول أليل الليل وكان الشوط التاني ( عشا )
وصحانة ( الكوكتيل ) تتطاقش

اسم عالمي ( كوكتيل ) قال ليك

غايتو السودان دا الذّ بلد في العالم والله
الله يرجع الخارجيات دي …!!

جعفر قال لي عمتي بتقول ( كوفتيل )
مرة كدا كنا في عرس قال لي ( صحني ) دا الظاهر مضروب …
قلت لي كيف يعني ..؟؟

قال لي في زول جازف ( الباسطة ) و ( الورِك ) بتاع الجدادة دا ( منتف ) كدا شكلو مستعمل …
ضحكتا ضحك


المهم نفس الناس الكانو ماسكين ( الماركتنغ )
و( التوزيع ) الصباح ظهرو تاني …
بكونو مشو نامو وجو كارين

( إنها الحرب )

وتبدا عمليات الشحن والمنوالة والتفريغ الليلية في مينا سواكن دا …!!

ناس الكجم غالباً ماخذين ( دورة ) بكون هو
و ( المغيرة ) وبقية العصابه راصدين ( الصينيه ) الفيها الصحانه دي من المصنع وخط السير حتى الوصول …!!
غالبا بكون عملو رسم بياني للقصة دي
لأنو في لحظة معينه كدا بياخدو ليهم جريه خفيفة كدا معاها ( نطة ) …بجيبو الصحن دا من الجو في عمليه استخباراتيه دقيقة إسمها ( الحدية )
لاتقبل الخطأ و لو ثانية..
الغريبة حتى ( البيضة ) في صحن الكوكتيل دا
ما بتقع لدقة التفيذ ….!!
تلقاها ( تتهوزز ) في الصحن وتصل بسلام قبل وصول الصحن للضيوف

المهم هسا الكلام دا كلو ما القصة
القصة في ( الحفلة )

عندنا فنان كدا …في الحلة إسمو ( صابر )
بقولو ليهو صابر ( جركاس ) …
النصيحة في الأول كان سامنو صابر ( الكلب ) عديل كدا
( زي ما بقول ليكم ) ( أنا آسف )
لكن دا الحاصل ..أها لقو ( الكلب )دي حارة شوية سمو صابر ( جركاس ) اسم الدلع لي داك

قالو الزول دا قاعد يعّووي ما بغني ..
المهم لقبو المتداول بين الجماعة تحت تحت
ياهو دا ( اسف تاني )

لكن أعمل شنو لازم احكي ليكم القصة زي ماهي

المهم ( صابر ) دا مقتنع إنو فنان ومفتكر إنو بالمشاركات دي بعمل ( تسويق ) لي نفسو

بمناسبة التسويق دي انتو وين ( محي الدين أركويت )
غايتو ( محي الدين أركويت ) و( حسبو للعقارات )
ختوها للاعلانات ….0/6
الله يعلم حتى إعلاناتكم ( الملصّقة ) دي إشتهيناها
قريب دا انا كنت حافظ رقم ( محي الدين ) دا نهايتو
واحدات …111

كدي اركويت خلي نرجع لي ( جركسة ) دا

جركاس أي حفلة بجي بغني حتى اذا لم توجه له الدعوة
( ودا عادة البحصل ) فكان أكبر ( دبيب ) عرفته الأوساط الفنية …
ماعندو علاقة بالغُنا
بجي قاشر وعندو كريشة صغيرة كدا
وطوااالي بحك في نخرتو دي …

( ياربي بظبط بيها الصوت )

الجماعة أول ما يشوفو في الحفلة بستغفرو ( شيطان بس ) وواحدبن بمشو عديل بخلو الحفله يقول ليك …( صابر جا )

المشكله هو زول طيب كدا ومسالم
يعني ما بتقدر تكرهو .. لكن كرّه الناس الغُنا
…وفي واخدين يعتبروها استراحة محارب وفاصل إعلاني كدا على بال ما فنان الحفله الأصلي يجي

المهم يازول جهزو ليك المسرح عبارة عن
( ترلا ) كدا …فارشين ليك فيها الصيوان …!!

