شوف الأبو ذاتو إسمو منو ...!!؟
( تخجل يالحبر ) ....!!

سايقا ( صلاح ) ....!!

أها ( وعد ) .... اللسان من الانجليزي لما معووج ...وهي خدورية ولذيذة كدا ...!! كل يوم لبسة جديدة ...!! وكلها حركة وحيوية ( شغل لندن كمان .....)

وهي مع ناس ( الحبر ) في آداب ....!! علي الانجليزي العليها دا...!! ماخدة فرنسي وروسي ..!!

أبو الزفت ( التلاته في مجلس الأمن )

( زي ذي عادي بكون عندها حق الفيتو ) !!


( الحبر ) قال لي أول مادخلنا الجامعة كان بتحكي لينا أفلام كدا حضرتا بالإنجليزي ....وبي نفس ( الاكسنت ) بتاع الخواجات داك ...!! قايلانا دفعتا ....!!

ونحن الوكت داك جايين بي ( برزنت كونتينيوس تنس ....) ...!!!
والمنقطا فينا ورهيب شديد ( برزنت بيرفكت كونتينيوس تنس ...) ( الاتنين مع بعض بيرفكت وكنتنيوس ) .....!!!
دا مقفل
تعبو فينا ساكت ستفونا ( قواعد ) وخلو الانجليزي ...
لكن بعد داك طقطقنا زي ماقال الكتاب

المهم قال لي هي تحكي ونحنا مافاهمين ولا حاجه أول ما تحكي حاجه مضحكة في الفيلم بنضحك معاها ....!!! نشوفا صرت ..بنصُر 😠....!!

بس شغالين معاها كد...!! باص وخانة

يعني لو يوم حكت عن حادث في الفيلم ونحنا ضحكنا كان الضحك شرطنا ....!!

الغريبة قال لي كانت بتقول لينا أسماء الأبطال ديل عشان تحفزنا نحضر الفلم قايلانا بنعرفم ...!!!

( دا بسمو الإفراط في التفاؤل وحسن الظن ) ...!!

قالت ( دياز ) كانت روعة روعة و amazing
في الفلم الأخير ...!!

( هو الاول ذاتو وينو ...!؟؟ ) ..😳

واحد صاحبنا اسمو ( التاج ) متفلسف كدا قال ليها ماغريبه عليهو دايما أدوارو متميزة .....!!!

طلعت مرا 👩....🙈🙈

( التاج أسبوع غايب من الجامعة ) ....!!!

ماشاءالله تبارك الله ربنا يغتي عليها ( كاميرون بت دياز ) بالرفاء والبنين إن شاءالله .....!!

عليك الله شوف الناس دي في شنو ...ونحنا في شنو .....!!

أها( وعد ) قالت لي ( الحبر ) قالو بتقول ( شعارات ) ...!!!
اتخيلو البت دي قاصدا شنو بي ( شعارات ) دي ....!!؟؟
قاصدا الشعر والقصايد البقولا ( الحبر ) دي ...!!
دي معناها لو دايرا تقول ( مسادير ) ...

نجهز أنبوبة الأكسجين ....!!!

مافي حل .....!! حتفقد سوايل .......

( الحبر ) طبعا لو مالجامعة ومجانية التعليم دي ....هو ووعد دي إلا يتلاقو في الأستوب 🚦....!! )

يازول حسا ليك بي عظمة قال ليها .....!! أيوا بقول...!! ويالسمحة خاتي القول ...!!

عليك الله اتصلح معانا يالحبر شنو خاتي القول ....!!
وشن بقول .....!! وأنا اخوك يالسمحة ....!!
والكلام البفلق دا .....
هي ( وعد ) دي ...الشعر قالت شعارات .....!!
شابكنا خاتي ....!!! وبعاتي ...!! داير تكتل البت ...صاح ..!!!

طبعا نوع الكلام دا بالنسبة ليها عبارة عن اللغة الأمهرية ....
تكون هسا بتقرا لي الشاعر الانجليزي ( بيرسي شيلي ) شعر الخواجات المسيخ داك ........
أنا وأنت ( زنبقتان ) 🥀🥀تتفجران أحاسيس ....
نتكي علي ضفاف التيمز ...!!! 🌞
ونسرق لحظات من صمت الكون .....
وتلتقي أرواحنا علي صفحة الميلاد

( الله يرحمك ياعتيق ) ...!!!

