اللهم في صباح هذا اليوم نسألك العوض الجميل بعد الصبر الطويل، اللهم درباً لا تضيق به الحياه وقلباً لا يزول منه الأمل

صباح الخير ♥️..

«اللَّهُم يا قَاضيَ الحَوائِج .. ربُّ هذا الكون العظيم يا رحمن السَّماوات والأرض، طمئن برحمتك كلَّ القلقين، وأسكن السَّلام والرَّاحة فيمن يعانون من حروبهم الداخليَّة، وأبدل من أكل الخوف والذُّعر قلوبهم طمأنينةً وحنان، وخذ بيد المشتَّتين والمبعثرين إلى ساحات الهدوء والأمان، وأجبر المكسورين جبرًا أنت ربَّه ووليَّه. يا رحمن يا رحيم..»

مدام في النهاية قِسم
خلاص يا قلبي ما تشيل هم
المكتوبة ما بتتفات
والراح ما بِجيبو نَدم 💛💛.

#الاء

هميم ان ندهو بقضى غرض
وان عاديتو سقم ومرض 💪🏽❤️

📸صالح العربي

#الاء

كنت لا أدري كيف يداوي الله قلوبنا
يحفنا برحمته
ويكفلنا..
وكيف للحزن أن يزول في لحظة لا ندركها
ورحماته التي تتنزل علينا كل حين
وكيف تتحول الصدمات على قلوبنا لنفحات وهدوء يُشبه (الطبطبة)
حتى عرفت أننا بلُطف الله ننجو.

"‏من الآيات التي أجدها سلوى في كل خطوة أخطوها في حياتي .. قوله تعالى:
( وَإِن يُرِدك بخيرٍ فلا رادَّ لِفضله )

-لا أحد يستطيع أن يردّ عنك خيرًا كتبه الله لك، ولا أحد يستطيع أن يُغلق عنك باب رحمته ولا رزقه ولا توفيقه ..
لن تُربكك تدابير البشر ما دمت موقن أن الأمر كُلّه بيد الله." 💚

#الاء

#عصر الجمعة..

مَن أَحبَّكَ دَعَا لكَ
وَمن دَعَا لكَ فقَد أَبْلَغَ فِي مَحبَّتِكَ..

‏اللهمَّ اجعلني خيراً مما يظنون ، و اغفر لي مالا يعلمون ، ولا تؤاخذني بما يقولون ، فإنك تعلمُ وهم لا يعلمون.

عمك يعقوب لما ساب سوق أمدرمان وفات عمل ليهو دكيكين صغير في سوق صابرين أبوي قال لي (أمانة ما السوق فقد راجل)
اتحيرت طبعا في كلام أبوي لأنو عمك دا لما السوق يكون زحمة مافي زول بشوفو نهائي .. هو أصلا كائن غير مرئي ومختفي تحت كرعين الناس .. زول مغبر قاعد في الواطة ببيع فتايل صغيرة بتاعت ريحة وعندو شوية زباين بشترو منو ومحددين موقعو وسط الزحمة .. عمك يومو كل مدنقر يحسب في الفتايل ويفرز ويربط كل مجموعة مع بعض .. ماعندو قضية بالعابرين .. قامت حولو عمارات سريعة ودكاكين بعتبات عالية وهو مكانك سر
أبوي قال لي (أمانة سوق امدرمان ما فقد راجل)
ضحكت وقلت ليهو ياتو راجل يا يابا
أبوي قال لي اضحك ساي لأنك ماحصلت مرحلة الرجال البشوفو الرجال
.
عمك يعقوب دا مرة قاعد في قعدتو وبشارة التاجر بتاع الاجهزة الكهربائية جاب شحنة شاشات منزلها في المخزن .. العتالي ود شاب شغال بمزاج والتجار ماشاء الله قاعدين قدام الدكاكين بشربو في قهوة الصباح .. العتالي لابس عراقي اظنو رهيف شوية وجيييييط العراقي انشرط والضهر كلو بقى في الشارع ضاربو الهواء .. العتالي اتلفت مخلوع وماكمل بعيونو دايرة كاملة حوالينو .. عينو وقعت في عمك يعقوب الوقف علي حيلو وملص الجلابية وكان لسة بعاين في الفتايل التحتو .. عمك دا في السوق مابتشاف إلا يقوم علي حيلو شفت كيف .. منظر التقول متفقين عليهو .. الولد العتالي جا طوالي ناحية عمك يعقوب اتناول الجلابية انستر بيها وفات يتم شغلتو .. اقسم بالله الاتنين ديل ماكان بيناتم معرفة غير الرجالة .. الولد العتالي ماعاين لينا نحنا القاعدين في الكراسي واللابسين الجلاليب الفخمة .. عينو اختارت عمك يعقوب ويعقوب كان جاهز .. أبوي عاين لي لما دموعو لمعن في عينو وقال لي تعرف الولد اختار عمك يعقوب ليه .. عشان الجلابية عند الناس الزي يعقوب اسمها سترة .. نحنا عندنا جلاليب وقماش فاخر وتفصيل وجنصصة ووجاهة .. عرفت الرجالة كيف ياولدي .. الرجالة لما ربنا يديك ليها حتى العتالي العابر بشوفها فيك ويختارك .. راجل شاف راجل .. نحنا قاعدين فوووق في الكراسي وعمك يعقوب قاعد تحتنا في طرف الشارع لكن بتشاف أكتر مننا
وقع ليكم
___ سهل الطيب 💚💚

_

يا غنانا المشتهنو ياني موعود بي زمانك .."❤️

#الاء

سيد الاستغفار : اللهمَّ أَنْتَ رَبِّي لا إِلَهَ إلا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لا يَغْفِرُ الذُّنُوبَ إلا أَنْتَ

خلوني وحدي بلا انيس
كيفن انفرادي بتحملو 💔