(( الصيوان تطير عيشتو شغال أي حاجه
( عقِد وفطور وحفلة ))

الغريبة بشتغل ( بكيات ) برضو
بس الوردة 🌸بتكون حزينة كدا بحِسّ بيها 🥀

شوف السودان دا حلو كيف ً

( حتى صيوناتنا حنينة )


( شذى زهر ولا زهر فاين الظل والنهر )

أها ( صابر ) جا ليك مقشط بالبنطلون والقميص وداخل في الشخصية عايز ياخد حصتو من الحفلة …

والناس بتخجل كدا ما بتقدر تقول لي ما تغني
( نحن ما حساسين كمان )
خاصة انو الراجل جاي في مهمة طوعية …واثبات وجود

المهم الفنان داك ( نها ) الفاصل بتاعو …ومشو يتعشو ( عشا الفنانين ) …
دا كمان برنامج تاني ( عشا الفنانين ) دا …!!

بكون فيهو الطيبات كلها ماعندو علاقة ب ( الكوفتيل) دا
ولازم تكون في ( ضلعة ) 🍗في النُص ماعرفتو فنان ولا ( أسد) 🦁
( العشاء الاخير )

( غايتو من ( عشا الفنانين ) دا وقف البلد دي ما ضاقت عافية )

اها عندننا صاحبي كدا إسمو ( مبشر ) دا بتعشى إلا مع الفنانين ديل …

قال اللي أستأذن أنا مواعيد عشانا جات

وعندو ترتيبات خاصة

بجي يسلم عليهم زي الكأنو عازف معاهم …
وعندو كم لزمة كدا موسيقيه حافظا بتخليهم يثقو فيهو

يعني أول ما يدخل بقول لي ( العازفين ) يا اخوانا
اهم حاجه بتاع الساوند دا ياخد من الأرضي وما يوصل مباشره عشان صوت الكمنجات والاكوردبون يظهرو والمايك تحت الايقاعات يكون بعيد شويه ..
كدا بكون انتهى منهم كلو كلو
بعد داك بقبل على بتاع ( الساوند )
بقول لي ما تخليهم يدوك من العداد …وصل من الخط الساوند دا ببوظ
( بريحو ليك في حنانو وبكسب ثقتو بختو في جيبو
ودا الوحيد الممكن يكتشف انو الزول دا
( بعام ) …!!

ومثل هذه الملاحظات الفنيه الدقيقة تجد هوى في نفوس العازفين 🎻🎻🎹 طوالي بدوهو فرقة يقعد معاهم
وهو ( اللزمة) الوحيده الجابتو ياهو ( العشا ) دا
تشوفو قاعد وبتناقش معاهم تقول بشير عباس
في النهايه بعزف ( الضلعة ) دي ( صولو )
بقش خشمو ويبقى مارق …!!

جاني ليك مندّي وشايل لي قزازتين بيبسي
اداني واحده …قال لي جايبين ليهم صندوقين
التقول فرقة ابو اللمين كلهم سبعة

وبي جاي ( صابر ) بدا يسخن ..
عندو بتاع ( اورغن ) زيو كدا اسمو ( بحاري ) برضو بعزف لي روحو …
بقول ليك الليله ضاربين ( عداد )
والله الا عداد كهربا …!!