عتيق قال ….
ليك نفرة الغزلان مع جبرة الفرسان في هيبة المنصور
يعيش السودان 🙌
هسا دي بتكون عاملة كيف ؟؟

عذبونا الخواجات ا( بالزنبق) دا .... أي قصيدة فيها زنبقة ....لي هسا أنا ما عارفا شنو ...!!

بس إحساسي بقول لي انها ( قنبلة ) .....!! 🌚

المهم ( وعد) بقت لو ما لاقت ( الحبر ) ما بترتاح...!!
ونحنا مستغربين في العلاقة بين ( التيمز ) ونهر ( الدندر ) دي ........!!!
يازول خلت الورا والقدام ....!!! بس مركزا ليك مع ( الحبر ...) دا
والحبر يتجرجر ....( ليلة القدر وجاتو) ....!!
لقيناها تشرب معاهو في الشاي في كافتيريا (ضاربه ) كدا جنب الجامعة اسمها كافتيريا (العائلة السعيدة ) .....

عايلة واحده ماشفناها جات لآفة هنا مما جينا الجامعة دي ....!!!

وسعيدة كمان .....!!! 😳

الله يغفر ليكم بس .....!!

غايتو أهلها كان شافوها قاعدة هنا كان نفضوها ....!!!
كويس إنو شاي....!!
دي لو أكلت كان اتسممت وسجنو ( الحبر ) ....!!

يبدو أن ( وعد ) تفتقد لهكذا أجواء .... لقد أخرجها ( الحبر ) من الصندوق ....!!!
وعرفت أن هناك مدينة تتنفس غير التي تعرفها ...وهناك ضجيج وحياة ....!!
وبعيدا عن مكيفات الهواء الرطبة ...وسكون الغرف المغلقة ...!!هناك شمس تلسع وتداوي ....!! وأناس طيبون يمتلئون بالإحساس والدفء... 💕
وخلف مدينتها توجد مدينة أخري موازية لكنها علي النقيض ..وعلي طبيعتها ..دون مكياج وبلا رتوش ....!!

( وعد ) أحبت هذا الواقع ....لكنها لم تستطع أن تتأقلم معه
فالطبع يغلب التطبع ....!!وفشل (الحبر ) رغم هذا التقارب
إنو يقطع ( مسدار ) في ( وعد ) ....!! فالمسدار يستوجب الصدق والإحساس ...وكيمياء الروح ....!!
( وعد ) تجيد الإنجليزية لكنها متعثرة في المحلية ....!! تعيش معنا وفكرها مع ( دياز ) ....!!!
( الحبر ) قال لي ( وعد ) دي زي بت ( أم لعاب ) سمحة ومتمرة إلا ما طاعمة ....!!
قلنا ليهو والله طاااعمة مالا الا انت مُر
يضحك سااي

خلينا مع القمري السوداني الأصيل البقوقي دا ...بنات يشفِقن
....!!! سلافة بكل هذا الجمال الطاغي وكت تقول ليك
( أصلو ما بصدق ) ....لما تفهم حاجه ...!!
وتشعر وقتها أنك داخل السودان الحنان .....!!!
وعد بتقول ...( اووه ماي قود ..) ....!!

تجاذبنا أطراف كل هذه الذكريات بعد أن التقيت ( الحبر) صدفة في مجمع الجوازات ....وَيَا لها من صدفة ....!!!

ياهو ( الحبر ) ذاااااتو بكل عفويته وعذوبته ..... إتقالدنا واتطايبنا مساااافة .....!!!

قلتا ليهو أوعي بس تكون لسا متابع السمحات ....!!! ضحك جنس ضحك ...قال لي فضلو فيها سمحات ...طارت لينا في راسنا دا ....!!

اشششش براحة ديك المدام الجاية ديك ....!!!

( صدق من سماها الحكومة)

فعلا وصلت زوجته ....سلمتا عليها قال ليها دا ( علوب ) صاحبي شديد وفردتي من الجامعة ودي ( تماضر ) زوجتي وطبعا ماكانت معانا في الجامعة ....!!
قلتا ليهو سلامة الله شافك كان قبضتك بالثابتة ...!!
قعدو يضحكو الاتنين ....!!
قال ليها علوب دا بتاع مشاكل ...!قلتا ليهو أقوووول ...

قال لي قول ..أتحداك ..(معاها غمزة في العين ...) 😜

قلتا ليها بالجد انت محظوظة...!! ( الحبر ) راجل كلس وخاتي القول كان مميز في كل حاجه ....( لما قعدت تتبسم ) ...☺️

قلتا ليها حتي إختياراتو كانت مميزة ...!!
قالت لي ( سجم خشمنا ) اختياراتو ياتا ...!!؟؟
(سجم ....!! وخشم ) تعالي يا ( وعد ) اخدي ليك نقلة
وشوفي الكلام ...!! وحلات النضم ...!!!
قلتا ليها زول يشيل الإنجليزي تخصص رئيسي ومعاهو
تاريخ ...دا مازول جدير بالاحتفاء ....!!؟؟
( كبير ياعلوب ) ( الحبر لما آمن ) ...!!

( ما عارفاهو كان شايل سلافة و إنتصار ) ..

أداني ليك حضنة قوية وقال لي في أضاني ....!!! عزيتني ياعلوب بردها ليك ....( أنا ذاتي صدقتا ...!! )
قلتا ليها صدقي زولك دا خلي الهندسة عشان رغبتو العظيمة دي ...!!
بس في اللحظة دي ( الحبر ) ضحك شديد قال لي هيااا علوب ما كلمتك ما اكتشفتا ليك ناس
( جتا وظتا وسين وصاد ...)
طلعو ديل البطيرو الصواريخ ...🚀 وبشغلو النت ...وبدورو الطيارات ...!! ✈️ .....!! بتصدق ....!!!
وفقعناها ضحكة ....!!!

وتماضر مرتو تضحك لضحكاتنا التي تعالت تلامس السحاب .....!!
الله يجازي محنك يا الحبر

تبادلنا الذكريات وأرقام الهواتف ...وافترقنا علي أمل لقاء
الحبر أعاد للاسم البريق ....وحتما سيجمعنا الطريق ....

ياحليلك ياخ .....!!! 🥰

كانت لنا أيام🌹


#اووووه _مااااي ..قود .....!!!

- [ ]

والله مهما بلغ الإنسان، لَبقيَ على حالِه
ظلومٌ لنفسه
فقيرٌ إلى ربه
تتخبطه الدنيا بين طاعةٍ ومعصية
ولذةُ قربٍ وشقاءُ بُعد
ولازال يستمسك -وهو على ضعفه- بقولِ عزيزٍ رحيم:
رَبُّكُمْ أَعْلَمُ بِمَا فِي نُفُوسِكُمْ ۚ إِنْ تَكُونُوا صَالِحِينَ فَإِنَّهُ كَانَ لِلْأَوَّابِينَ غَفُورًا ♡

🔴 أشهد أن لا إله إلا الله و أشهد أن محمد رسول الله

🔴 أستغفر الله الذي لا إله إلا هو الحي القيوم و أتوب إليه

🔴 سبحان الله و بحمده سبحان الله العظيم

🔴 لا حول ولا قوة إلا بالله العلي العظيم

🔴 اللهم صل على محمد وعلى ال محمد كما صليت على ابراهيم وعلى ال ابراهيم انك حميد مجيد

🔴 سبحان الله وبحمده عدد خلقه ورضا نفسه وزنة عرشه ومداد كلماته

🔴 سبحان الله والحمــد لله ولا إله إلا الله والله أكبر

🔴 لا إله إلا الله الواحد الأحد الفرد الصمد الذي لم يلد ولم يولد ولم يكن له كفواً احد

🔴 لا إله إلا الله وحده لا شريك له له الملك وله الحمد وهو على كل شئ قدير

🔴 لا إله إلا أنت سبحانك إني كنت من الظالمين

🔴 اللهم يامقلب القلوب ثبت قلبى على دينك

🔴 اللهم أنك عفو كريم تحب العفو فأعفو عنا .. اللهم أتنا فى الدنيا حسنة وفى الاخرة حسنه وقنا عذاب النار ..

🔴 اللهم أسترنا فوق الارض وتحت الارض ويوم العرض عليك ..