( يكون ياربي دا الزول القالت ليهم دي قروش الزول الما بعرف يعزف ) …!!!؟؟؟

اها اول ما فتح ( الأورغن ) وبدا يوصل حاجاتو ….الناس بدت تتململ التقول فتح لغم …!
وتعليقات بعض البنات ( قاتله )
اقلا تعليق …

( بِس ..😾 خلاص جا الكريه )

غايتو يا ( صابر ) كان سمعت التعليقات دي كان اعتزلت
الغُنا
غايتو بعد شويه كدا الناس بدت تتعايش مع الوضع

( ما خلاص أمر الله حصل )

فيحتسبو الدقايق الجايه دي مع صابر صدقة جارية لوجه الله ودمغة جريح

أها في عز الأجواء دي واحد كدا الظاهر ( سكران )
مسك ( المايك ) داير يقدم الحفلة …
شكلو كويس كدا مافي زول ( شك ) فيهو لكن العيون واقعة شويه

المهم زولك دا مسك ( المايك ) لصق خشمو فيهو
قال ( تست ون ) ( تست ون ) الجماعة قايلنو بتاع الساوند
انا مره سالت بتاع ( ساوند ) كدا قلت لي انت
( تست ون )دي شنو …!؟؟
وليه ما بتقولو ( تست ون ) ( تست تو ) ( تست ثري )
نوع من التنويع يعني ..
( وهي كلمه انجليزيه صميمة تنسجم مع ما يقوم به من واجب )

وكانت إجابتو محبطة ..
قال لي والله ما عارف بس نحن مما قمنا
لقينا زملانا القدامنا بقولوها كدا فبقينا نقولا

تسمع زملانا تقول الزمالة البريطانيه …
ومركب ليك السماعات تحلف تقول طيار في القطرية

لكنً بي امانه بتاع الساوند دا اكتر زول بديك احساس بالفرح
اول ما تشوفو بدا يركب حاجاتو دي …بتتكيف كدا
بديك احساس الحفلة


أها نرجع لي موضوعنا

زولك ( السكران ) دا بعد ( التسته ) دي
قال نهني العروسين وما بعرف شنو وكلام ملتق كدا
وقال إسم العريس غلط ..

وهنى ليهو كم واحد كدا ما عندهم أي علاقة بالحفله ..مافي زول عرفم

( الظاهر ديل الجماعة الكان قاعد معاهم )

وجات ( الطامة ) الكبرى
اتنحنح كدا وقال الان مع الفنان …
صابر الكلِب أو ( جركاس ) كما يحلو لمعجبيه

يا زول 😳😳😳😳

غايتو مطرة وصبت ..!!

وحالة من الوجوم والصمت انتظمت الحفل ….
والجو اتكهرب والناس دي بقت تتضاير

وفي واخدين حكّو إضنينم إنو هل الزول دا فعلا قال كدا ولا سمعو غلط ولا الحاصل شنو

والله ولا سمعو غلط ولا حاجه …
الزول دا قالا فضل لي يهوهو ….!!

هو حسب الفي راسو قايل الكلام دا مجاز ومشروع وبنقال عادي ….

ولأول مره ( صابر ) رغم جلدو التخين دا راسو جاط ( المؤمن مصاب )
وأصيب بحالة من الذهول والاحباط
وبدا عليه الإحراج الشدبد ولأنو زول طيب ومسكين كدا ما قدر يقول حاجه لكن كل علامات الانكسار بدت عليه
وانسحب من مكان الحفل

( نحن كمان في السودان الزول الضحية دا بنركز معاهو )

وهنا بدت كل عبارات الاستهجان توجه لهذا السكران
وصلت درجه الشتايم
ويلا اطلع من هنا يا سكران يا حيران ياعديم التربية والأخلاق يا ما مهذب
المهم موجة عارمة من الاستنكار والشجب والادانة
على هذا الفعل الشنيع
وقام البعض بإبعاده بالقوة
يلذلذو فيهو وهو زي مندهش كدا إنو في شنو
ما الناس دي كلها بتقول صابر جركاس …

( لكنه جهر بالمعصية وليس كلما يُعرف يقال )

المهم ضايرو ليك ادا وفي واحدين لحقو ليك بي ضربات خفيفة كدا في الرقبه زفة عريس
لحدي ماتم إخلاءه من مكان الحفل

وقبلو ليك على ( صابر )
يازوووول تضامن انساني رهيب لم تشهده الحله قريباً و شبكو ليك …
ولا يهمك يا فنان …دا واحد سكران ساكت ما تشتغل بيو
والما بتلحقو جدعو وانت الكبير والسكران في ذمة الواعي يا استاذ