والحمدلله رب العالمين والصلاة والسلام على أشرف المرسلين سيدنا محمد وعلى اله وصحبه أجمعين ..

أصبحنا واصبح الملك لله ..
لا اله الا انت سبحانك اني كنت من الظالمين ..
اللهم صل وسلم وبارك على نبينا محمد وعلى آله وصحبه أجمعين صلاة تنفك بها الكرب و تنحل بها العقد وتقضي بها الحوائج وتفتح بها أبواب الفرج يا الله ..

في المشرع لقى زملان الشقى
الجا من الجريف الجا من الجبل..
علّ الناس بخير 🧡

جيش الخير ..جمعة طيبة
بإذن الله تعالى حنبدأ حوجة الخلوه وانتو عارفين أجر القرآن وأهل القرآن
مامحتاجين نتكلم عنو وعن عظمتو من الصدقات الجارية ..
التكلفة الكليه مليون و886الف ما كتيرة
بإذن الله تعالى..ننويها خير ونقول يارب
2666730حاكمة محمد المهدي
باقي 430
الاشعار مهم😴♥️
+249117274431

نادر خضر الأمين ولد في عام 1971 في حي "بانت شرق" بأم درمان، ودرس مدرسيه الابتدائي في مدرسة أبو كدوك, ثم المرحلة المتوسطة في بيت الأمانة والثانوية في مدرستي النصر والمؤتمر الثانوية. أيضًا درس الجامعة في كلية الاقتصاد والعلوم السياسية بجامعة بونا في الهند.



بدأ نادر خضر مسيرته كمغن محترف في أكتوبر 1994م, ومنذ ذلك الحين قدّم عددًا من الأغاني التي لاقت صدى واسعًا بين الجمهور. من أشهر أغانيه: أقدار يا نور عيني أجمل حبيب للروح, أجمل حاجة فينا.

شارك نادر خضر في عدد من المهرجانات والاحتفالات داخل السودان وخارجه، وكان له حضور قوي في الساحة الفنية بفضل صوته العذب وقدرته على أداء الأغاني الحديثة بروح شبابية، مما جعله قريبًا من جيل الشباب، وفي نفس الوقت حافظ على روح الأغنية السودانية الأصيلة.

توفي نادر خضر في 20 مايو 2012 في حادث مروري بطريق التحدي قرب مدينة شندي شمال العاصمة الخرطوم أثناء عودته من حفل في عطبرة. رحيله شكّل صدمة في الوسط الفني السوداني، وبقي إرثه الغنائي حاضرًا في ذكريات مستمعيه.

ما نحن كان بينا الذكريات والأمنيات..وكلام كتير قلناهو آخر الليل سوا!

(ذات الرقاع )

الرسول صلى الله عليه وسلم كان جاي من موقعة
( ذات الرقاع ) معاه جيش من المسلمين …
وهو ماشي كدا لقي ( جابر بن عبد الله )
متأخر شوية عن الركب ..!!
رجع ليهو قال ليهو مالك متاخر
جابر قال ليهو ( ناقتي يارسول الله ) قال ليهو مالا ..؟؟

وكانت ضعيفة كدا وتعبانه شديد ما داير يقول ليهو زي م إنت شايف …؟؟ قال ليهو تبطيء بي

والرسول يعلم كل الحال

قال لي انخها يا جابر …ففعل …!!

الرسول هبشا كدا بعصاته
فقامت تسابق الريح …!!

وحس بيهو مهموم كدا ….

قال ليهو هل تزوجت ياجابر …؟؟
قل ليهو نعم يارسول الله
الرسول دخل في التفاصيل شويه قال ليهو بكر أم ثيّب
يعني متزوجه قبل كدا ام لم يسبق لها الزواج ..
قال ليهو ثيّب يارسول الله ….

انت تعلم إنو الوالد استشهد في أحد وترك لي تسعة اخوات ماعايز اجيب ليهم واحده صغيره زيهم على الاقل تخلي بالها منهم …

الرسول عليه أفضل الصلاة والسلام قال ليهو عارف نحن لما نصل ( المدينه ) ما حندخل طوالي حنقيف بالجيش بره شويه كدا حتى يعلم من بالداخل أننا وصلنا …

فتعلم زوجتك وتعد لك ( النمارق ) …!!
يعني الوسائد والمخدات …
جابر قال ليهو والله نحن نمارق ذاتو ما عندنا …

قال المصطفي ( ستكون نمارق ) ….!!! الله الله
( وهو قول معصوم )

جيش كامل وقفو الرسول بره المدينة حتى تعلم زوجة جابر
بقدومه وبقية النساء ليستقبلن ازواجهن

( أي عظمة منحها لك الرسول يا جابر )

وحبّ الرسول يديهو قروش لكن بطريقة لطيفة كدا
لاتحرجه وهو يعلم أنه عزيز نفسٍ وروح …

قام قال ليهو بتبيع لي ناقتك دي …!!؟

جابر عااااين كدا
قال ليهو بل أهبها لك يا رسول الله

الرسول قال ليهو لا لا داير اشتريها
جابر قال ليهو خلاص قدِر تمنا ..؟؟

الرسول قال ليهو بي درهم

جابر قال ليهو ممازحاً كان بي درهم اخير تشيلا

الرسول قال ليهو خلاص بي درهمين ..؟؟

جابر قال ليهو شويه …!!
المهم اتفاصلو كدا قال ليهو اربعين درهم
والرسول عليه افضل الصلاة والسلام يقصد ذلك حتى
يجعل للقصة قيمة ( وقيمة ) ..؟؟

جابر قال ليهو تمام يعني أوقية من ذهب …
فاراد النزول عنها الرسول قال ليهو خليك على ناقتك لمًا نصل
المهم لمًا وصلوا ربطها ( جابر ) في بيت النبي ومضى
الى بيته
لمًا شافا الرسول قال لي ( بلال ) ودي الناقة دي لي جابر ومعها المال ….
ولما وصل ( بلال ) إلى جابر ومعه الناقة
جابر قال ليهو البيعة اتلغت ولا شنو …؟؟
قال له ( بلال ) الرسول أمرني أن اعطيك الجمل والمال
فرجع جابر الرسول قال ليهو ما داير الناقة ،،؟؟

قال ليهو انت شفتني جابدتك في السعر …؟؟
أنا كنت عايز اعرف بس كم حاجتك من المال …
أنت إبن أخي ياجابر ….!!

فتهلل وجه جابر واشتري متاعاً لبيته وكانت
( النمارق )
الف صلاة وسلام عليك يارسول الله ..

اذن مهما اشتدت الضغوط في الحياة كان الرسول يعلمنا أنها ستتفرج وعندما وقف بالجيش خارج المدينة أراد لجابر أن يعيش الحياة ما دامت هناك فسحة من الأمل
وهو قد خرج للمعركة وهو حديث عهد بالزواج
وان لاتجعل ضغوط الحياة مهما ازدادت ان تعيش تفاصيلها ولكن كن متفائلاً وعش ماهو متاح
وعندما يقول لها الله كوني فستكون ….!!

وإذا الشدائدُ أقبلت بجنودها
والدهر من بعد المسرة اوجعك
ارفع يديك الى السماء ففوقها
ربُ إذا ناديته ما ضيّعك …!!

ابقوا طيبين !!..

ظَلمتُ نَفسِي بِعِصيانِي
فَيا نَدمي
إنْ كُنت تَمنع عن عاصِيك غُفْرانك!

ان الله وملائكته يصلون على النبي يا أيها الذين آمنوا صلوا عليه وسلموا تسليما..

ان الله وملائكته يصلون على النبي يا أيها الذين آمنوا صلوا عليه وسلموا تسليما..

ومسيخة القهوة لو كباية أو فنجان
لو ما كان رفيق جنبك وشُلة ونسة أو حِبان
وشن معني الكباري كمان
لو صِبحت عديل عشرين
وما وصلت رِحِم ( بحري )
ولو خانت هوي الخرطوم
ولو قطعت وصال الخوة في أمدرمان

أمَّا السَّفينةُ؛
وأمَّا الغُلامُ؛
وَأمَّا الجِدَار؛

-فَاللهُمَّ صَبرََا عَلى ما لَم نُحِط بهِ خُبرََا

جمعة طيبة بذكر الله و رسول الله 🩵

مساء الخير 🔥💙