يا استاذ ..!!؟؟؟؟؟ 😳😳

المهم انهالت عبارات الاطراء والمديح
وفي واخدين كدا اسرفوا في ( التلج )
واحد قال ليهو دا بكون مرسلنو ليك بعض أنصاف الفنانين عشان يحرجك أمام جمهورك

( جمهورك !؟؟؟؟😳😳😳

( غايتو الأخيرة دي ريحت صابر شديد )

اخد لي بسمة كدا وسط المعمعة دي
وهو ماعارف نفسه ( رُبع ) ما تامي


المهم تضامن عالي المستوي جعل صابر يستعيد بعض توازنه …
ورغم انه اعتذر عن الغناء لوقع الصدمة لكن اصرار الناس بكثافة ومحاوله التخفيف من هذه الكارثة
جعلته اكثر مرونة
في واحد قال ليهو على الطلاق تغني …!!
وامام هذا السيل الجارف من التضامن وجابت ايها طلاق كمان زولك ( فصل ) وهو اصلا قاعد على الهبشة
والمباحثات دي كلها في الشارع
المهم جا خاشي تاني …
وسط موجه من الاحتفاء والتصفيق الحار

( نحن كمان لما نقوم للتضامن كعبين )

( بننسى كل الماضي والماضي ولى وفات )

وفي واحدات رقيقات كدا هزتهم هذه الإهانة
وشالتن الهاشمية طوالي ( زغردن ) لما صابر دا جا خاشي

أها هنا صابر داير يطير

أول زغردة يلقاها في حياتو الفنية الجبرية

والصفقة دورت …وصابر وقف ليك في السنتر
والكرشة …( رغم انو محروم من عشا الفنانين )
ووجه كلمة بهذه المناسبة ..

قال شكرا ليكم وياها المحرية

( والله انت كان عرفت المحرية الحد جد مارتجي هنا ذاتو )

قال هو الحاجات دي ما بتهمو …!! وإنو جاي يغني
للناس اولاد الناس ما للسكارى …
تاتي الصفقة دورت …
( أنور ) بي تمت قال لي أريتك كان اخترت السكارى

وبتاع الاورغن يتبسم ساااكت الليلة أمام النور والجمهور
طول زمنو دا يعزف للحيًط
واتنفش كدا وبدا ينقرِش 🎹🎼استعدادا للفاصل
والسجارة في الاصبعين الاخيرات ما في النص

( جدعة كدا )

في اللحظة دي في ناس حست انها استعجلت في مبادرة رأب الصدع دي …وما كان أصلا تصل المستوى دا …وكتار شعروا بالندم …

حتى البنات الزغردن…قالن يعني هو حيغني ..!!؟؟؟😳
اللهم لا اعتراض في امرك

المهم ( صابر ) استعاد كل لياقته وبدت عليه علاماته
( العظّمة ) بعد ( العضمة ) الرماها ليهو السكران دا
ودخل في الشخصية
ومع نقرشة الاورغن بدا همس اللحظات الاخيره
بين الفنان والفرقة المكونة من ( بحاري ) بس

لاختيار اغنية البدايه والسلم المناسب 🎼🎹
( غايتو الا سلم المطافي )

مشاورات زي خمسة دقايق كدا ..

( وهذه ان يفعلها محمد الامين )

والجمهور عالق في المسافةً ديك بين الدكتور لما يكون بظبط في ( الحقنة )؟وبين داير يديك بيها ..

( مسافة أخير منها الحقنة )

في أطول لحظة مرت على الجمهور الصابر …

واخيراً تم اختيار ( البابا ) وطلع ( الدخان الأبيض)
وكانت ( عيش معايا الحب عيش معايا حناني ) 🎶🎼

هي الاغنيه الوقع عليها الاختبار لتدشين حق العوده
( التقول مُلحنا )

ولم يدر ( صابر ) أنه سيُعيّش الجمهور على اعصابه

ومن شدة ما صابر انتشى مسك المايك 🎤بي بطرف الاصابع كدا خشى في ( عركي ) المجرم

وقال كدا نبّح

وإيييييه يضرااااك تسأل في يووووم علي يا غالي
وإنت وحداااك عااارف همي عارف حالي

صوتك كعب ياخ
( فعلا الزول دا صوتو صوت كلب )

وواصل النبيح

وكيف أوااااصل صبري في الطريق الخالي

( خليناك للخلا يا صابر )


والجماعة بي تحت شغالين
الله يضرك يا استاذ
والله صحي كيف بدونك تصبح الليالي ليالي

الأغنية حلوه إلا صابر عضعضا عضعيض انتهى منها

غايتو وكت وصل الليالي ليالي دي
انا عايز أجدع لي لحمة ..

الزول دا فعلا بعوعي ويستحق اللقب

والجماعة بي تحت لايكين القرض
ودا الحاجة قال لي والله مافي زول ضرانا غير الزول دا

وخالةًالعريس فجرت ليها زغرودة كدا
هو قائلا ليهو يبشر كمان …
ولم يدر أنها فرحه ( خاله ) ماعندهاعلاقة بي أي حاجه غير تحية ود اختا
حتى لو البغني ترباس ……!! خلى جركاس


وغني صابر ليلتها بمزاج عالي ( خاص بيهو طبعا )
والجمهور مزاجه متقلب بين التضامن ومخرجات المرحلة الوصلو ليها دي …

المهم كانت أطول دقايق تمر في الحفلة
لحدي ما انتهت ( وصلة ) صابر واالكانت عبارة عن وصلة كهربا جلدنا بيها كلنا ..
وارست لمبدا مهم في التفريق بين حبر الخواطر
وجلد الذات …

المهم ( صابر ) اداناعفاصل من الهوا التقيل وبقي مارق

وقبل ما يتخارج غنى لي اغنيه هجاجة كدا بتاعة بنات …الود دمو خفيف

البنات تاتي قالن
بِس …😾

في حب يا اخوانا اكتر من كدا

وفي واحد الظاهر من شدة الزعل وصابر مارق بعد الفاصل المداري دا
براحه كدا قال ليهو ( ابدعتا يا كلب ) بس الحمد لله ما سمعا كان جلدنا تاني



وناس كتار شاكين إنو ( صابر ) استعان بالسكران دا
عشان يعلي ( الأسكور )

المهم الحفلة انتهت وصابر ودانا الخور

وارجى الأيام واستنى آمالي بين نيراني 🎹

( اصدق ما غنيت با جركسة )

والهجر مهما يطول يرجع حنانك تاني

ان شاءالله رجوع مؤقت يا صابر …وياريت تواصل الهجران يا فنان


المشكلة إنو الفنان الأصلي اكتفى بالفاصل الاول
الحفله اتفرتقت بي ( شكلة )

في واحد الظاهر ًغمز لي بت عينو …😜قبل ما يفتحا 🤓الكراسي دي اتطايرات زي الفراش ….و ( البُنية) دورت 👊ما بتعرف جايه من وين

( طلطاشر ) زرارة طارو …وتلاته ( بواريك ) مفقودات

بقت علينا ( صابر القاسي ) وموقعة ( ذات الكراسي )

والجماعة القلتهم ليكم قبيل بتاعين الفطور والعشا
مدورين باركوها ويحجزوا في الناس
( شبعانين العواليق ) شغالين قوات حفظ سلام
( الكوماج ) دا بهدد مصالحم

ولو كان جفيتني ورحتا خليتني وحدي برايا

مش كان أخير ليك ولينا تخلينا وحدنا برانا يا أبو الصا

اختانا عليك الله قبل ما نجيب سيرة البحر

هو هو

قال عيش معايا الحب قال …
والله عشنا معاك الحرب قبل يوما …!!

وتاني ( هو )

ورغم كل ذلك تبقى أجواء السودان وقتها تخفف كل شيئ ولمة الناس تغسل النفوس والضلعة تطير
يبقى السودان هو الكاسر فينا ( ضلعة ) 💕

ومع ليالي الوحدة والشوق حنينو معايا

جركااااااااس ….😱

قلتو …


الطيب عبد الماجد

باقي لينا 693
الشير الشير💙

ي قلب كنت قايلك تعبت من تعب السفر 💔

‏​‏​‏​​​‏​‏​‏​‏​‏​‏​‏​​‏​‏​‏​​‏​‏ ‌‏{أما السفينة} ، {وأما الغلام} ، {وأما الجدار} ... أمور ظاهرها المصائب و الابتلاءات ، و باطنها الرحمات ... {رحمة من ربك} ؛ فخيرة الله خير للعبد من خيرته لنفسه ... فلا تقلق! ..»💙

جمعة طيبة ⁦🌸

سورة الكهف - ماهر المعيقلي⁦❤️⁩

بركة الجمعة الجامعة..
والملائكة السامعة..
ربّنا مايحوجك لي أحد..
وأغنيك عن كلّ أحد..
شاحدة الله اليه المستند..
وعليه المعتمد..
الواحد الفرد الصّمد..
لا شريك له ولا ولد..
ياخد يدك من الضّلال للرّشد..
وينجيك من كلّ ضيقٍ ونكد..
يكفيك شر سواد النفس..
وكسرة القلب وواليوم البلا حياة..
والحياك البلا روح..
ووفاة الروح قبل الجسد..
والجسد البلا عافية..
يرزقك الخير كيمان كيمان..
يفتحها عليك من أوسع ابوبه..
محل ماتقبل عديلة وخضرا عليك..
يخدر ضراعك ويسهل امرك..
وينور دربك..
عافيه منك عفواََ من حديد..
ومن البلد البعيد..
ومن كيد البكيد..
ومن الحزن الشديد..
يغطيك وينجيك..
ويطرح البركة فيك..
وقدر ما دُرت يديك..💙

ببركة الجمعة يدينا ويرضينا ويرضى عننا ويدي مننا ويحن ويمن علينا
امين ياكريم💙

ال17اسرة تمو بفضل الله
لكن حنخلي باب التبرعات فاتح 😍😍لحوجة طالبه متعسره في رسوم دراسية
الاشعار مهم💙 ف التعليق وضح تابع ليه..
ممتنين والله
بنكك 2666730
حاكمه محمد المهدي

+249117274431

بارك الله في ال اشياء وشيركم وتبرعاتكم جزاكم الله عنا خير الجزاء ..فرحة الايتام بالدنيا وجبر الخاطر ل الخالات ماهين عند الله
جبر الله خواطركم💙🫂

الشاي باللبن برادو لابس تاج🩵

دكتورة تشهيك المرض 🤍
م شاءالله 🤍

ما كان يعجزه تمام امورهم ولكنه ولحكمة استعملك الحمد لله الذي بنعمته تتم الصالحات حوجه الايتام تمت بفضل ربنا وتوفيقه شيركم وتبرعاتكم.
اتجمعت كفاله 20 اسرة التوتل مليار و200الف اللهم بارك اللهم بااارك🥺💙
اللهم لكل من أعان يتيمًا أو فقيرًا، وأدخل السرور على قلبه الضعيف والمسكين نسألك يا الله أن تدخل عليه سرورًا في بيته وقلبه وأن تبارك له في نفسه وماله وولده. 💙
نلتقى في بآبـ عطآء آخر
جُل الأماني أن يستعمل

باقي لينا حوجة الطالب بس..💙🔥
يدكم معانا نتمها اسي

اللهم إني أعوذ بك من الهم والحزن، وأعوذ بك من العجز والكسل، وأعوذ بك من الجبن والبخل، وأعوذ بك من غلبة الدين وقهر الرجال..